يېقىندا بورتالا شەھىردىكى باشلانغۇچ مەكتەپلەردە بىر قېتىملىق ئالاھىدە ئاتا - ئانىلار يىغىنى ئۆتكۈزۈلدى . يىغىن مەزمۇنى ئوقۇغۇچلارنىڭ ئۈگۈنۈش ئۇسۇلى ياكى شەر شارائىت مەسلىسى بولماستىن بەلكى MORTUM نامىدىكى قوشۇمچە دەرسلىك ماتىرىياللارنى ئوقۇغۇچىلارغا ، قارشى پىكىرسىز ھالدا تارقىتىش ئۈچۈن ئاتا - ئانىلارنىڭ رازىلىق بەرگەن ئىمزاسىغا ئېرىشىش ئالدىنقى مەقسەت قىلىنىغان ئىدى .
     MORTUM سىز ، ھازىرقى دەرس ئوقۇتۇش ئۇسۇلىمىزدا ئىلگىرلەش بولمايدۇ !
     بۇ شۇ خىزمەتكە مەسئۇل بولغان ئوقۇتقۇچىلارنىڭ پىكىرى . دۆلەت ئوقۇغۇچىلارنىڭ سومكىسىنى يەڭگىللىتىش ، ئوقۇش بېسىمى ۋە خىراجەت بېسىمىنى تۆۋەنلىتىش مەقسىتىدە نۇرغۇن چارە - تەدبىرلەرنى يولغا قويغان بولسىمۇ لېكىن ئوقۇغۇچىلارغا پايدىلىق ئەمما مۇناسىۋەتسىز ماتىرىياللار ئوخشاش بولمىغان يوللار بىلەن يەنىلا ئوقۇغۇچىلارنىڭ سومكىسىدىن ئورۇن ئېلىپ نارسىدە باللىرىمىزنىڭ قوبىل قىلىش دائىرىسىنى زور بېسىم بىلەن تەمىنى ئېتىپ كەلدى . ئاپتونۇم رايۇنلۇق ئوقۇتۇش تەتقىقاد ئىشخانىسىنىڭ مەسئۇلى تەلئەت قادىرى شىنجاڭ گېزىتىدە ئېلان قىلغان مەلۇم بىر پارچە ماقالىسىدا ، مەكتەپ باللىرىنىڭ ئوقۇشىنىڭ تۈپ كاپالىتى ھەققىدىكى ئوقۇتۇش ماتىرىياللىرى شىنجاڭ مائارىپ نەشرىياتى توققۇز يىللىق مەجبۇرىيەت مائارىپى ئۈچۈن تۈزۈپ ، نەشر قىلىپ بەرگەن ئوقۇتۇش ماتىرىياللىرى بىرىنجى قول ماتىرىيال بولىدۇ . ئوخشاش بولمىغان يوللار بىلەن كەلگەن پايدىلىنىش ماتىرىياللىرى پەقەت دەرستىن سىرتقى قوشۇمچە ماتىرىياللاىق رولىنى ئوينايدۇ ، شۇڭا ھەر دەرجىلىك ئوقۇتۇش ئورۇنلىرى بۇنداق ماتىرىياللارنى ئوقۇغۇچىلارنىڭ سومكىسىغا كىرگۈزىشىگە بولمايدۇ ، دەپ ئېنىق ئوتتۇرغا قويۇپ ئۆتكەن ئىدى . شۇنداقتىمۇ MORTUM رەھبەرلىگىدىكى زور بىر قىسىم قوشۇمچە ماتىرىياللار ھەر ئوقۇش مەۋسۈمىدە ئۈزۈلمەي كىلىپ تۇردى . بۇنىڭ بىلەن بالىلارنىڭ ۋاقتى تالان تاراجقا ئۇچراپ بالىلار ئۇخلاش ۋاقتىدىن باشقا بارلىق ۋاقىت چەمبىرىكى ئىچىدە ئوقۇپ ئالىم بولۇشدەك مەنتىقىسىز ئۈگۈنۈش يولىغا كىرىپ قالدى .
   -بىزگە ئالىم بالا كېرەك ئەمەس ، نورمال تەپەككۈردىكى بالا كېرەك! بالىلارغا بىلىم بىلەن بۇنداق بېسىم قىلىش بالىلارنى نابۇت قىلىشتىن بۆلەك نەرسە ئەمەس .
     بۇ شۇ قېتىملىق يىغىندىكى بىر ئاتىنىڭ پىكىرى . لىكىن بۇ يىغىن پكىر ئېلىش يىغىنى بولماستن بەلكى ئىمزا قويدۇرۇش يىغىنى بولغانلىقى ئۈچۈن بۇ پىكىر قوبىل بولمىغان .
    - ھەممە بالىلار ئالسا پەقەت مېنىڭلا نەۋرەم ئالمىسا ، بالىنىڭ روھى دۇنياسىدا ئۆزىنى كەمسىتىش پىسخىكىسى يۈز بېرىشى مۈمكىن . بۇ پەقەت ئوتتۇز - قىرىق يۈئەنگە مېنىڭ چېقىنالمىغىنىم ئەمەس بەلكى رەت قىلىش ھوقۇقىم ئىدى . بىز بىرنەچچە دۆلەت كادىرىدىن باشقا بۇ بالىلار بىلەن يەنە نۇرغۇن ئەڭ تۆۋەن تۇرمۇش كاپالەت سوممىسى ئېلىپ تۇرمۇش قامدايدىغان قىيىنچىلىقتىكى قېرىنداشلىرىمىز بار . ئۇلار بۇنىڭ بىلەن مائارىپ نەشرىياتى ھەقسىز تەمىنلىگەن ئوقۇتۇش ماتىرىياللىرىغا ئېرشكەندىن سىرت پايدا ئېلىشنى مەقسەت قىلغان يەنە بىر تۈركۈم ھەقلىق رەۋىشدىكى ماتىرىياللار ئېلىش مەجبۇرىيىتىنى ئۈستىگە ئېلىشقا مەجبۇر بولدى . بۇنىڭ بىلەن ئاتا - ئانىلار خىراجەت بېسىمىگە دۇچ كەلسە بالىلار چەكتىن ئاشقان ئۈگۈنۈش بېسىمىغا دۇچ كەلدى . شۇنداق بولسىمۇ مەن مائارىپ ئالدىدىكى ئامالسىزلىقىم سەۋەبىدىن ئىمزا قويۇشقا مەجۇر بولدۇم .
     شۇنداق قىلىپ بۇ قېتىمقى ئاتا - ئانىلار يىغىنى MORTUM غا ئىمزا قويدۇرۇش پائالىيىتىنى ئوڭۇشلۇق تاماملىغان بولدى . دېمەك ئايان بولدىكى بۇ پائالىيەت MORTUM غا ئالدىن مۇشتىرى بولۇش رولىدىكى پائالىيەت ئىدى .
  مەكتەپ MORTUM ماتىرىياللارنى قايسى ئۇسۇلدا مەكتەپكە كىرگۈزىدۇ ؟
مەن يېقىندا بىر ئوقۇرقۇچىدىن ئىگىلىگەن ئۇچۇرلار بۇ سۇئالغا جاۋاپ بەردى .
بورتالا ئوبلاستلىق شىنخۇا كىتاپخانىسى مارت ئايلىرىنىڭ ئاخىرىدا مەكتەپلەرگە بىر قېتىملىق چاي زىياپىتى بەرگەن  . چاي زىياپىتىنىڭ داۋامىدا كىتاپخانا مەسئۇلى ئوقۇتقۇچىلارغا ؛ بۇنىڭدىن كىيىن مەكتەپلەرنىڭ MORTUM ماتىرىياللارنى شىنخۇا كىتاپخانىسىدىن سېتىۋىلىشى كېرەك ئىكەنلىكى ، MORTUM نىڭ كىيىنكى سېتىش ھوقۇقىنى شىنخۇا كىتاپخانىسى ئۈستىگە ئالغانلىقىنى بايان قىلغان ۋە ھەر بىر ئوقۇتقۇچىنىڭ ئۆزلىرىنىڭ خىزمىتىنى قوللاپ بېرىشى ئۈچۈن 100 يۈئەن قىممىتىدىكى ھەقسىز كىتاپ ئېلىش كارتىسى بىلەن مۇكاپاتلىغان  . ئارقىدىن يەنە قايسى ئوقۇتقۇچى ئۆز تەۋەسىدىكى سىنىپ بالىلىرىغا بۇ خىل ماتىرىيالنى سېتىپ چېقىرالىسا كىتاب بېشىدىن بىر يۈئەن سېتىپ چېقىرىش ھەققى بېرىدىغانلىقىنى بايان قىلغان .
     دېمەك MORTUM ماتىرىياللىرىنىڭ مەكتەپكە ، مەكتەپ ئارقىلىق سومكىغا كىرىش ئۇسۇلى ئېنىق بولدى . MORTUM ئۆز نۆۋىتىدە بىر خىل بىلىم بايلىقى . لىكىن بالىلارنىڭ قوبىل قىلىش ئىمكانىيىتىنى نەزەرگە ئالمىغان ئاساستا بىلىمنى سىغىمچانلىقدىن ئاشۇرۇپ مېڭىگە قاچىلاش ئاخىرقى ھېسسپتە بالىلارنى ناپۇت قىشتىن باشقا رول ئوينىمايدۇ .
   قانداق قىلىش كېرەك ؟
مائارىپ دۆلەتنىڭ . مائارىپ نازارىتى ھەر دەرجىلىك ئوقۇ - ئوقۇتۇش مەركەزلىرىنى نازارەت قىلىش ئورگىنى . شەخسنىڭ پىكىرى ئىلىك ئېلىنمىغىنى بىلەن مائارىپ نازارىتىنىڭ پىكىرى چوقۇم ئىلىك ئېلىنىشى مۈمكىن . بۇ مۇناسىۋەت بىلەن مەن پىكىرى ئىلىك ئېلىنمىغان بارلىق ئاتا - ئانىلارنىڭ نامىدىن مەكتەپ ئورۇنلىرىدىكى بۇ خىل مەسئۇلىيەتسىز قىلمىشلارنى ، بىر نەچچە يۈئەن پايدىنى دەپ بالىلارغا بىلىم زۇلۇمى سېلىۋاتقان ھەركەتلەرنىڭ ئەڭ ئۈنۈملۈك ئۇسۇل بىلەن چەكلىشىنى ھەم توسۇشىنى ئۈمۈت قىلىمەن .

