سوزۇلما ئۆپكە كېسىلى بىمارلىرىنىڭ ئەتىيازدىكى كۈتۈنۈشى
ئۆينىڭ تېمپېراتۇرا ۋە نەملىكىنى مۇۋاپىق ساقلاش: شامالداپ قېلىشنىڭ ئالدىنى ئالغان ئاساستا، ھەر كۈنى ئاز دېگەندە ئەتىگەن ۋە چۈشتىن كېيىن ئىككى قېتىم دېرىزىنى ئېچىپ ھاۋا ئالماشتۇرۇش، ئۆي تېمېپراتۇرىسىنى℃ 18– ℃20 ئەتراپىدا ساقلاش كېرەك. ئۆينىڭ نىسپىي نەملىكى تۆۋەن بولسا، يەرگە سۇ چېچىش، ھۆل لاتا ئېسىپ قويۇش ياكى پارلاندۇرغۇچى(جياشىچى)ئىشلىتىش ئارقىلىق نەملىك ئاشۇرسا بولىدۇ.
تەبىئىي ئىسسىق يېمەكلىكلەرنى بەك كۆپ ئىستېمال قىلماسلىق : ئەتىيازدىكى قۇرغاق ھاۋانىڭ ھەزىم قىلىش سىستېمىسىغا بولغان تەسىرىنى ئازايتىش ئۈچۈن، تەبىئىي ئىسسىق يېمەكلىكلەرنى ئازراق ئىستېمال قىلىپ، ئۆپكىگە نەملىك يەتكۈزىدىغان يېمەكلىكلەر، مەسىلەن، نەشپۈت، قېزىنقۇلاق (مور)، تۇرۇپ، كۈنجۈت، ھەسەل قاتارلىقلارنى كۆپرەك ئىستېمال قىلىش كېرەك. توسۇلۇش خاراكتېرلىك ئۆپكە كېسىلى بىمارلىرىدا ئۇزۇن مۇددەت ئوكسىگېن يېتىشمەسلىك كۆرۈلىدىغان بولغاچقا، ئوخشاش بولمىغان دەرىجىدە ئوزۇقلۇق ياخشى بولماسلىق ئەھۋالى كۆرۈلىدۇ. شۇڭا، تەركىبىدە ئەلا سۈپەتلىك ئاقسىل، ۋىتامىن ۋە مىكرو مىقدارلىق ئېلېمېنتلار مول بولغان يېمەكلىكلەر، مەسىلەن، سۈت، تۇخۇم، توخۇ گۆشى، ئۆردەك گۆشى، باچكا گۆشى، بېلىق قاتارلىقلارنى كۆپرەك ئىستېمال قىلىش كېرەك.
ئەتىگەن سائەت 9 – 10 دا بەدەن چېنىقتۇرۇش: دائىم بەدەن چېنىقتۇرسا، ئۆپكە پۈۋەكچىلىرىنىڭ ئەۋرىشىملىكىنى كۈچەيتىپ، نەپەسلىنىشنى ياخشىلاپ، قاندىكى ئوكسىگېن مىقدارىنى ئاشۇرۇپ، ئوكسىگېن كەمچىل بولۇشنى پەسەيتىدۇ. ئەتىيازدا ئەتىگەن ھاۋا قۇرغاق، تېمپېراتۇرا تۆۋەن بولغاچقا، پىيادە مېڭىش، ئاستا يۈگرەش، ۋېلىسپىت مىنىش، گىمناستىكا ئويناش قاتارلىق تەنھەرىكەت تۈرلىرىنى تاللىسا مۇۋاپىق.
تارقىلشچان زۇكام چە ئۆپكە ياللۇغى ۋاكسىنىسىنى ئەملەش: تارقىلىشچان زۇكام ۋە ئۆپكە ياللۇغى شارچە باكتېرىيىسى ۋاكسىنىسىنى ئەملەش تەكرار يۇقۇملىنىشنىڭ ئالدىنى ئالىدۇ. تارقىلشچان زۇكام ۋاكسىنىسنىڭ قوغداش كۈچى 1 يىل، ئۆپكە ياللۇغى شارچە باكتېرىيە ۋاكسىنىسىنىڭ 5 يىل .
مەنبە : تەڭرىتاغ تورى