ئۇيقىدىكى شىر نىى چۈچىتتى خىرىس
مۇرشىدى
ئۇيقىدىكى شىرنى چۈچىتتى خىرىس ،
شىرمۇ ئۆز زاتىدىن خرىسكە ھېرىس.
قاچانمۇ خىرىستىن قاچقان ئىدى شىر ،
سۈڭىگى يەنچىلىپ سۇنسىمۇ غىرىس .
ئۇيقىدىكى شىرنى چۈچىتسە كىشى ،
كەلتۈرگەي بېشىغا ئەجەل تەشۋىشى ،
مۇشائىر دىگەن مانا شۇ !
مۇرشىدىنىڭ سەلكىندىكى ئۆتەڭگە جاۋابەن خرىس يىغىندا نەزمىللىرى،
*****************
ئەسسالام ئۆتەڭ جاناپ ، خىرىسلىرىگە بۇجاۋاپ ،
نۇر چېچىپ ئەۋلاتقا ئىز ،قالغاي مىراس ئەجداتلىغى ،
مۇشائىرە
1-مۇرشىدى
خاسىيەتلىك توي بۈگۈن، يۇرتۇمدا نەۋرۇز شاتلىغى ،
ھەم قىزىپ كەتتى چېلىش بەيگىگە چۈشتى ئاتلىغى .
2-ئۆتەڭ
جاۋاپ يوق
3-مۇرشىدى
ئەسسالام دەپ مۇنبەرگە بۇ سۈزۈمنى تاشلايمەن ،
ئۆتەڭ ھەزىرەت ئۆزلىرىگە مۇشائىرنى باشلايمەن .
**********************
غەلبە قىپ قۇشتى زەپەر، قىز يىگىت قۇلى چەۋەر،
ھەممىنىڭ بولدى ئايان، مەيداندا ئىسىل زاتلىغى .
ئاشتى شۆھرەت- شانلىرى ،چىققاشقا بايلىق كانلىرى ،
ئەل ئىرادىسكە مىسال تاش تاغىنىڭ قات قاتلىغى .
4-ئۆتەڭ
كەڭ كەمەر بەلگە تاقاپ سازدىن دېپى- دۇتتا- راۋاپ،
دوپپىسى قىرلىق ئۇزۇن ھەم تونچە كەيگەن بارلىقى .
قىز خېنە قاشلىق قۇيۇپ ،قىرىق تېلى چاشنى بۇيۇپ ،
لەۋ سۇرۇق سۈردى لىۋىگە ،پاھ بۈگۈنكى سازلىقى ،
چال موماي قىشلىق ئۆچەكتىن چىقتى تاشلاپ ھاسسىنى ،
كۈلكىگە قىستار بوۋاينى، كەمپىرىنىڭ نازلىقى.
تال چىۋىقنى ئات قىلىپ شوخ بالىلار بۇت-بۇت چېلىپ ،
يۇرىت كېچەكنىڭ دەرۋىشى ،قىلماقتا نەۋرۇز يارلىقى .
لىڭگىتاق ئايلانما چاق ،موما تىىك ئاسمانغا باق ،
باشلىماستىن كۈلكە چاخچاق ،ئاللاكىم ھەييارلىقى .
ئىت، خوراز، قوشقار، بۇقا، كەكلىكمۇ تەق بولدى نەۋاق ،
يۇرىت چۇڭى قىلدى جاكا- پۈتتىلەر تەييارلىقى .
ئۆگزىدە- تامدا- تېرەكتە- شوخ- كىچىك- ئۇششاقلىرى ،
ئەھلى جەم بولدى بۈگۈن، نەۋرۇز ئۈچۈن ھەقدارلىرى .
5-مۇرشىدى
ئەي جاناپ تاشلا نەزەر ، باشىڭ كۆتەر يۇقىرىغا باق ،
باشلىنىپ بولغان غەزەلنىڭ، شەكلىى ھەم ئاۋاتلىغى .