مەن بىر ئۇقۇتقۇچى، مۇرتۇم ناملىق بۇ ماتېرىيال بىر مەھەل بىزنىڭ مەكتەپلەردىمۇ خېلى غۇل-غۇلا قۇزغىغان. بۇ ماتېرىيالنىڭ بىزگە كەلگەن نۇسخسىنى بىر مەۋسۈم ئېچىپمۇ قۇيماي ئۆتكۈزىۋەتتۇق. چۇنكى بۇ ماتىرىيالنىڭ دەرسلىك بىلەن ماسلىشىش جەھەتتە كۆپ يېتەرسىزلىكلىرى بۇلغانلىغى ۋە مەجرۇبى سېتىلغانلىغى سەۋەپ بۇلغان .....

  سىز دەۋاتقان مورتۇم (MORTUM)قانداقتۇ بىر ئوقۇتۇش ۋە پايدىلىنىش ماتېريالى تەتقىق قىلىدىغان ئورۇن ئەمەس. ياكى نەشرىيات ئورنىمۇ ئەمەس. MORTUM بولسا باسما زاۋۇت بولۇپ، بۇ زاۋۇت ھارقايسى نەشرىيات ئورنىنىڭ نەشىرگە تەييارلىغان ۋە نەشىر قىلغان ماتېريالنى بېسىپ تۈپلەپ چىقىدىغان باسمىچىلىق كارخانىسى. ئۇنداقتا MORTUM دېگەننى قانداق چۈشىنىش كېرەك؟ MORTUM بۇ بىر ماركا. بىر باسما زاۋۇتنىڭ نامى.
  شىنجاڭدا ھازىر ئوتتۇرا باشلانغۇچ مەكتەپنىڭ دەرىسلىك كىتاپ ماتېرياللىرىنى ئاساسلىقى شىنجاڭ شىنخۇا 1-، 2-، 3- باسما زاۋۇت بېسىپ تۈپلەش ۋەزىپىسىنى ئۈستىگە ئالغاندىن باشقا يەنە باشقا ئاز قىسىم ماتېريالنى باشقا زاۋۇتلاردا بېسىپ چىقىرىدۇ. MORTUM باسما چەكلىك شىركىتى ئوقۇغۇچىلارنىڭ پايدىلىنىش ماتېريالىنى كۆپرەك باسقانلىقى ئۈچۈن كۆپ ساندىكى كىشىلەر بۇMORTUM نى قانداقتۇ پايدىلىنىش ماتېريالىنى تەتقىق قىلىپ تۈزۈپ چىقىدىغان ئورۇن دەپ قارىغان.  

