يىڭى يوللانغان كونا تىما، ھوزۇرلىنىڭ!!!




(ئېلاندىن كېيىن ھەيۋەتلىك پروگرامما تېمىسى كۆرۈنىدۇ، ئاندىن رىياسەتچى بەلگىلىمە بويىچە ئىككى قولىنى كىرىشتۈرۈپ تۇرۇپ سۆزلەيدۇ، بۇ ئارىدا قانچە قېتىم ھىجىيىش، قانچە قېتىم بېشىنى لىڭشىتىش بېكىتىلىپ بولغان بولىدۇ)
ﻫﯚﺭﻣﻪﺗﻠﯩﻚ ﻛﯚﺭﯛﺭﻣﻪﻥ ﺩﻭﺳﺘﻼﺭ، ﻫﻪﻣﻤﯩﻤﯩﺰﮔﻪ ﻣﻪﻟﯘﻣﻜﻰ، ﺋﻮﺳﯘﺭﯗﻕ ﺋﯩﻨﺴﺎﻥ ﻫﺎﻳﺎﺗﯩﺪﯨﻜﻰ ﺋﯩﻨﺘﺎﻳﯩﻦ ﻣﯘﻫﯩﻢ ﺋﯩﺸﻼﺭﻧﯩﯔ ﺑﯩﺮﻯ، ﻗﻪﺩﯨﻤﻘﻰ ﺋﻪﻗﯩﻠﻠﯩﻖ ﺋﺎﺗﺎ-ﺑﯘﯞﯨﻠﯩﺮﯨﻤﯩﺰ "ﺋﻮﺳﯘﺭﯗﻕ ﭼﯩﻘﻤﯩﺴﺎ ﺗﯩﻨﯩﻖ ﺗﻮﺧﺘﺎﭖ ﻗﺎﻟﯩﺪﯗ" ﺩﻩﭖ ﺗﻮﻟﯩﻤﯘ ﺗﻮﻏﺮﺍ ﺋﯧﻴﺘﻘﺎﻥ. ﺑﯜﮔﯜﻧﻜﻰ ﻛﯜﻧﺪﻩ ﻛﯩﺸﯩﻠﻪﺭ ﺋﻮﺳﯘﺭﯗﻗﻨﯩﯔ ﺋﻪﻫﻤﯩﻴﯩﺘﯩﻨﻰ ﺗﯧﺨﯩﻤﯘ ﺗﻮﻟﯘﻕ ﺗﻮﻧﯘﭖ ﻳﯧﺘﯩﭗ، ﺋﯘﻧﻰ ﻣﯘﯞﺍﭘﯩﻖ ﯞﻩ ﺭﺍﯞﺍﻥ ﭼﯩﻘﯩﺮﯨﺸﻨﯩﯔ ﺋﯩﻠﻤﯩﻴﻠﯩﻜﻰ ﯞﻩ ﺋﯘﻳﻐﯘﺭ ﺋﻮﺳﯘﺭﯗﻕ ﭼﯩﻘﯩﺮﯨﺶ ﻣﻪﺩﻩﻧﯩﻴﯩﺘﯩﻨﻰ ﺩﯗﻧﻴﺎﻏﺎ ﺗﻮﻧﯘﺗﯘﺵ ﻫﻪﻗﻘﯩﺪﻩ ﺋﯜﺯﻟﯜﻛﺴﯩﺰ ﺗﯚﻫﭙﻪ ﻗﻮﺷﻤﺎﻗﺘﺎ. ﻣﻪﻣﻠﯩﻜﻪﺗﻠﯩﻚ 3- ﺩﻩﺭﯨﺠﯩﻠﯩﻚ ﺋﻮﺳﯘﺭﯗﻕ ﭼﯩﻘﯩﺮﯨﺶ ﻣﺎﻫﯩﺮﻯ، ﻣﯩﻠﻠﯩﺘﯩﻤﯩﺰﻧﯩﯔ ﭘﻪﺧﺮﻯ، ﻳﺎﺵ ﺋﻮﺳﯘﺭﯗﻗﭽﻰ ﻫﻪﭘﯩﺮﻩ ﻫﻪﻣﯩﻦ ﭼﯩﯖﻘﺎﻗﻰ ﻣﺎﻧﺎ ﺷﯘﻻﺭﻧﯩﯔ ﺑﯩﺮﯨﺪﯗﺭ. ﺗﯚﯞﻩﻧﺪﻩ ﺑﯩﺰ ﻫﻪﭘﯩﺮﻩ ﻫﻪﻣﯩﺪﯨﻦ ﭼﯩﯖﻘﺎﻗﻰ ﻫﻪﻗﻘﯩﺪﻩ ﺋﯩﺸﻠﻪﻧﮕﻪﻥ ﻣﻪﺧﺴﯘﺱ ﻓﯩﻠﯩﻤﻨﻰ ﺩﯨﻘﻘﯩﺘﯩﯖﻼﺭﻏﺎ ﺳﯘﻧﺪﯗﻕ.
-  ﺋﻪﺳﺴﺎﻻﻣﯘ ﺋﻪﻟﻪﻳﻜﯘﻡ، ﻫﻪﭘﯩﺮﻩ ﻫﻪﺩﻩ.
-  ﯞﻩ ﺋﻪﻟﻪﻳﻜﯘﻡ ﺋﻪﺳﺴﺎﻻﻡ.
-  ﺳﯩﺰ ﺩﯨﻴﺎﺭﯨﻤﯩﺰﻏﺎ ﺗﻮﻧﯘﺷﻠﯘﻕ، ﺋﻪﻝ ﺳﯚﻳﮕﻪﻥ ﻳﺎﺵ ﺋﻮﺳﯘﺭﯗﻗﭽﯩﻼﺭﻧﯩﯔ ﺑﯩﺮﻯ، ﺳﯩﺰ ﻗﺎﻧﺪﺍﻕ ﺑﻮﻟﯘﭖ ﺑﯘ ﻛﻪﺳﯩﭙﻜﻪ ﻗﯩﺰﯨﻘﯩﭗ ﻗﺎﻟﻐﺎﻥ ﺋﯩﺪﯨﯖﯩﺰ؟
-  ﻣﻪﻥ ﺋﻪﻗﻠﯩﻤﮕﻪ ﻛﻪﻟﺴﻪﻡ ﺑﻮﯞﺍﻡ ﻣﻪﻫﻪﻟﻠﯩﻤﯩﺰﺩﯨﻜﻰ ﺩﺍﯕﻠﯩﻖ ﺋﻮﺳﯘﺭﯗﻗﭽﯩﻼﺭﺩﯨﻦ ﺋﯩﻜﻪﻥ، ﻛﯧﻴﯩﻦ ﺩﺍﺩﺍﻡ ﺷﻪﻫﻪﺭﻟﯩﻚ ﺋﻮﺳﯘﺭﯗﻕ ﺋﯚﻣﯩﻜﯩﺪﻩ ﺩﺍﯕﻠﯩﻖ ﺋﻮﺳﯘﺭﯗﻗﭽﻰ ﺑﻮﻟﯘﭖ ﺋﯩﺸﻠﻪﭖ، ﺷﯘ ﻳﻪﺭﺩﯨﻦ ﭘﯩﻨﺴﯩﻴﯩﮕﻪ ﭼﯜﺷﺘﻰ. ﻣﻪﻥ ﻛﯩﭽﯩﻜﯩﻤﺪﯨﻦ ﻣﺎﻧﺎ ﻣﻮﺷﯘﻧﺪﺍﻕ ﻗﻮﻳﯘﻕ ﺋﻮﺳﯘﺭﯗﻕ ﭘﯘﺭﯨﻘﯩﻐﺎ ﺗﻮﻳﯘﻧﻐﺎﻥ ﺋﺎﺋﯩﻠﯩﺪﻩ ﭼﻮﯓ ﺑﻮﻟﻐﺎﻥ ﺑﻮﻟﻐﺎﭼﻘﺎ، ﻣﻪﻧﺪﻩ ﺋﻮﺳﯘﺭﯗﻗﻘﺎ ﻧﯩﺴﺒﻪﺗﻪﻥ ﺗﻪﺑﺌﯩﻲ ﺑﯩﺮ ﺧﯩﻞ ﻗﯩﺰﯨﻘﯩﺶ ﻳﯧﺘﯩﻠﮕﻪﻥ ﺋﯩﺪﻯ. ﺋﻮﺗﺘﯘﺭﺍ ﻣﻪﻛﺘﻪﭘﻨﻰ ﭘﯜﺗﺘﯜﺭﯨﺪﯨﻐﺎﻥ ﭼﺎﻏﺪﺍ ﻣﻪﻥ ﻣﯩﻠﻠﯩﺘﯩﻤﻨﯩﯔ ﺋﻮﺳﯘﺭﯗﻗﻠﯩﺮﯨﻨﻰ ﺋﺎﺳﻤﺎﻧﻐﺎ ﭼﯩﻘﯩﺮﯨﭗ، ﭘﯜﺗﯜﻥ ﺩﯗﻧﻴﺎﻏﺎ ﺗﻮﻧﯘﺗﯘﺵ، ﺧﻪﻟﻘﯩﻢ ﺋﯜﭼﯜﻥ ﻣﯘﻧﻪﯞﯞﻩﺭ ﺋﻮﺳﯘﺭﯗﻗﻼﺭﻧﻰ ﺗﻪﻗﺪﯨﻢ ﻗﯩﻠﯩﺶ ﺋﯩﺮﺍﺩﯨﺴﻰ ﺑﯩﻠﻪﻥ ﺋﻪﺧﻠﻪﺕ ﻛﻪﺳﭙﯩﻲ ﺋﯩﻨﯩﺴﺘﯩﺘﯘﺗﯩﻨﯩﯔ ﭼﯩﻘﯩﺮﯨﻨﺪﺍ ﻓﺎﻛﻮﻟﺘﯧﺘﻰ ﺋﻮﺳﯘﺭﯗﻕ ﻛﻪﺳﭙﯩﮕﻪ ﺋﯩﻤﺘﯩﻬﺎﻥ ﺑﻪﺭﺩﯨﻢ. ﺑﯘ ﻛﻪﺳﯩﭙﻜﻪ ﺑﻮﻟﻐﺎﻥ ﻗﯩﺰﻏﯩﻦ ﺋﯩﺸﺘﯩﻴﺎﻗﯩﻢ ﺑﯩﻠﻪﻥ ﺋﻪﻻ ﻧﻪﺗﯩﺠﻪ ﺑﯩﻠﻪﻥ ﺋﻮﻗﯘﺵ ﭘﯜﺗﺘﯜﺭﯛﭖ، ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺋﻮﺳﯘﺭﯗﻕ ﺋﺎﻧﺴﺎﻣﺒﯩﻠﯩﺪﺍ ﺋﻮﺳﯘﺭﯗﻕ ﻳﯧﺘﻪﻛﭽﯩﺴﻰ ﺑﻮﻟﯘﭖ ﺋﯩﺸﻠﻪﭖ ﻛﯧﻠﯩﯟﺍﺗﯩﻤﻪﻥ.
(ﺋﯧﻜﺮﺍﻧﺪﺍ ﭼﯩﯖﻘﺎﻗﯩﻨﯩﯔ ﺑﻪﺯﻯ ﻫﺎﻳﺎﺗﻰ ﻛﯚﺭﯛﻧﯜﺷﻠﯩﺮﻯ، ﻛﯚﺭﯛﻧﯜﺵ ﺗﯧﭙﯩﻠﻤﯩﺴﺎ ﺭﻩﯕﺴﯩﺰ ﺳﯜﺭﻩﺗﻠﯩﺮﻯ ﻛﯚﺭﺳﯩﺘﯩﻠﯩﺪﯗ، ﻳﺎﻧﺪﯨﻦ ﻣﺎﺧﺘﺎﻟﻤﺎ ﺑﺎﻳﺎﻥ ﺑﯧﺮﯨﻠﯩﺪﯗ.)
-  ﺳﯩﺰﻧﯩﯔ "ﭼﯩﯖﻘﯩﻠﯩﺶ ﯞﻩ ﺗﻮﻟﻐﯩﻨﯩﺶ ﺋﺎﺭﻗﯩﻠﯩﻖ ﺋﻮﺳﯘﺭﯗﻕ ﭼﯩﻘﯩﺮﯨﺶ ﺋﯘﺳﯘﻟﻰ" ﻧﺎﻣﻠﯩﻖ ﺋﻮﺳﯘﺭﯗﻕ ﺋﯩﺠﺎﺩﯨﻴﯩﺘﯩﯖﯩﺰ ﺧﻪﻟﻘﯩﻤﯩﺰﻧﯩﯔ ﺋﯘﺳﯘﺭﯗﻕ ﻣﻪﺩﻩﻧﯩﻴﯩﺘﯩﮕﻪ ﺯﻭﺭ ﺗﯚﻫﭙﻪ ﻗﻮﺷﯘﭖ، ﻛﯩﺸﯩﻠﻪﺭﻧﯩﯔ ﻳﺎﻗﺘﯘﺭﯗﺷﯩﻐﺎ ﺋﯧﺮﯨﺸﻤﻪﻛﺘﻪ، ﺳﯩﺰ ﺑﯘ ﺋﯩﺠﺎﺩﯨﻴﯩﺘﯖﯩﺰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﺑﺎﻗﺎﻣﺴﯩﺰ؟
-  ﺑﻮﻟﯩﺪﯗ. 2002- ﻳﯩﻠﻰ ﻣﻪﻥ ﺗﯚﯞﻩﻧﮕﻪ ﭼﯜﺷﯜﭖ ﺋﻮﻳﯘﻥ ﻗﻮﻳﯘﯞﺍﺗﻘﺎﻧﺪﺍ، ﻣﺎﺷﯩﻨﯩﺪﺍ ﻛﯧﺘﯩﯟﯦﺘﯩﭗ ﻳﻮﻝ ﺑﻮﻳﯩﺪﺍ ﺑﯩﺮ ﻛﯩﭽﯩﻚ ﺑﺎﻟﯩﻨﯩﯔ ﺋﻮﺳﯘﺭﯗﻕ ﭼﯩﻘﯩﺮﯨﯟﺍﺗﻘﺎﻧﻠﯩﻘﯩﻐﺎ ﻛﯚﺯﯛﻡ ﭼﯜﺷﯜﭖ ﻗﺎﻟﺪﻯ. ﺑﯘ ﺑﺎﻟﯩﻨﯩﯔ ﺋﯩﺸﺘﯩﻨﻰ ﺳﻪﻝ ﺗﺎﺭ ﺑﻮﻟﻐﺎﭼﻘﺎ، ﺋﻮﺳﯘﺭﯗﺷﺘﺎ ﻛﯚﭖ ﻗﯩﻴﻨﯩﻠﯩﭗ ﻛﻪﺗﻜﻪﻥ ﺋﯩﻜﻪﻥ. ﺑﯘ ﻛﯚﺭﯛﻧﯜﺵ ﻣﯧﻨﻰ ﺧﯧﻠﻰ ﺑﯩﺮ ﻛﻪﻣﮕﯩﭽﻪ ﭼﯘﯕﻘﯘﺭ ﺋﻮﻳﻐﺎ ﺳﺎﻟﺪﻯ. ﻣﻪﻥ ﺑﯩﺮ ﻧﻪﭼﭽﻪ ﻳﯩﻠﻠﯩﻖ ﭼﯘﯕﻘﯘﺭ ﺗﻪﺗﻘﯩﻘﺎﺕ ﯞﻩ ﺟﺎﭘﺎﻟﯩﻖ ﺋﯩﺰﺩﯨﻨﯩﺶ ﺋﺎﺭﻗﯩﻠﯩﻖ ﺋﯩﺸﺘﺎﻥ ﺗﺎﺭ ﻛﻪﭖ ﻗﺎﻟﻐﺎﻥ ﺋﻪﻫﯟﺍﻝ ﺋﺎﺳﺘﯩﺪﺍ ﭼﯩﯖﻘﯩﻠﯩﺶ ﯞﻩ ﺗﻮﻟﻐﯩﻨﯩﺶ ﺋﺎﺭﻗﯩﻠﯩﻖ ﺋﻮﺳﯘﺭﯗﻕ ﭼﯩﻘﯩﺮﯨﺶ ﻧﺎﻣﻠﯩﻖ ﺋﻪﺳﯩﺮﯨﻤﻨﻰ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﻫﺎﻟﺪﺍ ﭘﯜﺗﺘﯜﺭﯛﭖ ﭼﯩﻘﺘﯩﻢ. ﺑﯘ ﺋﻪﺳﯩﺮﯨﻢ 9- ﻧﯚﯞﻩﺗﻠﯩﻚ "ﺩﺍﭘﺘﯩﻜﻰ ﻣﺎﻳﺎﻕ" ﻧﺎﻣﯩﺪﯨﻜﻰ ﻣﯘﻧﻪﯞﯞﻩﺭ ﺋﻪﺳﻪﺭﻟﻪﺭﻧﻰ ﻣﯘﻛﺎﭘﺎﺗﻼﺵ ﻣﯘﺳﺎﺑﯩﻘﯩﺴﯩﺪﺍ ﻣﯘﻧﻪﯞﯞﻩﺭ ﭼﯩﻘﺮﯨﻨﺪﺍ ﻣﯘﻛﺎﭘﺎﺗﯩﻐﺎ ﺋﯧﺮﯨﺸﺘﻰ. ﺧﻪﻟﻘﯩﻤﻤﯘ ﻳﺎﻗﺘﯘﺭﯗﭖ ﻛﯚﺭﺩﻯ، ﺷﯘﻧﺪﯨﻼ ﻣﻪﻥ ﺋﯚﺯﯛﻣﻨﯩﯔ ﭼﻪﻛﻜﻪﻥ ﺟﺎﭘﺎﻟﯩﺮﯨﻤﻨﯩﯔ ﻫﺎﺭﺩﯗﻗﻰ ﭼﯩﻘﻘﺎﻧﺪﻩﻙ ﺑﻮﻟﯘﭖ ﻗﺎﻟﺪﯨﻢ.
(ﺋﯧﻜﺮﺍﻧﺪﺍ ﺷﯘ ﺋﻪﺳﻪﺭﺩﯨﻦ ﺋﺎﺭﯨﻴﻪ ﻛﯚﺭﯛﻧﯩﺪﯗ)
-  ﻫﻪﻗﯩﻘﻪﺗﻪﻥ ﺗﻪﺳﯩﺮﻟﯩﻚ ﺋﯩﻜﻪﻥ. ﻫﻪﭘﯩﺮﻩ ﻫﻪﺩﻩ، ﺋﺎﯕﻠﯩﺴﺎﻡ ﻳﯘﻗﯩﺮﯨﻘﻰ ﺋﻪﺳﯩﺮﯨﯖﯩﺰﺩﯨﻦ ﺑﺎﺷﻘﺎ ﻳﻪﻧﻪ ﺑﯩﺮﻣﯘﻧﭽﻪ ﺋﻪﺳﻪﺭﻟﯩﺮﯨﯖﯩﺰ ﻣﻪﻣﻠﯩﻜﻪﺕ ﯞﻩ ﺭﺍﻳﻮﻥ ﺩﻩﺭﯨﺠﯩﻠﯩﻚ ﻣﯘﻛﺎﭘﺎﺗﻼﺭﻏﺎ ﺋﯧﺮﯨﺸﻜﻪﻥ ﺋﯩﻜﻪﻥ. ﺑﯘﻻﺭﻧﯩﯔ ﺋﺎﺭﯨﺴﯩﺪﺍ ﺳﯩﺰﻧﻰ ﺋﻪﯓ ﺧﯘﺷﺎﻝ ﻗﯩﻠﻐﯩﻨﻰ ﻗﺎﻳﺴﻰ؟
-  ﻣﻪﻥ 1999- ﻳﯩﻠﻰ ﺋﻮﺳﯘﺭﯗﻕ ﺳﺎﻫﻪﺳﯩﮕﻪ ﻛﯩﺮﯨﭗ ﻛﻪﻟﮕﻪﻧﺪﯨﻦ ﺑﯘﻳﺎﻥ، ﭘﯧﺸﻘﻪﺩﻩﻣﻠﻪﺭﺩﯨﻦ ﺋﯚﮔﯩﻨﯩﭗ، ﻣﺎﻫﺎﺭﯨﺘﯩﻤﻨﻰ ﺋﯜﺯﻟﯜﻛﺴﯩﺰ ﭼﯘﯕﻘﯘﺭﻻﺷﺘﯘﺭﯗﭖ، ﻣﯩﻠﻠﻪﺗﻨﯩﯔ ﺋﻮﺳﯘﺭﯗﻕ ﺋﯩﺸﻠﯩﺮﯨﻨﻰ ﺩﯗﻧﻴﺎﻏﺎ ﺗﻮﻧﯘﺗﯘﺵ ﻳﻮﻟﯩﺪﺍ ﺑﯩﺮ ﻛﯩﺸﻠﯩﻚ ﻫﻪﺳﺴﻪﻣﻨﻰ ﻗﻮﺷﯘﺵ ﺋﯜﭼﯜﻥ ﺗﯩﺮﯨﺸﯩﭗ ﻛﻪﻟﺪﯨﻢ. ﺧﻪﻟﻘﯩﻤﻨﯩﯔ ﻗﻮﻟﻠﯩﺸﻰ ﻧﻪﺗﯩﺠﯩﺴﯩﺪﻩ، 2001-ﻳﯩﻠﻰ ﺷﯧﻨﺠﯧﻨﺪﺍ ﺋﯚﺗﻜﯜﺯﯛﻟﮕﻪﻥ ﺋﻮﺳﯘﺭﯗﻕ ﻣﺎﻫﺎﺭﻩﺕ ﻛﯚﺭﯨﻜﯩﺪﻩ "ﺗﻮﻟﻐﯩﻨﯩﺶ ﯞﻩ ﺗﻪﯞﺭﯨﻨﯩﺶ" ﻧﺎﻣﻠﯩﻖ ﺋﻮﺳﯘﺭﯗﻕ ﺋﻪﺳﺮﯨﻢ ﺭﯨﻐﺒﻪﺗﻠﻪﻧﺪﯛﺭﯛﺵ ﻣﯘﻛﺎﭘﺎﺗﯩﻐﺎ، 2002- ﻳﯩﻠﻰ ﻟﯩﻴﺎﯞﻧﯩﯖﺪﯨﻜﻰ ﺳﺎﻳﺎﻫﻪﺕ ﺑﺎﻳﺮﯨﻤﯩﻨﯩﯔ ﺑﺎﺷﻠﯩﻨﯩﺶ ﻣﯘﺭﺍﺳﯩﻤﯩﺪﺍ ﺋﻮﺭﯗﻧﺪﯨﻐﺎﻥ "ﺯﻭﯕﺰﯨﻴﯩﭗ ﻳﻪﻝ ﭼﯩﻘﯩﺮﯨﺶ" ﻧﺎﻣﻠﯩﻖ ﺋﻪﺳﯩﺮﯨﻢ 1- ﺩﻩﺭﯨﺠﯩﻠﯩﻚ ﻣﯘﭘﺎﻛﺎﺗﻘﺎ، 2005- ﻳﯩﻠﻰ ﻛﯘﺑﺎﻧﯩﯔ ﻫﺎﯞﺍﻧﺎﺩﺍ ﺋﯚﺗﻜﯜﺯﯛﻟﮕﻪﻥ 12- ﻧﯚﯞﻩﺗﻠﯩﻚ ﺋﻮﺳﯘﺭﯗﻕ ﻓﯩﺴﺘﯩﯟﺍﻟﯩﺪﺍ "ﺋﯘﻳﻐﯘﺭ ﺋﻮﺳﯘﺭﯗﻗﻠﯩﺮﻯ" ﻧﺎﻣﻠﯩﻖ ﺋﻪﺳﯩﺮﯨﻢ ﻛﯚﻣﯜﺵ ﻣﯧﺪﺍﻟﻐﺎ ﺋﯧﺮﯨﺸﺘﻰ، ﺋﯘﻧﯩﯖﺪﯨﻦ ﺑﺎﺷﻘﺎ ﻳﯩﻠﺪﺍ ﺑﯩﺮ ﺋﯚﺗﻜﯜﺯﯛﻟﮕﻪﻥ ﺳﻪﻧﺌﻪﺕ ﻛﯚﺭﻩﻛﻠﯩﺮﯨﺪﻩ ﻫﻪﺭﺧﯩﻞ ﻣﯘﻛﺎﭘﺎﺗﻼﺭﻏﺎ ﺋﯧﺮﯨﺸﯩﭗ ﻛﻪﻟﺪﯨﻢ. ﺑﯘﻧﯩﯔ ﺋﯩﭽﯩﺪﻩ ﻣﯧﻨﻰ ﺋﻪﯓ ﺳﯚﻳﯜﻧﺪﯛﺭﯨﺪﯨﻐﯩﻨﻰ، ﻫﺎﯞﺍﻧﺎ ﺳﻪﻫﻨﯩﺴﯩﺪﻩ ﭘﯜﺗﯜﻥ ﺩﯗﻧﻴﺎﻏﺎ ﺋﯘﻳﻐﯘﺭ ﺋﻮﺳﯘﺭﯗﻗﻠﯩﺮﯨﻨﻰ ﺗﻮﻧﯘﺗﯘﺵ ﺋﯜﭼﯜﻥ ﻛﯚﺭﺳﻪﺗﻜﻪﻥ ﺗﯩﺮﯨﺸﭽﺎﻧﻠﯩﻘﯩﻢ ﺑﻪﺩﯨﻠﯩﮕﻪ ﺑﯧﺮﯨﻠﮕﻪﻥ ﻣﯘﭘﺎﻛﺎﺕ ﺑﻮﻟﺪﻯ. ﻣﻪﻥ ﺋﯘ ﻳﻪﺭﺩﻩ ﻧﯘﺭﻏﯘﻧﻠﯩﻐﺎﻥ ﻛﻪﺳﯩﭙﺪﺍﺷﻠﯩﺮﯨﻤﻐﺎ ﺋﯘﻳﻐﯘﺭ ﺋﻮﺳﯘﺭﯗﻗﻠﯩﺮﯨﻨﻰ ﺗﻮﻧﯘﺗﯘﺵ ﭘﯘﺭﺳﯩﺘﯩﮕﻪ ﺋﯧﺮﯨﺸﻪﻟﯩﺪﯨﻢ.
(ﺋﯧﻜﺮﺍﻧﺪﺍ ﭼﯩﯖﻘﺎﻗﯩﻨﯩﯔ ﯞﻩﻛﯩﻠﻠﯩﻚ ﺋﻮﺳﯘﺭﯗﻗﻠﯩﺮﯨﺪﯨﻦ ﺋﺎﺭﯨﻴﻪ ﯞﻩ ﻫﺎﯞﺍﻧﺎﺩﯨﻜﻰ ﻣﯘﭘﺎﻛﺎﺗﻼﺵ ﻛﯚﺭﯛﻧﯜﺷﯩﻨﯩﯔ ﺳﯜﺭﻩﺗﻠﯩﺮﻯ ﻛﯚﺭﺳﯩﺘﯩﻠﯩﺪﯗ)
-  ﻫﻪﭘﯩﺮﻩ ﻫﻪﺩﻩ، ﺳﯩﺰ ﺑﯩﺮ ﺗﻪﺭﻩﭘﺘﯩﻦ ﺋﻮﺳﯘﺭﯗﻕ ﺗﻪﺗﻘﯩﻘﺎﺗﻰ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺋﻮﻳﯘﻥ ﻗﻮﻳﯘﺵ، ﺋﻮﺳﯘﺭﯗﻕ ﻳﯧﺘﻪﻛﭽﯩﻠﯩﻜﻰ ﺑﯩﻠﻪﻥ ﺷﯘﻏﯘﻟﻠﯩﻨﯩﺪﯨﻜﻪﻧﺴﯩﺰ، ﺩﺍﺋﯩﻢ ﺳﯩﺮﺗﻼﺭﻏﺎ ﭼﯩﻘﯩﭗ ﺋﻮﻳﯘﻥ ﻗﻮﻳﯩﺪﯨﻜﻪﻧﺴﯩﺰ، ﺑﯘ ﺑﯩﺮ ﺋﺎﻳﺎﻝ ﺋﯜﭼﯜﻥ ﺋﺎﺳﺎﻥ ﺋﻪﻣﻪﺱ ﺋﻪﻟﯟﻩﺗﺘﻪ، ﺑﯘ ﺟﻪﺭﻳﺎﻧﺪﺍ ﺋﺎﺋﯩﻠﯩﯖﯩﺰﺩﯨﻜﯩﻠﻪﺭ ﺳﯩﺰﻧﻰ ﻗﻮﻟﻼﭖ ﻛﯧﻠﯩﯟﺍﺗﺎﻣﺪﯗ؟
-  ﺋﻪﮔﻪﺭ ﺋﺎﺋﯩﻠﻪﻣﺪﯨﻜﯩﻠﻪﺭﻧﯩﯔ ﺗﻮﻏﺮﺍ ﭼﯜﺷﯩﻨﯩﺸﻰ ﯞﻩ ﻗﻮﻟﻠﯩﺸﻰ ﺑﻮﻟﻤﯩﻐﺎﻥ ﺑﻮﻟﺴﺎ، ﺑﻮﻟﯘﭘﻤﯘ ﻳﻮﻟﺪﯨﺸﯩﻢ ﻗﺎﻣﯩﺠﺎﻧﻨﯩﯔ ﻳﺎﺭﺩﯨﻤﻰ ﺑﻮﻟﻤﯩﻐﺎﻥ ﺑﻮﻟﺴﺎ، ﻣﻪﻥ ﺑﯜﮔﯜﻧﻜﯩﺪﻩﻙ ﻧﻪﺗﯩﺠﯩﻠﻪﺭﻧﻰ ﻗﻮﻟﻐﺎ ﻛﻪﻟﺘﯜﺭﻩﻟﻤﯩﮕﻪﻥ ﺑﻮﻻﺗﺘﻰ. ﻗﺎﻣﯩﺠﺎﻥ ﺋﯚﺯﯨﻤﯘ ﭼﯩﻘﯩﺮﯨﻨﺪﺍ ﻛﻪﺳﭙﻰ ﺑﯩﻠﻪﻥ ﺷﯘﻏﯘﻟﻠﯩﻨﯩﺪﯨﻐﺎﻥ ﺑﻮﻟﻐﺎﭼﻘﺎ، ﻣﯧﻨﻰ ﻛﻪﺳﭙﯩﻲ ﯞﻩ ﺗﯘﺭﻣﯘﺵ ﺟﻪﻫﻪﺗﺘﯩﻦ ﻗﻮﻟﻼﭖ ﻛﯧﻠﯩﯟﺍﺗﯩﺪﯗ. ﺳﯩﺮﺗﻼﺭﻏﺎ ﺋﻮﻳﯘﻥ ﻗﻮﻳﻐﯩﻠﻰ ﭼﯩﻘﯩﭗ ﻛﻪﺗﺴﻪﻙ، ﺑﻪﺯﯨﺪﻩ ﺋﺎﻳﻼﭖ ﺋﯚﻳﮕﻪ ﻗﺎﻳﺘﺎﻟﻤﺎﻱ ﻗﺎﻟﯩﻤﻪﻥ، ﺑﯘﻧﺪﺍﻕ ﭼﺎﻏﻼﺭﺩﺍ ﺋﺎﺋﯩﻠﯩﻨﯩﯔ ﻫﻪﻣﻤﻪ ﻳﯜﻛﻰ ﻗﺎﻣﯩﺠﺎﻧﻐﺎ ﻳﯜﻛﻠﯩﻨﯩﭗ ﻗﺎﻟﯩﺪﯗ، ﺋﯘ ﺑﺎﻟﯩﻼﺭﻏﺎ ﺗﺎﻣﺎﻕ ﺋﯧﺘﯩﭗ، ﻣﻪﻛﺘﻪﭘﻜﻪ ﻳﻮﻟﻐﺎ ﺳﯧﻠﯩﭗ، ﻣﯧﻨﻰ ﺧﺎﺗﯩﺮﺟﻪﻡ ﺋﻮﺳﯘﺭﯗﺵ ﺋﯩﻤﻜﺎﻧﯩﻴﯩﺘﯩﮕﻪ ﺋﯩﮕﻪ ﻗﯩﻠﯩﭗ ﻛﯧﻠﯩﯟﺍﺗﯩﺪﯗ، ﻣﻪﻥ ﻣﻮﺷﯘ ﭘﯘﺭﺳﻪﺗﺘﯩﻦ ﭘﺎﻳﺪﯨﻠﯩﻨﯩﭗ ﻛﻪﺳﯩﭙﺘﯩﻜﻰ ﻗﺎﺑﯩﻞ ﺋﯘﺳﺘﺎﺯﯨﻢ، ﺋﺎﺋﯩﻠﯩﺪﯨﻜﻰ ﻛﯜﻳﯜﻣﭽﺎﻥ ﻫﻪﻣﺮﺍﻫﯩﻢ ﻗﺎﻣﯩﺠﺎﻧﻐﺎ ﭼﯩﻦ ﺩﯨﻠﯩﻤﺪﯨﻦ ﺭﻩﻫﻤﻪﺕ ﺋﯧﻴﺘﯩﻤﻪﻥ!
