پاناھ بېرىڭ خۇدايىم    (ئۇيغۇر خەلق قوشاقلىرى)

                                            (ئۇيغۇر خەلق قوشاقلىرى)
                                        
                                              كىلىتى يوق قۇلۇپتىن،
                                              قىرى يوق تۇلۇقتىن
                                              پاناھ بېرىڭ خۇدايىم.

                                             مىتە چۈشكەن ئاشلىقتىن،
                                             گېپى تولا باشلىقتىن
                                             پاناھ بېرىڭ خۇدايىم.

                                            سۈيى يوق تۈگمەندىن،
                                            تايىنى يوق دەردمەندىن
                                            پاناھ بېرىڭ خۇدايىم.

                                            پۇت پاتمىغان ئاياغدىن،
                                            ناھەق يېگەن تاياقتىن
                                            پاناھ بېرىڭ خۇدايىم.

                                            تەڭشەلمىگەن سازدىن،
                                            گېپىدە تۇرمىغان مازدىن
                                            پاناھ بېرىڭ خۇدايىم.

                                            گېپى يوغان پوچىدىن،
                                            بەك ياسانچۇق نوچىدىن
                                            پاناھ بېرىڭ خۇدايىم.

                                          چىگىت ئارىلاش پاختىدىن،
                                          گەپ خالتىسى ساختىدىن
                                           پاناھ بېرىڭ خۇدايىم.

                                          ئەسكى ئاتنىڭ تورۋىسىدىن،
                                          ئىنسانلارنىڭ ئوغرىسىدىن
                                          پاناھ بېرىڭ خۇدايىم.

                                          پېلىكى قۇرىغان خەمەكتىن،
                                          ئېشىپ قالغان يېمەكتىن
                                          پاناھ بېرىڭ خۇدايىم.

                                          بۇزۇلغان خېمىردىن،
                                          داتلاشقان تۆمۈردىن
                                          پاناھ بېرىڭ خۇدايىم.
                                                                                      

مەنبەسى: «ئۇيغۇر خەلق قوشاقلىرى»5-قىسىم كىتابىدىن ئېلىندى.  (داۋامى بار)

                                              پاناھ ئىزلەپ....




