ئىككى دېھقان بالىسى پاراڭلىشىپ تۇراتتى، بىرى يەنە بىرىدىن تۇيۇقسىز سورىدى:
-سىلەرنىڭ كالا تاماكا چىكەمدۇ؟
-ئېلىشىپ قالدىڭمۇ،-دىدى يەنە بىرى،-كالىمۇ تاماكا چېكەمدۇ؟
-ھە، ئۇنداق بولسا كالا ئېغىلىڭلارغا ئوت كەتكەن ئوخشايدۇ.

ئۇزۇن ئۆمۈر كۆرۈشنىڭ سىرى
-ئەپەندى بىزگە سۆزلەپ بەرگەن بولسىڭىز، سىز ئۆزىڭىزنى قانداق كۈتۈپ 110 ياشقا كىردىڭىز؟-سورىدى بىر مۇخبىر ئۆمۈر چولپىنىنى زىيارەت قىلىۋېتىپ.
-مەن قۇرساققا ئوبدان يەيمەن، ئوبدان ئىچىمەن، ئۇيقۇم ياخشى، ئۇيۇن-تاماشانى قولدىن بەرمەيمەن. ئەلۋەتتە، يەنە ناھايىتى مۇھىم بىر نوقتا بار، ئاشۇ يىلى مەن پاراخوت بېلىتىنى ئېلىپ پورتقا بارغىنىمدا، «تىتانىك» ناملىق پاراخوت ئورنىدىن قوزغىلىپ بوپتىكەن.

ساقال ۋە ۋىجدان
قاپقارا بومبا ساقال قۇيۇۋالغان بىر قاراقچى سوتقا تارتىلىپتۇ.
سوتچى:
-ئەگەر سەن راستىنلا شۇنچىۋالا جىنايەتلەرنى ئۆتكۈزگەن بولساڭ، ئۇنداقتا سىنىڭ ۋىجدانىڭ ساقىلىڭدەكلا قارا ئىكەن،-دەپتۇ.
قاراقچى:
-سوتچى ئەپەندى، ئەگەر ۋىجداننى ساقال بىلەن ئۆلچەيدىغان بولساق، ئۇ ھالدا سىزدەك ساقىلى يوقلارنىڭ...


قايتا توي قىلماسلىق
بىر چىرايلىق تۇل ئايال قايتا توي قىلماسلىق قارارىغا كەپتۇ، بۇنىڭدىن ئەجەپلەنگەن دوستى سەۋەبىنى سوراپتۇ.
-ھازىر مىنىڭ بىر مۈشۈگۈم، بىر ئىتىم ۋە بىر شاتۇتۇم بار، ماڭا شۇلارلا يىتىپ ئاشىدۇ،-دەپتۇ تۇل ئايال.
-ئۇلار قانداقمۇ بىر ئەرنىڭ ئورنىنى تولدۇرالىسۇن؟
-ئەلۋەتتە تولدۇرالايدۇ، ئىتىم ھەر كۈنى كاڭشىپلا تۇرىدۇ، شاتۇتۇم كۈنبۇيى ئادەم تىللاپ چىقىدۇ، مۈشۈگۈم بولسا كېچە-كېچىلەپ ئۆيگە كىرمەيدۇ.
چۈشىنىش
بىر توپ ئەسكەر دۈشمەننىڭ قورشاۋىدا قاپتۇ، شۇنىڭ بىلەن ئوفىتسىر ئەسكەرلىرىنى سەپەرۋەر قىپتۇ:
-جەڭچىلىرىم، باتۇرراق بۇلۇڭلار، ئەگەر ھايات قالىمىز دەيدىكەنمىز چوقۇم ئىككى قۇلۇمىزغا تايىنىشىمىز كىرەك، چۈشەندىڭلارمۇ؟
جەڭچىلەرنىڭ ھەممىسى «چۈشەندۇق!» دېيىشكىنىچە قوللىرىنى ئىگىز كۈتۈرۈپ دۈشمەنگە تەسلىم بۇلۇپتۇ.