يۆتكىمەيلى بەھرىلەنى ، نەزمىلەر بولسۇن راۋان ،
توسسىمۇ ھەم تاغ- داۋان، ئىلھاملىنىڭ نامراتلىغى .
ياغدى نەۋرۇز يامغۇرى ، تۈن نىسپى سائەت بىر بىلەن ،
تاڭدىكى سالقىن شامالدىن، قاشتى ئۇيقۇ تاتلىغى .
بىز خىرىستىن قول ئېلىشتۇق،بىر رېتىم باسقاي قەدەم ،
تىنجىسۇن بىزگە تىكىلگەن، كۆز ۋەتىل ۋات ۋاتلىغى .
6-ئۆتەڭ
چارچخغان روھىمدا ئىلھام كەلمىگى مۇمكىن ئەمەس ،
دوسلۇقۇم تۈگىمەس تېخى ، تەندىلا بولسا نەپەس .
7-مۇرشىدى
ئەسلىدە تەييار قىلىپ ، قويغان ئىكەنلا نەزمىنى ،
يوللىۋېپلا غىپپىدە ، تاشلاپ قاچاملا ؟ بەزمىنى .
8-ئۆتەڭ
يوق
9-مۇرشىدى
تەندىلا بولسا نەپەسلەر، قۇي شاراپ تولدۇر پەۋەس ،
ئىچ بۈگۈن نەق، ئەرتە نىسىدۇر ،ئەبەت باقى ئەمەس.
قالدى نەۋرۇزغا يەنە ،بىر نەچچەكۈن بۇ كۆپ ئەمەس ،
بىز ئىچىپ ئالقىشلىساق قىشنىڭ كۈزى بولغاي ئەلەس .
بۇپتىلا ئالغىن ئارام ، ئىلھاملىرىڭنى مەن كۈتەي،
ھەم بىلىپ دوسلۇقنى ئەلا ، شەنىگە داستان پۈتەي .
پىكرى ئەپكارىڭدا مەشرەپ، روھىدىن تۇرغىن سەھەر ،
تاڭنى چىللار روھى مەشىرەپ ، ئۆمىرىنىڭ ئاداتلىغى .
سەنمۇ مەشىرەپ ئىزىدىن، ئالەمنى ئۆتەڭ ئەيلىدىڭ ،
بولدى قەلبىڭدە جاھان، مەئمۇرىنىڭ بەرباتلىغى .
ئاشىقى مىزان دىلىدىن- بولمىغان زىرۇ - زەبەر ،
ئۇخچىغان قەلبىدە ئىلھام ،روھىنىڭ ساداتلىغى .
يارغا ئاشىق كۆڭلىنى، تۇسالمىغان تىغۇ - تەبەر ،
يات بىلىپ چارچاشنى مەڭگۈ، پىكرىنىڭ ئەبياتلىغى ،
چۈنكى نەۋرۇزنىڭ ئېيىدىن، ئىللىدى تاغۇ - شەھەر ،
قوغلىغاچ قار پەسلىنى.، بولدى زىمىستان ماتلىغى .
شۇڭا مىھمان دوس ئىلى ،ھەم كەڭ كۈڭۈللۈك خوشلىغى ،
بەك يېقىملىق ناخشا ، كۈي ، شىرىن، شېكەر ، ناۋاتلىغى .
بىلسىڭىز يۇرتۇمدا نەۋرۇز، چولپىنى چاقناپ تۇرار ،
بۇنى بىلەيدۇ كىشىنىڭ ، قار كۈڭۈل ساۋاتلىغى .
ھەزرىتى ئۆتەڭ جاناپ، چۇڭقۇر خىيالغا پاتلىمۇ ؟
يامۈكۈپلا ياتلىمۇ ؟ كەلمەي پىكىر ئىرشاتلىغى .
كۈتىمەن نەۋرۇز كىلىپ، كەتسە يەنە نەۋرۇز كىلۇر ،
باش -كۈزۈمنى قار بېسىپ، كەتسىمۇ تەن شەمشاد لىغى .
