ئەسسالامۇ _ ئەلەيكۈم...


     ئەتىگەن  ناۋا رىياسەتچىسى دېگەن  تېمىغا  يېزىلغان بەزى ئىنكاسلارنى  كۆ رۈپ  بىر  خىللا  بولۇپ  قالدىم... ۋاي_ۋۇي ......بۇ  ئىنكاسلاردا  بولۇنغان    گەپلەرنىڭ  ھەر  خىللىقى  سەرخىللىقىنى دېمەيلا  قوياي...
  ئاتالمىش بارچە  گۈللەر  ئورتاق  ئېچىلىش  دېگەن  مۇشۇمۇ  نېمە  دەپلا  قالغۇدەكلا...
    مۇشۇنچىلىك  بىر  ئىشقا  قېرىنداشلارنىڭ  كۆز  قارىشى  نېمىدىگەن  كۆپ  ... ھە؟؟؟؟!
    ناۋا   پېروگراممىسى  يولغا  قويۇلۇپ  ياشلىرىمىزغا  ئۆزىنىڭ  سەنئەت  تالانتىنى  نامايەن  قىلغۇدەك  شارائىت بار  بولغان ئىدى... ...
     شەخسەن  مەنمۇ  ناۋانى  ياخشى  كۆرەتتىم.... قەيسەر  ئاكىنىڭ  رىياسەتچىلىك  تالانتتىغىمۇ  قايىل ... ئۇ   تەبىئي  ،   يۇمۇرىستىك ،  جانلىق ، ياشلارغا  خاس  ئوبرازى بار.  شۇڭا  ئۇ  باشتىكى  ناۋالاردا ،چوڭ _ كىچىك قېرى _ياشلارنى  جەلپ قىلالىغانىدى... ناۋانى بەك كۆپ كىشىلەر ماختايتتى،بېرىلگەن نومۇرلارمۇ  ياخشى ئىدى، كېيىنقى سانلىرىدا  مەلۇم  سەۋەپلىك  قەيسەر  ئاكا  رىياسەتچىلىك  قىلمىدى...ئارقىدىن  چىققان  ھېلىقى رىياسەتچى  كىشىلەرنى جەلپ  قىلالمىدى بولغاي ... ئۇنىڭغا  بولغان پىكىر  بەك  كۆپ  بولدى.
يەنە  بىرگە  كېيىنكى  ناۋالاردىكى  بەزى  نومۇرلار ھەقىقەتەن  ئادەمنى  بىزار  قىلىدۇ،        
  نۇرغۇن  كىشىلەرمۇ  شۇ  پىكىردە  بوپتۇ . مەنمۇ   قىزىقمايدىغان  بوپ  قالغان . ئەمما  يەنىلا  قالدۇرماي  كۆردۈم ...
  
