1

مېنىڭكى بىر ئىنىم بار،

ئىسمى ئۇنىڭ خۇشامەت.

ئىسىڭلاردا بولسۇنكى،

مىنىڭ ئىسمىم ھەشەمەت.

             2

تۇغۇلغانتىم مەن ئەسلى،

باي-غوجاملارئۆيىدە.

كىرىپ بولدۇم ھازىر مەن،

نامراتلارنىڭ ئۆيىگە.

              3

مەن ئارقىلىق تالىشار،

ھەممە ئادەم چوڭچىلىق.

بولۇپ كىتەر نەچچە كۈن،

باياشاتلىق،توقچىلىق.

              4

توقچىلىقتىن كىيىنكى،

كۈنلەر بولار دوزاختەك.

ئاچ بالىلارنىڭ چىرايى،

خۇددى قۇرۇق قوۋزاختەك.

                5

ئېيىتقان ئىدى ئۆمەرجان،

"ھەشەمەت"ناخشىنى.

نادان بولغاچ قوللىدى،

خەلقىم مەندەك"ياخشى"نى.

                6

مەن شەھەرگە كەلگەندە،

قۇبۇل قىلدى مائاشلىق.

"قاتارچاي"دەپ ئاتالدىم،

پۇلنى بۇزدىم ئاساسلىق.

                  7

ئويۇشتۇردى ھەركۈنى ،

مېنى لوبەن ئانىلار.

ئىشقا بارماي ئۆيىدە،

بالا باقتى ئاتىلار.

              8

رېستۇراندىن يانغاندا،

ئانا بولدى غەرق مەست.

ئۆيگە بېرىپ ئاتىدىن،

قۇتۇلمىقى بەكمۇ تەس.

                 9

بالدۇر كەلدىم ئانىدىن،

ئۆيگە، ئاتىنىڭ قېشىغا.

چېقىشتۇرۇپ ئانىنى،

"بالا" تاپتىم  بېشىغا.

                 10

ئانا ئۆيگە كىرگەندە،

"يوقال-دىدى،-كۆزۈمدىن.

يولۋاس قايىتماس ئىزىدىن،

يانالماسمەن سۆزۈمدىن."

               11

شۇنداق قىلىپ بۇ ئاتا،

تالاق قىلدى ئانىنى.

يىتىم قىلدى بىر ياشلىق،

نارەسىدە  بالىنى.

              12

قانمىدى بۇۋاق بالا،

ئانا سۈتى،مېھرىگە.

"نەيفىڭ"ئىچكەچ ئاق چىراي،

قان يۈگۈرمەي چېھرىگە.

               13

دەيدىغانغا گىپىم جىق،

قىلدىم نۇرغۇن يامان ئىش.

ھەتتا، مەن بار سورۇندا،

ياز بولىدۇ سوغوق قىش.

                14

ئەمدى كىلەي جان دوستلار،

خۇشامەتكە _ ئىنىمگە.

تارقالغاچ ئۇ بەك تىزلا،

پاتمىدى ئۆز تىنىگە.

                15

تارقالدى ئۇ ئەڭ ئاۋۋال،

ئىدارە ،زاۋۇت،ئورگانغا.

يول باشلىدى چوڭ سۈپەت،

يانچۇقى پۇلغا تولغانغا.

              16

ئۇ ئارقىلىق جايلاشتى،

پۇلى بارلار خىزمەتكە.

ئىرىشتى ھەم باشلىقمۇ،

خېلى جىقلا  نىممەتكە.

                17

كۆزى چۈشتى دەللىنىڭ،

خەلقىمىزنىڭ پۇلىغا.

كەسىپ قىلىپ ئىنىمنى،

پالتا چاپتى  پۇتىغا.

                  18

پايدا ئالدى بۇ دەللە،

قورساق سالدى ھارام يەپ.

"نابۇت قىلسام خەلىقنى،

بولار ئىشلار تامام دەپ."

              19

ئۇنىڭ ئويى بەك ياقتى،

ئىنىم بىلەن ماڭىمۇ.

شۇڭا ئۇنى قوللىدۇق،

"پايسا تەگسۇن ساڭىمۇ."

               20

شۇنىڭ بىلەن بۇ دەللە،

دىدى بىراۋغا  "ھۇجۇم قىلىپ"-

"جايلاشتۇراي بالاڭنى،

راسلا تۈمەن نەخ قىلىپ."

                21

بىراۋ دىدى يالۋۇرۇپ:

"جايلاشتۇرساڭ بالامنى،

نەخ قىلىپ بىرەي پۇلنى مەن،

سېتىپ قويۇم، كالامنى."

                22

شۇنداق قىلىپ بۇ دەللە،

ئالدى تۈمەن نەخ پۇلنى،

لېكىن قىلدى بالا ئىشسىز،

تاپالمىدى ھىچ يولنى.

                   23

بىراۋ ئۇردى ئۆزىنى،

يۈز كىلەلمەي بالىغا.

قالدى يەرلەر تېرىقسىز،

ئۆزى يۈرەر دالىدا.

              24

دىمەك بىراۋ  زەربىدە،

بولۇپ قالدى كاج،ساراڭ.

جىمى ئەلگە تارالدى،

تەئەججۇپلۇق"ساز"پاراڭ.

               25

مانا شۇنداق يامان بىز،

ئىنىم بىلەن ئىككىمىز.

ئوڭ كەلگەندە خەلىقنى،

نابۇت قىلىپ ،بۇزىمىز.

             26

خۇشامەت بولسا ئىنىم،

مەنكى ئۇنىڭ ئاكىسى.

ئويناشماڭلار بىز بىلەن،

جىمى ئىنسان بالىسى.



مەنبە:ئۆز قەلىمىم

كەچتە ياخشى تىمىدىن بىرنى كۆرگىنىمدىن بەكلا خۇش بولدۇم،قەلىمىڭىز توختىمىغاي

ھەشەمەت توغىرىسىدىكى بۇ قوساق ئىسىل چىقىپتۇ

ھەي ئاشۇ دەللىلەردىن قۇتۇلالماي يۇرۇيدىغان ئوخشايمىز . بۇنىڭسىز ھىچ ئىش ئاقمىسا قانداق قىلارمىز ؟ نەسلى قۇرىسۇن ، كۆزى كۆرمەس، پۇتى ماڭالماس بولۇپ قالغاي.

قوشاقتەكلام قۇشاقكەنغۇ بۇ!!!!!!!!               

قوشاقتەكلام قۇشاقكەنغۇ بۇ!!!!!!!!              
  
    قۇشاق  قۇشاقتەك بولماي قانداق بولسا بۇلىتى؟
  سىزگە باشقىچە قۇشاق لازىممىتى يا؟!!!!