مانا بۇ جۇڭگۇچە    << مائارىپنى بازارغا يۈلەندۈرۈش>>>.......           

http://dilax613.blogbus.com

كەچۈرۈڭ بۇرادەر .  مەن مورتۇمنىڭ ئادەم تەشكىللەپ ھەم ھەق بېرىش ئاساسىدا پايدىلىنىش ماتىرىيالى چېقارماقچى بولۇپ بالىلار سىفەندىن ئادەم تەشكىللىگىنىنى ئۆز كۆزۈم بىلەن كۆرگەن . مورتۇم دەسلەپ ئەدەبىي كىتاپلارنى ئاساس ، دەرسلىك كىتاپلارنى قوشۇمچە نەشر قىلىش بىلەن شۇغۇللانغان . كىيىن بىراقلا پايدىلىنىش ماتىرىيالى كىتاپلىرىغا ئۆتۈپ كەتكەن . شۇنىڭ بىلەن ئەسلىدىكى كىچىك بىر نەچچە ئىشخانىسى ھازىر يوغان بىر ئىدارىغا ئايلىنىپ كەتتى .  ئىشەنمىسىڭىز ئۈرۈمچىگە بېرىپ تەكشۈرۈپ باقسىڭىز بولىدۇ .

مورتۇم شېركىتى ئۇيغۇرلارنىڭ تۇنجى كەڭ كۆلەملىك شېركىتى، ئۇمۇ رېقابەت داۋامىدا  نەپ ئالسۇن  قىرىنداشلىرىم، يانداشما مەشىقنىڭ كۆپ بولىشى ئۇنىڭ ئىشى ئەمەس، ئۇ ئالىمىز دىسە ساتىدۇ، سىللەرچە ئۇنىڭ  ھوقۇق  دائىرىسى  مائارىپ باشقۇرۇش، بىكىتىش دائېرسىگە كىرىپتىما؟   ياق، قارسىغا گەپ قىلمايلى، تاپشۇرۇقنىڭ كۆپ- ئازلىق مەسىلىسى مائارىپ مەمۇرى تارماقلىرىنىڭ بىكىتىشىدىن بولغان!!!!!  قىزىقتە، سۇپەت مەسىلىسى بولسا چىرايلىق تەكلىپ بەرسەك بولىدۇ، قاچانمۇ تۇگەر بىزدىكى ئۆزىمىزنى يەكلەش، چەكلەش ئىشى. ........

