مۇبارەك بولسۇن!

ئەسسالامۇ ئەلەيكۇم! دىلداش ئەپەندىم،سائادەت خانىم ھەر ئىككىڭلارنىڭ مىللىتىمىزنىڭ روھىنى ئۇرغۇتۇپ مەنىۋېيىتىنى بىيىتىش يولىدا سىڭدۈرگەن مېننەتسىز ئەقلىي ئەمگىگىڭلارغا يارىشا مۇنبىرىمىزنىڭ مۇنەۋۋەر شائىرى ۋە شائىرەسى بولۇپ تاللانغانلىقىڭلارنى چىن دىلىمدىن قۇتلۇقلايمەن! ھەم شۇنداقلا زامانىمزدىكى ئۇيغۇر تورچىلىقىنىڭ ئالدىنقى قاتارىدا شۆھرەت قازىنىپ ئالغا قاراپ شىددەت بىلەن  ئىلگىرلەۋاتقان ئىستىقباللىق شەبنەم شىركىتىنىڭ  دۇنيا جامائەتچىلىكى ئالدىدا زور داغدۇغا قوزغاپ مانا بۇ يىرىم ئايغا يىقىن داۋام ئەتكەن تاللاش ۋە شاللاش پائالىيىتىدە ھەقىقىي دىمۇگىراتىيىلىك يۇسۇندا ئاخىرقى باسقۇچتا ئىككىڭلارنى تاللاپ چىقىپ ھەر بىرىڭلارنى يۈز سوملۇق سۆزلىشىش كارتىسى بىلەن ئالاھىدە تارتۇقلىغانلىقىغا ئاپىرىن ئىيتىمەن! شۇنىڭ بىلەن بىرگە شەبنەم شىركىتىنىڭ خۇددى سىلەرگە ئوخشاش كۈرمىڭلىغان مېننەتسىز ئەجىر سىڭدۈرىۋاتقان جاپاكەش قەلەمكەشلەرنىڭ ئىزچىل قوللاپ قۇۋەتلىشى ئارقىلىق يەنىمۇ روناق تىپىشىغا تىلەكداشلىقىمنى بىلدۈرىمەن!
خوش! ئەمدىكى گەپ؛ مانا شۇنداق بىر مەزگىل زور داغدۇغا قوزغاپ پۈتۈن مۇنبەر ئەھلىنى تەقەززا قىلغان مەزكۈر پائالىيەتنىڭ ئاخىرقى نەتىجىسىمۇ چىقىپ دىللار ئەمىن تاپقاندەك بولدى. مۇنەۋۋەر شائىرلارمۇ ھەق تاللىنىپتۇ. بۇنىڭغا بارچە قايىلدۇر،چۈنكى بۇلارنى مۇنبەر ئەھلى ئۆزلىرى قەدىرلەپ سايلاپ چىقتى، بۇ چېن ھەقىيقەتدۇر. ئەمما، شەخسەن كۆز قارىشىم بويىچە پىكىر يۈرگۈزۈپ باقسام، مېنىڭچە شەبنەم شىركىتى ھەقىقىي يۇسۇندا دىمۇگىراتىيىلىك سايلام نەتىجىسىنى قولغا كەلتۈرۈش ئۈچۈن مەزكۈر پائالىيەتنىڭ ئاخىرلىشىش ۋاختىنى نەچچە رەت كەينىگە سۈرۈپ ئاخىرقى ھىساپتا مىڭ بىر جاپادا ئەستايىدىللىق بىلەن سايلاپ چىققان مانا بۇ ئىككى نەپەر شائىرىمىزنى ئەنە شۇنداق ئاددى مۇكاپاتلاش ئۇسسۇلى تازا مۇۋاپىق بولمىدىمۇ قانداق؟ بۇنداق دېيىشتىن مەخسەت قانداقدۇر مۇكاپات سومىسىنى ئاز كۆرگەنلىكتىن ئەمەس، ئەگەردە بۇ شائىرلىرىمىزنىڭ مۇنبەرنىڭ جەلىبكارلىقىنى ئاشۇرۇپ، كۈنلىكى زىيارەت قىلىدىغان ئابۇنىتلارنىڭ سانىنىڭ ھەسسىلەپ ئىشىشىغا قوشقان تۆھبىسىنى پۇل بىلەن تارتۇقلاش توغرا كەلسە، يۇقارقى مۇكاپات سوممىسى ناھايىتىمۇ ئاز ئەلبەتتە. دېمەكچى؛ بۇنداق بولغاندا،پۈتۈن ئۇيغۇر تورچىلىقىمىزنىڭ سەردارى بولغان ھەم دىيارىمىزدىكى كۆپلىگەن داڭلىق شىركەت ۋە كارخانىلارنىڭ ئىلان سەھىپىلىرىنى ئىشلەپ بېرىپ، ئەنە شۇلارنىڭ يەنىمۇ روناق تىپىشىغا تۈرتكۈلۈك رول ئويناش ئارقىلىق ئۆزىگە زور ئىختىسادىي مەنپەئەت يارىتىۋاتقان، كەلگۈسى تولىمۇ پارلاق بولغان مەزكۈر شەبنەم شىركىتىنىڭ يۇقارقىدەك بەكلا ئاددىي يۈسۇندا ئىلىپ بارغان مۇكاپاتلاش ئۇسسۇلى ئۆزىنىڭ كەڭ جامائەتچىلىك ئالدىدىكى يارقىن ئوبرازىغا نۇخسان يەتكۈزۈپ ئۇنىڭ قوللىغۇچىلىرىنىڭ ئوتتەك قىزغىنلىقىغا سوغاق سۇ سىپىشى مۇقەررەر. ئۇنداقتا قانداق قىلىش لازىم؟ مۇكاپاتلاش ئۇسسۇلىنى باشقىچىرەك يۇسۇندا ئېلىپ بارسا قانداق بولار؟ يەنى ھەممىزگە ئايان بولغىنىدەك ھەر قانداق ئىشنىڭ باشلىنىشى ئوڭۇشلۇق بولسا ئۇنىڭ ئاخىرقى نەتىجىسىمۇ مۇۋاپىقىيەتلىك بولىدۇ. شۇڭا شەبنەم شىركىتى تەرەقىيياتىنى يەنىمۇ يۈكسەلدۈرۈش ئۈچۈن باسقان ھەر بىر  قەدىمىدە ئالدى بىلەن كەڭ جامائەت ئارا ئۆزىنىڭ يارقىن ئوبرازىنى مۇستەھكەم تىكلىشى تولىمۇ زۆرۈر. بۇنداق دېگەنلىك قانداقدۇر مۇكاپات سوممىسىنى ھەسسىلەپ ئۆستۈرسۇن دېگەنلىك ئەمەس، پەقەتلا يۇقارقىدەك مۇكاپاتلاش ئۇسسۇلى ئاساسىدا يەنىمۇ بىر قەدەم ئىلگىرلەپ ئەنە شۇنداق مۇكاپاتلارنى تەسىس قىلغاندا شۇ مۇكاپاتلانغۇچىلارنى ئۆز مۇۋاپىقىييەتلىرىدىن چەكسىز ھاياجانغا سالىدىغان شۇ ئارقىلىق شەبنەم ئۈچۈن ئىزچىل تۆھبە قوشۇشقا ئۈندەيدىغان، ساقلاش ۋە ئەسلەش قىممىتىگە ئىگە بولغان، شەبنەم شىركىتىنىڭ ئوبراز بەلگۈسى چۈشۈرۈلگەن، يەنى:( خاتىرە كومپىيوتۇر ۋە ياكى ئىلىكتىرونلۇق لوغەت) دېگەندەك ماددىي بۇيۇملار بىلەن مۇكاپاتلاشنى يولغا قويسا بۇنىڭ ئەھمىيىتى تىخىمۇ زور بولۇپ نەتىجىسى كۆرۈنەرلىك بولارمىكىن دېمەكچى. مەن ئويلايمەن شەبنەم شىركىتى بۇنى چوقۇم ئەمەلگە ئاشۇرالايدۇ، ھەم بۇنچىلىك ئىشقا قۇدرىتىمۇ يىتىدۇ. چۈنكى ھەر باسقۇچتا مۇكاپاتلىنىدىغانلار بىر ياكى ئىككى ئەمەسمۇ.....؟ يەنە بىر ئىش،بۇنىڭدىن كىيىن شەبنەم شىركىتى ئەنە شۇنداق ھەر قىتىملىق باھالاپ مۇكاپاتلانغۇچىلارنىڭ مۇنبەرگە قوشقان ئەقلىي ئەمگەك نەتىجىلىرىنى يەكۈنلەپ مۇئەييەنلەشتۈرۈپ ئۇلارغا ئاتاپ ماقالە ۋە ئوبزورلارنى ئىلان قىلش لازىم! ھەم شۇنداقلا مۇنبەرنىڭ تۈرلۈك ئوردىنلىرى بىلەن مۇۋاپىق ھالدا تارتۇقلاش كىرەك. مانا بۇ روھىي جەھەتتىن ئىلھاملاندۇرۇش ئۇسسۇلىنىڭ ئۈنىمى ئالدىنقى ماددىي جەھەتتىن رىغبەتلەندۈرۈشتىنمۇ زور بولۇشى مۇمكىن. چۈنكى ئىنساننىڭ تەبىئيىتى ماختاش ۋە مەدھىيەلەرگە تولىمۇ مۇھتاجدۇر.
يۇقۇرىدا قىلچىمۇ تەپ تارتماستىن ئاتكاچىلىق قىلىپ ئۆزەمنىڭ ئوي-پىكىرلىرىنى ئوتتۇرغا قويۇپ باقتىم. شۇڭا شەبنەم شىركىتىدىكى بارلىق باشقۇرغۇچى خادىملارنىڭ ۋە مۇنبەردىكى ئۇقۇمۇشلۇق تورداشلارنىڭ يۇقارقى كۆز قاراشلىرىمدا خاتا كەتكەن يەرلىرى بولسا ئەپۇ قىلىشىنى سەمىمىييەتلىك بىلەن سورايمەن!