-  ﻫﻪﭘﯩﺮﻩ ﻫﻪﺩﻩ، ﺑﯘﻧﯩﯖﺪﯨﻦ ﻛﯧﻴﯩﻨﻜﻰ ﺋﯩﺠﺎﺩﯨﻴﻪﺕ ﻫﺎﻳﺎﺗﯩﯖﯩﺰﺩﺍ ﻗﺎﻧﺪﺍﻕ ﺋﯘﻟﯘﻏﯟﺍﺭ ﭘﯩﻼﻧﻠﯩﺮﯨﯖﯩﺰ ﺑﺎﺭ؟ ﻣﻮﺷﯘ ﻫﻪﻗﺘﻪ ﺳﯚﺯﻟﻪﭖ ﺑﻪﺭﮔﻪﻥ ﺑﻮﻟﺴﯩﯖﯩﺰ.
-  ﺑﯘﻧﯩﯖﺪﯨﻦ ﻛﯧﻴﻨﯩﻦ ﻣﻪﻥ ﺗﻪﺟﺮﯨﺒﯩﻠﻪﺭﻧﻰ ﺧﯘﻻﺳﯩﻼﭖ، ﭘﯧﺸﻘﻪﺩﻩﻣﻠﻪﺭﺩﯨﻦ ﺋﯚﮔﯩﻨﯩﭗ، ﺋﻮﺳﯘﺭﯗﻕ ﺳﺎﻫﻪﺳﯩﺪﯨﻜﻰ ﺧﻪﻟﻘﺌﺎﺭﺍﻧﯩﯔ ﺋﯩﻠﻐﺎﺭ ﺗﯧﺨﻨﯩﻜﯩﻠﯩﺮﯨﻨﻰ ﻗﻮﺑﯘﻝ ﻗﯩﻠﯩﭗ، ﺋﯘﻳﻐﯘﺭ ﺋﻮﺳﯘﺭﯗﻕ ﭼﯩﻘﯩﺮﺵ ﺳﻪﻧﺌﯩﺘﯩﻨﻰ ﺧﻪﻟﻘﺌﺎﺭﺍﻏﺎ ﺗﻮﻧﯘﺗﯘﺵ ﻳﻮﻟﯩﺪﺍ ﺩﺍﯞﺍﻣﻠﯩﻖ ﺗﯩﺮﯨﺸﭽﺎﻧﻠﯩﻖ ﻛﯚﺭﺳﯩﺘﯩﻤﻪﻥ. ﺑﯩﺮ ﻧﻪﭼﭽﻪ ﻳﯩﻞ ﺗﻪﻳﻴﺎﺭﻟﯩﻖ ﻛﯚﺭﺳﯩﺘﯩﺶ ﺋﺎﺭﻗﯩﻠﯩﻖ ﻣﯘﻛﻪﻣﻤﻪﻝ ﺑﯩﺮ ﺋﻮﺳﯘﺭﯗﻕ ﻛﯧﭽﯩﻠﯩﻜﻰ ﺋﯚﺗﻜﯜﺯﮔﯜﻡ، ﻣﻮﺷﯘ ﺳﺎﻫﻪﺩﻩ ﻳﺎﺭﺍﻣﻠﯩﻖ ﺋﻪﯞﻻﺩﻻﺭﻧﻰ ﺗﻪﺭﺑﯩﻴﯩﻠﻪﭖ ﺋﯘﻳﻐﯘﺭ ﺋﻮﺳﯘﺭﯗﻕ ﺳﻪﻧﺌﯩﺘﯩﻨﻰ ﺩﯗﻧﻴﺎﻏﺎ ﺗﻮﻧﯘﺗﯘﺵ ﻳﻮﻟﯩﺪﺍ ﺗﯩﺮﯨﺸﭽﺎﻧﻠﯩﻖ ﻛﯚﺭﺳﯩﺘﯩﺪﯨﻐﺎﻥ ﺑﯩﺮ ﺗﯜﺭﻛﯜﻡ ﻳﺎﺷﻼﺭﻧﻰ ﻳﯧﺘﯩﺸﺘﯜﺭﯛﭖ ﭼﯩﻘﻘﯘﻡ ﺑﺎﺭ.
-  ﺭﻩﻫﻤﻪﺕ ﺳﯩﺰﮔﻪ! ﺋﯩﺸﻠﯩﺮﯨﯖﯩﺰﻧﯩﯔ ﺋﯘﺗﯘﻗﻠﯘﻕ، ﺋﺎﺋﯩﻠﯩﯖﯩﺰﻧﯩﯔ ﻣﻪﯕﮕﯜ ﺑﻪﺧﺘﻠﯩﻚ ﺑﻮﻟﯘﺷﯩﻨﻰ ﺗﯩﻠﻪﻳﻤﯩﺰ.
-  ﺳﯩﺰﮔﯩﻤﯘ ﺭﻩﻫﻤﻪﺕ.
ﻫﯚﺭﻣﻪﺗﻠﯩﻚ ﻛﯚﺭﯛﺭﻣﻪﻧﻠﻪﺭ، ﭘﺮﻭﮔﺮﺍﻣﻤﯩﺰﻧﯩﯔ "ﻗﻪﺩﻩﻡ" ﺳﻪﻫﯩﭙﯩﺴﯩﺪﻩ ﺳﯩﻠﻪﺭﮔﻪ ﺋﯘﻳﻐﯘﺭ ﺗﯜﻛﯜﺭﯛﺵ ﺳﻪﻧﺌﯩﺘﯩﮕﻪ ﯞﺍﺭﯨﺴﻠﯩﻖ ﻗﯩﻠﯩﭗ، ﺑﯘ ﻳﻮﻟﺪﺍ ﺩﺍﺩﯨﻞ ﺑﯩﺮ ﻗﻪﺩﻩﻣﻨﻰ ﺑﺎﺳﻘﺎﻥ ﺗﺎﻻﻧﺘﻠﯩﻖ ﻳﺎﺵ ﺗﯜﻛﯜﺭﯛﺵ ﻣﺎﻫﯩﺮﻯ ﺳﺎﻧﯩﺠﺎﻥ ﻫﻪﻗﻘﯩﺪﯨﻜﻰ ﺯﯨﻴﺎﺭﯨﺘﯩﻤﯩﺰﻧﻰ ﺩﯨﻘﻘﯩﺘﯩﯖﻼﺭﻏﺎ ﺳﯘﻧﯩﻤﯩﺰ.
-  ﺳﺎﻧﯩﺠﺎﻥ ﻳﺎﺧﺸﯩﻤﯘ ﺳﯩﺰ!
-  ﻳﺎﺧﺸﻰ.
-  ﺳﯩﺰ ﻳﯧﻘﯩﻨﺪﺍ ﺋﻮﺭﯗﻧﺪﯨﻐﺎﻥ "ﭼﺎﭼﺮﯨﻐﺎﻥ ﻳﯜﺭﻩﻙ" ﻧﺎﻣﻠﯩﻖ ﺗﯜﻛﯜﺭﯛﻙ ﻳﺎﺷﻼﺭﻧﯩﯔ ﻗﯩﺰﻏﯩﻦ ﺋﺎﻟﯩﻘﯩﺸﯩﻐﺎ ﺋﯧﺮﯨﺸﻤﻪﻛﺘﻪ. ﺳﯩﺰ ﻗﺎﻧﺪﺍﻕ ﺑﻮﻟﯘﭖ ﭘﻼﺳﺘﯩﻨﻜﺎ ﭼﯩﻘﯩﺮﯨﺶ ﺧﯩﻴﺎﻟﯩﻐﺎ ﻛﻪﻟﮕﻪﻥ، ﻣﻮﺷﯘ ﻫﻪﻗﺘﻪ ﺳﯚﺯﻟﻪﭖ ﺑﻪﺭﮔﻪﻥ ﺑﻮﻟﺴﯩﯖﯩﺰ.
-  .....
-  .....