مورتۇمنىڭ ئوقۇتقۇچڭلارغا ئەكەلگەن ئاۋاگەرچىلىقىمۇ مەكتەپلەردە خىلى گەۋدىلىك بولۇپ قىلۋاتىدۇ  . ئوقۇتقۇچىلا خىزمەت قوللانمىسىدىكى تولدۇرۇشقا تىگىشلىك خىلى كوپ مەزمۇنلا سائەتلىك پىلاندىمۇ بار، دەرىس ئاڭلاش ،ئوقۇغۇچىلانىڭ نەتىجىسىنى يازدىغان ئورۇن ھەر ئىككىسىدە بار ،پىلان خۇلاسە يازدىغان ئورۇن ،ھەر ئككىسىدە بار ماكتەپ مۇدىرلىرمىز ھەر ئىككىسىنى توشقىزسەن دەيدۇ ..........ئوقۇتقۇچىلارغا ئازراق كۆڭۈل بولۇپ قويۇڭلا  .پۇل تېپىش مەخسىدىدە ماتىريالنىڭ ھەجىمىنى چوڭايتىۋەتمەڭلا، ئىخچامراق تەييارلاڭلا .ئوشۇق ئىشقا سالماڭلا .ئۇلامۇ سىلەگە ئوخشاش ئادەم.  

مەممەت مۇئەللىم ياخشىمۇ سىز ؟ بۇ يەكلەش ئەمەس بەلكى بېسىمنى يېنىكلىتىش ئۈچۈن دېيىلگەن گەپ . مىسال ئالساق ؛ ئۈچ يىلدىن بۇيان بۇ خىل ماتىرىيال ئىزچىل تارقىتىلىپ كەلدى . مىنى ئويلاندۇرغىنى ئوقۇتقۇچىلارنىڭ بىلمەستىنلا << بۇ مائارىپ نەشرىيەتنىڭ ئورۇنلاشتۇرىشى ، سەۋەپ كۆرسەتمەي ئىلىشىڭىلار كېرەك>> دەپ تارقىتىپ ئۆزلىرى تارقاتقان ماتىرىياللارنى سىنىپتا ئۆتۈپ تۈگۈتۈشكە ۋاقتى يەتمەي بالىلارغا يىل ئاخىرىدا تەكشۈرىلىدىغان تاپشۇرۇق سۈپىتىدە ۋەزىپە قىلىپ بەرگەن . بۇنىڭ بىلەن باسمىدىن قانداق يېڭى چىققان بولسا يىل ئاخىرلىشىپ كېرەكسىز قەغەز ئالىدىغان 60 ياشلىق لوخەن بوۋاي كەلگۈچە شۇ پىتى يېڭى تۇرۇپ ئاخىرىدا كېرەكسىز كەغەز سۈپىتىدە ئەسكى ھارۋىدىن ئورۇن ئالغانلىقدۇر . بۇ قېتىم بولسا شىنخۇا كىتاپخانىلىرىنىڭ مەكتەپ رەھبەرلىرى ۋە ئوقۇتقۇچىلارغا چاي بېرىپ ، پارا ھېسابىدا 100 يۈئەندىن كارتا تارقىتىپ ، ئۇنى ئاز دېگەندەك كىتاب بېشىدىن بىر يۈئەندىن تاپان ھەققى ئاجرىتىپ بېرىش ئۇسۇلى بويىچە بۇ خىل ماتىرىياللارنىڭ سېتىلىشىنى ئىلگىرى سۈرگەنلىگىدۇر . پارا بىلەن بولغان ئىش چوقۇمكى ھەققانىي ئىش بولمايدۇ .
سىز ۋە بىز يەنە مۇنۇ ئىشنى ئويلىشىپ باقايلى . باشلانغۇچ مەكتەپ ئوقۇچىلىرىنىڭ تەن ئېغىرلىقى سومكىنىڭ ئېغىرلىقىدىن ئېغىر بولىشى كېرەكمۇ ياكى سومكىسىنىڭ ئېغىرلىقى تەن ئېغىرلىقىدىن ئېغىر بولىىشى كېرەكمۇ ؟ ئەمدى باشلانغۇچ مەكتەپ ئوقۇغۇچىسىنى تەن ئېغىرلىقى بىلەن سومكسىنىڭ ئېغىرلىقىنى ئۆلچەپ بېقىڭ .
مېنىڭچىمۇ يوللانمىدا بايان قىلىنىغان پىشقەدەم ئوقۇتقۇچىنىڭ دېگىنى توغرا . يەنى << بىزگە ھازىر ئالىم بالا كېرەك ئەمەس  ، نومال تەپەككۈرىدىكى بالا >> ئۆزىمىزنىڭ كارخانىلىرىغا بولغان ھېسداشلىق بىلەن قوللاشنى بىر بىرىگە ئارلاشتۇرىۋەتمىسەك . مورتۇمنىڭ كىتاپ باسقۇسى ، كىتاپلارنى نەشرگە تەييارلاش پىلانى بولسا تەپەككۈرى يىتىلمىگەن بالىلار ئۈچۈن ئەمەس ، تەپەككۈر مويەن دەرجىدە يېتىلگەن چوڭلار ئۈچۈن ھەر خىل ژانىردىكى ئەدەبىي كىتاپلارنى نەشر قىلىپ ، بېسىپ ساتسۇن . چوڭلارىڭ پۇلىنى ئالالماي كچىكلەرنىڭ پۇلنى سىياسەتكە يۆلەپ ئالسا بولمايدۇ - دە .