توي قىلىشتىكى سەۋەپ
چوڭلارنىڭ تۇنۇشتۇرۇشى بىلەن ئۆمۈچۈك بىلەن ھەسەل ھەرىسى توي قىلماقچى بوپتۇ. ئۆمۈچۈكنىڭ ئانچە رازى بولمايۋاتقانلىقىنى بايقىغان ئاپىسى چۈشەندۈرۈشكە باشلاپتۇ،-ئوغلۇم ھەسەل ھەرىسى سەل سۈرەنچى بولغىنى بىلەن نىمىلا بولمىسۇن ئايرۇپىلان كۈتكۈچى خېنىمى ئەمەسمۇ؟
بۇ تويغا ئانچە قوشۇلۇپ كەتمەيۋاتقان قىزىغا چۈشەندۈرۈشكە باشلاپتۇ ھەسەل ھەرىسى ئانا،-قىزىم، ئۆمۈچۈك سەل كۆرۈمسىز بولغىنى بىلەن نىمىلا بولمىسۇن تور توقۇش تېخنىكىسىغا پىشقان كەسىپ ئەھلى ئەمەسمۇ؟

ياخشى مۇئامىلىدە بۇلۇڭ
يېڭى ئوقۇتقۇچى بىرىنچى سائەتلىك دەرىسكە كىرىشتىن ئىلگىرى مەكتەپ مۇدىرى ئۇنى ئىشخانىسىغا چاقىرىپ چوڭقۇر مەنىلىك قىلىپ شۇنداق دەپتۇ:
-ئەگەر ئوقۇغۇچى ئىمتىھانداA  ئالسا، ئۇنىڭغا ياخشى مۇئامىلە قىلىڭ، چۈنكى ئۇ كىيىن ئالىم بۇلىدۇ، جەمئىيەتكە تۆھپە قوشىدۇ؛ ئەگەر ئوقۇغۇچى B ئالسا، ئۇنىڭغىمۇ ياخشى مۇئامىلە قىلىڭ، چۈنكى ئۇ كىيىن مەكتەپكە قايتىپ ئوقۇتقۇچى بۇلىدۇ، سىز بىلەن خىزمەتداش بۇلۇپ قېلىشى مۇمكىن؛ ئەگەر ئوقۇغۇچى C ئالسا، ئۇنىڭغىمۇ ياخشى مۇئامىلىدە بۇلۇڭ، چۈنكى ئۇ كىيىن پۇلدارلاردىن بۇلۇپ قالىدۇ، مەكتەپكە نۇرغۇن ئىئانە قىلىدۇ؛ ئەگەر بىرەر ئوقۇغۇچى ئىمتاھاندا كۆچۈرۈپ تۇتۇلۇپ قالسا، ئۇنىڭغا تېخىمۇ ياخشى مۇئامىلىدە بۇلۇڭ، چۈنكى كېيىن سايلام رىقابىتىگە قاتنىشىپ، پارلامېنت ئەزاسى ياكى زۇڭتۇڭ بۇلىدۇ، ئۇنىڭ بىلەن ئويناشقىلى بولمايدۇ.
  
خاتالىق
بىر ماشىنا يولنىڭ چېتىدە كېتىۋاتقان بىر ئادەمنى سوقۇۋېتىپتۇ.
ـ ‹‹ بۇ مىنىڭ خاتالىقىم ئەمەس، ھازىر ماشىنا ھەيدەۋاتقىنىمغا بەش يىل بولدى. مەن ئىنتايىن دىققەت قىلىپ ھەيدەيمەن›› دەپتۇ شوپۇر.
ـ ‹‹ ئۇنداقتا بۇ مىنىڭ خاتالىقىمكەندە؟ مېنىڭ يول مېڭىۋاتقىنىمغىمۇ 30 يىل بولدى›› دەپتۇ سوقۇلغان كىشى.