ئاپتورى  __ ئەسلىمەم

ئەتراپ تىمتاسلىققا چۆمگەن . ئاندا - مۇندا ئاڭلىنىۋاتقان ئېغىر تىنىقلار ، كىمدۇر بىرسىنىڭ ئۆرىلگىنىدە چىققان كارۋاتنىڭ غارسىلداشلىرى  ، قاياقلاردىندۇر چىقىۋاتقان بوش ئىڭراشلارنى ھىسابقا ئالمىغاندا دوختۇرخانىنىڭ ئچى بۈگۈن تولىمۇ جىمجىتلىققا چۆمگەنىدى  ....
  ئاسماندىكى تولۇنئاي قانداقتۇر بىر خوشاللىقتىن  دىرەك بېرىۋاتقاندەك چىھرىدىكى بارچە گۈزەللىكنى نامايەن قىلىپ سېخىلىق بىلەن ئىنسانىيەت دۇنياسىغا نۇرلىرىنى چاچماقتا  . .. بوش چىقىۋاتقان  مەيىن شامال دەرىزە تۈۋىدە ياتقان بىر قىزنىڭ يۈزلىرىنى سىپاپ ئۆتتى  . قىز تولىمۇ چىرايلىق ئىدى  . سۈزۈك قاشتېشىدەك تېرىسى  ، ھىلال ئايدەك ئەگمە قاشلىرى ، جىنەستىدەك لەۋلىرى ، يۇمۇلغان كۆزلىرى ، شۇنچە خاتىرجەم تۇرقى گويا رىۋايەتتىكى قار مەلىكىنى ئەسلىتەتتى  . ...
قىزنىڭ يېنىدا 24- 25 ياشلاردىكى بىر يىگىت ئۈن - تىنسىز ھالدا قىزغا تىكىلگەنىدى . ئۇ بوش ئىسەدەش بىلەن قىزنىڭ ماڭلاي چاچلىرىنى ئوڭشىغاچ ئاستا يۇمران قوللىرىنى ئالقىنىغا ئۈستىگە ئالدى  .يىگىتنىڭ ھالىتىدىن ئۇنىڭ ئىنتايىن بىئارام ، ھەسرەت ئىچىدە پۇچىلىنىۋاتقانلىقى چىقىپ تۇراتتى  . تۇيۇقسىز يىگىت قاتتىق ۋاقىرىغىنىچە كۇنۇپكىنى باستى  . دوختۇرخانىدىكى ئاۋاز بارچە بىمارلارنىڭ ئۇيقۇسىنى بۇزدى  . .... يىگىت داۋاملىق توۋلاۋاتاتتى  -
__ دوختۇر ... دوختۇر ..... ئۇ مىدىراۋاتىدۇ  ... ئۇ مىدىراۋاتىدۇ  !...  
يىگىت ھەممىگە پەرۋاسىز ، باشقىلارنىڭ غودۇراشلىرىغىمۇ پىسەنت قىلماستىن ئىشىىكتىن كىرىۋاتقان دوختۇر سىستىرالارنىڭ قولىدىن تۇتقىنىچە سۆزلەپ كەتتى  .
__ مەن كۆردۈم دوختۇر .. ئۇ ھوشىغا كەلدى . قوللىرىمنى سىقتى دوختۇر ... ئۇ ھوشىغا كەلدى  . ئاللا ئىگەم ئۇنى ماڭا قايتۇرۇپ ئەكىلىپ بەردى .. ئۇ ئەسلىگە كەلدى شۇنداقمۇ دوختۇر ...............
ئۇ توختىماستىن  سۆزلەيتى ، كۆزلىرىدىن ئېقىۋاتقىنى ھەسرەت ئەمەس خوشاللىق ھاياجان يېشى  ئىدى  ......................
****************************