   بۇ تىمىغا ئەجىبا شۇ مورتوم شېركىتىنىڭ ئادەملىرى ئىككىلىك گەپ قىلىشماپتا،شۇ شېركەتنىڭ مەسئولى تورداشلارغا، بۇلۇپمۇ مۇشۇ نوقتىغا قىزىقىدىغان ئاتا _ ئانىلارغا بىر جاۋاپ بېرىشى كېرەكتىغۇ، ئىشچى قۇبۇل قىلىمىز دەپ مۇنبەرگە ئېلان بېرىدىكەنۇ مانا مۇشۇنداق تىمىغا نىمىشقا جاۋاپ بەرمەيدۇ؟ ياكى بۇ تىمىنى ئۇلار كۆمىگەندىمۇ؟ ياكى خىجالەت بۇلۇپ گەپ قىلالمىدىمۇ بىلمىدىم، مۇشۇ تىمىنى كۆرۇپ ھەتتا بۇ تىما ئارقا بەتكە ئۇتۇپ كەتكىچە ئۇلاردىن سادامۇ يوق...........
  قىنى مۇرتوم رەھبەرلىكى بۇنىڭغا بىر نىمە دەپ باقسۇن!

مىنىڭچە بۇ مورتۇم،يانداشمالارنىڭ تەننەرقىنى تۆۋەنلىتىش كىرەك.ئۇنىڭ مۇقاۋىغا ئارتۇقچە ھەشەم قىلىپ باھاسىنى ئۆستۈرۋىتىشنىڭ ھاجىتى يوق.ئەلۋەتتە سۈپەت مۇھىم .ئەمما قەغەز سۈپىتى،مۇقاۋالارنىڭ رەڭدارلىقىدىن ئىچىدىكى مەزمۇن سۈپەتلىك بولسا بولدى.