            ۋاپاسى يوق قۇرداشتىن،                              
         ئىنكاسى يوق  تورداشتىن،          
          شىڭشىسەيدەك<يولداش>تىن،
            پاناھ بېرىڭ خۇدايىم
.
                                     مائاش تۇتقان باشلىقتىن،
                                      ئاشلىق ئۈنمەس تاشلىقتىن،
                                      بېكار كەتكەن ياشلىقتىن،
                                         پاناھ بېرىڭ خۇدايىم.
   دېھقاننى ساتقان كادىردىن،
   خىيانەتچى نازىردىن،
   ۋىجدان يوق شائىردىن،
       پاناھ بېرىڭ خۇدايىم.
                                        ئارقىدا غەيۋەت قىلغاندىن،
                                         ساق يۈرەكنى تىلغاندىن،
                                          دائىم كانەي ئىلغاندىن،
                                              پاناھ بېرىڭ خۇدايىم.
   تامچە ئۆتكەن تورۇستىن،
   ستالندەك ئورۇستىن،
   ئەيدىز دىگەن ۋىرۇستىن،
      پاناھ بېرىڭ خۇدايىم.
                                       ئىتپاقى يوق ئەلدىن،
                                       قارا يامغۇر-سەلدىن،
                                       تۇيماي چىققان يەلدن،
                                           پاناھ بېرىڭ خۇدايىم.
   ئېتىلىپ تۇرماس بالوندىن،
   ئاپتۇبوس يوق كالوندىن،
   قىممىتى يوق قانۇندىن،
      پاناھ بېرىڭ خۇدايىم.
                                        ۋەيران قىلغان ئۇرۇشتىن،
                                         نەسلى قالماي قۇرۇشتىن،
                                         ھەركەت قىلماي تۇرۇشتىن،
                                             پاناھ بېرىڭ خۇدايىم.
     تورا بالا-قازادىن،
     سودىسى يوق بازادىن،
     يوقلانمىغان مازادىن،
        پاناھ بېرىڭ خۇدايىم.
                                       دۈشمەن ئورا كولاشتىن،
                                       ئاچچق ھاراق زولاشتىن،
                                        كۈندە كۆڭۈل ئوۋلاشتىن،
                                             پاناھ بېرىڭ خۇدايىم.
    ئەدەب ئۇقماس ئادەمدىن،
    مەقسەتلىك كەلگەن ياردەمدىن،
     ھىچ ئىش ئۇقماس بېغەمدىن،
         پاناھ بېرىڭ خۇدايىم.
                                              پايدىسى يوق ئالىمدىن،
                                               شاھ مەخسۇددەك زالىمدىن،
                                               ساپاسى يوق ماللىمدىن،
                                                   پاناھ بېرىڭ خۇدايىم.
     يېرىم -يالىڭاچ ئۇسۇلدىن،
      چالا-پۇلا غۇسۇلدىن،
       بەركىتى يوق ھوسۇلدىن،
           پاناھ بېرىڭ خۇدايىم.
                                               ئىنساۋى يوق خوتۇندىن،
                                                قىشتا كۆيمەس ئوتۇندىن،
                                                 كىر ئالالماس سوپۇندىن،
                                                     پاناھ بېرىڭ خۇدايىم.
     سېسىپ كەتكەن بۇستىن،
      ۋاپاسى يوق دوستىن،
       ئۇخلاپ قالغان پوستىن،
          پاناھ بېرىڭ خۇدايىم.
                                            قىشتا قېلىن قاردىن،
                                             يامان قەستى باردىن،
                                              كۆڭلى قارا تاردىن،
                                                 پاناھ بېرىڭ خۇدايىم.
      تاڭسىڭ دىگەن راھىپتىن،
      باپ كەلمىگەن لايىقتىن،
      بۇرمىلانغان تارىختىن،
          پاناھ بېرىڭ خۇدايىم.
                                             قولغا خەنجەر ئالغاندىن،
                                             ئۆز يۈرەككە سالغاندىن،
                                             قۇرۇق غەيۋەت يالغاندىن،
                                                 پاناھ بېرىڭ خۇدايىم.
     گۆش قوشمىغان نارىندىن،
     چوشقىلاردەك دارىندىن،
     ئۆز قېرىنداش خائىندىن،
       پاناھ بېرىڭ خۇدايىم.
                                            لىۇشۇفۇدەك تۇڭگاندىن،
                                           ئالداپ قۇرئان تۇتقاندىن،
                                            ئىمانىنى يۇتقاندىن،
                                                پاناھ بېرىڭ خۇدايىم.
       ئاشقا چۈشكەن قۇرۇتتىن،
       شەيتان ئېيتقان دۇرۇتتىن،
       قاملاشمىغان بۇرۇتتىن،
          پاناھ بېرىڭ خۇدايىم.
                                              چالا پىشقان سامسىدىن،
                                               سۆرۈن تەلەت غالچىدىن،
                                               قارتا ئاچقان پالچىدىن،
                                                    پاناھ بېرىڭ خۇدايىم.
     بەكلا قىممەت بېلەتتىن،
     تۈزەلمىگەن ئىللەتتىن،
     ئويغانمىغان مىللەتتىن،
         پاناھ بېرىڭ خۇدايىم.
                                             يالغا يازغان مۇخبىردىن،
                                              ئاق ئۇرۇلغان تومۇردىن،
                                               قاملاشمىغان يۇمۇردىن،
                                                   پاناھ بېرىڭ خۇدايىم.
     ئىسسغى يوق كۆمۈردىن،
     شەمشەر بولما س تۆمۈردىن،
      مەنىسىز ئۆتكەن ئۆمۈردىن،
         پاناھ بېرىڭ خۇدايىم.
                                                 ئۆيدىكى ئوغرى چاشقاندىن،
