ئوقۇڭ :  (  چۆچۈمەي قالمايسىز ! )

                      بىر كۈنى
                 ( مۇخەممەس )

بىر بېسىپ ئىككى بېسىپ چىقتىم بازارغا بىر كۈنى ،
سىڭدۈرەي دەپ لوقمىنى ۋاقتى ياتارغا بىر كۈنى.
ئايلىنىپ قالدىم كېلىپ غەيرى دۇكانغا بىر كۈنى ،
بار ئىكەن ۋىۋىسكىسى <<باش-پۇت يۇيار>>غا بىر كۈنى،
نەدە دۇكان ئەسلىدە ئىپپەت ساتارغا بىر كۈنى.

ئالدىدىن ئۆتتۈم كېلىڭ دەپ چىللىدى بىر <<نازىنىن>>،
جىلمىيىپ بېقىشلىرى بىر گۈل ئىكەنغۇ ، ئاپىرىن!
تار شىمىدىن كاسسىسى يىرتىپ چىقاردەك ھازىرىن،
پولتىيىپ سىرتقا تېپەر، قىلماي تەسەۋۋۇر باشقىنىن،
كىرسە كىم گەر كۆپ ئۇزاق دەرتكە پاتارغا بىر كۈنى.

يۇيدۇراي چاچنى دىبان باستىم ئۇنىڭغا مەن ئاياق،
ئىچىدىمۇ بار ئىكەن بىرنەچچىسى ئوخشاش سىياق،
ھەممىسى بىر خىللا تار شىم، مەيدىسى ھاللاڭ بىراق،
ئەسلىتىدۇ مايمۇنەكنى يۈزلىرى سەپسىن بوياق،
<<ئاپلا ! >>دېدىم دە ۋە لېكىن بولماي يانارغا بىر كۈنى .

ھەسسىنەي يوقتۇر باھانەم ،<<تېز يۇيۇڭ مەن ئالدىراش>>،
دىيىشىم بىر نازىنىن ئېيتتى :<<ئىكەنسىز بەكمۇ شاش،
ئالدىرايسىز نەگە بۇنچە ؟ئولتۇرۇڭ تاتلىق ئاكاش،
سىزگە لازىم قايسىمىز؟ئوبدان قاراڭ ، بىز خوپلا ياش،>>
گەپ - سۆزى خۇلقىغا چۇشلۇق نەقلا ناچارغا بىر كۈنى.

نە كارامەت بۇ ئۆزى دەپ ئاڭا كۆپ ھەيران بولۇپ،
كەچمىگەن مىڭ بىر خىيال كاللامغىمۇ لىپ-لىق تولۇپ،
مىسالى چاققان كەبى چايان شۇئان كەتتىم تۇرۇپ،
گۈل دىگىنىم ئەسلىدە كەتكەن ئىكەن بەرى قۇرۇپ،
نە ئۈچۈن كىرگەندىمەن بۇ نەس باسارغا بىر كۈنى.

<<ئولتۇرۇڭ باشنى يۇياي،خالىسىڭىز ئەنمو قىلاي،>>
دىيىشى چىقتىم ئىشىكتىن<<بولدى خوش دەرھال ئۇزاي،
باسمىسۇن نەس،ئۆتمىسۇن تەس كۈنلىرىم ، دەرھال قاچاي،
بۇندا سىڭگەن بارچىنى مەن مۇنچىدا پاكلاپ يۇياي>>
تىلىدىم دەپ كەلمىسەم  بۇ ئادەم بۇزارغا بىر كۈنى .

ئۆيگە قايتىپ نەچچە كۈن كاللا قاتۇردۇم كۆپ ئۇزاق،
ئويلىغانچە يەتمىدىم ، ئەپسۇس سىرىغا ھېچ بىراق،
ئاھ، ئېسىت قېرىندىشىم ،بۇ ساڭا كىم قۇرغان توزاق؟
دەسسىگەنسەن ئېھتىمال دەسلەپ قېلىپ يالاڭغىداق،
شۇل سەۋەپ ئۆلمەي تۇرۇپ كەلدىڭ مازارغا بىر كۈنى.