مىنىڭ ئارتۇق سۆزلىگىم يوق، چۈنكى مەن ھازىرغا كەلگۈچۈ مەكتىۋىمىزگە مورتۇمنىڭ كىتاب ۋە پايدىلىنىش ماتىرىياللىرىنىڭ كەلگىنىنى كۆرگىنىم يوق، بىراق مىنىڭ بىلىدىغىنىم مورتۇم شىركىتى ئۇيغۇرلار قۇرىغان بىردىن-بىر يول ئىچىپ ئىلگىرلەۋاتقان باسمىچىلىق شىركىتى.
مەنچە پايدىلىنىش قىممىتى بولسا تەرەققى قىلغان شەھەرلەردىكى ئوقۇغۇچىلار پايدىلانسا بولىدۇ. چۈنكى بىر ئوقۇغۇچىنىڭ بىر يىللىق ئوقۇش ماتىرىيالىغا 40نەچچە يۈەن پۇل خەجلەپ قويۇش ئۇنچە بەك ئەندىكىپ داۋىراڭ سالغىدەك ئىش ئەمەس، بۇ پۇل بورتالادا ئۈچ ئادەمنىڭ بىللە غىزالىنىشىغا يەتمەيدىغۇ دەيمەن.
ئۆز قىرىنداشلىرىمىزنىمۇ قوللاپ قويايلى.

.مورتۇم شېركىتى ئۇيغۇرلارنىڭ تۇنجى كەڭ كۆلەملىك شېركىتى، ئۇمۇ رېقابەت داۋامىدا  نەپ ئالسۇن.       MORTUM سىز ، ھازىرقى دەرس ئوقۇتۇش ئۇسۇلىمىزدا ئىلگىرلەش بولمايدۇ،                                            قارسىغا گەپ قىلمايلى، تاپشۇرۇقنىڭ كۆپ- ئازلىق مەسىلىسى مائارىپ مەمۇرى تارماقلىرىنىڭ بىكىتىشىدىن بولغان!!!!!  قىزىقتە، سۇپەت مەسىلىسى بولسا چىرايلىق تەكلىپ بەرسەك بولىدۇ، قاچانمۇ تۇگەر بىزدىكى ئۆزىمىزنى يەكلەش، چەكلەش ئىشى. ........                

بۇ بىر مىللى كارخانا خالاس دەرىسلىكلەرنى تۇزۇش باشقىلارنىڭ ئىشى بېسىش كارخانىنىڭ ئىشى ،ئىككىسى ئىككى ئۇقۇم بۇنىڭلىق بىلەن كارخانىنى ئەيىپلەش مەنچە توغرا ئەمەس، ئوقۇغۇچىلار ياقتۇرمىسا ئالمىسىلا بولمىدىمۇ، ناچار تەرەپلىرىنىلام كۆرمەي ياخشى تەرەپلىرىنىمۇ كۆرۇپ باقايلى، مەسىلەن ئالى مەكتەپ ئىمتىھانىنىڭ سىرى دىگەندەك كىتاپلارنىمۇ كۆرۇپ بىقىپ ئاندىن بىرنىمە دەيلى.

Quote:

بۇ مەزمون12قەۋەتتىكىazmat0991نىڭ2009-04-02 12:35 دە يوللىغان يازمىسى   :
بۇ بىر مىللى كارخانا خالاس دەرىسلىكلەرنى تۇزۇش باشقىلارنىڭ ئىشى بېسىش كارخانىنىڭ ئىشى ،ئىككىسى ئىككى ئۇقۇم بۇنىڭلىق بىلەن كارخانىنى ئەيىپلەش مەنچە توغرا ئەمەس، ئوقۇغۇچىلار ياقتۇرمىسا ئالمىسىلا بولمىدىمۇ، ناچار تەرەپلىرىنىلام كۆرمەي ياخشى تەرەپلىرىنىمۇ كۆرۇپ باقايلى، مەسىلەن ئالى مەكتەپ ئىمتىھانىنىڭ سىرى دىگەندەك كىتاپلارنىمۇ كۆرۇپ بىقىپ ئاندىن بىرنىمە دەيلى.

بۇ پىكرىڭىز ئورۇنلۇق