ئابلەت ئابلىكىم بىلەن شەبنەمدە سۆھبەت


سىز بۇ تېمىنىڭ 119 - كۆرۈرمىنى
بۇ بەتتىكى تېما: «تۆۋەن تېمپېراتۇرا»ۋە ئۇنىڭدىن پايدىلىنىش پىرىنتىرلەش | IE دا ساقلىۋېلىش | تېما ئۇلىنىش كۆچۈرۈش | تېما ساقلىغۇچتا ساقلاش | ئالدىنقى تېما | كىيىنكى تېما

tughrul
تۇغرۇل _ بۈركۈت سەردارى !
ئالاھىدە ئىلگىرلەش ئىلغار باشقۇرغۇچى
دەرىجىسى : شەبنەم باشقۇرغۇچى


UID نۇمۇرى : 48638
نادىر تېما : 0
يازما سانى : 3911
شۆھرەت: 1150247 نۇمۇر
شەبنەم پۇلى: 12735573 سوم
تۆھپە: 153 نۇمۇر
ياخشى باھا: 94 نۇمۇر
توردىكى ۋاقتى : 1978(سائەت)
تىزىملاتقان ۋاقىت:2008-06-15
ئاخىرقى كىرگىنى:2009-03-19

 «تۆۋەن تېمپېراتۇرا»ۋە ئۇنىڭدىن پايدىلىنىش

«شەبنەم تورداشلار سۆھبەت توپلىمى» نى چۈشۈرۋىلىڭ

«تۆۋەن تېمپېراتۇرا»ۋە ئۇنىڭدىن پايدىلىنىش

مامۇت قۇربان

ئاجايىپ «تۆۋەن تېمپېراتۇرىلىق دۇنيا»


      سۆڭەكتىن ئۆتكۈدەك سوغۇق بولغان كۈنلەردە يەرلەر توڭلاپ كېتىدۇ. ئېلىمىزنىڭ شىمالىي رايونلىرىدا تېمپېراتۇرا نۆلدىن تۆۋەن 20 نەچچە گرادۇسقا چۈشىدۇ. يەرشارىنىڭ ئىككى قۇتۇپىدا تېخىمۇ سوغۇق بولىدۇ. ئەڭ سوغۇق بولىدىغان جەنۇبىي قۇتۇپتا تېمپېراتۇرا نۆلدىن تۆۋەن 88.3 گرادۇسقا چۈشىدۇ، شۇڭا ئۇ يەر «دۇنياۋى سوغۇق قۇتۇپ»دېيىلىدۇ. ئاي شارىنىڭ تۇتۇق يۈزىدىكى تېمپېراتۇرا نۆلدىن تۆۋەن 160 گرادۇسقا يېتىدۇ. ئالەمنىڭ ئەڭ ئىچكىرى قاتلىمىدا تېمپېراتۇرا تېخىمۇ تۆۋەن بولۇپ، 270 گرادۇسقا يېتىپ بارىدۇ.

      ئۇنداقتا سوغۇق تېمپېراتۇرىنىڭ چېكى بارمۇ – يوق؟ ئالىملار بۇنى «مۇۋاپىق تېمپېراتۇرا»، دەپ ئاتاپ، مۇتلەق تېمپېراتۇرىنى نۆلدىن تۆۋەن 273.15 گرادۇس بولىدۇ، دەپ قارايدۇ.

     تۆۋەن تېمپېراتۇرا ماددىلارنىڭ خۇسۇسىيىتىدە زور ئۆزگىرىش پەيدا قىلىدۇ. ئۇ بىزنىڭ تۇرمۇشىمىز بىلەنمۇ زىچ مۇناسىۋەتلىك بولىدۇ. ھاۋانىڭ نۆلدىن تۆۋەن 190 گرادۇستا سۇس كۆك رەڭلىك سۇيۇقلۇققا ئايلىنىشى سۇپېرتۆۋەن تېمپېراتۇرىغا تەۋە بولىدۇ. بۇنداق تېمپېراتۇرىدا تۇخۇمنى قويساق، تۇخۇم سۇس كۆك رەڭلىك يالتىراق نۇر چىقىرىدۇ، يەرگە تاشلىساق تۇخۇم خۇددى رېزىنكە توپقا ئوخشاش قاڭقىيدۇ، ئۇ يەرگە بىر دەستە گۈلنى قويساق گۈل ئەينەككە ئوخشاش چاقناپ كېتىدۇ، ئۇنى ئاستا چەكسەك ئاۋاز چىقىرىدۇ، چىڭراق چەكسەك گۈل ئۇۋۇلۇپ كېتىدۇ.

مېتاللارمۇ سوغۇقتىن قورقىدۇ


     تۆۋەن تېمپېراتۇرا مېتاللارنىڭ ئىچكى تۈزۈلۈشىدە ئۆزگىرىش پەيدا قىلىدۇ.  بۇ مېتاللارنىڭ سوغۇق تېمپېراتۇرىدا چۈرۈكلىشىش ھادىسىسى، دېيىلىدۇ. مېتاللارغا سوغۇق تېمپېراتۇرىنىڭ ئېلىپ كېلىدىغان زىيىنى ئىنتايىن چوڭ بولىدۇ. 1913 – يىلى روسىيىنىڭ جەنۇبىي قۇتۇپنى تەكشۈرۈش ئەترىتى قەلەي بىلەن كەپشەرلەنگەن تۆمۈر باكقا بېنزىن قاچىلىغان، نەتىجىدە قەلەي تۆۋەن تېمپېراتۇرىدا ئۇۋۇلۇپ كېتىپ، ئۇنىڭدىكى بېنزىننىڭ ھەممىسى ئېقىپ كەتكەن. بۇ ساۋاققا ئاساسەن، جەنۇبىي، شىمالىي قۇتۇپقا ياكى سوغۇق رايونلارغا بارىدىغان كىشىلەر قەلەي بىلەن كەپشەرلەنگەن باكقا بېنزىن قاچىلىمايدىغان بولغان. قەلەي سوغۇقتىن قورقۇپلا قالماي، ئاليۇمىن، ماگنىي ھەتتا پولاتلارمۇ سوغۇقتىن قورقىدۇ. بۇنداق مېتاللارنىڭ سوغۇق تېمپېراتۇرىدا ئۇۋۇلۇپ كېتىشى ئىنسانلارغا بەخت ئېلىپ كېلىشىمۇ مۇمكىن. مەسىلەن: ئۇرۇش مەيدانلىرىدىكى مىنانى مىنا تازىلاش ئەسۋابى بىلەن تەكشۈرۈپ تېپىۋېلىشقا بولسىمۇ، لېكىن ئۇنى ئېلىۋېتىش ئىنتايىن خەتەرلىك. ئەگەر سويۇق ھالەتتىكى سوغۇق ھاۋانى مۇشۇ ئورۇنغا پۇركىسىلا، تېمپېراتۇرا دەرھال تۆۋەنلەپ، مىنادىكى مېتال پۇرژۇنا ئۇۋۇلۇپ، ئېلاستىكىلىقىنى يوقىتىپ مىنا پارتلىمايدۇ.

      ھازىر يېمەكلىك سانائىتىدە، جۇڭيى دورىلىرىنى پىششىقلاش، داۋالاش، ئوپېراتسىيە قىلىش، سۇۋالغۇ ئىشلەپچىقىرىش قاتارلىقلاردا تۆۋەن تېمپېراتۇرىلىق تېخنىكا كەڭ كۆلەمدە قوللىنىلماقتا. مەسىلەن: دېڭىزدىن نېفىت ئېلىشتا پەيدا بولىدىغان بۇلغىنىشنى تۈگىتىش قىيىن مەسىلە. لېكىن ھازىر بولغىنىشنى تۆۋەن تېمپېراتۇرىدا چىقىرىپ تاشلاش ئۇسۇلى قوللىنىلىپ، لەيلەپ چىققان نېفىت قاتلىمى ئاستىغا سويۇق ئازوت پۈركەپ، سۇ يۈزىدىكى نېفىتنى دەرھال ئويۇتۇپ، دانچىسىمان ھالەتكە كەلتۈرۈپ، ئاندىن سۈزۈۋېلىپ، بۇلغىغۇچى ماددىلار چىقىرىپ تاشلىنىۋاتىدۇ. بۇنداق قىلغاندا سۇدىكى بىئولوگىيىلىك جانلىقلارغا ھېچقانداق تەسىرى بولمايدۇ. بۇ دېڭىز مۇھىتىنى ئاسراشنىڭ ياخشى ئۇسۇلىدۇر.