كەچكۈزنىڭ ئىزغىرىن شاماللىرى توختىماستىن ، يالىڭاچلىنىپ قالغان دەرەخلەر قىشنىڭ بالدۇر يىتىپ كەلگەنلىكىدىن دىرەك بىرەتتى  .  ھاۋا بۇلۇتلۇق بولۇپ پۈتۈن شەھەر تۇمان ئىچىگە ئورالغانىدى ............
__ مۇبارەك بولسۇن !  مۇبارەك بولسۇن !
يۈگۈرگىنىچە كەلگەن سانىيە ھەدە قوشنىسى مۇھەممەت ئاكىنىڭ يېنىغا كەلدى  .
__ مۇبارەك بولسۇن ! ئوغۇللۇق بولدىلا  ... سۆيۈنچە بارمۇ ؟ سۆيۈنچە  ......
__ ۋاي ، سۆيۈنچە سىلىدىن ئايلانسۇن  ، رەنا قانداقراق ؟
__ ئوڭۇشلۇق يەڭگىدى . ناھايىتى ياخشى .
خوشلۇقىدىن ئاغزى قۇلىقىغا يەتكەن مۇھەممەت ئاكا ئالدىرغىنىچە تۇغۇت بۆلىمىگە قاراپ چاپتى . ..
مۇھەممەت ئاكا ياشلىقىدا مەدىنيەت ئىنقىلاۋىدا قارلىنىپ نۇرغۇن جاپا - مۇشەققەتلەرنى باشتىن كەچۈرگەن ، تۇرمۇشتا پىشقان ، ئاقكۆڭۈل ، بىلىملىك ئادەم ئىدى . شۇ دەۋىردىكى قالايمىقانچىلىقتا << بۇرژۇئازىيە ئىدىيىسىنى سىڭدۈرگەن ، ئەكسىيەتچىل كىتابلارنى كۆرگەن ، ئەكسىيەتچىل تەشۋىقاتلارنى ئېلىپ بارغان >> دىگەندەك قالپاقلار بىلەن ناھەق 15 يىل قامالغانىدى . ياشلىق مەزگىللىرىنىڭ ئالتۇن چاغلىرى ، جۇشقۇن ھاياتى ئەنە شۇ تۈرمىدە ئېغىر بېسىم ئاستىدا ئۆتۈپ كەتتى . 10 يىلدىن  كېيىن ئاقلىنىپ ئەسلىدىكى خىزمەت ئورنى يەنى ناھىيىلىك مائارىپ ئىدارىسىغا ئورۇنلاشتۇرۇلدى  .  ئىككى يىلدىن  كېيىن ناھىيىلىك باشلانغۇچ مەكتەپتىكى رەنا بىلەن تۇنۇشۇپ ئائىلە قۇرۇشتى . رەنامۇ ئۆي ئىشىغا چىۋەر ، ئوقۇمۇشلۇق ، چاققان ، چىرايلىق قىز ئىدى  ... لېكىن كۆز تەگدىمۇ تۇنجى پەرزەنتى بۇ ئالەمگە كۆز ئاچماستىنلا ئۇ ئالەمگە سەپەر قىلدى . بۇ ئىككىيلەنگە قاتتىق ئېغىر كەلدى . رەنا ھەدىنىڭ كۆزىدىن ياش قۇرىمايتى . 40 قا يېقىنلاشقاندا ئاتا قىلغان بۇ بالا ئۇلارنىڭ يۈرەك پارىسى ئىدى . ..  مۇھەممەت ئاكا ئەزان توۋلاپ بالىسىغا زۇلپىقار دەپ ئىسىم قويدى ....بىر يىلدىن كېيىن خوشنىسى ئەركىن ئاكا بىلەن سانىيە ھەدىنىڭ ئوماق قىزى زۇلھايات دۇنياغا كۆز ئاچتى ...............
ئۇرۇق - تۇققاندىن چارە ئۆتكەن ، ئىسسىق - سوغۇقلارنى تەڭ بېشىدىن ئۆتكۈزگەن مۇھەممەت ئاكا ھەم ئەركىن ئاكىلارنىڭ بالىلىرىمۇ بىر - بىرىگە ئاكا سىڭىلدەك ناھايىتى ئىجىل چوڭ بولۇشقا باشلىدى . سانىيە ھەدە ھەم رەنا ھەدىلەرمۇ بىر - بىرىدىن ئوماق ، تىتىك چوڭ بولۇۋاتقان بالىلىرىغا قاراپ بىر- بىرسىگە قاراپ مەنىلىك كۈلۈشۈپ قوياتتى . بۇ بىر جۈپ بالىلارغا مەھەللىدىكىلەرنىڭ ھەممىسى ھەۋەس قىلاتتى ، ئەركىلىتەتتى ، ئوينىتاتتى ..