    بىراق  مەن  ھەرگىزمۇ  بۇ   پېروگراممىنىڭمۇ   توختىلىپ  قېلىشىنى  ئۈمىد  قىلمايمەن...بەلكى  بەدىئيلىكى  كۈچلۈك ،نومۇرلىرى سەرخىل ، يېپيېڭى  ناۋانى  كۆرۈشنى  ئۈمىد  قىلىمەن...  
    ناۋا  يوقالسۇن ! دېگۈچى بەزى  قېرىنداشلارغا   شۇنىمۇ  ئەسكەرتىپ  قويغۇم  كېلىدۇ...  بەزىلەر  سىز  بىزنىڭ   بارى-يوقى  بىر  نەچچە  پىروگراممىلىرىمىزنى    بىراقلا  يوقىتالماي ،     بارا - بارا يوقىتىشقا  تىرىشىۋاتقان  مۇشۇ كۈنلەردە  سىز  يوقىتىلسۇن !دەپ شوئار توۋلاپ تۇرسىڭىز   ئەلۋەتتە  خۇش بولمامدۇ  ؟؟؟! ھەم تېزلا  يوقاتمامدۇ؟؟!!  سىز نىڭمۇ  باشقىچە  ياخشى ئىجابىي پىكىردە  ئىكەنلىكىڭىزنىمۇ  بىلىمىز ... سىزمۇ خەلىققە  پايدىلىق  بىر  ئىش  بولسۇن  دېگەنسىز؟... ئەمما  ئويلاپ  باقمامدۇق؟!   سىز _ بىز  خالىغان ، ئۈمىد  قىلغان ،خەلققە  بىۋاستە ياخشى  تەسىر  بېرىدىغان  پىروگراممىلارنى  بەزىلەر  شۇنچە تېز  تەستىقلاپ  كۆرۈرمەنلەرگە  تەقدىم  ئېتىشكە يول  ھازىرلاپ بېرەرمۇ؟؟؟  قانچىلىك  ۋاقىتتا  تەستىقلىنار؟؟؟؟  ئاۋۋال  خىش ، ئاندىن   دەرۋىش  دېگەندەك  ماۋۇ  يولغا  قويۇلىۋاتقان   ناۋانى  ھەممىمىز    قوللاپ ،  بولمىغان   يەرلىرى   بولسا  ئىجابي  پىكىرلەرنى  بەرسەك  دېمەكچىمەن .  ئاۋۇيوقالسۇن ! ماۋۇ  يوقالسۇن !دېمىسەك!!!بۇ بىر  ئاتالمىش مەدەنىيەت ئىنقىلابى  بومىغاندىكىن  ھەم  بىز  بەرىبىر ھازىرچە بىرىنى  يوقىتىپ ، بىرىنى  پەيدا  قىلالمىغاندىكىن !!!  كۆپنىڭ كۈچى كۆپ  دېگەندەك ياخشى ،ئىجابىي پىكىرلەرنى كۆپ بەرسەك ،قوللىساق، ناۋامۇ  رەتلىنىپ ،سەرخىللاشسا ،بۇمۇ  بىر  چوڭ  ئىش  ئەمەسمۇ؟؟؟!!!   ناۋا  پىروگرامما  خىزمەتچىلىرىمۇ  كۆپ   كۈچ  چىقىرىشى لازىم،  مۇھىمى   گاچىلا  بولمىسا  ناخشا  ئېيتىمەن  دەپ  كەلگەن  ھەممە ھەۋەسكارلانى قارا_قويۇق چىقىرىلىۋەرمەي،نومۇرنىڭ بەدىئيلىكىگە  ئەھمىيەت  بېرىشىنى  ( قەيسەر  ئاكىغا  كەلسەك  ئۇ  ئۆزىنىڭ ئاۋازئارتىسلىكىنى  قىلىۋاتىدۇ...خۇدا  خالىسا  سالامەتلىكى نورمال...ئارتۇقچە  گەپ  بولۇنمىسا) ئۈمىد  قىلىمەن .
     قېرىنداشلار  بىز دە  ئىختىلاپ  بولمىسۇن. دۇنيادا ئىتتىپاقلىشىپ، بىر ياقىدىن باش چىقارغان  ئەل  كۆزلىگەن مەقسەتكە  مۇقەررەر يېتىدۇ .
    بۈگۈن جۈمە بولغاچقا   ئالدىراشچىلىقتا  چالا _ بۇلىلا   يوللاپ قالدىم ... توغرا  چۈشىنەسىلەر...
                                              ئاخىرىدا نورۇز بايرىمىڭلارغا  مۇبارەك بولسۇن !!!!
                                                                                    2009-3-20  

مەن قوللايمەن ھەممە ئىشنى توغرا بىرتەرەپ قىلىشى كېرەك سەلبى تەرىپى كۆپ بولسا شاللاش ، توغرا ئىجابىتەرەپنى تەرەققى قىلدۇرۇش ئەڭ مۇھىمى ئىتتىپاقلىشىش كېرەك

ھەممە ئىشنىڭ يامان تەرەپلىرىنى كۆرمەي ياخشى تەرەپلىرىنى كۆرۇش كىرەك ..ھەممە ئىشنىڭ ،مۇكەممەل بۇلۇپ كىتىشى ناتايىن ،شۇڭا ھەممىز  سەلبىي تەرەپلىرنى كۆرمەي ئىجابىي تەرەپلىرنى باھالاش كىرەك ..

رىياسەتچى ئنداق مانداقكەن دەپلا بىر وبدان پروگگىراممىنى يوققا چىقاساق قاملاشماس،،ناخشىچىلارمۇ كەسپى بولمىغاندىكىن ،،ياخشىسىنى تاللايدىغان ئىش شۇ،ئۇنىڭ ئۈستىگە بىزنىڭ مىللى ساپ مىللى تىلدىكى سەنئەت پروگگىراملىرىمىزدىن مۇشۇ بىر نەچچىلا قالدى،،،،قوللايلى كوپچىلىك!