                                                  دۈشمەنلەردىن قاشقاندىن،
                                                   ھەددىدىن بەك ئاشقاندىن،
                                                       پاناھ بېرىڭ خۇدايىم.
     ئوۋ قىلالماس ئوۋچىدىن،
     گېپى تولا پوچىدىن،
     ئېغىزدىكى نوچىدىن،
         پاناھ بېرىڭ خۇدايىم.
                                              قانىتى يوق قۇشتىن،
                                               دەل تەگمىگەن مۇشتىن،
                                                ئامىرىكىدىكى بوشتىن،
                                                    پاناھ بېرىڭ خۇدايىم.
      يالغان تارىخ كىتاپتىن،
       قەلبى كېسەل بىتاپتىن،
       ئۈزۈلمىگەن ھېساپتىن،
          پاناھ بېرىڭ خۇدايىم.
                                               تۈتۈن باسقان سەھەردىن،
                                               خىرۇئىندەك زەھەردىن،
                                                ئەخلاق يۈتكەن شەھەردىن،
                                                   پاناھ بېرىڭ خۇدايىم.
      قاينىمىغان چايدىن،
      قاملاشمىغان جايدىن،
      خەققە بەرمەس بايدىن،
          پاناھ بېرىڭ خۇدايىم.
                                                سەھەر تۇرماي ياتقاندىن،
                                                 غەپىلەتكە پاتقاندىن،
                                                 قاش-كىرپىكنى ئاتقاندىن،
                                                     پاناھ بېرىڭ خۇدايىم.
      قاملاشمىغان مەسەلدىن،
       چىۋىن قونغان ھەسەلدىن،
       ساقايمىغان كېسەلدىن،
          پاناھ بېرىڭ خۇدايىم.
                                             شەيتان كېلىپ ئۈندەشتىن،
                                              ئورۇنسىزلا كۈندەشتىن،
                                               بىلىندۈرمەي جۆندەشتىن،
                                                   پاناھ بېرىڭ خۇدايىم.
      ھورۇن مەينەت تاڭجاڭدىن*
      زىيان تارتقان چاڭجاڭدىن*
      قەرز بەرمەس خاڭجاڭدىن،
         پاناھ بېرىڭ خۇدايىم.
                                               كۇرسى چۈشكەن دوللاردىن،
                                                توسۇلۇپ كەتكەن يوللاردىن،
                                                 شەپقىتى يوق قوللاردىن،
                                                     پاناھ بېرىڭ خۇدايىم.
       يالغان-ياۋداق شۇئاردىن،
       خىيانەت ھەم قىماردىن،
       ئاققا تۇتقان خۇماردىن،
         پاناھ بېرىڭ خۇدايىم.
                                              موزاي بەرمەس كالىدىن،
                                               كۆڭلى قارا ئالىدىن،
                                                ئىنساۋى يوق بالىدىن،
                                                    پاناھ بېرىڭ خۇدايىم.
         سۇ تېپىلماس چۆلدىن،
         قۇرۇتلاپ كەتكەن كۆلدىن،
         ئىمتاھاندا نۆلدىن،
             پاناھ بېرىڭ خۇدايىم.
                                                  قاچۇرىنىڭ قوۋزىغىدىن،
                                                  كۆرەلمەسنىڭ توزىغىدىن،
                                                  ئاخىرەتنىڭ دوۋزىغىدىن،
                                                     پاناھ بېرىڭ خۇدايىم.
        خاراپ بولغان ۋەتەندىن،
         تاماق قىممەت ئۆتەڭدىن،
        ئەخلاقى يوق سەتەڭدىن،
           پاناھ بېرىڭ خۇدايىم.
                                                 پات كەلمىگەن باھاردىن،
                                                  يالغان چىققان تاۋاردىن،
                                                   سېسىپ پىشقان ئاناردىن،
                                                       پاناھ بېرىڭ خۇدايىم.
         چالا پىشقان مومىدىن*
        قاتار كەلگەن رومكىدىن،
        <شاتۇر>دىگەن بومبىدىن،
           پاناھ بېرىڭ خۇدايىم.
                                              سۆزى يالغان باخشىدىن،
                                          ئوغۇرلاپ ئېيتقان ناخشىدىن،
                                           كۆڭۈل بەرمەس ياخشىدىن،
                                         پاناھ بېرىڭ خۇدايىم.
       مىۋىسى يوق باغچىدن،
        قانۇن بىلمەس ساقچىدىن،
        يالغان چىققان ئاخچىدىن،
      پاناھ بېرىڭ خۇدايىم.
                                                  ئادەم بولماس خەستىن،
                                                   كۆڭلى قارا پەستىن،
                                                   كوچىلاردا مەستىن،
                                                  پاناھ بېرىڭ خۇدايىم.
       يالغان مەينەت مودىدىن،
        نىسى كەتكەن سودىدىن،
        ھىجىيىپ بەرگەن سوۋغىدىن،
     پاناھ بېرىڭ خۇدايىم.
                                              توختىماي بايلىق قېزشتىن،
                                              ئەقلىدىن بەك ئېزىشتىن،
                                               بەك تېتىقسز يېزىشتن،
                                                پاناھ بېرىڭ خۇدايىم.
                                  

نىمانچە تېتىسىز نىمە بۇ ؟ مۇ شۇ نىمۇ تىما دەپ يوللاپ ! ، مۇنبەر بوشلۇقىنى ئىسراپ قىلىپ !