ھەي بالىلىق ! ھايات زىددىيەتلىرى ئۈستىدە مىڭىسىدە قىلچىلىكمۇ ئىزنا بولمىغان ، غەم - ئەندىشە ، كۈلكە - ھەسرەت ، ئازاپ - لەززەت ئوقۇمىدىن تولىمۇ يىراق !  ۋىلىقلاپ كۈلۈشلىرى ، خىيالىغا كەلگەننى قىلىشلىرى ، خۇددى جاھاندا بار بولغان مۇھەببەتنىڭ ، ئەركىنلىكنىڭ ھەممىسى بۇلارنىڭ تۇرمۇشىغا مۇجەسسەملەنگەندەك ! .............
زۇلپىقار بىلەن زۇلھايات شۇ تەرىقىدە ناھايىتى تىتىك چوڭ بولۇشقا باشلىدى . بۇلار بىرگە مەكتەپكە باراتتى ، بىرگە قايتتاتتى . كەچتە بىرگە دەرس تەييارلايتى .
زۇلپىقار بارغانچە قامەتلىك ، كېلىشكەن ، زۇلھايات بولسا شۇنچىلىك سۈزۈك ، بىغۇبار ، گوياكى پەرى سۈپەت چوڭ بولۇۋاتاتتى . بۇلار مەكتەپتىكى نۇرغۇن قىز - يىگىتلەرنىڭ ھەۋىسىنى - ھەسىتىنى قوزغايتى  .
نەھايەت _ ئىككىيلەن كۆزنى يۇمۇپ ئاچقۇچە تولۇقتىكى ئوقۇش ھاياتىمۇ ئاخىرلىشىپ ئالى مەكتەپكە تەييارلىق قىلىش باسقۇچىغا قەدەم ئالدى . توغرا _ ئۇلار ياشلىق مەزگىلىگە قەدەم قويدى . دىلىغا يېڭى قاراش ، يېڭى ئارمانلار سىڭدى . ئەندىشىلەر كۆپەيدى . قەلبىنىڭ نىمىگىدۇر تەلپۈنىۋاتقانلىقىنى ، كۆزلىرىنىڭ قايسىدۇر ئۇچقۇنلاردا چاقناۋاتقانلىقىنى ھىس قىلىشسىمۇ يەنىلا نومۇس كۈچىدە بىر - بىرىگە سىر كۆرسىتەتتى . بۇ خىل ھىسىياتنىڭ قەلبىنىڭ ، يۈرىگىنىڭ قايسى قاتلاملىرىدىن ئېتىلىپ چىقىۋاتقانلىقىنى بىلمەيتى . تەلپۈنەتتى ، سېغىناتتى ، ئارامسىزلىناتتى . ..
توۋا _ بۇ زادى قانداق ھىسىيات . گوياكى چاڭقىغان يۈرەككە مەلھەم بۇلاقنىڭ شوخ شىلدىرلاشلىرى ، گوياكى زۇلمەت كىچىدىكى كىچىكىنە يورۇقلۇققا بولغان ئىنتىلىش . ... ياق _ بۇ ھىسىيات تولىمۇ رومانتىك ، تولىمۇ مەردانە ، تولىمۇ نازۇك ...........
ھەقىقەت ، بۇ مۇھەببەت ! ئەڭ ساپ ، ئەڭ ساپ ، ئەڭ چىن بولغان ھىسىيات !
زۇلپىقار ئۆزىدىكى بۇ ئۆزگىرىشنى ھىس قىلغاندىن باشلاپ ئارامسىزلىنىدىغان ، زۇلھاياتتىن ئايرىلغۇسى كەلمەيدىغان ، سېغىنىدىغان بولۇپ قالغانىدى  . ....
