ناھايىتى شەپقەتلىك ۋە مېھرىبان اللە نىڭ ئىسمى بىلەن باشلايمەن
تەربىيە قىلىشقا مۇۋاپىق ۋاقىت تاللاش
پەيغەمبەر ئەلەيھىسسالام بالىلارغا تەربىيە قىلىشقا مۇناسىپ بولغان زامان ۋە ماكان تاللاشتا بۇ ماكان ۋە زاماننىڭ بالىنىڭ شەخسىيىتىگە تەسىر قىلىش،ئېڭىغا تەسىر قىلىش،ئەخلاقنى تۈزىتىش ۋە توغرا ئەخلاق بەرپا قىلىشتا كۆرسىتىدىغان تەسىرىگە بەكمۇ ئەھمىيەت بېرەتتى.پەيغەمبەر ئەلەيھىسسالام بىزگە بۇ جەھەتتە مۇنداق ئۈچ زامان ۋە ماكاننى تاللاشنى ئۆز ئەمەلىيىتى بىلەن ئۆگەتكەن ئىدى.
1-    سەيلى-ساياھەتتە،يول ئۈستىدە ۋە ئۇلاغ ئۈستىدە.
تىرمىزى ئابدۇللاھ ئىبنى ئابباس رەزىيەللاھۇ ئەنھۇمانىڭ مۇنداق دېگەنلىكىنى رىۋايەت قىلىدۇ:«مەن بىر كۈنى پەيغەمبەر ئەلەيھىسسالامنىڭ ئۇلۇغىنىڭ ئارقىسىغا مىنگىشىپ كېتىۋاتقان ئىدىم» دېگەن ھەدىسىدىن پەيغەمبەر ئەلەيھىسسالامنىڭ ئۇنىڭغا بولغان تەربىيەسىنىڭ يولدا كېتىۋاتقاندا سەپەر ئۈستىدە بولغانلىقىنى كۆرۈۋالغىلى بولىدۇ.دېمەك بۇ تەربىيە بىرەر ئولتۇراق ئۆي ئىچىدە بولماستىن ھاۋالىق يەردە بولغان،دېمەك مۇشۇنداق ئازادە مۇھىت ۋە يول ئۈستىدىكى كۆڭۈللۈك سەپەرداشلىق بالىنىڭ ئېڭىغا سىڭدۈرۈش مەقسەت قىلىنغان تەربىيە ئۈچۈن ئەڭ كۆڭۈللۈك بىر ئورۇن ۋە ۋاقىتتۇر.
2-    تاماق ۋاقتى:
بالا تاماق ۋاقتىدا ئەڭ كەپسىزلىشىدۇ،بەزى ۋاقىتلاردا ھەددىدىن ئېشىپ ھەتتا ئەدەب-ئەخلاقنى ئۇنتۇپ قالىدۇ،ناۋادا ئاتا-ئانىسى بالىلىرنىڭ بۇنداق بولۇمسىز ۋە ئەدەبسىزلىكلىرنى تۈزۈتۈپ ماڭمىسا كېيىن ئۇ بۇنداق ناچار ئەخلاقنى ۋۇجىدىغا سىڭدۈرۋالىدۇ-دە،مۇنى ئوڭشىماق بەكلا تەسكە توختايدۇ،تاماق ۋاقتىدا ئاتا-ئانا بالىلىرى بىلەن بىرگە ئولتۇرمىسا بالىنى ئۆز مەيلىگە قويۇپ بەرگەن بولىدۇ.شۇنداقلا بالا ئۈچۈن تەربىيە قىلىشنىڭ بىر ياخشى پۇرسىتىنى قولدىن بېرىپ قويغان بولىدۇ.
ئىمام بۇخارى ۋە مۇسلىم ئۆمەر ئىبنى ئەبۇ سەلەمە رەزىيەللاھۇ ئەنھۇمانىڭ مۇنداق دېگەنلىكىنى رىۋايەت قىلىدۇ:مەن پەيغەمبەر ئەلەيھىسسلامنىڭ يېنىدا يۈرۈيدىغان كىچىك بىر بالا ئىدىم،تاماق ۋاقتىدا مېنىڭ قولۇم داستىخانىڭ ھەممە يېرىدا يۈگۈرەپ يۈرەتتى،بىر كۈنى پەيغەمبەر ئەلەھىسسالام ماڭا:«ئى ئوغلۇم!تاماقتىن بۇرۇن‹بىسمىللاھ›دېگىن،ئوڭ قولۇڭ بىلەن ئالدى تەرەپىڭدىن يېگىن!»دېدى.شۇنىڭدىن كېيىن مېنىڭ تاماق يېيىشىم ھەمىشە شۇ ئۇسۇلدا بولۇپ كەلدى.