ئەسلى سەن ھەم سەن بىلەن بارچە ئاياللار قوشۇلۇپ،
نەسلىمىزنىڭ يىلتىزى ئىدىڭلارغۇ جۇغ-جەم بولۇپ؟
ۋادەرىخ، كىرگەن يېرىڭلار گۆرغۇ ئۇ ساپ-ساق تۇرۇپ؟
كىم ئۆزۈڭ ، گۆشمۇ يۈزۈڭ؟ قويغىن بىزە سەن ئۇيۇلۇپ!
قىلما مىللەت شەنىنى بىر پۇل ئالارغا بىر كۈنى .

بۇ ھايات سەيناسىدا ھېچ مۈشكۈلات بولغان ئەمەس،
بولسىلا غەيرەت ئىرادە ھەرنە ئىش بولمايدۇ تەس،
تۇرغىنا سىڭلىم ئورۇندىن ساپ ھاۋادىن ئال نەپەس،
روھىنى مىللەت ، ۋەتەننىڭ قىلما ئەمدى قايتا خەس!
تارتقۇسى قانۇن، ئادالەت بۇ جاينى جازاغا بىر كۈنى!

                ئاپتور : نەزەر بايبالىق

              مەنبە : دوستلۇق مۇنبىرى  

مەزمۇنى  ناھايىتى  ياخشىكەن  !

بەك ياخشى يىزىلغان ئەسەر ئىكەن ، ئەجرىڭىزگە رەخمەت

شۇنداق ھازىر بۇنداق ئىشلار تۇرمۇشىمىزدا ئۇچراپ تۇردۇ...

شۇنداق ھازىر بۇنداق ئىشلار تۇرمۇشىمىزدا ئۇچراپ تۇردۇ...

ھـــــــــــــــــــەي !!!!!!!!   

قۇلىڭىز غا دەت بەرمىسۇن   .  ئەمەلىيەتنى يېزىپسىز  ،ئاياللارئەسلىدەمىللەتنىڭ ئانىسى ئىدى بىر قۇلىدا بۈشۈكنى تەۋرەتسە ،يەنە بىر قۇلىدا دۇنيانى تەۋرىتەتتى  ،ئەپسۇس بۈگۈنكى كۈنگە كەلگەندەبەزىبىر  ئاياللىرىمىز نىڭ نىمە ئىش قىلۋاتقانلىقى ھەممىمىزگە ئايان  . ئاياللىرمىزنىڭ مۇشۇنداق يوللاردا مېڭىشىدا بىز ئەرلەر نىڭمۇ ،ئاتا-ئانىلارنىڭمۇ  بىر كىشىلىك مەسئۇلىيىتىمىز بار دەپ قارايمەن .

بەك ئىسىل شېئىر ئىكەن،قايتا -قايتا ئوقۇسىمۇ زىرىكمىگىدەك .كۆپتىن-كۆپ رەھمەت!!!!!!

ھەممىمىز    دىققەت قىلمىساق    ئەيدىز ئالۋاستىسىغا قۇل بوپ كېتىمىز.

خۇدا مىڭ ساقلىسۇن ئۇنداق رەسۋاچىلىقتىن

رەھمەت داۋاملىق تىرشىڭ!

ئاللا بەندىلىرىىگە ئىنساپ بېرەرسەن !
ياخشى تىما يوللاپسىز.ئەجرىڭىزگە رەھمەت !

يۇيدۇراي چاچنى دىبان باستىم ئۇنىڭغا مەن ئاياق،
ئىچىدىمۇ بار ئىكەن بىرنەچچىسى ئوخشاش سىياق،
ھەممىسى بىر خىللا تار شىم، مەيدىسى ھاللاڭ بىراق،
ئەسلىتىدۇ مايمۇنەكنى يۈزلىرى سەپسىن بوياق،
<<ئاپلا ! >>دېدىم دە ۋە لېكىن بولماي يانارغا بىر كۈنى .

          

ۋاي...ۋاي....ۋاي  نىمى  دىگەن  كىپكەتكەن   شىېرلا  بۇ    

ما ئاداش كەسپى شائىركەن ئاداش كىم بولشلاردىن قەتتى نەزەر بەل قويۋەتمەي تىرشڭلار .سىلە بىلەن بىر پىكىر ئالماشتۇرغۇم بار .414122911 چچنۇمۇرۇم