تەييارلىق باسقۇچتىكى ئىمتىھان يېقىنلىشىپ قالغان بولۇپ ھەممەيلەن ئالدىراش دەرس تەكرارلاشقا چۈشۈپ كەتكەنىدى . زۇلپىقار ،زۇلھايات مەكتەپتە ، مەكتەپتىن قايتقاندا بىرلىكتە دەرس تەكرارلايتى ، بىر - بىرسىگە ياردەم بىرەتتى ، بىر - بىرسىنى ئۈمۈدلەندۈرەتتى .
_ زۇلھايات ، دېدى بىر كۈنى زۇلپىقار ئارقا ھويلىدىكى باغدا دەرس تەكرارلىغاچ .
__ سەن ئارزۇغا قايسى مەكتەپنى تولدۇرماقچى بولىۋاتىسەن ؟
__ سەنچۇ ؟ دېدى زۇلھايات كۈلۈمسىرەپ تۇرۇپ . سەن نەنى تولدۇرساڭ مەنمۇ شۇ مەكتەپنى يازىمەن . مەندىن قۇتۇلاي دىمەكچىمۇ سەن ؟
شوخلۇق بىلەن قىلىنغان بۇ چاقچاق زۇلپىقارنى چەكسىز ھاياجانغا چۆمدۈردى . ئەلۋەتتە بۇ كىچىككىنە چاقچاققا زۇلھاياتنىڭمۇ ئوتلۇق مۇھەبىتى سىڭگەن ئىدى .
__ لېكىن تەقدىرنىڭ ئورۇنلاشتۇرىشىغا بىر نىمە دىمەك تەس . ئۈرۈمچىنى تولىمۇ مۇرەككەپ شەھەر دەيدۇ . سەندىن  ئارىلىپ قېلىشتىن قورقىمەن زۇلھايات .
زۇلھايات ھۈپپىدە قىزىرىپ كەتتى .
__ ئۇنداقمۇ بولماس ، تىرىشايلى زۇلپىقار . تەقدىر ئۇنچە رەھىمسىز ئەمەستۇ !
ئىكىكيلەن خېلى بىر ۋاقىت ئۈن - تىنسىز تۇرۇپ قېلىشتى . مۇھەببەتلىك ئىككى يۈرەكنىڭ سوقۇلىشىدىن ھاسىل بولغان بۇ كۈيلەر شۇنچە ئاددى بولسىمۇ سەمىمى ، ھەقىقى چىنلىققا تويۇنغان لىرىكا ئىدى .
******************************
ئالى مەكتەپ ئىمتىھانىمۇ ئاخىرلىشىپ 40 نەچچە كۈندىن كېيىن زۇلپىقار ھەم زۇلھاياتمۇ بىرىنجى تۈركۈمدىكىلەر قاتارىدا چاقىرىقنى تاپشۇرۇپ ئالدى . زۇلپىقار ئارزۇسى بويىچە شىنجاڭ ئۈنۋىرسىتىنىڭ تىل - ئەدىبىيات فاكولتىتىغا ، زۇلھايات بولسا شىنجاڭ تىببى ئۈنۋىرسىتىتىغا ئۆتكەنىدى .
ئىككى ئائىلە چەكسىز خوشاللىققا چۆمدى . ۋاقىتمۇ توشۇپ قالدى . مۇھەممەت ئاكا ھەم ئەركىن ئاكا ئەر - ئايال ئۇرۇق - تۇققان ، خولۇم خوشنىلارنى چاقىرىپ ئاش تارتىپ بۇلارنى ئۇلۇغ تىلەكلەر بىلەن مەكتەپكە ئۇزاتتى .............................................



