تۇپراق تۇغدىمۇ سىنى؟
ياكى تۇپراق تۆرەلدى سەندىن؟



1
بۆلەپ سىنى يىلتىزىغا،
باقتى مەجنۇنتال.
قىش كۈنلىرى،
دەريا ئوتۇن تەردى ئورماندىن،
ئۇخلار ئىدىڭ تۈن بىلەن بىللە،
ئۈزۈلمەس ئىدى
ئۈزۈك_ئۈزۈك ئەللەيلەشلەر.


2.
ئۆمىلىدىڭ
توپلاشتى چۆرەڭگە يۇلتۇزلار.
پەسىللەر سېنى تە_تە قىلىشتى،
ۋىلىق-ۋىلىق كۈلەتتىڭ،
كەلدى ئالدىڭغا يۈگۈرشۈپ
گۈل_چېچەكلەر.


3.
چىقتىڭ كوچىغا،
كىيىپ ئۇچاڭغا ھەسەن_ھۈسەننى،
دېرىزلەر ئىچىلدى ساڭا
رەستىلەر
يۈگۈرشۈپ كەلدى ئارقاڭدىن.



4.
قۇشقاچلار
چاڭگا قىلدى چاچلىرىڭنى،
ھەسەل ھەرلىرى
ئۇچۇپ كېلىشتى لەۋلىرىڭگە
تۈنلەرمۇ
كۆچۈپ كەلدى كۆزلىرىڭگە.


5.
كۆزۈڭدە ئاي،
ئاي،،،،،،،،،،،،
بۇلۇت ئىزلەپ چىقار سەپەرگە.
قالار ئارقىدا قاقاس تاغلار
پۇلاڭلىتىپ قوللىرنى
ۋادىلىرىڭ چاقماققا تەشتا،
يامغۇرغا تەشنا.



6.
ئاۋازىڭدىن پۇراپ تۇرار،
نوزۇگۇمنىڭ كۆيگەن قېنى،
دولقۇنلارنىڭ ھۇۋلاشلىرى،
ئاۋازىڭدا.



7.
ئوڭ قولۇڭدا،
كېپەنسىز قەبرىلەر
ئۇندا چۆچەك
ئولتۇردۇ  دۇئا قىلىپ،
سول قولۇڭدا بۆشۈكلەر،
ئۇندا ئانا
تەۋرىتىدۇ ئەللەيلىتىپ.



8.
سەن كۆز يۇمساڭ،
كۆتۈردۇ تۆت پەسىل جىنازاڭنى،

يىغلاپ كىلەر تاۋۇت كەينىدە،
بارچە دەرەخلەر.



ئۇيغۇر قىزى
قەبرەڭ قۇياشتا.

ئەخمەتجان ئوسماننىڭ<ئۇيغۇر قىزى لىرىكىسى> ناملىق كىتابىدىن ئىلىندى