بېيجىڭ مەركىزىي مىللەتلەر ئۇنىۋېرسىتېتىدە
«ئاتاقلىق شائىر تېيىپجان ئېلىيېۋ تۇغۇلغانلىقىنىڭ 79يىللىقىنى خاتىرىلەش ۋە ئاناتىلنى مەدھىيىلەپ نۇتۇق سۆزلەش يىغىنى» ئۆتكۈزۈلدى

3-ئاينىڭ 15-كۈنى يەكشەنبە كۈنى، پايتەخت بېيجىڭدىكى مەركىزىي مىللەتلەر ئۇنىۋېرسىتېتىدە، «ئاتاقلىق شائىر تېيىپجان ئېلىيېۋ تۇغۇلغانلىقىنىڭ 79يىللىقىنى خاتىرىلەش ۋە ئاناتىلنى مەدھىيىلەپ نۇتۇق سۆزلەش يىغىنى» ئۆتكۈزۈلدى.
مەركىزىي مىللەتلەر ئۇنىۋېرسىتېتى ئۇيغۇر تىل-ئەدەبىيات فاكۇلتېتى ئوقۇغۇچىلار ئۇيۇشمىسى تەرىپىدىن ئۇيۇشتۇرۇلغان بۇ يىغىنغا 120 دىن ئارتۇق ئوقۇغۇچى-ئوقۇتقۇچى قاتناشتى. كەچ سائەت 7دىن9غىچە ئىككى سائەت داۋاملاشقان بۇ يىغىندا، 15 نەپەر ئوقۇغۇچى ۋە ئوقۇتقۇچى «ئاتاقلىق شائىر تېيىپجان ئېلىيېۋ ۋە ئۇنىڭ شانلىق ھاياتى»، « تېيىپجان ئېلىيېۋ شېئىرلىرىدىكى ۋەتەنپەرۋەرلىك روھى»، « تېيىپجان ئېلىيېۋ شېئىرلىرىدىكى ئىلىم-مەرىپەت  روھى »، « تېيىپجان ئېلىيېۋ ئىش-ئىزلىرىدىن بۈگۈنگە نەزەر»، «ئانا تىل ئىشقىدا سايرىغان بۇلبۇللار»، «بۈيۈكسەن ئانا تىلىم»، «ئاناتىلىم – جان تىلىم» قاتارلىق ماۋزۇلاردا يېزىلغان ماقالە ۋە شېئىرلىرىنى تولۇپ تاشقان مۇھەببەتلىك يۈكسەك ئېنتوناتسىيە بىلەن ئوقۇدى.
يىغىن خاتىمىسىدە، ئوقۇتقۇچىلار ۋەكىلى خۇلاسە سۆزى قىلىپ مۇنداق دېدى: « تۆھپىكار ئەجدادلارنى خاتىرىلەش، ئالىم بوۋىلىرىمىز كۆتۈرگەن ئىلىم مەشئەللىرىنى ئۆتكۈزىۋېلىپ، ئۇلارنى ئۆچۈرۈپ قويماي، مەرىپەت دۇنياسىدا مەڭگۈ لەپىلدىتىش سىلە-بىز ئوقۇغۇچى-ئوقۇتقۇچىلارنىڭ، سىلە-بىز ئىلىم ۋارىسلىرى ۋە مەرىپەت ئىز باسارلىرىنىڭ باش تارتىپ بولماس شەرەپلىك بۇرچىمىزدۇر. بىز بۈگۈن مۇشۇ بۇرچىمىزنى ئادا قىلىش يۈزىسىدىن، تولىمۇ ئەھمىيەتلىك ۋە تولىمۇ ساۋابلىق بىر ئىش قىلدۇق.
ئاتاقلىق شائىرىمىز تېيىپجان ئېلىيوپ 1930-يىلى تۇغۇلغان. ئۇ ئۆزىنىڭ بىر كەم ئاتمىش يىللىق ھاياتىدا، ئۇيغۇر مىللىتى تىل-يېزىق مەدەنىيىتىنىڭ تەرەققىياتى ئۈچۈن، خۇسۇسەن نەۋائىيشۇناسلىق ۋە ئۇيغۇر كلاسسىك ئەدەبىياتى تەتقىقاتىنىڭ روناق تېپىشى ئۈچۈن ئۆچمەس ۋە ئۆلمەس تۆھپە قوشقان تۆھپىكار ئەجداد. بۈگۈنكى كۈنىمىزدە، ئۇ يازغان «تۈگىمەس ناخشا»، «ئىگىلىدىكەن