3-بالىنىڭ كېسەل ۋاىتى: كېسەللىك چوڭ ئادەمنىڭ قېتىپ قالغان دىلىنى يۇمشىتىدۇ،ئۇنداقتا ئەسلىدىلا دىلى يۇمشاق،ھەر نەرسىنى قوبۇل قىلىشقا تەييار تۇرۇدىغان بالىلارنىڭ دىلى قانداق بولماقچى؟
بالا كېسەل بولۇپ قالغاندا ئۇنىڭ ئەخلاقىنى،خاتالىقلىرىنى تۈزىتىدىغان ھەتتا ئەقىدىسىنى توغرىلىققا باشلايدىغان بىر ياخشى مۇھىت شەكىللىنىدۇ.پەيغەمبەر ئەلەيھىسسالامنىڭ كېسەل بولۇپ قالغان يەھۇدىي بالىنى يوقلىشى ۋە ئۇنى ئىسلامغا دەۋەت قىلىشى بۇنىڭ دالالىتىدۇر.ئۇ يەھۇدىي بالا ھەتتا ئىمان ئېيتقان ھالدا بۇ دۇنيا بىلەن خوشلاشقان.
ئىمان بۇخارى ئەنەس رەزىيەللاھۇ ئەنھۇنىڭ مۇنداق دېگەنلىكىنى رىۋايەت قىلىدۇ:پەيغەمبەر ئەلەيھىسسالامغا خىزمەت قىلىدىغان بىر يەھۇدىي بالا بار ئىدى،ئۇ كېسەل بولۇپ قالغاندا پەيغەمبەر ئەلەيھىسسالام ئۇنى يوقلاپ كېلىپ ئۇنىڭ باش تەرىپىدە ئولتۇردى ئاندىن ئۇنىڭغا:«مۇسۇلمان بولغىن!»دېدى،ئۇ بالا ئاتىسىغا قارىدى،ئاتىسى:ئەبا قاسىمغا ئىتائەت قىل!دېدى،شۇنىڭ بىلەن ئۇ بالا مۇسۇلمان بولدى،پەيغەمبەر ئەلەيھىسسالام ئۇنىڭ قېشىدىن قايتىپ چىقىۋاتقاندا:«ئۇنى دوزاختىن قۇتقۇزغان اللە غا ھەمدۇسانالار بولسۇن!»دېدى.
دېمەك گەرچە ئۇ بالا پەيغەمبەر ئەلەيھىسسالامغا خىزمەت قىلىدىغان بالا بولسىمۇ پەيغەمبەر ئەلەيھىسسالام تاكى مۇناسىپ پۇرسەت تاپقىچە ئۇنى ئىسلامغا دەۋەت قىلمىغان ئىدى،پەيغەمبەر ئەلەيھىسسالامنىڭ بالىلارغا قانداق ۋاقىتتا قايسى ئۇسۇلدا دەۋەت قىلسا ئەڭ ياخشى بولىدىغانلىلىقىنى بىلگۈچى بولغانلىقىنىڭ ئىپادىسىدۇر.
مەن يەنە بۇ يەردە پەيغەمبەر ئەلەيھىسسالامنىڭ دەۋەت ئېلىپ بېرىش يولىغا ئۇيغۇن بولغان مەزمۇنغا يانداشتۇرۇپ ئاتا-ئانا ۋە چوڭلارنىڭ بالىلارغا تەربىيە ئېلىپ بارغاندا ئۇلارغا يۇمشاق،مۇلايىم مۇئامىلىدە سەۋرچانلىق بىلەن دەۋەت ئېلىپ بېرىشلىرىنى تەۋسىيە قىلىمەن.