«سۇپېر ئۆتكۈزۈش ھادىسىسى»نىڭ ئاجايىپ كۈچى


     1911 – يىلى گوللاندىيىلىك ئالىم كاممېرلىن. ئۇننىس (كىشىلەر ئۇنى تۆۋەن تېمپېراتۇرىلىق فىزىكىنىڭ ئاتىسى، دەپ ئاتايدۇ) تۆۋەن تېمپېراتۇرىغا مۇناسىۋەتلىك بىر تەجرىبە ئىشلەۋېتىپ، كۈتۈلمىگەن بىر ھادىسىنى بايقىغان. تېمپېراتۇرا نۆلدىن تۆۋەن 269 گرادۇسقا چۈشكەندە (سۇيۇق گېلى تېمپېراتۇرىسى رايونى) سىمابنىڭ ئېلېكتر قارشىلىقى تاسادىپىي يوقىغان، مانا بۇ «سۇپېر ئۆتكۈزگۈچ ھادىسىسى»بولۇپ، ئەسلىدە تۆۋەن تېمپېراتۇرا ماددىلارنى يېڭى بىر ھالەت –– سۇپېر ئۆتكۈزگۈچ ھالىتىگە ئايلاندۇرغانىدى.

     ئارقىدىنلا كىشىلەر يەنە بىر قىزىقارلىق تەجرىبە ئىشلىگەن. ئۇلار قوغۇشۇندىن ھالقا قۇيۇپ، ئۇنى ئابساليوت نۆل گرادۇسقا يېقىن ئۆتە تۆۋەن تېمپېراتۇرىغا قويغاندا، قوغۇشۇننىڭ ئېلېكتر قارشىلىقى تۈگىگەن. ھالقىغا توك ئۆتكۈزۈپ، ئاندىن توك يولىنى ئۈزۈپ، پۈتكۈل قۇرۇلمىنى يېپىق ھالەتكە ئەكەلگەن، ئىككى يىلدىن كېيىن، ئۇلار ئەسۋابنى ئېچىپ، ھالقىنىڭ توك ئۆتكۈزۈش كۈچىنى ئۆلچىگەندە ئاساسەن ئۆزگىرىش بولمىغانلىقىنى بايقىغان. ئەسلىدە «سۇپېر ئۆتكۈزگۈچ ھالقا»نىڭ ئېلېكتر قارشىلىقى نۆل بولۇپ، ئېنېرگىيە ئاساسەن سەرپ بولمىغان، شۇڭا ھالقىدىكى توكنىڭ بىر نەچچە يىل، ھەتتا بىر نەچچە ئون يىل ساقلىنىدىغانلىقى ئىسپاتلانغان.

     كۆپ يىللاردىن بۇيان كىشىلەر ئىزچىل تۈردە توك يەتكۈزۈپ بېرىدىغان سۇپېر ئۆتكۈزگۈچ ماتېرىياللارنى ئىشلىتىش ئۈستىدە ئىزدىنىپ كەلدى. چۈنكى بۇ زور ئەھمىيەتكە ئىگە بولۇپ، توك كۈچى سانائىتىدە بىر مەيدان ئىنقىلابنى قوزغىدى.  ھازىر پۈتۈن دۇنيادىكى توك ئېنېرگىيىسىنىڭ تۆتتىن بىر قىسمى توك يەتكۈزۈش سىمىدا خوراپ كېتىدۇ. ئەگەر ئېلېكتر قارشىلىقى بولمىغان سۇپېر ئۆتكۈزگۈچ ماتېرىياللاردىن توك سىمى ياساپ، ئىرىلياتۇرلۇق تېخنىكىسىدىن پايدىلىنىپ «خورىمايدىغان توك يەتكۈزۈش»ئىشقا ئاشۇرۇلسا، نۇرغۇن توكنى تېجەپ قالغىلى بولىدۇ. ئېنېرگىيە مەنبەسى جىددىي بولۇۋاتقان بۈگۈنكى كۈندە، بۇ كۆز ئالدىمىزدىكى بايلىقتۇر.