++ يوقالسون دىسە يوقىلىپ ، چىقسۇن دىسە چىقىدىغان ئىش يوق ھازىر .
بولسا مەزمۇنلىرىنى تىخىمۇ سەرخىل قىلسا  ، چوڭلار ۋە ياشلار ۋە بالىلارمۇ ياخشى كۆرىدىغان قىلىپ ئىشلىسە.
   يەنە بىرى ناخشىچىلارنىڭ ساپاسىنىمۇ  سىناش ئۇچۇن ئۇيغۇر مەدىنىيىتىگە ئائىت سۇئاللارنى سوراش . چەتئەل تىلى . پەن تىخنىكا يىڭىلىقلىرى . تارىخ  .........  قاتارلىق سۇئاللارنى سوراش  دىگەندەك .
  

مەن مەزكۇر تېمىغا يېزىلغان ئىنكاسلارنى كۆرۈپ بىر نەرسىنى ھېس قىلدىم،،،
ئەگەر بىرەيلەن ناۋانى ياخشى دەپ تېما يوللىسا كۆپ قىسىم تورداشلارمۇ شۇنىڭغا ئەگىشىپ ياخشى دەيدىكەن، ياخشى ئەمەس  دەپ تېما يوللىسا يەنە شۇنىڭغا بۇلۇشۇپ ياخشى ئەمەس دەيدىكەن ...ئەڭ ياخشىسى ھەممىڭلار ئۆزەڭلارنىڭ كۆز قارىشىنى دەڭلار ،،،

بىزگە ئەمدى ناخشا ئۇسۇل موھىم ئەمەسقۇ دەيمەن
   يىلىمۇ يىتە ھازىرقى سەنئەتكارلىرىمىزنىڭ كۆپلىكىگە

مىنڭ كارىم يۇق     

     ناۋا پروگراممىسىنىڭ ئەڭ دەسلەپتىكى بىر نەچچە سانلىرى ئىنتايىن ياخشى چىققان، ئەمما كىيىنچە ناچارلىشىپ كەتتى. ئەسلىدىكى ھالىتىنى ساقلاپ قالغان بولسا ئىنتايىن ياخشى بۇلاتتى .
    <ناۋا سەھنىسى ياشلارنىڭ سەھنىسى> دىسە نەدىكى غىتمەكلەر ئاينىپ بىر چىرايلىق سەھنىنى بۇلغاپ ناۋانىڭ شەنىگە داغ چۈشۈرۈپ .......  

ناۋا پىرگىراممىسىنى تۇختىتىپ قۇيغىنى بۇلماپتۇ،،،،ياخشى پىرگىرامما ئىدى،،،،!

مەن خىزمەت بىلەن ئىچكىرى ئۆلكىلەرگە بارسام ، ئىچكىرىدىكىلەر ، ئۇيغۇرلار ناخشا ئېيتىش -ئۇسۇل ئويناشقا ئامراق، سەنمۇ بىزگە ناخشا ئېيتىپ بەر ياكى ئۇسۇل ئويناپ بەر دەپ تۇرۇۋالىدۇ . مەن بىلمەيمەن دىسەم ، ھەيران قالىدۇ .
مېنىڭ ئويلايدىغىنىم ،ئۇيغۇرلار ناخشا ئېيتىش -ئۇسۇل ئويناشتىن باشقىنى بىلمەسمۇ ؟ ئەمىلىيەتتە مەن ناخشىنىمۇ غىڭشىپ ، ئۇسۇلنىمۇ يامان ئەمەس ئوينايمەن . ئەمما ، «ئۇيغۇر بولغاندىكىن » دىگەن سۆز قوشۇلۇپ قالغانلىقى ئۈچۈنلا ، ئۇلارنى رەت قىلدىم . سەۋەبى ، مەن ئۇيغۇر ، مەن پەقەت ناخشا ئېيتىش ئۇسۇل ئويناشنى بىلىپلا قالماستىن باشقا ئىشلارنىمۇ بىلىمەن .مېنىڭ ئۇلارنىڭ بۇخىل تار مەنىدىكى «ئۇيغۇر»غا بولغان چۈشەنچىسىنى ئۆز ھەركىتىم بىلەن ئىسپاتلىغۇم يوق خالاس .
تېمىدىن سەل چەتنەپ قالدىم . يوقۇرىدىكى مۇنبەرداشلار دىگەندەك بىر ئىشنىڭ ھەر ئىككى تەرىپىنى ئويلىشىمىز كېرەك ، نوقۇل ھالدا شامالغا ئەگىشىپ ئىغاڭلىساق بولمايدۇ ، ئەلۋەتتە. «ناۋا »ياخشى باشلانغان، بەلكىم بەزى سەۋەبلەر تۈپەيلىدىن نۇخسانلاردىن خالى بولالماسلىقى مۈمكىن . بىز ئۇنى بىراقلا تىللاپ ئۇرۇپ ئۇجۇقتۇرۇۋەتمەي ، ئۆزىمىزنىڭ بولغاندىكىن يېقىندىن يار يۆلەكتە بولۇپ ، قوللىشىمىز ، تېخىمۇ ياخشى بولۇشى ئۈچۈن ئورتاق كۈچ چىقىرىشىمىز كېرەك دەپ ئويلايمەن .