[

ئىنكاسىم بىلەن ساقلاپ تولۇق يوللانغاندا بىراقلا ئوقۇي
داۋامىنى تىزراق يوللارسىز!!

داۋامىغا قاراپ قالدۇق.

داۋامىنى تىزراق يوللارسىز!!!

داۋامىنى تىزراق يوللاڭ.....دوستۇم...

قاچانمۇ 48سائەت توشاركىن       

داۋامىنى تېزرەك يوللاڭ دۇستۇم.

داۋامىنى تىزراق يوللارسىز!!

زۇلپىقار ئارام ئېلىش كۈنىدىن پايدىلىنىپ ئۆگىنىۋاتقان ئىنگىلىز تىلى دەرسلىكنى تۈگەتكەندىن كېيىن سائىتىگە قارىدىدە چۈش سائەت 12 دە زۇلھايات بىلەن كۆرۈشمەكچى بولغىنى ئىسىگە كەلدى ھەم ئالدىراپ ماتىرياللىرىنى يىغىپ تىببى ئۈنۋىرسىتىنى قاراپ ماڭدى .
زۇلھايات چوڭ دەرۋازىدىن چىققىنىچە يولنىڭ قارشى تەرىپىدە ئۆزىگە قاراپ تۇرغان زۇلپىقارنى كۆردىدە قەدىمىنى ئىتتىكلەتتى .
__ سېنى ساقلىتىپ قويمىغاندىمەن . ئۆيدىكىلەر ياتاققا تىلىفون ئۇرۇپتىكەن . ھايال بولۇپ قالدىم ، ساڭا سالام ئېيتتى .
__ مەنمۇ ھازىرلا كېلىشىم . چوڭلار تىچلىقتۇ ؟ يۇرت ئامانمىكەن ؟
__ ھەممەيلەن ناھايىتى ياخشىكەن . بىزنى خاتىرجەم بولۇڭلار دەيدۇ .
زۇلھايات زۇلپىقارغا ئەگەشكىنىچە << دولان تىز تاماقخانىسى>> غا كىردى .
__ زۇلھايات ، بىزنىڭ ئوقۇشىمىز پۈتىدىغانغا يەنە بىر يىللا ۋاقىت قالدى . ئويلىسام ۋاقىت ناھايىتى تىز ئۆتكەندەك . ئۆگىنىدىغان ، ئىگەللەيدىغان نەرسىلىرىمىز ئالدىمىزدا دۆۋىلىنىپ تۇرۇپتۇ . سېنىڭ كەلگۈسىگە نىسبەتەن قانداق پىلانىڭ بار ؟
__ راست ، ئوقۇش پۈتتۈرىدىغىنىمىزغىمۇ ئاز قالدى . مەن ئوقۇش پۈتتۈرگەندىن كېيىن يەنە داۋاملىق ئۆز كەسپىمدە ماگىستىرلىقتا بىلىم ئاشۇرايمىكىن دەيمەن ........ سېنىڭچۇ ؟
__ توغرا ئويلاپسەن زۇلھايات . بىلىم تۈگىمەيدۇ . مېنىڭمۇ شۇنداق پىلانىم بار . جەمئىيەتمۇ چوڭ بىربىلىم ، چوڭ بىر مەكتەپ .مەن خىزمەتكە چىققاندىن كېيىن بىر تەرەپتىن ئىشلەپ تۇرمۇش كۆزەتكەچ يەنەبىر تەرەپتىن داۋاملىق ئۆگىنەيمىكىن دەيمەن . ھازىر ئەڭ مۇھىمى ئەڭ ياخشى نەتىجىلىرىمىز بىلەن ئاتا - ئانىمىزنى رازى قىلىش .......
زۇلپىقار مىنۇت توختىغاندىن كېيىن بوش ئاۋازدا سۆزىنى باشلىدى .
__ ئەگەر ۋاقتىڭ بولسا ئەتە ئىككىمىز بىرگە ئايلىنىپ كىلەيلى بولامدۇ ؟ ساڭا دەيدىغان نۇرغۇن سۆزلىرىم بار ئىدى زۇلھايات .
كۆڭلىدە نىمىنىدۇر سەزگەن زۇلھايات قىزارغىنىچە ئاستا بېشىنى لىڭشىتتى ...
زۇلپىقار يۈرىگىنىڭ دۈپۈلدەۋاتقانلىقىنى ھىس قىلدى . ... ئەتە ... ئاھ .. ئەتە .... ئەتە مەن زۇلھاياتقا مۇھەببىتىمنى ئىزھار قىلىمەن . بىلىمەن _ ئۇمۇ مېنى سۆيىدۇ . مەن مۇشۇ كۈنلەرنى قانچە يىللار كۈتمىدىم ھە ! ھە راست ، ئۇ مېنى رستىنلا ياخشى كۆرەمۇ ؟ مېنىڭ تەكلىۋىمگە قوشۇلارمۇ ؟ ..
زۇلپىقارنىڭ خيال ئىكرانىغا بىر قانچە ئاينىڭ ئالدىدىكى بىر مەنزىرە لىپپىدە كىرىپ چىقتى .................

