نازاكەتلىك قىز بولۇشنى خالامسىز؟

نازاكەتلىك قىز بولۇشنى خالامسىز؟ نازاكەتلىك قىز بولۇشنى خالامسىز؟ ئۇنداقتا ئىشنى يېنىڭىزدىكى كىچىك ئىشلاردىن باشلاڭ. 1. يىمەك - ئىچمەكتە ئۆزىڭىزنى چەكلەڭ. نورمال غىزالىنىڭ،  پارچە - پۇرات يېمەكلىكلەرنى ئىمكانقەدەر يېمەڭ. كۆكتات ، مېۋە - چېۋىلەرنى كۆپرەك ئىستىمال قىلىڭ. ئەگەر تاماق ئارلىقىدا قورسىقىڭىز بەك ئېچىپ كەتسە، بىر ئىستاكان سۈت ياكى چاي ئېچىۋالسىڭىزلا بولدى. 2. كۆپرەك پىيادە مېڭىڭ. پىيادە مېڭىش ئەڭ ياخشى گۈزەللىك گىمناستىكىسىدۇر. مەسىلەن، پەلەمپەيدىن چىقىپ - چۈشكەندە، پۇتىڭىزنىڭ ئۇچىدا ماڭسىڭىز، پاقالچەك ۋە بەل قىسمىڭىزدىكى مۇسكۇللارنىڭ ھەرىكەت مىقدارى كۆرۈنەرلىك ئېشىپ ،ئىسسىقلىق مىقدارىنىڭ خورىشى كۆپىيىپ، ئورۇقلاشقا پايدىسى بار. 3. ياخشى ئۇخلاڭ. ياخشى ئۇيقۇنىڭ ھۆسۈن تۈزەشكە پايدىسى بار. داڭلىق مودىل كىلۇيەشىغىنىڭ بەدەن گۈزەللەشتۈرۈشتىكى مەخپىيىتى ھەر كۈنى كەچ سائەت سەككىزدە ئۇخلاش، ئەتىگەنلىكى ۋاقتىدا ئورنىدىن تۇرۇش، كۈندۈزى يەنە بىردەم ئۇخلاش ئىكەن. شۇڭا ، ئۇ ''  بۇ ئەڭ ياخشى ھۆسۈن تۈزەش سەنئىتى '' دەيدۇ. 4. مودا قوغلاشماي ، ئۆزىڭىزگە خاس كىيىنىڭ. مودا كىيىملەرنىڭ ھەممىسىنىڭلا سىزگە يارىشىشى ناتايىن، بار كىيىملىرىڭىزنى ماسلاشتۇرۇپ كىيسىڭىزمۇ خاسلىقىڭىزنى نامايەن قىلالايسىز. 5. كىچىك ئىشلارغا دىققەت قىلىڭ. نازاكەتلىك بولۇش _ پۈتكۈل ئوبرازنىڭ زىننەتلىنىشىدۇر. بەزىدە كىچىككىنە ئىشلارنى جايىدا بىر تەرەپ قىلىشمۇ كىشىگە بىر خىل يېقىملىق تۇيغۇ بېرىپ، ئاياللارغا نازاكەت ۋە گۈزەللىك قوشىدۇ. مەنبە : « گۈزەللىك ئۆز قولىڭىزدا »

تېما تەستىقلىغۇچى : xabnam.com001
تەستىقلانغان ۋاقىت : 2009-03-17, 11:17