2009-يىلى 3-ئاينىڭ 21-كۈنى تارىم ۋادىسىدىكى گۆھەر زېمىن شاھدىيار ناھىيىسىدە نەۋرۇز بايرىمى ئەدەبىيات-سەنئەت پائالىيىتى ئۆتكۈزۈلدى. بۇ قېتىمقى پائالىيەتنى يەككە تىجارەتچى ۋە شەبنەم مۇنبىرىمىزنىڭ كونا ئەزاسى سادىق سۇلتان ئۆزى مەبلەغ چىقىرىپ ئۆزىنىڭ شاھ تائام تېز تاماقخانىسىدا ئويۇشتۇردى. پائالىيەتكە بۇ ناھىيىدىكى شەبنەم ئەزالىرى،يازغۇچى-شائىرلار،سەنئەتكارلار ۋە مەرىپەت سۆيەر كىشىلەر قاتناشتى. بۇ پائالىيەتكە يەنە ئاپتۇنۇم رايۇن ۋە ۋىلايەت تەۋەسىدىكى بىر قىسىم يازغۇچى سەنئەتكارلارمۇ ئالاھىدە تەكلىپ بىلەن قاتناشتى. پائالىيەتتە يازغۇچى، شائىرلار نورۇزغا ئاتاپ يازغان نورۇزنامىلىرىنى دېكلىماتسسىيە قىلدى.ناخشىچى،مۇزىكانتلار،خەلق ئەلنەغمىچىلىرى ماھارەت كۆرسىتىپ،سورۇننى ئاجايىپ جانلاندۇرىۋەتتى.ھاياجېنىنى باسالمىغان نەۋرۇز ئەھلى ناخشا- مۇزىكىغا جۆر بولۇپ،بەس-بەستە ئۇسۇلغا چۈشتى.سورۇن باشتىن ئاخىر دوستانە،ئىناق-ئىتتىپاق كەيپىيات ئىچىدە خوشال-خورام ئېلىپ بېرىلدى.تۆۋەندە خاتىرە سۆرەتلەردىن تاللانمىلارنى ھوزۇرۇڭلارغا سۇندۇق:

سورۇنغا مەرھەمەت!


نەۋرۇز ئېشى نېمە دىگەن مېزلىك-ھە!




نەۋرۇز ئېشى


شائىر كېرەم قاسىم(ئەۋجى) نەۋرۇز بايرىمىنىڭ كېلىپ چىقىشى توغرىسىدا چۈشەنچە بەرمەكتە


ئەلنەغمىچىلەر نومۇر كۆرسەتمەكتە



نەۋرۇز ئەھلى ناخشا-مۇزىكىدىن ھوزۇر ئالماقتا




نەۋرۇز پائالىتىنىڭ پىلانلىغۇچىسى، رىياسەتچىسى ۋە سورۇن ھازىرلىغۇچىسى بىللە
  

يازغۇچى- شائىرلار  پىلانلىغۇچى،رىياسەتچى ۋە سورۇن ھازىرلىغۇچى بىلەن بىللە


شائىر تاھىرجان قاسىم نەۋرۇزنامە ئوقىماقتا


مۇنبىرىمىز ئەزاسى، شائىرە مېھرىبان نىياز(چوغلۇق) نەۋرۇزنامە ئوقىماقتا


مۇنبىرىمىز ئەزاسى،مۇخبىر «مازارغوجام» نەق مەيدان ئەھۋالىنى سۆرەتكە ئالماقتا


نەۋرۇز سىموۋلى _ بۇغداي مايسىسى


دۇتتار،تەمبۇر ناخشىسى ئورۇنلانماقتا


شوخ ئۇسۇل


نەۋرۇزدىكى شەبنەم ئەزالىرى


شەبنەم ئەزالىرى بىر قىسىم يازغۇچى،شائىرلار بىلەن بىرگە


نەۋرۇز ئەھلىنىڭ خاتىرە سۆرىتى




____________________
تۈرك دۈنياسىدا نەۋرۇز
./read.php?tid-102661.html

ئاۋۇ نورۇز ئىشى بەك ئۇشىغاندەك قىلامدۇ نىمە ؟ بەكلا يىگۈم كەلدا . . . تۈنۆگۇن نورۇز ئىشى يىيەلمىگەنىدىم .

تولىمۇ خاسىيەتلىك ئىش بولۇپتۇ   ...

ھەممىڭلارنىڭ نورۇز بايرىمىغا  مۇبارەك !!!!

ئەسلى «نەۋرۇز » ئەمەس  «نورۇز » ئىدىغۇ دەيمەن  ؟!

ئۆتكەن يىلى  مۇشۇ توغرىسىدا نۇرغۇن دە- تالاشلار بولغان ، ئاخىرى  «نورۇز » دەپ بېكىتىلگەنىدى ، چۈنكى «نەۋرۇز » بىزنىڭ تىلىمىزغا كىرگەندىن كىيىن  نۇرغۇن يىللار مابەينىدە  «نورۇز » بولۇپ ئۆزگەرگەن  ، ئەمدى بولغاندا «نەۋرۇز » دەپ ئەسلىگە قايتۇرىمىز دېسەك  نۇرغۇن سۆزلەرنى ئەسلىگە قايتۇرۇشقا توغرا كېلىدۇ .
مەسىلەن گۆھەر نى گەۋھەر  دىگەندەك   ..

كەچۈرۈڭ  تېمىغا  مۇناسىۋەتسىز كۆپ سۆزلەپ قويدۇم !