ئالما شاخلىرى، مېۋىسى قانچە ئوخشىغانسېرى» قاتارلىق شېئىر-غەزەللىرى خەلقىمىز تەرىپىدىن ناخشا قىلىپ، سۆيۈپ ۋە سۆيۈنۈپ ئوقۇلۇپ كەلمەكتە. ئۇنىڭ باش تەھرىرلىكىدە تۈزۈلگەن «ئۇيغۇر كلاسسىك ئەدەبىياتىدىن ئۆرنەكلەر» ھېلىھەم تەتقىقاتچىلىرىمىزنىڭ ئىشەنچلىك ۋە قىممەتلىك پايدىلىنىش ماتېرىيالى بولۇپ كەلمەكتە.
شۇنداق، تىل-يېزىق دېگەن بىر مىللەتنىڭ ئۆزىگە خاس بولغان مىللىي مەدەنىيىتىنىڭ ئۇل- ئاساسىدۇر. تىل-يېزىقى بولمىغان مىللەت نېمىلا دېگەن بىلەن مۇكەممەل مىللەت سانالمايدۇ. ئۇيغۇرلار كەم دېگەندىمۇ 2500 يىللىق تىل-يېزىق تارىخىغا ئىگە مەدەنىيەتلىك بىر مىللەت. مىللىتىمىزدە، مەھمۇد كاشغەرىي، ئەلىشىر نەۋائىيلار باش بولغان ھالدا، ئاتاقلىق شائىرىمىز تېيىپجان ئېلىيوپتەك تۆھپىكار ئەجدادلاردىن تەشكىل تاپقان زور قوشۇنلۇق تىل ئۇستىلىرىمىز ۋە ئۇلارنىڭ تىز پۈكمەس تىرىشچانلىقى ۋە ئۆلۈمسىز ئەمگەكلىرى بولغانلىقى ئۈچۈنلا، ئۇيغۇر تىل-يېزىق مەدەنىيىتى تارىخنىڭ بوران-چاپقۇنلىرىنى يېڭىپ، ئۆزلۈكسىز تەرەققىي قىلىپ، بۈگۈنكى كۈنىمىزگىچە يېتىپ كېلەلىگەن. ھالبۇكى، سىلە-بىز ئىز باسقان كېيىنكى ئەۋلادلار ئۇيغۇر تىل-ئەدەبىياتىمىزنىڭ كۆز ئالدىمىزدىكى بۇ يېڭى زامانغا مۇناسىپ ھالدا تەرەققىي قىلىشىنى ئۆز ئەمەلىيىتىمىز ئارقىلىق كاپالەتكە ئىگە قىلىشىمىز لازىمكى، بۇنىڭ ئۈچۈن، ھەممىمىز ھەرگىزمۇ يالتىيىپ قالماي، ئېسەنكىرەپ قالماي، ئۆز تىل-يېزىقىمىزنىمۇ، ئۆزىمىزنىڭ ئۇيغۇر تىل-ئەدەبىياتىمىزنىمۇ مۇھەببەت بىلەن تىرىشىپ ئۆگىنىشىمىز، ئۆز ئەمگەكلىرىمىز ئارقىلىق، ھوسۇللۇق ئىلمىي تەتقىقاتلىرىمىز ئارقىلىق، تىل-يېزىق مەدەنىيىتىمىزنىڭ دۇنياۋى رىقابەت مەيدانىدىن شاللىنىپ كەتمەي داۋاملىق تەرەققىي قىلىشى ئۈچۈن، ئاداققىي كۈچىمىزنى سەرپ قىلىشىمىز كېرەك. مانا شۇ چاغدىلا، تۆھپىكار ئەجداد، ئاتاقلىق شائىرىمىز تېيىپجان ئېلىيوپنىڭ روھى خوشال بولىدۇ ،ئەلۋەتتە!»
يىغىن ئاخىرىدا، ئۇيغۇر تىل-ئەدەبىيات فاكۇلتېتى پارتىيە ياچىيكىسىنىڭ سېكىرتار ۋە مۇئاۋىن سېكىرتارى قاتارلىق رەھبەرلەر سەھنىگە چىقىپ، نۇتۇق سۆزلەشتە بىرىنچىلىكتىن ئۈچىنچىلىككىچە دەرىجىگە ئېرىشكەن ئالتە ئوقۇغۇچىنى مۇكاپات بۇيۇملىرى بىلەن تەبرىكلىدى.