ھاياتلىقنى توڭلىتىپ ساقلىغىلى بولامدۇ؟


     ئالىملار مۇنداق بىر تەجرىبە ئىشلىگەن: ھاۋانىڭ نۆلدىن تۆۋەن 190 گرادۇستا سۇس كۆك رەڭلىك سۇيۇقلۇققا ئايلىنىشى، ئۇنىڭ زىيادە تۆۋەن تېمپېراتۇرىغا تەۋەلىكىنى چۈشەندۈرىدۇ. بېلىقداندىكى ئالتۇن بېلىقتىن بىرنى ئېلىپ، ئۇنىڭ بېشىنى تۆۋەنگە قىلىپ، بۇ سۇيۇقلۇققا كىرگۈزۈپ، ئاندىن چىقىرىۋېلىپ قارىسىڭىز، بېلىق قېتىپ، مەرۋايىتتەك پارقىراپ، خۇددى كرېستال ئەينەكتىن ياسالغان بۇيۇمدەك بولۇپ كەتكەنلىكىنى كۆرۈسىز. بۇ «ئەينەك ئالتۇن بېلىق»نى بېلىقداندىكى سۇغا قايتا سالسىڭىز، ئالتۇن بېلىقنىڭ قايتىدىن تىرىلىپ، ئويناپ يۈرگەنلىكىنى كۆرۈپ ھەيران قالىسىز.

     «ئالتۇن بېلىقنىڭ توڭلاپ يەنە تىرىلىشى»بىزگە «ھاياتلىقنى توڭلىتىپ ساقلاش»قا بولىدىغانلىقىنى چۈشەندۈرىدۇ. ئەگەر تېمپېراتۇرىنى ئاستا – ئاستا تۆۋەنلەتكەندە، بېلىقنى تىرىلدۈرگىلى بولمايدۇ. چۈنكى، تېمپېراتۇرا ئاستا – ئاستا تۆۋەنلىتىلگەندە ھايۋانلارنىڭ ھۈجەيرىلىرىدىكى سۇ توڭلايدۇ، توڭلىغان ۋاقتىدا ھەجمى يوغىناپ، ھۈجەيرە دىۋارلىرىنى يېرىپ، ھۈجەيرىنى ئۆلتۈرۈپ قويىدۇ؛ لېكىن تۆۋەن تېمپېراتۇرىدا تېز توڭلىتىلسا، ھۈجەيرىلەردىكى سۇ كۆپۈشكە ئۈلگۈرەلمەيدۇ – دە، كىلىتكىلار بۇزۇلمايدۇ. كىلىتكىلار زىيادە تۆۋەن تېمپېراتۇرىدىلا ھەرىكەتتىن توختايدۇ، ماددا ئالماشتۇرالمايدۇ. تېمپېراتۇرا بىردىنلا ئۆرلىسە، ھاياتلىق قايتا ئەسلىگە كېلىدۇ. ھازىر ئالىملار دەل مۇشۇ سىر ئۈستىدە ئىزدىنىپ، ئىنسانلارنىڭ ئۆمرىنى ئۇزارتىشنىڭ يېڭى يوللىرى ئۈستىدە ئىزدەنمەكتە.

مەنبە : تەڭرىتاغ تورى _ شىنجاڭ گېزىتى  « 2009- 03- 16»  

كومپاس تىل تەربىيلەش مەكتىپى
چوققا [باش يازما] ۋاقتى : 2009-03-17 21:33 |
شەبنەم تور رادىئوسى
UYGHUR_3D_CG
دەرىجىسى : شەبنەم ئەزاسى


UID نۇمۇرى : 71671
نادىر تېما : 0
يازما سانى : 129
شۆھرەت: 129 نۇمۇر
شەبنەم پۇلى: 1290 سوم
تۆھپە: 0 نۇمۇر
ياخشى باھا: 0 نۇمۇر
توردىكى ۋاقتى : 254(سائەت)
تىزىملاتقان ۋاقىت:2009-01-20
ئاخىرقى كىرگىنى:2009-03-18

 