زۇلپىقار پىداگوكا ئۈنۋىرسىتىدا ئوقۇيدىغان دوستى شۆھرەتنىڭ كەچتە مەكتىۋىدە ئويۇشتۇرغان كۆڭۈل ئېچىش كىچىلىكىگە قاتنىشىپ بېرىش تەكلىۋىگە قوشۇلدى ھەم زۇلھاياتنىمۇ تەستە ماقۇل كەلتۈردى . ئەلۋەتتە بۇمۇ زۇلپىقار ئۈچۈن زۇلھايات بىلەن مۇڭدىشىدىغان ، سىردىشىدىغان ياخشى پۇرسەت ئىدى .. ئولتۇرۇشتا سىتودىنتلار ناھايىتى كۆپ بولۇپ ئالدى بىلەن ئويۇشتۇرغۇچى ئورۇن تەرەپتىن ۋەكىل ئىككى ئېغىز سۆز قىلغاندىن كېيىن مەكتەپ سەنئەت گۇرۇپپىسىدىكىلەرنىڭ نۇمۇرلىرى كۆرسىتىلىشكە باشلىدى . كەينىدىن سىتودىنتلاردىن تەشكىللەنگەن مۇزىكانتلار سازلىرىنى سازلاپ شوخ ئۇسۇل پەدىلىرىگە ياڭرىتىشقا باشلىدى . ھەممەيلەن ناھايىتى قىزغىن بولۇپ قاتمۇ - قات ئورالغان دەرسلەردىن چارچىغان مىڭىسىنى ئارام ئالدۇرۇش ، ئۆز- ئارا پىكىرلىشىش ، تۇنۇشۇش ئۈچۈن بۇ يەرگە يىغىلغانىدى . سەھنە جۇشقۇن ياشلار بىلەن لىق تولغانىدى . ..
زۇلپىقار تۇيۇقسىز ئوتتۇردا ئولتۇرغان بىر يىگىتنىڭ زۇلھاياتقا تىكىلىپ تۇرغىنىنى ھىس قىلىپ قالدى . ئۇ زۇلھاياتقا قارىدى . زۇلھاياتمۇ ئۇ يىگىتنى كۆردى بولغاي كۈلۈمسىرەپ باش لىڭشىتىپ سالام بەردى . زۇلپىقار يىگىتكە تىكىلدى . .. توغرا _ دەل شۇ يىگىت . . زۇلپىقار ئىلگىرى زۇلھاياتنى بىر - ئىككى قېتىم بۇ يىگىت بىلەن تىببى ئۈنۋىرست ئالدىدا كۆرگەنىدى . ھىس قىلىشىچە يىگىت زۇلھاياتقا نىسبەتەن ناھايىتى قىزغىن ئىدى . كېيىن زۇلھاياتنىڭ دوستى رىزۋانگۈلدىن سىنىپىدىكى نىجات ئىسىملىك بىر يىگىتنىڭ زۇلھاياتنى ياخشى كۆرىدىغانلىقىنى ئاڭلىغانىدى . ئەجىبا بۇ يىگىت شۇمىدۇ ؟.............
لىرىك تانسا مۇزىكىسى باشلىنىشى بىلەن ئۇ يىگىت ئورنىدىن تۇرغىنىچە ئۇتتۇر زۇلھاياتنىڭ ئالدىغا كەلدىدە ئەدەپ بىلەن تانسىغا تاتتى . زۇلھايات زۇلپىقارغا قاراپ قويۇپ ئاستا ئورنىدىن تۇرغىنىچە سەھنىدىكى قىز - يىگىتلەر توپىغا قوشۇلۇپ كەتتى . زۇلپىقارنىڭ پۈتۈن بەدىنى قانداقتۇر بىر رەشىك ئوتىدا پۇچۇلانماقتا ئىدى . ئۇ زۇلھاياتتىن ئارىلىپ قېلىشتىن قورقاتتى . << ئۆزەمنىڭ شورى ، ئەكەلمىسىممۇ بوپتىكەن >> دەپ ئويلىدىدە ئۇ ئىككىسىگە قارىدى . يىگىت بىلەن زۇلھايات قىزغىن پاراڭغا چۈشۈپ كەتكەنىدى . زۇلپىقار بولسا تىپىرلاپ پەقەتلا تۇرالمىدى . قەلبىدىكى بېسىپ بولماس مۇھەببەت ئۇنىڭغا چىداش پۇرسىتى بەرمىدى . ئۇ ئورنىدىن تۇرغىنىچە سىرتقا چىقىپ كەتتى .
__ نىمە بولدۇڭ . مېنى تاشلاپ قويۇپ چىقىپ كېتىپسەنغۇ ؟ مەندىن ئاچچىقلىنىپ قالمىغانسەن .
سىرتتا دەرەخكە يۆلىنىپ تۇرغان زۇلپىقار زۇلھاياتنىڭ ئاۋازىنى ئاڭلاپلا كەينىگە ئۆرۈلدى .
__ ئۇ يىگىت كىمۇ ؟ ھەجەپ يېقىن بولۇپ كەتتىڭا ؟
__ ئەمدى بىلدىم ھا ھا ھا  ....  كۈنلەپ قاپسەندە ... ئۇ مېنىڭ ساۋاقدىشىم . ئىسمى نىجات . ئۆزى تىرىشچان ، ئەخلاقلىق بالا . مەكتەپتە ئۆگىنىش جەھەتتىن ماڭا بەك ياردەم قىلىدۇ . لېكىن ئۆزى سەل شوخراق ..
<< نىجات >> _ زۇلپىقارنىڭ يۈرىگى ئاغدى . كۈندەشلىك ئۇنىڭ ئەقلىنى كىسىپ تەلۋىلەشتۈرۈپ قويغانىدى .
__ ئۇنداق بولسا سىلەرنى ئۇچراشتۇرۇپ قويۇپ تولىمۇ ياخشى قىپتىمەن . جىقراق مۇڭدىشىۋېلىڭلار ، مەن ئاستا يولۇمنى تېپىۋالاي ..
زۇلپىقار شۇ گەپلەرنى دەپلا زۇلھاياتنىڭ چاقىرىشىغىمۇ پىسەنت قىلماستىن ئۆرۈلگىنىچە كېتىپ قالدى  . ...............