2009-يىل 3-ئاينىڭ 16-كۈنى، بېيجىڭ.
  

  تولىمۇ ئەھمىيەتلىك ئىش بوپتۇ. تىيىپجان ئېلىيوپنىڭ ئۇيغۇر بۈگۈنكى زامان ئەدەبىياتىدا تۇتقان ئورنى ئىنتايىن يۇقىرى ئەرباب. قانچىلىك تەرىپلىسەكمۇ كەملىك قىلىدۇ!

Quote:

بۇ مەزمون1قەۋەتتىكىDEWRANنىڭ2009-03-17 09:22 دە يوللىغان يازمىسى   :
  تولىمۇ ئەھمىيەتلىك ئىش بوپتۇ. تىيىپجان ئېلىيوپنىڭ ئۇيغۇر بۈگۈنكى زامان ئەدەبىياتىدا تۇتقان ئورنى ئىنتايىن يۇقىرى ئەرباب. قانچىلىك تەرىپلىسەكمۇ كەملىك قىلىدۇ!

نورمالراق تەرىپلىسەك كۇپايە،ئۇنچە بەك تەرىپلىسەكمۇ كەملىك قىلغۇدەك پەيغەمبەر ۋە-يا ئەۋلىيا ئەمەس.يازغان شېئىرلىرىدىن ،سۇنىڭ ئېقىشىغا،تۈكنىڭ يېتىشىغا قاراپراق ئىش تۇتقانلىقى مەلۇم بولۇپ تۇرىدۇ.

  تولىمۇ ئەھمىيەتلىك ئىش بوپتۇ. بۇنىڭدىن بىزنى خەۋەردار قىلغىنىڭزغا كۆپ رەھمەت!

نېمىدىگەن ئەھمىيەتلىك ئىش ھە! بولسا ئانا دىيارىمىزدىمۇ بۇنداق پائالىيەتلەر كۆپرەك ئۆتكۈزۈلسە بولاتتى..

ھەقىقەتەن ئەھمىيەتلىك ئىش بوپتۇ.

Quote:

بۇ مەزمون2قەۋەتتىكىbikarqiنىڭ2009-03-17 10:11 دە يوللىغان يازمىسى   :

نورمالراق تەرىپلىسەك كۇپايە،ئۇنچە بەك تەرىپلىسەكمۇ كەملىك قىلغۇدەك پەيغەمبەر ۋە-يا ئەۋلىيا ئەمەس.يازغان شېئىرلىرىدىن ،سۇنىڭ ئېقىشىغا،تۈكنىڭ يېتىشىغا قاراپراق ئىش تۇتقانلىقى مەلۇم بولۇپ تۇرىدۇ.

توۋا !خاتىرجەم ياتقىلى قويلى

خاتىرجەم ياتقىلى قويمىغان ئىش يوق،مەنچە زىيادە ماختىۋەتسە قورۇنۇپ خاتىرجەم ياتالمامدىكىن دەيمەن.مۇنۇنىڭغا قاراڭ.
                         مەن ئۆلسەم ئەگەر،
                        ئېڭىكىمنى لەغمەن بىلەن چېتىڭلار،
                        مېيىتىمنى مەنتىڭىدە يۇيۇڭلار.
                        يۈزۈمنى خانتەڭرىگە قارىتىپ ياتاي،
                        قىلۋا-پىلۋا دىگەنلەرنى قويۇڭلار.
مۇشۇنداق يېزىپ يۇرگەن ئادەم لەھەتەتتە خانتەڭرىنى كۆرۈپ خاتىرجەم ياتالىغانمىدۇ دەيمەن.