ئاخىرىدا مۇنەۋۋەر شائىرىمىز دىلداش ئەپەندىم بىلەن مۇنەۋۋەر شائىرەمىز سائادەت خانىمنىڭ بۇ غەلبىسىنى قۇتلۇقلاش يۈزىسىدىن،ئەمىللىيەتتە ئىشلىتىش قىممىتى بولمىسىمۇ، ئۇلارغا يەنىمۇ ئىلھام بەخىش ئىتىش مەخسىتىدە ئاز بولسىمۇ،مۇنبەر پۇلۇمدىن ھەر بىرىنى 10000 (ئون مىڭ)سوم بىلەن تارتۇقلايمەن. ھەم بۇنىڭدىن كىيىنكى ئىجادىيەتلىرىگە يەنىمۇ زور مۇۋاپىقىييەتلەرنى تىلەيمەن!


2009-يىلى 3-ئاينىڭ 26-كۈنى
                 رىيات

ناھايىتى ياخشى يېزىپسىز. تېخىمۇ تىرىشىڭ.

مەن ھەر ئىككى شەبنەم شائىرلىرىنى چىن دىلىمدىن قۇتلۇقلايمەن . مۇبارەك بولسۇن !
رىيات ئەپەندىمۇ ناھايىتى ياخشى گەپ قىپتۇ. بۇلارنى پۇل بىلەن ئەمەس ، بەلكى خاتىرە بۇيۇم ياكى شەبنەم پۇللىرى ياكى بولمىسا شەبنەم مىداللىرى بىلەن تارتۇقلىساق تىخىمۇ ئۇنىمى ياخشى  بولاتتى. بۇلارنىڭ ئەجرىنى 100 يۇەن بىلەن تەڭلەشتۇرسەك تولىمۇ ئاددى تارتۇق بولۇپ قالىدىكەن. ھازىرقى 100 يۇەننىڭ قانچىلىك قىممىتى بار؟
پائالىيىتىمىز بەك ياخشى بولغان. بۇ شەبنەم تورىنىڭ تەرەققىياتى ئۇچۇن زور پايدىسى بار. ھىلىھەم بولسىمۇ باشقىچە ئويلىشىپ بىقىشىنى ئۇمۇت قىلىمەن .

مۇبارەك بولسۇن مەڭگۈلۈك ئۇتۇق سىلەرگە يار بولسۇن

رىيات ئاكام ناھايىتى ئۇرۇنلۇق  ياخشى گەپ قىپتۇغۇ...

مىنىڭچە  ئىمكانىيەت يار بېرىپ قالسا بىرەر سورۇن ھازىرلاپ  مۇكاپاتلاش يىغنى ئاچسا تېخمۇ ياخشى بۇلامدىكىن دەيمەن...