قۇي شاراپ كەلتۈر كاۋاپ، دوسلارنى كۈلدۈر شۇ ساۋاپ ،
بول جانان ۋەسلىگەمەس، شاتلىققا چۆم بولغىن پەخەس .
ئەسلى يۇرتۇم ھەممىگە باي مول ھۇسۇلنىڭ كانىدۇر ،
شوڭا ئالەمگە ئايان ، بولماقتا باياشاتلىغى ،
بىلسىڭىز تارىختا يۇرتۇم ، مىسلىسىز جەننەت ماكان ،
ئادىتى بولغان شۇڭا ، رەقىبلىرىنىڭ ماتلىغى .
ئىللىغاچ ھەرتاڭ سىرى ،تۇردى ھاياتلىق ئۇيقىىدىن،
كىيدى تون چوكان-چېچەك ،كۈلدى جاھان ھەي ھاتلىقى .
جۇربۇلۇپ ئۆتەڭ جاناپتىن، ئۆزگە دوسلار تەل بۈگۈن،
سەركەيۇرىت قەشقەر، كۇچا، ئالتاي، ئىلى، ناراتلىقى .
خۇددى شىر - يولۋاس كەبى، قالدۇق خىرىسنىڭ ئىلكىدە ،
ياردا غەم ياۋ كۈلكىدە ، باقتى جاھان پات پاتلىغى .
تۈن ئارا يۇلدۇز چاراق ،چاقماق چاقار گۈلدۈر -تاراق،
كۆزدە قان كۆرمەس قاراق ،بولغايمۇ ياۋنىڭ شاتلىغى .
سىزدەئات بىزدە ياياق ،ئىلھام تېخى بولدى تاياق ،
دىلدا ئۆچمەنلىك تۇغۇلسا ، كىمگىدۇر ساۋاپلىغى .
سەنكى يولۋاس مەنكى شىر ،بولغاندا ئۆچمەن دىلدا كىر ،
تاغ تۇراغا پاتمىغان، يىرىتقۇش كەبى ھەقداتلىغى .
كىرمىگەچ ئۆتەڭ جاناپمۇ، يۆتكىدىم بەھرىنى مەن ،
كۆيلىگەچ نەۋرۇز كۈيى -كۈلگەن دەۋىر- دەھرىنى مەن .
سېغىنىپ شۇ روھى ئۇستازلار ، بۈيۈك مېھرىنى مەن،
تەسۋىرى دۇنيادا يۈكسەك .ئەيلىدىم زىېكرىنى مەن.
تەسۋىرىمدىن تولدى ئەتىراپقا ، پىرى - پەيكارىمىز ،
ئېھتىرام ئورنىدا جۇر ،بولغاشقا موللا - قارىمىز .
قاينىدى سۇرۇن زىيالى، كۈلكە، جامباز. ناز، بىلەن،
تەڭكىشىپ دۇتتا ،راۋاپ ،داپ، نەي،ساپايۇ-ساز بىلەن.
شادلىنىپ بولدۇم خوشال، كەلگەچ ئۇلۇغ بايراملىرىم ،
دىل ئۈيۈم نۇرلاندى ، نەۋرۇزدىن يېقىلغاچ شاملىرىم.
ھەممەدىل كۈلدى باھارنىڭ، بەھرىدىن ھۇزۇر لىنىپ ،
يىلدا بىر ياسساندى ھۆسنىگەتۇلۇپ ئەيياملىرىم .
شاھ زىنەت بەرگەندە، تاجىغا گاداي جەندە ياماپ ،
خۇش كۈڭۈل بارچە كۈلەر، نەۋرۇزدا خاسۇ- ئاملىرىم .
بولدى پاك- پاكىز، ساراي- ساتما ،يېزا- قىشلاق. شەھەر ،
مەرھابا نەۋرۇز دىدى، ھەتتا دەرىزە تاملىرىم .
نازىنىن قىزلار كىيىنسە، مەرت يىگىت باغلاپ كەمەر ،
مەھلىيا مەيلىنى تارتىپ.، پۈتتى دىلدا كاملىرىم .
