....كۈتۈشنىڭ ۋىسال دەقىقىلىرىگە يېتىش ئارمىنىنىڭ بۇنچىلىك تەس ،مۈشكۈللىكىنى تۇنجى قېتىم ھېس قىلىپ يەتتىم. مەندەك خىيالىي ،سۆيۈشنىڭ نىمىلىكىنى ھېس قىلمىغان بىر قىزنىڭ ئۆزىنىڭ زەررىچە شاتلىقى بىلەن بەخىت سانىلىدىغان سۆيگۈ قاپقىنىغا چۈشۈپ قالغانلىقىمنى ھېس قىلىپ قورقۇپ قالدىم.مەن بۇ جەھەتتەقىلچىمۇ تەجرىبەم يوق بىر قىز ،مەن بىر قىز ،ئىپپەتلىك ئۇيغۇر قىزى بولغانلىقىم ئۈچۈنلا ساڭا ئۆز مۇھەببىتىمنى ،سېنى ياخشى كۆرىدىغانلىقىمنى بىلدۈرەلمەيدىكەنمەن .چۈنكى بۇنىڭغا غورۇرۇم يول قويمايدۇ....
ھەرقېتىم سىنى ئۇچراتقىنىمدا كۆزۈڭدىن سۆيگۈ ئىزدىدىم،تاكى قاراڭ يۈتكىچە ساڭا قاراپ تۇردۇم،غايىپ بولغىنىڭدا شەپقەتلىك ئاللادىن كېلىشىڭنى تىلىدىم.شۇ بىر كۈلكەڭ ھېلىمۇ ئىسىمدە.. ماڭا قاراپ تۇيۇقسىز كۈلگەن ئىدىڭ ،شۇ چاغدا جىددىيلەشكىنىمدىن سېنىڭ كۈلكەڭگىمۇ جاۋاپ قايتۇرالمىغانىدىم.بىرەر پائالىيەتلەردە ئۇچراپ قالساڭ ،سېنى يوشۇرۇن كۈزىتىپ ئولتۇراتتىم ،ئۇزاقتىن ئۇزاق ئولتۇرۇپ كېتەتتىم.
سېنى كۈتتۈم ...ئۇزۇن كۈتتۈم ...مانا شۇ تاپتىمۇ سىنى بىر كۆرۈۋېلىش مەقسىتىدە كۈتۈپ ئولتۇرۇپتىمەن ،ۋاقىت ئۆتمەكتە ..كۆزلىرىم ئاغرىپ كەتتى....ئەپسۇس ،سەن كەلمىدىڭ...پات ئارىدا بۇ شەھەردىن يىراقلارغا خىزمەتكە بارىمەن ،سېنى كۆرەلمەيدىغان بۇ كۈنلىرىمدە مەن نىمە بولۇپ كېتەرمەن ؟سېنى جېنىم دىگىم كېلىدۇ،بىراق سېنىڭ رۇخسىتىڭسىز بۇ سۆزنى ئاغزىمدىن چىقىرالمايمەن ...مانا ماڭىدىغانغا پەقەت ئىككى كۈن قالدى .مەن قورقۇپ كېتىۋاتىمەن ،سېنى كۆرەلمەي قالارمەنمۇ؟ سېنىڭ كۆڭلۈڭدە كىملەر بار ،سەنمۇ بەلكىم مەن ساڭا كۆيگەندەك باشقىلارغا كۆيەرسەنمۇ؟ بۇنى بىلىشتىن قورقىمەن ،راستتىنلا قورقىمەن ...........مەن سىنى كۆرىۋالساممۇ بۇ مەن ئۈچۈن ئالەمچە خۇشاللىق بولاتتى ئەلۋەتتە...
بەك چارچاپ كەتتىم..ئەتە سېنى كۈتىمەن .....خەير ئامان بولغىن .....
ئۇلۇغ ئاللادىن سەن ئۈچۈن ھەرۋاقىت بەخىت ،ئامەت تىلەيمەن ....
[ بۇ يازما pari1125 تەرپىدىن2009-03-20 18:36دە قايتا ]