ئەسسالامۇ ئەلەيكۇم تورداشلار!!!
ئەگەر مۇشۇ مۇھەببەت تېمىسى ياكى تېتىخسىز يوقىلاڭ تېمىلار بولغان بولسا ئىنكاسلار يېغىپ مۇنبەرگە پاتماي كېتەتتى.
  تېما ئېگىسىگە رەھمەت.
مۇشۇ ھاياتلىقنى توڭلىتىپ ساقلاش توغرىسىدىكى ئىشقا بۇرۇن قىزىقىپ قالغان ئېدىم. ئەگەر توڭلىتپى ساقلاشتا مۇۋەپپەقىيەت قازانسا ئۇ چاغدا ئۆزىنى توڭلىتىۋالىدىغانلار جىق چىقىدۇدە. بىر ھېسابتا بۇمۇ ياخشى. نەچچە يۈز يىلدىن كېيىنمۇ ئويغانغىلى بولىدۇدە. ئۇ ۋاقىتتىكى يەرشارى چوقۇم دەھشەت تەرەققىي قىلغان بولار ھە.

كومپاس تىل تەربىيلەش مەكتىپى
چوققا [1 - قەۋەت] ۋاقتى : 2009-03-18 00:55 |
شەبنەم تور رادىئوسى
lerikhiyal
دەرىجىسى : تېما چولپىنى


UID نۇمۇرى : 12912
نادىر تېما : 0
يازما سانى : 1142
شۆھرەت: 1143 نۇمۇر
شەبنەم پۇلى: 11418 سوم
تۆھپە: 0 نۇمۇر
ياخشى باھا: 15 نۇمۇر
توردىكى ۋاقتى : 943(سائەت)
تىزىملاتقان ۋاقىت:2007-03-12
ئاخىرقى كىرگىنى:2009-03-18

 

ھەي ئۇنداق تۇۋەن مۇقىم تىمپىراتۇرىغا ئېرىشمەك تەسمىكىن.
ئېرىشكەن تەقدىردىمۇ ھاياتلىق مەۋجۇت بولماي قالارمىكىن.

مۇئەللىم ئېلكتىرونلۇق لۇغىتى
ساۋساۋ سەككىز تۇمەن قۇشۇن بىلەن سەكسەن تۇمەنلىك زور قۇشۇننى مەغلۇپ قىلغان.
                                 
چوققا [2 - قەۋەت] ۋاقتى : 2009-03-18 01:22 |
كۆرۈلگەن تېما خاتىرىسى كۆرۈلگەن سەھىپە خاتىرىسى
XabnamBBS » تەرمىلەر
 يېڭى يازما بار سەھىپە يېڭى يازمىلىق سەھىپە  نۇرمال زىيارەت قىلىغىلى بولىدىغان سەھىپە ئادەتتىكى سەھىپە    تاقاق سەھىپە مەخپىي سەھىپە
ئەسكەرتىش : تور بېكىتىمىز ۋە مۇنبىرىمىزدە دۆلىتىمىزنىڭ ھەرخىل قائىدە سىياسەتلىرىگە خىلاپ ماقالىلەر ۋە يوللانمىلارنى ، سۈرەتلەرنى يوللاشقا بولمايدۇ .
بۆلگۈنچىلىك ، قۇتراتقۇلۇق خارەكتىردىكى تېما ، ماقالىلەرنى يوللىغان ئاپتورلار ئاقىۋىتىگە ئۆزى مەسئۇل بولىدۇ .تور بېكىتىمىز ھېچقانداق مەسئۇلىيەتنى ئۆز ئۈستىگە ئالمايدۇ .
شەبنەم تور بېكىتىمىز ۋە مۇنبىرىمىزنىڭ كېيىنكى تەرەققىياتى ئۈچۈن مەزمۇنى ساغلام تېما - ئىنكاسلارنى يوللىشىڭىزنى ئالاھىدە ئەسكەرتىمىز !

Time now is:03-19 00:57, Gzip disabled
Powered by PHPWind v6.3.2 Certificate Code © 2003-08 PHPWind.com Corporation
增值电信业务经营许可证 新B2-20080018号  -  互联网电子公告(BBS)服务资质
بېكەت ھەققىدە شان ـ شەرەپلەر ئەسەرلىرىمىز خېرىدارلىرىمىز ھەمكارلىشىڭ ئېلان بېرىڭ ئالاقىلىشىڭ