مەنبە: ئىجادىيەت تورى، ئوكيان تورى، يانتاق يازمىسى.

、ئەمد ى مۇنداق ئىشلار چىققىلى تۇرۇپتۇ-دە

ئەمما ماۋۇ شائىر ماۋۇ قوشاقنى ۋايىغا يەتكۈزۈپ يېزىىپ قويۇپتۇ..
خېلى بوپتىكەن ،بۇنداق ھۇزۇرلۇنۇپ كۈلمىگىلى...رەھمەت..

قىززىقارلىق زىيارەتكەن بۇ.............!       

خېلى قىزىقكەن لېكىن..........

راسمۇ يا؟       

ماتىمىنى دىققەت قىلىپ كۆرۈڭلار .  بىكارسىلەرنىڭكىدىنمۇ چىقىپ كەتمىسۇن.     

ئۇكام كېمنې ئەخمەق قېلېسەن

    مۇسابىقىدە ئوسۇرۇقنىڭ سانىنى ھىساپلامدىكەن ياكى ئاۋازىنىڭ يۇقۇرى - تۆۋەنلىكىنى ، سېسىقلىق دەرىجىسىنى ئۆلچەم قىلامدىكەن      

مەن بىر نىمىنى چۈشەنگەندەك قىلدىم، تورداشلار، ئوبدان چۈشىنىپ ئوقۇڭلار

ھاھاھاھا  قىزىزق تىمىكەن بۇ!

                  

