خورەك تارتىش، كېسەللىك ئالامىتى بولۇشى مۇمكىن.
خورەك تارتىش، ئۇخلاۋاتقاندا نەپەسنىڭ توختاپ قېلىشىغا سەۋەب بولۇپ قالىدۇ. ئۇخلاۋاتقاندا نەپەسنىڭ توختاپ قېلىشى بولسا، يۇقىرى قان بېسىمى، يۈرەك ۋە دىئابىت كېسەللىكلىرىنى كەلتۈرۈپ چىقىرىدۇ.
خورەك تارتىش، ئادەتتە سېمىز كىشىلەردە كۆرۈلىدىغان بولۇپ، ئۇخلاۋاتقاندا نەپەسنىڭ توختاپ قېلىشىنىڭ بىشارەتلىرىدىن بىرى بولۇپ ھېساپلىنىدۇ.
بۇ ھەقتە، قۇلاق،-بۇرۇن،-تاماق كېسەللىكلىرى مۇتەخەسسىسى دوختور گۆكھان ئولگاي مۇنداق دەيدۇ: «ئۇيقۇدا نەپەسنىڭ توختاپ قېلىشى دېمەك، ئۇخلاۋاتقاندا نەپەسنىڭ خۇددى بوغۇلۇۋاتقاندەكلا توختاپ قېلىشى دېمەكتۇر.»
كونترول قىلغىلى بولمايدىغان يۇقىرى قان بېسىمى ۋە دىئابىت كېسەللىكلىرىنىڭ ئاستىدىمۇ كۆپىنچە ھاللاردا ئۇيقۇدا نەپەسنىڭ توختاپ قېلىشى ياتىدۇ.
ئولگاي يەنە مۇنداق دەيدۇ: «خورەك تارتىش، يۇقىرى قان بېسىمى ۋە يۈرەك كېسەللىكلىرىنىڭ ئەڭ روشەن نامايەندىسى. چۈنكى خورەك تارتقۇچىلاردا ئادەتتە تۈن بويى ئوكسىگېندىن مەھرۇم قېلىش، ياخشى ئۇخلىيالماسلىقتەك ئەھۋاللار كۆرۈلىدۇ. كۆكرەكلىرىنىڭ ئىچىدە دائىم دېگۈدەك مەنپىي بېسىم بولغانلىقتىن قان بېسىمى يۈقىرىلىشىشقا قاراپ يۈزلىنىدۇ. بۇ بولسا، دىئابىت كېسەللىكىنى كونترول قىلىشنى قىيىنلاشتۇرۇش ھادىسىسىنى كەلتۈرۈپ چىقىرىدۇ.»
------------------------
زەمزەم تىبابەت تور بېكىتىدىن زەمزەم ئەپەندى يازمىسى
زەمزەم تىبابەت تور بېكىتى
http://xjzamzam.com/