ئاشقازان ئاغرىقلىرى يېمەكلىكتە نېمىلەرگە دىققەت قىلىشى كېرەك ؟
ئاشقازان ياكى 12 بارماق ئۈچەي يارىسى ئاغرىقلىرى يىرىك ، بەك سوغۇق ياكى بەك ئىسسىق يېمەكلىكلەرنى ئىستېمال قىلماسلىقى ھەمدە ئاشقازان كىسلاتاسىنى ئاجرىتىپ چىقىرىدىغان يېمەكلىكنى ئىستېمال قىلىشتىن ساقلىنىشى ، ئاسان ھەزىم بولىدىغان ، ئوزۇقلۇق قىممىتى يۇقىرى قارا ئاشلىق ، پۇرچاق سۈتى ، پۇرچاق ئۇيۇتمىسى ، تۇخۇم ، بېلىق ، قارا گۆش ،ھايۋانلارنىڭ ئىچكى ئەزاسى قاتارلىقلارنى ئىستېمال قىلىشى كېرەك .
ئاشقازىنىدا يارا يوق ، ھەزىم قىلىشى ياخشى ئەمەسلەر ياغلىق يېمەكلىكلەرنى ئىستېمال قىلماسلىقى كېرەك . گاز پەيدا قىلىدىغان يېمەكلىكلەرنى ، يەنى پۇرچاقلار ، تاتلىقياڭيۇ قاتارلىقلارنى ئاز يېيىش بىلەن بىللە ، ئاشقازاننىڭ لۆمۈلدىشىنى ئۆزگەرتكۈچى يېمەكلىكلەردىن شاكىلات ، تورت ، پىچىنە – پىرەنىك ۋە كەپشەرگە ئوخشاش يىرىك تالالىق كۆكتاتلارنى ئاز ئىستېمال قىلىش كېرەك . ئادەتتە تۇزسىز يېمەكلىكنى ئاساس قىلىش ، ھەزىم قىلىشقا ياردەم بېرىدىغان يېڭى مېۋە شەربىتى ، ئارپا ئۇمىچى ، سۆك ئۇمىچى ئىچىپ بېرىش كېرەك . بۇنىڭدا قېتىم سانىنى كۆپەيتىپ ، مىقدارىنى ئازايتسا ، ئۈنۈمى تېخىمۇ ياخشى بولىدۇ .
جىددىي خاراكتېرلىك ئاشقازان ياللۇغى ئاغرىقلىرى سۇيۇق تاماق ئىستېمال قىلىشنى ئاساس قىلىپ ، مىقدارىنى ئازايتىپ ، قېتىم سانىنى كۆپەيتىش كېرەك. ئەگەر ئاشقازان ياللۇغى ، ئۈچەي ياللۇغى ياكى ئىچى سۈرۈش تەڭ كۆرۈلسە ، شېكەر ئىستېمال قىلماسلىق ياكى ئاز ئىستېمال قىلىش ئارقىلىق قورساقنىڭ كۆپۈشىنىڭ ئالدىنى ئېلىش ، خام كۆكتات ، مېۋە شۇنداقلا يىرىك تالالىق يېمەكلىكلەردىن پەرھىز تۇتۇش كېرەك . ئاستا خاراكتېرلىك ئاشقازان ياللۇغى ئاغرىقلىرىنىڭ ئېشتىھاسى دائىم تۇتۇلۇپ قالىدۇ ، تاماقتىن كېيىن قورساقنىڭ ئۈستى قىسمى كۆپۈش قاتارلىق ھەزىم قىلىش ياخشى بولماسلىقتەك ئالامەتلەر بولىدۇ . بۇنداق ئەھۋالدا قان تولۇقلىغۇچى يېمەكلىكلەرنى ، يەنى ھايۋانلارنىڭ ئىچكى ئەزاسى ، رەڭلىك ، يېڭى كۆكتاتلارنى كۆپ ئىستېمال قىلىپ بېرىشى كېرەك .
مەنبە : تەڭرىتاغ تورى