مۇھەممەدنۇر بىن ئابدۇلھەفىز سۇۋەيد نىڭ «سەلەپ-سالىھلارنىڭ ئەۋلاد تەربىيلەش ھاياتىدىن نەمۇنىلەر» دېگەن كىتابدىن ئېلىندى.  

   ياخشى بىلدۈرگىلەربىلەن تەمىنلىگىنىڭىزگە ئالاھىدە رەھمەت

رەخمەت````تىمىڭىزنى ياخشى يوللاپسىز````

مەنمۇ خاتا قىلمىغاندەك تۇرىمەن، 1-،2- تۈردىكى بالا تەربىيەلەش ئۇسۇلىغا ھەرھالدا ئېتىۋار بېرىپتىمەن،لېكىن يېتەرلىك ئەمەس، تىرىشىمەن. مۇشۇنداق تېمىلار جانغا ئەسقاتىدۇ، رەھمەت!

مەنمۇ شۇنداق قىلسام بولغىدەك، رەھمەت!

Quote:

بۇ مەزمون3قەۋەتتىكىArk-zatنىڭ2009-03-23 21:58 دە يوللىغان يازمىسى   :
مەنمۇ خاتا قىلمىغاندەك تۇرىمەن، 1-،2- تۈردىكى بالا تەربىيەلەش ئۇسۇلىغا ھەرھالدا ئېتىۋار بېرىپتىمەن،لېكىن يېتەرلىك ئەمەس، تىرىشىمەن. مۇشۇنداق تېمىلار جانغا ئەسقاتىدۇ، رەھمەت!

ئۇنداق بولسا نادىرلاپ قويسىڭىز بولمامتى،باشقىلارنىڭ كۆز ئالدىدا كۆرۈلۈپ تۇرسا!!!!

Quote:

بۇ مەزمون3قەۋەتتىكىArk-zatنىڭ2009-03-23 21:58 دە يوللىغان يازمىسى   :
مەنمۇ خاتا قىلمىغاندەك تۇرىمەن، 1-،2- تۈردىكى بالا تەربىيەلەش ئۇسۇلىغا ھەرھالدا ئېتىۋار بېرىپتىمەن،لېكىن يېتەرلىك ئەمەس، تىرىشىمەن. مۇشۇنداق تېمىلار جانغا ئەسقاتىدۇ، رەھمەت!

ئۇنداق بولسا تېمىنى نادىرلاپ قويسىڭىز بولمامتى،داۋاملىق كۆزگە تاشلىنىپ تۇرسا!!!

بىلىۋالغۇدەك ســـــــــــــــــــۆزلەركەن .

بەك ئېسىل تىمىكىن ،،،،،،،،رەخمەت تىمىڭىزغا،،،بىلىۋالدۇق

رەخمەت````تىمىڭىزنى ياخشى يوللاپسىز````

ياخشى تېما يوللاپ باشقىلارنى بىلمىگە ئىگە قىلىش ئاقىلانىلىق ،بىراق ئۆز ى يوللىغان نەرسىنى ماختاش لاۋزىلىق بولىدۇ.سۆزۈم ئىغىر كەتمىگەندۇ-ھە!

رەھمەت سىزگە ~~
جەمئىيىتىمىزدە كەم بولۇۋاتقان نەرسىلەر دىن بىرى مۇشۇ ~~
بالا تەربىيىسى دېگەننى ياخشى ئېلى بارمىسا بولمايدۇ ~~
لىكىن مەنغۇ پەرزەنتلىك بولمۇدۇم ..شۇندىمۇ پەرزەنت تەربىيىسى ئۈستىدە  گاھىدا غەم يەپ قالىمەن ..

قارىغاندا مەنمۇ خاتا قىلماپتىمەن.......رەخمەت