بىزنىڭ XJTV ۋە ئۇنىڭ رىياسەتچىلىرىنى سۆكۈش ھوقۇقىمىز بار. چۈنكى ئەڭ ئالدى بىلەن بۇ ئورۇن ۋە شۇ يەردىكى كىشىلەر بىز تۆلىگەن باج بىلەن جان بېقىۋاتىدۇ. ئۇنىڭدىن باشقا ئۇلار دائىم «بىزگە تەكلىپ-پىكىر بېرىڭلار» دەپ تۇرىدۇ. پىكىر دېگەن مانا شۇ!
ئېسىمدە قېلىشىچە، كىشىنى ئەڭ جانلاندۇرغان پروگراممىلار ئىچىدە «كۆڭۈلدىكى سۆز» ۋە «مەدەنىيەت بوستانى» بار ئىدى. باشقا بەزىلىرىگە سېلىشتۇرغاندا، بۇلار ھەقىقەتەن ياخشى، لېكىن كۆزىمىزنىڭ ئېچىلىشىغا ئەگىشىپ بىرخىللا قېلىپتا كېتىۋاتقان بۇ سەھىپىلەرمۇ ئانچە تېتىماس بوپ قالدى. ئۈمىد غەنى قىززىقچىلىق قىلدىم دەپ خەقنىمۇ ئۆزىنىمۇ ماز قىلىدىغان بەزى قىلىقلىرىنى تېخى تاشلىغىنى يوق. ئۆتكەندە بىر بۇرادىرىمىز «ئۇنىڭ يېقىنراق، ئوڭراق بىرەر ئاغىنىسىمۇ يوقمىدۇ؟ نېمىشقا بۇ گەپنى يۈزىگە سالمايدىغاندۇ؟» دەپ قالدى. مەسىلەن خوتەن قەغىزى ئۇستىسى توختى باقىنى زىيارەت قىلغاندا قىززىقچىلىق قىلدىم دەپ «سىزنى ئامېرىكىغا باردى دەپ ئاڭلىدىمغۇ؟ ئامېرىكا دېگەن قەشقەردىكەن شۇنداقمۇ؟» دېدى. (بەلكىم قەشقەر دېگەندۇ ياكى باشقا بىر يەرنى، ئىشقىلىپ جۇڭگونىڭ بىر يېرىنى دېدى) بۇنداق بىر سۇئال ئەقلى-ھۇشى جايىدا توختى باقى ئاكىغا قىلىنغان بىر ھاقارەتلا بولۇپ قالماستىن، تېگى-تەكتىدىن ئالغاندا موشۇ پروگراممىنى كۆرۈش ئىمكانىيىتى بولغان نەچچە مىليون ئادەمنى ھاقارەت قىلغانلىق بولىدۇ. ئۇنىڭ ئۈستىگە ھازىر XJTV قازاقىستان قاتارلىق جايلاردىمۇ كۆرۈنىدىكەن. «ئۈمىد غەنى غۇلجىلىق بولغاچقا، زادى قىززىقچىلىق قىلمىسام بولمايدۇ دەپ ئويلىۋالىدىغان ئوخشايدۇ» دېدى ئۇ بۇرادەر.
«مەدەنىيەت بوستانى» نىڭ رىياسەتچىسى خەۋەر دىكلاماتسىيە قىلىشتىن يېتىشىپ چىققان. لېكىن بۇ كىشىنىڭ خەۋەر ئوقۇمىغىنىمۇ نەچچە يىل بولدى، لېكىن نېمىشقا يەنىلا كىتاب ئوقۇغاندەك سۇئال سوراشلىرى، سۇئال قېلىپلىرى تا ھازىرغىچە ئۆزگەرمەيدىغاندۇ؟
XJVTنىڭ كوزۇر پروگراممىلىرىدىن بولغان يۇقىرىقى ئىككى پروگراممىدا يۇقىرىقىدەك تېخنىكىلىق مەسىلىلەردىن باشقا يەنە ئەڭ ئەجەللىك بىر مەسىلە شۇكى، «مەدەنىيەت بوستانى» توختىماي، تىنىمسىز ھالدا ئۆتمۈشنى ئەسلەشكە ئۆزىنى بېغىشلىدى. مەسىلەن، ئۇيغۇرلاردىكى گۈل-چېچەك مەدەنىيىتى، ئۇيغۇرلارنىڭ ئات مەدەنىيىتى، ئۇيغۇرلارنىڭ قوشۇق مەدەنىيىتى.... دېگەندەك. مەن ئۆزۈم ناھايىتى ئۇزۇن مەزگىل ئۆتمۈشنى ئەسلەش بىلەن مەغۇل بولغان، مورگاننىڭ «قەدىمقى جەمئىيەت نەقەدەر بەرنا» دېگەن تېرمىنلىرىغا ھەۋەس قىلىپ ياشاپ يۈرگەن ئادەم بولساممۇ، لېكىن بۈگۈنكى «قەدىمقى جەمئىيەت چۈشى» دىن ئويغانغاندىن كېيىن بۇنداق «مەدەنىيەت» لەرنىڭ زادى نېمە زۆرۈرىيىتى بارلىقىنى چورتلا بىلەلمەي قالدىم.
ئۇنىڭ ئۈستىگە يۇقىرىقى ئىككى پروگرامما، بولۇپمۇ «مەدەنىيەت بوستانى» مۇنداق قېلىپتا ئېلىپ بېرىلىدۇ:
ئالما ھەققىدە سۆھبەت
بۇ سۆھبەتتە بىر رىياسەتچى، بىر ئالمىچى، بىر ئالما تەتقىقاتچىسى، بىر ئىقتىسادشۇناس ياكى باشقا بىر «شۇناس» بولىدۇ.
رىياسەتچى ئالما سۆھبىتىنىڭ باشلىنىش سۆزىنى قىلىدۇ.
ئاندىن «ئالاھىدە مېھمان» لارنى تونۇشتۇرىدۇ.
ئالما تەتقىقاتچىسى ئالمىنىڭ تارىخىنى سۆزلەيدۇ.
«شۇناس» ئالمىنىڭ ئىقتىسادىي قىممىتى ياكى خەلقئارادىكى ئورنىنى تونۇشتۇرىدۇ.
ئالمىچى ئۆزىنىڭ ئالما سېتىشقا كىرىشىش تارىخىنى مۇۋەپپەقىيىتىنى سۆزلەيدۇ.
ئالما ئالىمى ئۇيغۇرلارنىڭ ئالما مەدەنىيەت تارىخنى سۆزلەيدۇ.
ئالمىچى ئۆزىنىڭ ئىگىلىك تىكلەش يولىدىكى بىرەر تەسىرلىك ئىشلىرىنى سۆزلەيدۇ.
«شۇناس» بۇ ئالمىچىنىڭ ئىگىلىك تىكلەش يولىنى مەلۇم بىر «ئىلىم» غا سېلىپ تەبىرلەپ، قېلىپلاشتۇرىدۇ.
ئالما تەتقىقاتچىسى نۆۋەتتە ئالمىچىلىق ساھەسىنىڭ ئەھۋالىنى دەيدۇ.
«شۇناس» ئالمىچىلىق بازىرىدا ساقلىنىۋاتقان مەسىلىلەرنى سۆزلەيدۇ.
تاماشىبىنلار گەپ قىستۇرىدۇ، بۇ گەپلەر ئاساسلىقى ئالمىچىلىقتا ساقلانغان ئىللەتلەر، كۆرەش نىشانى بولىدۇ.
ئاندىن ئالىم-ئۆلىمالار سۆزلەيدۇ.
لېكىن تېما تازا قىزىق نۇقتىغا كەلگەندە، پارتىيە بەلگىلەپ بەرگەن ۋاقىت توشىدۇ، مانا بۇ «ئالمىنىڭ تارىخى» دىن ئىبارەت تېتىقسىز ئىلمىيلىككە بىھۇدە ۋاقىت ئىسراپ قىلغانلىقنىڭ بنەتىجىسىدۇر، شۇنىڭ بىلەن سۆھبەتتىن «شۇنداق بىر ئالاھىدە خۇلاسسىگە كەلدۇقكى» بولىدۇ. تۈگەيدۇ.
مېنىڭچە بۇنداق بىر قېلىپنى بىرنەچچە يىل داۋاملاشتۇرۇشنىڭ ھېچقانداق زۆرۈرىيىتى يوق. .ئاتارىن قېتىپ ئولتۇرۇپ تەرتىپ بويىچە تونۇشتۇرۇشنىڭ تېخىمۇ ھاجىتى يوق. بۇنداق تونۇشتۇرۇشلار ئېكراندا يېزىق شەكلىدە چىقسىمۇ، گەپنى ئالمىنىڭ تارىخى، ئىنسانىيەتنىڭ ئالما تېرىش جەريانى ھەققىدە توختالغاندىن كۆرە، گەپنى ئۇدۇللا باشلىسىمۇ ياكى «ئاڭلىسام سىز موشۇ سۆھبەتكە قاتنىشىش ئۈچۈن ئاتايىن خوتەندىن بىر كىچىك ماشىنىدا كەپسىز، نەچچە پۇل كەتتى؟ سىزنىڭچە بىرنەچچە مىڭ يۈەن خەجلەپ شۇنچە يىراقتىن بۈگۈنكى سۆھبىتىمىزگە قاتنىشىشقا ئەرزىمدۇ؟ سىز بىر سودىگەر بولۇش سۈپىتىڭىز بىلەن بۇنىڭدىن قانداق بىر قىممەتكە ئېرىشەلەيسىز؟» دەپ باشلىسىمۇ ياكى «چاپىنىڭىز بەكلا يارىشىپتۇ، سىز دائىملا موشۇنداق چىرايلىق كىيىملەرنى كىيىپ يۈرەمسىز؟» دەپ باشلىسىمۇ بولىۋېرىدۇ. سەھنە ئورۇنلاشتۇرۇشىمۇ ئىنتايىن سۈرلۈك. ....
«قاراتۈن» CCTV ھەققىدە ئازراق سۆزلەپتۇ. CCTV ئەمەس، نۇرغۇن ئۆلكىلەرنىڭ تۈرلۈك پروگراممىلىرى تولىمۇ جانلىق بولۇۋاتىدۇ. مەسىلەن مەن ئالدىنقى كۈنى يېرىم كېچىدە مەلۇم بىر ئۆلكىلىك تېلېۋىزىيە ئىستانسىنىڭ «ئەر-خوتۇنلارنىڭ سىرى» دېگەن بىر پروگراممىنى كۆردۈم. بىر مياۋزۇ ئەر سىرتتا سودىگەر ئىكەن، ئايالى 10 نەچچە ياش كىچىك ئىكەن. ئۇ بىر مىليۇن خەجلەپ 20 نەچچە مياۋزۇنى تەشكىللەپ بېيجىڭ ئولىمپىكىنى تەبرىكلەش، پارتىيىنىڭ ئاز سانلىق مىللەتلەرگە قىلغان شەپقىتىگە رەھمەت ئېيتىش يۈزىسىدىن بېيجىڭغا پىيادە بېرىش پائالىيىتى ئۆتكۈزمەكچى ئىكەن. خوتۇن قوشۇلمايدىكەن. خوتۇن «بۇنىڭ ئەھمىيىتى يوق، پايدا يارىتالمايدۇ، بىزنىڭ ئائىلىمىز ئۈچۈن قىلچە ئەھمىيەتسىز» دەپ تۇرۇۋالدى، رىياسەتچى چۈشەندۈردى. كېيىن ئايال يۇمشىدى، ئاندىن ئايال دەرت تۆكتى، ئېرى سىرتتا ئىشلەيدىكەن، ئارا كۈندە ئالتە كېتىم تالادا يۈرىدىكەن، تېل قىلمايدىكەن... دېگەندەك. رىياسەتچى ئەرگە ئايالغا كۆيۈنۈش، ئايالنىڭ ئېھتىياجى دېگەنلەرنى سۆزلىدى. ئۇ قايىل بولدى، ئىككەيلەن بالىسىنى قۇچاقلاپ يىغلاپ كەتتى....
بۇ جەريانلار تەبئىي بولدى، تەسىرلىك بولدى، سۆز تېكىستى يوق، قېلىپى يوق، ئۆز ئېقىشى بىلەن راۋاجلاندى.
گەپنىڭ ئوچۇقىنى قىلغاندا XJTV نىڭ نۇرغۇن پروگراممىلىرى، بولۇپمۇ يۇقىرىدا «يانتاق» زاڭلىق قىلغان سەنئەتچىنى، يېڭى ناخشىچىنى تونۇشتۇرىدىغان بىرنەچچە پروگراممىلارنىڭ نەچچە يىللىق نەچچە مىڭ سائەتلىك توپلىمىنى يىغسىمۇ، توختىگۈل رىياسەتچىلىك قىلىۋاتقان تاماق ئېتىش پروگراممىسىغا يەتمەيدۇ. يەنى، «تائام مەدەنىيىتى» دېگەن پروگراممىنىڭ پەقەت 20 مىنۇتلۇق بىرلا سانى ھېلىقى پروگراممىلارنىڭ 20 مىليون مىنۇتلۇق 10 يىللىق سانىدىن ئەھمىيەتلىكرەك! بۇ پروگراممىدىن ھېچ بولمىغاندا خوتۇنلار تاماق ئېتىشنى ئۆگىنىۋالىدۇ. لېكىن ھەپىرەنىڭ ئۇسۇل ئوينىشى، ئۇنىڭ ئائىلە تارىخى، سامىجاننىڭ يېڭى پلاستىنكا چىقىرىشى، «جاپالىق ئىزدىنىش» دېگەنلەرنىڭ بىزگە نېمە ئەھميىتى بار؟ ھەقىقەتەن ئەھمىيىتى بار دېيىلسە، موشۇ كىشىلەر، ئۇلارنىڭ ئۆيىدىكىلەر، ئاشنا-ئاداشلىرىدىن ئىبارەت 20 گە يەتمىگەن ئادەم ئۈچۈنلا ئەھمىيەتلىك! بۇ 20-30 ئادەمنى دەپ پۈتۈن سۈرۈك ئۆلكە دەرىجىلىك تېلېۋىزىيە ئىستانسىنى ئاۋارە قىلىشنىڭ قىلچە ھاجىتى يوق ئىش!
ئەگەر مېنىڭ قولۇمدىن جانلىق پروگراممىلارنى قوشۇش، ھازىرقى بارىنى جانلاندۇرۇش كەلمىگەن تەقدىردىمۇ، »ئىقتىساد مۇنبىرى» بىلەن «قانۇن ۋە پۇقرا» دەك ئەھمىيەتلىك پروگراممىلارنىڭ ۋاقتىنى ئۇزارتقان بولاتتىم.
مەن پارتىيىنىڭ «ئالما سۆھبىتى» دە باشقا سۆھبەتلەرنىڭ مەزمۇنىغا قېلىپ بەلگىلىگەنلىكىگە ئىشەنسەممۇ، لېكىن شەكلىگە قېلىپ بەلگىلىگىنىگە ئىشىنەلمەيمەن. بۇ پەقەتلا بىر توپ نان قېپىلارنىڭ ئىشى.......