<<شاھدىيار>> دا ئۆتكۈزۈلگەن بۇ قېتىمقى نەۋرۇز بەك ئەھمىيەتلىك بولدى ، شاھدىيارغا بولغان ،پۈتكۈل ئۇيغۇرلىرىمزغا بولغان مۇھاببىتىم باشقىچە كۈچەيدى ،شۇنداق سۆيۈندۈم بۇ نەۋرۇزلۇق يىغىلىشتىن .
ئەپسۇس ئىمتىھان ئېلىش ئىشى بىلەن بالدۇرلا كىتىپ قالدىم .
ئۆرپ-ئادىتىمىز مۇشۇنداق ئۈزۈلمەي داۋاملاشسىكەن دەيمەن .

سادىقجان ئاكامنىڭ بۇ سۇرۇننى ئۇرۇنلاشتۇرۇشى ھەقىقەتەن ئەھمىيەتلىك ئىش بولدى ،ئىشلىرىغا بەرىكەت تلەيمەن .ئەركزات ئاكامغا رەھمەت .
ھەممىڭلارغا يېڭى يىلدا يېڭىچە خۇشاللىق ،ئۇتۇقلار يار بولسۇن ! ئەزىزلەر.

يۇرتۇمدا بولماي قىلىپ كۆرەلمەپتىمەندە .

نۇرۇزدىن ئىبارەت مىللىي ئەنئەنىمىزنى جارى قىلدۇرۇپ ، ئېسىل ئورپ_ ئادەتلىرىمىزنى تەرەققى قىلدۇرۇپ كەلگۈسى ئەۋلاتلارغا بەخىت يارىتىش ئۈچۈن تىرىشۋاتقان قېرىنداشلارغا تەشەككۈر !!!!

ئەركىزات، جۇدۇن ، قامچا ،پەرۋىن ئاكىللىرىم ھەم ئەزىز دوستۇم چوغلۇقنىڭ سۈرەتلىرىنى كۈرۈپ ئۇلار بىلەن دىدارلاشقاندەك ھەم بۇ پائالىيەتكە قاتناشقاندەك بولدۇم

ھەي !
يىقىندىلا كۆرۈشكەن بولساقمۇ يەنە كۆرگىسى كىلىدىكەن كىشىنڭ سىلەرنى !

ھەممىڭلارنىڭ سالامەت - تۇرغىنىدىن «خەنجىرى» ئەپەندىنى ۋە ئويۇشتۇرغان ئېسىل پائالىيىتىنى كۆرۈپ قاتتىق سۈيۈندۈم !

ئاللاھ ئىشلىرڭلارنى تېخىمۇ نۇسرەت بەرسۇن !

تولىمۇ ئەھمىيەتلىك پائالىيەت بوپتۇ..............

پەرۋىن،خەنجىرى،ئەركزات،جۇدۇن،قامچا....لارنى تۇنۇيالىدىم،نۇرۇز شاتلىقى جىلۋىلەنگەن چېھرىڭلار خۇددى باھار ئاپتىۋىدەك نۇرلىنىپ كىتىپتۇ،ئەزىزلەر سالامەت بولغايسىلەر!
چوغلۇقنى مۇشۇ مۇناسىۋەت بىلەن كۆرۈش شەرىپىگە ئېرىشكىنىمدىن تولىمۇ خوشالمەن(گەرچە يۈزتۇرانە بولمىسىمۇ).
شاھدىياردا ئۆتكۈزگەن نۇرۇزلۇق بۇ پائالىيىتىڭلار تولىمۇ ئەھمىيەتلىك،قىزغىن...ئۆتكۈزۈلگەندەك قىلىدۇ.ھارمىغايسىلەر.
ئاخىرىدا مەن رەنجىپ قالدىم(باغاق بولمىسىمۇ بىرەرسىڭلارنىڭ تېلفۇن قىلىپ تەكلىپ قىلىپ قويۇش خىيالىڭلارغا كەلمەپتۇ).       

تايرجان مۇئەللىمۇ كېلىپ قاتنشپتۇ .

<<شاھدىيار>>دا ئۆتكۈزۈلگەن نۇرۇز بايرىمىنى كۆرۈپ،ناھايتتى مەمنۇن بولدۇم.                                                                                             يۇرتىمىز قاراشەھەرنىڭ ئۆركەشلەپ ئېقىۋاتقان قايدۇ دەرياسىنىڭ جەنۇبىدىكى يۇڭنىڭ يېزىسىدىكى دېھقانلارمۇ نۇرۇز بايرىمى بىلەن شاتلىققا چۆمدى.

ئىسىت مەنمۇ بۇپ قالسامچۇ ؟

ark-zatئەپەندىم ،مىنى نىمىشقا چاقىرمىدىڭىز؟..توۋا ،قىلغان ئىشىڭىزنى ،خەپ جۇمۇ...«ئاش كەلسە ئىمان قېچىپتۇ» دەپ مىنى ئۇنتۇپ قاپسىز-دە،بىر يەردە تۇرۇپ....

ئەتتىگەندە ئاۋۇ قىزىل لوزۇنكىنى كۈرۈپ ئىچ ئىچىمدىن سۈيۈنۈپ كەتكەن ئىدىم .
تېخى باشلانماستا تۇنۇيدىغان بىرقانچە مېھمان بىلەن كۈرۈشۈپ يۇلۇمغا ماڭدىم