ئائىلىدە جىددىي قۇتقۇزۇش بۇيۇملىرىنى ساقلاپ قويۇڭ
يۈرەك قان تومۇر دورىلىرى : ياشانغانلارنىڭ %80 – %90 ى يۈرەك قان تومۇر كېسەللىكىگە گىرىپتار بولغان بولۇپ ، دوختۇرلار ئىشلىتىشنى تاپىلىغان دورىلاردىن باشقا يەنە ئادەتتە كۆپرەك نتروگىلىتسېرىن (硝酸甘油(تەييارلاپ قويۇش كېرەك . دىمى سىقىلىپ يۈرىكى نورمالسىزلاشقاندا ياكى يۈرەك ئاغرىغاندا دەرھال ئىچىۋالسا بولىدۇ .
ھەزىم قىلىش تۈرىدىكى دورىلار : ئاشقازان ، ئۈچەي ئىقتىدارى ياخشى بولماسلىقمۇ ياشانغانلاردىكى دائىم كۆرۈلىدىغان كېسەللىك . بىر تەرەپتىن ، ئۇلار تاماق يېگەندىن كېيىن ئاسانلا قورسىقى كۆپۈۋالىدۇ ، بۇنىڭغا (吗丁啉) غا ئوخشاش ئاشقازان ، ئۈچەينى ھەرىكەتلەندۈرىدىغان دورىلارنى تەييارلاپ قويسا بولىدۇ ؛ يەنە بىر تەرەپتىن ، قەۋزىيەت چوڭ كاشىلا پەيدا قىلمىسىمۇ ، لېكىن مۇشۇ سەۋەبتىن تۇيۇقسىز ئۆلۈپ كېتىدىغان ياشانغانلار ئاز ئەمەس . شۇڭا قەۋزىيەتنىڭ دورىسىنى تەييارلاپ قويۇش كېرەك . مەسىلەن : توسالغۇنى ئېچىش شەربىتى .
قان بېسىم ۋە قان قەنتىنى ئۆلچەش ئەسۋابى : ياشانغانلار ئەڭ ياخشىسى قان بېسىمىنى ئۆلچىگۈچنىڭ ئېلېكترونلۇقىنى تاللىشى كېرەك . بېشى قېيىش ، دىمى سىقىلىش قاتارلىق بىئارام بولۇش ئالامەتلىرىنى ھېس قىلغاندا ، ئەڭ ياخشىسى قان بېسىمنى ۋاقتىدا ئۆلچەپ بېقىشى كېرەك . بۇنىڭدىن باشقا ئادەتتە ئەتىگىنى ئورنىدىن تۇرغاندىن كېيىن قان بېسىمىنى ئۆلچەپ بېقىپ ، نورمالسىزلىقنى تېخىمۇ بالدۇر بايقاشقا ئاسانلىق يارىتىش كېرەك .
ئوكسېگىن خالتىسى : يۈرەك كېسىلى ئاغرىقلىرى ياكى ئۆپكە ئىقتىدارى ياخشى بولمىغانلار بىرنى تەييارلاپ قويۇشى كېرەك .
بەدەن تېرمومېتىرى : ياشانغانلار كۆپىنچە ۋاقىتلاردا ئۆزىنىڭ قىزىتمىسىنىڭ ئۆرلەپ كەتكەنلىكىنى ھېس قىلالمايدۇ . شۇڭا ياشانغانلار روھىي ھالىتى تىنىچ بولمىغان ، ئشتىھاسى تۇتۇلغان ۋاقىتتا ، ئاۋۋال بەدەن تېمپىراتۇرىسىنى ئۆلچىشى كېرەك .
مەنبە : تەڭرىتاغ تورى _ ئۈرۈمچى كەچلىك گېزىتى « 2009- 03- 17 »