ئۇنداقمۇ دەپ كەتمەڭلار~~غىتمەكلەر ئىيتسىمۇ ئىشقىلىپ ياشلارنىڭ پۇرسەت سەھنىسى ئىدى~~ئەپسۇس ناۋانى يوق قىلۋەتكىنى پەقەتلا بولماپتۇ~~بەزەنلەر خوش بولغان بىلەن مەن خوش بولمۇدۇم چۇنكى ناۋانى قالدۇردى~~ئۇنىڭ ئورنىغا ھىلىقىدەك ئىلان شىركەتلىرى ھەر خىل ئىلانلىرىنى ماختاپ چىقسا شۇنىڭغا خوش بۇلغۇم يوق~~ناخشا مۇزىكىلارنى يوق قىلسۇن دەيلى~~يوقمۇ قىلسۇن~~بىراق سىلەرچە بىزگە ئىسلامچە فىلىم ياكى دۇئا تىلاۋەتلەرنى  ناۋانىڭ ئورنىغا ئالماشتۇرۇپ بىرەرمۇ؟ پەقەت ئۇزىمىزنىڭ بىر تال پىروگىراممىمىز بولسىمۇ يۇقۇلۇپ تۇرغىنى ياخشى شۇنداقمۇ؟؟؟؟؟؟؟؟؟؟؟جىق جىق تىللايلى~~بولسا تەلەي يۇلتۇزىمۇ تاقالسۇن~~ئۇيغۇرچە قاناللارنىڭ ئورنىغا خەنلەرچە  قانال ئوزگەرتىپ بەرسۇن بىز شۇ چاغدىلا خوش بۇلىمىز~~چۇنكى بىز ھازىر مىنكوخەنلىشىپ سىنكوخەنلىشىپ تەرەققى قىلۋاتساق نىمە قىلمىز ناۋا، ناخشا، دىگەندەك ئۇيغۇرچە<< قۇپال>> تىلىمىزنى ئىشلىتىپ

ناۋا پىراگراممىسى -ھەممە كىشلەر ياقتۇرىدىغان پىراگرامما،شەخسەن مەن ئۆزۈممۇ بەك ياقتۇرىمەن،بىراق يىقىندىن بۇيان ناۋا پىراگراممىسىنىڭ   ناخشىلىرىدا  ،ئادەمنى جەلىپ قىلغۇدەك سەرخىل ناخشىلار ئازلاپ كەتتى.
بۇ ھەممىمىزگە ئايان،ناۋا پىراگراممىسىنى توختىتىمىز دىگەن بۇقاراش،ياخشى ئۇسۇل ئەمەس،بىز ئۆز مىللىتىمىزنىڭ مەدىنىيتنى،تەرەققىي قىلىش يولىنى توسقۇنلۇققا ئۇچراتماسلىقىمىز كىرەك.
شۇڭا بىز بۇ توغرىسىدا سوغۇققانلىق بىلەن ئويلىنىپ،ناۋا پىراگراممىسىغا پىكىر-تەكلىپ بەرسەك ،ئۇلار بۇ پىكىرلەرگە قارىتا ئۆزگەرتىش ئىلىپ بارىدۇ.