مەنبە: ئوكيان تورى، سالام ھايات ئەپەندىنىڭ يازمىسى


يانتاق ئەپەندىگە كۆپتىن كۆپ تەشەككۈر !
يۇقارقى تېمىنى كۆرۈپ ، ئاۋۋال قۇرسىقىمنى تۇتۇپ تازا كۈلۈپتىمەن !
ئاندىن كىيىن سوغاققانلىق بىلەن ئويلىنىپ كۆردۈم .راست ! تېلېۋىزىيە ، رادىئو قاتارلىق تارقىتىش ۋاستىلىرى خەلقنى تەربىيەلەيدىغان مۇھىم كۆۋرۈكلەرنىڭ بىرى بۇلۇش سۈپىتى بىلەن ئۆزىدىكى كەمچىلىكلەرنى ، يىتەرسىزلىكلەرنى ۋاقتى - ۋاقتىدا تۇلۇقلاپ ، تۈزۈتىپ بېرىشى بەرھەق. شىنجاڭ تېلېۋىزىيە ئىستانسىسى مۇشۇ بىر نەچچە يىل مابەينىدە ئۆز سەھىپىلىرىنى سەرخىللاشتۇرۇپ بىزنى خېلى ئۈمۈدكە ئېرىشتۈرگەن ئىدى . دەرھەقىقەت ، بۇنىڭغا كۆز يۇمالمايمىز. لېكىن گەپ ئۇنىڭ سانىدا ئەمەس بەلكى سۈپىتىدە.شىنجاڭ تېلېۋىزىيە ئىستانسىسىدىكى << رىياسەتچى خېنىملار ، ئەپەندىلەر >> خەنزو تىلىدىكى ھەرخىل مەخسۇس پروگراممىلارنى كۆرمەيدىغاندىمۇ؟ ، ھەيرانمەن .
مەسلەن: 《相约农村》 《高端访问》  ..... قاتارلىق . ئەسلى بۇنىڭدىن كۆپ ئىدى . بەزىلىرىنى ئۇنتۇپ قاپتىمەن .
قىسقىسى دىمەكچى بولغىنىم ، بىر رىياسەتچى كۆپ تەرەپلىمىلىك بىلىم ۋە ساپاغا ، سۇئال سوراشنىلا بىلىپ قالماي ، توغرا جاۋاپنىمۇ بىلىشى كېرەك . بۇنداق دىگىنىم بىر قېتىملىق<< كۆڭۈلدىكى سۆز >>پروگراممىسىدا ئۈمۈد غەنى ھىسامكامنى زىيارەت قىلىپ سىلەر چاخچاخچىلارنىڭ ھەممىسىنىڭلا لەقىمى بار دەپ ئاڭلايمەنغۇ ؟ دەپ <<قىزىقچىلىق>>قىلىۋىدى .ھىسامكام : ھە ،شۇنداق ، خالىساڭ ساڭىمۇ بىر نى قويۇپ يويايمۇ ؟ دىۋىدى . تاتىرىپلا كەتتى ئۇ ئاغىينا .
ھازا كالام ، << رىياسەتچى خېنىملار ، ئەپەندىلەر >> ! سىلەر كۆپ نەرسىلەرنى ئۆگۈنىشىڭلار ، ئەڭ ئەقەللىسى ئۆز شىۋەڭلەردىكى ئايرىم ئالاھىدىلىكلەرنى بولسىمۇ ئۆزگەرتكەيسىلەر!


مەنبە: ئىجادىيەت تورى، a-turanئەپەندىنىڭ ئىنكاسى

بۇ تىما شەبنەمگە ئىلگىرى يوللىنىپ بولۇنغان.