بارا - بارا بۇ ئىشلارمۇ ئەستىن كۆتۈرۈلۈپ كەتتى . زۇلپىقارمۇ ئۆزىنىڭ شۇ كۈندىكى ئەقىلسىزلىكىگە ، زۇلھاياتقا قىلغان قوپاللىقىغا قاتتىق پۇشايمان قىلدى . لېكىن شۇ ۋاقىتتىكى نىجاتنىڭ زۇلھاياتقا قارىغاندىكى كۆزلىرىدىن چاقنىغان بىر ئاتەش نۇر ئۇچقۇنى ھەردەم زۇلپىقارنى بىئارام قىلاتتى . ئىككىيلەننىۇ كۈندە بىر مەكتەپتە ، بىر سىنىپتا كۆرۈشۈپ تۇرىدىغانلىقى زۇلپىقارنى ئارامسىزلاندۇراتتى .. لېكىن يەنىلا ئۆزىگە تەسەللى بىرەتتى . زۇلپىقار زۇلھاياتنىڭ ئىرادىسىگە ئۆزىگە بولغان ساداقىتىگە ئىشىنەتتى .ئەلۋەتتە ھەممىمىزگە ئايانكى زۇلھاياتمۇ زۇلپىقارنى چىن دىلىدىن ياخشى كۆرەتتى . سۆيەتتى .
ياق _ دەيتى زۇلپىقار ، زۇلھاياتنىڭ تاللىشى ئەلۋەتتە مەن . چۈنكى مەن ئۇنى ئۆزۈمدىنمۇ بەكرەك ياخشى كۆرىمەن . ئۇنى بەختلىك قىلىمەن . ئۇمۇ مېنى ياخشى كۆرىدۇ ... زۇلپىقارنىڭ ئىسىگە ئالى مەكتەپكە مېڭىش ئالدىدا زۇلھايات ئىككىسىنىڭ ئارقا ھويلىدىكى باغدا قىلىشقان سۆزلىرى ئىسىگە كەلدى :
__ زۇلھايات ، دېدى زۇلپىقار دۇدۇقلىغىنىچە :
__ سېنىڭدىن پەقەتلا ئارىلىپ قالغۇم يوق . سەنمۇ ........ سەنمۇ مەندىن ئارىلماسلىققا ۋەدە بىرەلەمسەن ؟
زۇلھايات چۈپپىدە قىزاردى .
__ زۇلپىقار ، ئالدىمىزدا مەنزىلىمىز تولىمۇ ئۇزاق . ئالى مەكتەپتىن ئىبارەت نۇرغۇن ھىكمەت ، ئىلىملەرنى ئۆزىگە مۇجەسسەملىگەن بىلىم بۇلىقى بىزنىڭ ئېچىرقىغان روھىمىزنى ، چاڭقاق دىلىمىزنى قاندۇرىشىمىزنى ساقلاۋاتىدۇ . ئەلۋەتتە بىز شۇندىلا كەلگۈسىگە كۈلۈپ قارىيالايمىز . بىزنىڭ نىشانىمىز ، پىكرىمىز ، روھىمىز ئوخشاش زۇلپىقار . بىزنىڭ ھازىرقى نىشانىمىز ئەڭ زور تىرىشچانلىق بىلەن ئالى مەكتەپنى ئالى نەتىجە بىلەن پۈتتۈرۈش ، ئۆزىمىزنى مۇكەممەللەشتۈرۈش بولسۇن ، قانداق دەيسەن ؟
زۇلھايات زۇلپىقارغا قارىدى ھەم ئۇنىڭ كۆزىدە چاقنىغان قەيسەرلىك ، جەسۇرلۇق ۋە ئىشەنچ نۇرلىرىنى كۆرۈپ تولىمۇ مەمنۇن بولدى ھەم قىزارغىنىچە پەس ئاۋازدا سۆزلىدى :
__ شۇنداقلا زۇلپىقار ئەمىلىيەت مەنمۇ مەڭگۈ سېنىڭ .... ئۇقۇش پۈتتۈرىدىغاندا  چوقۇم .......................
زۇلھايات بوينىغىچە قىزىرىپ يۈزىنى ئەتكىنىچە يۈگۈرۈپ ھويلىدىن چىكەتتى .
زۇلپىقار خوشلۇقتىن ئۆزىنى يوقىتىپ قويغانىدى . ئاھ - بەخـت ! توغرا ، ئەڭ ئۇلۇغ نىشانىمىز ئۈچۈن تىرىشايلى !
ئەنە شۇ كۈندىن باشلاپ بۇ ئىككىيلەن ئوتتۇرىسىدا بىر - بىرسىگە بولغان ئوتلۇق مۇھەببەتنىڭ تۇيغۇلىرى توغۇرلۇق گەپ سۆزلەر بولۇنۇپ باقمىدى . ئۇلار ھەقىقەتەن تىرىشىپ ئۆگەندى . ھەر يىلى مەكتەپ رەھبەرلىكى تەرىپىدىن ئىلغار ئوقۇغۇچى ، مۇنەۋۋەر ھەيئەت ئەزاسى بولۇپ تەقدىرلىنىپ تۇردى .