Quote:

بۇ مەزمون7قەۋەتتىكىbikarqiنىڭ2009-03-17 10:52 دە يوللىغان يازمىسى   :
خاتىرجەم ياتقىلى قويمىغان ئىش يوق،مەنچە زىيادە ماختىۋەتسە قورۇنۇپ خاتىرجەم ياتالمامدىكىن دەيمەن.مۇنۇنىڭغا قاراڭ.
                         مەن ئۆلسەم ئەگەر،
                        ئېڭىكىمنى لەغمەن بىلەن چېتىڭلار،
                        مېيىتىمنى مەنتىڭىدە يۇيۇڭلار.
                        يۈزۈمنى خانتەڭرىگە قارىتىپ ياتاي،
.......

ئاپپاق خوجىنىڭ ئەۋلادلىرى قاچانمۇ تۈگەر؟؟؟ بولدى  بۇ شىئىرنىڭ مەنىسىنى سىزگە چۇشەندۈرۈشتىن ۋاس كەچتىم، چۈنكى سىزدەكلەر بۇنىڭ تېگىگە مەڭگۈ يىتەلمەيدۇ! بۇ شائىرىمىزغا بىر نەرسە دىيىشكە ، شۇ خەتلەرنى ئۇرۇشقا قولىڭىز قانداقمۇ بارغاندۇ!!!؟؟

شائىرىمىز نىڭ قابىلىيىتىگە قايىل مەن لىكىن زۇنۇن قادىردەك ،زورۇدۇن سابىردەك ،ئابدىرىھىم ئۆتكۇر دەك تارىختا مەڭگۇ قالغىدەك ئەسەرلەرنى يېزىپ قالدۇرالمىدى- دە.مىڭ ئەپسۇس.

Quote:

بۇ مەزمون8قەۋەتتىكىm.h.mنىڭ2009-03-17 11:15 دە يوللىغان يازمىسى   :


ئاپپاق خوجىنىڭ ئەۋلادلىرى قاچانمۇ تۈگەر؟؟؟ بولدى  بۇ شىئىرنىڭ مەنىسىنى سىزگە چۇشەندۈرۈشتىن ۋاس كەچتىم، چۈنكى سىزدەكلەر بۇنىڭ تېگىگە مەڭگۈ يىتەلمەيدۇ! بۇ شائىرىمىزغا بىر نەرسە دىيىشكە ، شۇ خەتلەرنى ئۇرۇشقا قولىڭىز قانداقمۇ بارغاندۇ!!!؟؟

كەچۈرۈڭ.مەن ئاپپا غوجىنىڭ ئەۋلادى ئەمەس،بەلكى ئويغاق ئىسلام پەرزەنتى.شېئىرنىڭ تېگىگە يەتكەن بولسىڭىز  يولىڭىز راۋان بولسۇن.

Quote:

بۇ مەزمون10قەۋەتتىكىbikarqiنىڭ2009-03-17 12:48 دە يوللىغان يازمىسى   :

كەچۈرۈڭ.مەن ئاپپا غوجىنىڭ ئەۋلادى ئەمەس،بەلكى ئويغاق ئىسلام پەرزەنتى.شېئىرنىڭ تېگىگە يەتكەن بولسىڭىز  يولىڭىز راۋان بولسۇن.

ئويغاقلىقىڭىز ھەربىر ئىنكاسىڭىزدىن كۆرنۇپ تۇرۇپتۇ!!

说实话吧！我没有资格说任何一个跟他有关的话！因为我一起生活过？！们并没有跟他

我的字为什么写成这个样子？
请你们给结实一下！谢谢
！   

نورمالراق تەرىپلىسەك كۇپايە،ئۇنچە بەك تەرىپلىسەكمۇ كەملىك قىلغۇدەك پەيغەمبەر ۋە-يا ئەۋلىيا ئەمەس.يازغان شېئىرلىرىدىن ،سۇنىڭ ئېقىشىغا،تۈكنىڭ يېتىشىغا قاراپراق ئىش تۇتقانلىقى مەلۇم بولۇپ تۇرىدۇ.
-------------------------------------------------------

    بۇنداق  قىززىق  ئىنكاسىنى  كۆمىگىلى  خېلى  بوپتىكەن  ،،  مەنمۇ  سەن  بىلەن  ئوخشاش  قاراشتا  ..  مۇشۇ  شائىرلانىڭ  ئىچىدە  لوتپوللام  مۇتەللىپ  بىلەن  مۇھەممەتچان  راشىدىندىن  باشقسغا  ئانچە  قىززقمايمەن