ئوغول بالىمەن

                 ( ھەجىۋى شېئىر)

       مەن ئۆزۈم شۇنداق ئوغول بالىمەن،

       ئىچىپ مەست بولۇپ  يېتىۋالىمەن.

      بەزىدە كىيىپ كاستومنى رەتلىك،

        باشلىقلار كەبى   قېتىۋالىمەن.



                  مەن ئۆزۈم شۇنداق ئوغول بالىمەن،

                 خەقنىڭ پۇلىنى   ئېلىۋالىمەن.

                 تەرلەشكە ئۇستا خەقنىڭ تونىدا،

                 لوبەن   سىياققا   كىرىۋالىمەن.



              مەن ئۆزۈم شۇنداق ئوغول بالىمەن،

              خىروئىن، ئاقنى   چىكىۋالىمەن.

              بەزىدە ئوخشاش ئۈششۈك ھەرىگە،

             ئوڭ كەلسە خەقنى  چېقىۋالىمەن.



            مەن ئۆزۈم شۇنداق ئوغول بالىمەن،

           سەتەڭ قىزلارنى ئىزدەپ  تاپىمەن.

           پۇلنى خەجلەيمەن ئۇلارغا مەن مەرد،

           بەزىدە ئۆزۈم ئاچ-توق قالىمەن.



                 مەن ئۆزۈم شۇنداق ئوغول بالىمەن،

                 چاچنى گەدەنگە  قويۇۋالىمەن.

                قۇلاققا ئېسىپ زىرىنىمۇ ھەم،

                قولۇمغا خىنە  قويۇۋالىمەن.



                    مەن ئۆزۈم شۇنداق ئوغول بالىمەن،

                     كىچىكنى ئۇرۇپ، چوڭدىن قاچىمەن.

                   ئىككى دوست بولسا بىرىنى -بىرىگە،

                    راسا كەلتۈرۈپ تىللاپ چاقىمەن.



                       مەن ئۆزۈم شۇنداق ئوغول بالىمەن،

                       دادامغا قورقماي تىل سالالايمەن.

                       ئانامنى قورقۇتۇپ،غال-غال تىترىتىپ،

                       ئۇنىڭدىن ھەتتا پۇل ئالالايمەن.



                       مەن ئۆزۈم شۇنداق ئوغول بالىمەن،

                        چوڭغا خۇشامەت قىلىپ ياشايمەن.

                        بولدى بەس بۇنداق ئوغول بالىغا،

                       ئەمدى ئوت-چاقماق بولۇپ يانايمەن.



مەنبە:ئۆز قەلىمىم

ئەسلىڭىزگە قايتىپسىز،مۇبارەك بولسۇن!!

  ئالامەت ئوغۇل بالىكەنغۇ بۇ!

خۇدا ئۇرسۇن مۇنداق بالىنى... باللىرىمىزغا ئىنساپ بەرسۇن.

رەخمەت ئاداش خۇدايىم .ىنساپ بەر سۇن
چۇشەنمەيدۇ بۇنى ............