زۇلپىقار شۇلارنى خىيال قىلىپ ئولتۇرىشىغا جوزىغا قويۇلغان ئىككى تەخسە لەغمەننىڭ مىزىلىك ھىدى بۇلارنىڭ ئىشتىھاسىنى قوزغىدى . بۇلار تامىقىنى يەپ بولۇپ ھىساۋات قىلىپ بولغاندىن كېيىن دىيىشكىنى بويىچە شىنخۇا كىتابخانىسىغا قاراپ ماڭدى . ...

داۋامى  داۋاملىق ئىنكاس شەكلىدە يوللىنىدۇ  ...  

كەچۈرۈڭلار تورداشلار ، ۋاقتىم قىس بولغانلىقى ئۈچۈن يەنە مۇشۇ يەردە ئاخىرلاشتۇرۇپ تۇردۇم .. كەچتە ھەممىنى تولۇق يوللاپ بولىمەن .....

Quote:

بۇ مەزمون5قەۋەتتىكىsadakat605نىڭ2009-03-15 17:46 دە يوللىغان يازمىسى   :
قاچانمۇ 48سائەت توشاركىن       

كەچۈرۈڭ تورداش . سۆزىڭىزنى نىمە دەپ چۈشەنسەم بولىدىغانلىقى توغرىسىدا گاڭگىراپ قالدىم ... بۇ ھىكايەمنىڭ سىزگە ياقماسلىقىدىن ئەجەپلەنمەيمەن . بۇمۇ مېنىڭ يېڭى قەدىمىم .. لېكىن ئىككى ئېغىز تەكلىپ - پىكىر بىرەلمىگىڭىزدىن سىزنى ئۆزۈمدىنمۇ ساپاسىزراق چۈشىنىشكە مەجبۇرمەن . يا مەن سۆزىڭىزنى خاتا چۈشۈنۈپ قالدىممۇ ؟
كەچۈرۈڭ  ...................

كەچ بولدىغۇ؟مەن ساقلاۋاتىمەن............

نىمىشقا ھەممىنى بىراقلا يوللىۋەتمەيسىز ؟ داۋامىنى تىزراق يوللارسىز........

مەنمۇ ئاخىرىنى ساقلاۋاتىمەن!!!

خۇددى سامان ئارلاشماي لاي بولماس،  ئېلان ئارلاشماي تېما بولماس دېگەندەك مۇشۇنىڭدەك تېمىلار تەستىقلانماي تۇرسا، تېما ئىگىسى ھەممىنى تولۇقلاپ بولغاندىن كىيىن ئاندىن تەستىقلانسا دېگەن ئۈمىتتىمەن.