چوڭ كىچىكلەر چۇقىرىشىپ، ئاتلىسا بۇسۇغىدىن ،
تاپقۇسى سۆيگۈ ۋىسال، تەشرىپ قىغاچ ئەقداملىرىم .
نازۇ- نىئمەتكە تۇلۇپ، نەۋرۇزدا داسقان مەيدىنى ،
گۈل بۇلۇپ ساڭزا، توقاچ، شورپا، ناۋات، ئەنئاملىرىم .
تاپسىلەر ھەركىم قاياشىنى، تەبەسسۇم جىلۋىسى ،
ھۆسنىدە بولغاچ ئايان، ئاشتى ئىزەت- ئىكراملىرىم .
مەرھابا نەۋرۇزغا دەپ، سۆيسەبۇۋاقنى جان ئانا ،
دوس ئارا خۇش كەپسە دەپ ،تولدى جىرىڭلاپ جاملىرىم .
ھەممە نەۋرۇزدا ھايات ، پەيزىن سۈرۈپ سالغاچ ساما ،
كەلدى ياپەس بەزمەسىن، كۆرگەندە سامۇ - ھاملىرىم .
زەۋقى بىرلەن كەلدى، سۇرۇنغا ئۇلۇغ ئەجدادىمىز ،
مەشرەپى ،لۇتىپى ،نەۋايى ، خىرقەتى ،ھەيياملىرىم .
باشلىنىپ بىر پەس مۇقام، چالدى زەلىلى پەنجىگان ،
مۇرشىدى گۇلخانىدىن گۈلتۈس بۇلۇپ ئالەم جاھان .
ياڭرىدى نەزمە -مۇشائىرلەر، قىزىپ كەتتى شۇئان ،
نەيگە تەڭكەش لۇتپى شېئرىدىن چىقىپ بىر خۇش زەبان.
لۇتىپى نامىنىڭ پىكىر، مەناسىنى قىلغاچ بايان ،
تۈكۈلۈپ رەھمەت نۇرى ،باشلاندى نەغمە شۇ زامان .
چۈشتى ھۆرلەر شوخ ئۇسۇلغا ،كۈلدى بۇجەننەتماكان
كۆشتى نەۋرۇز پەيزىدىن، جەننەتكە بىردەك شادىمان .
***************************************
**************************************
جەننەت ئىچىرە مۇرشىدى قىلغاشقا يارغا جان پىدا ،
يارۇ ئەكسىن مەيدە كۆردەپ جامىدىن چىقتى سادا .
قول ئۇزاتسام جامدا ئاڭلاندى جاناندىن بىر غەزەل ،
تىڭشىسام بولمىش جانان، ۋەھدەت مەسەللىك غەمزەدا .
دەم بەدەم ئاھىم قۇياشىدىن، يېقىلغاچ يارغا ئوت ،
ئېـتتى ناۋايى بۈگۈن بولدى سىنىڭ بۇرۇچىڭ ئادا .
ئەكسى كۆرسەتتى ناۋايى، ئىزىنى باسقان قەدەم ،
ئېتتى ئەي ئاشىق يىگىت سەن، بىۋاپادىن بول جۇدا .
********************************************
********************************************
كۆيدۈرۈپ خۇلقى نىگار ،كۈلدى ئاۋام ئاۋازىدىن ،
نۇرىنى سەپتى كۈڭۈلنىڭ قەسرىگە ئەلپازىدىن .
ئەۋجىگە چىققاشقا سۇرۇن، لەرزە قىلماقتا ناۋا ،
چۈشتى ھۆر-پەرى، مۇقەددەس جەننەتى دەرۋازىدىن .
مۇبتىلادۇر بۇ كۈڭۈل، ۋەسلى جانانغا تائەبەت ،
ئۇخچىدى روھى كىشەنلەرنى، بۇزۇپ ھەر بازىدىن .
شۇندا رەنا مەيلىنى ھەم، ئوۋلىماق بولغاچ كۈڭۈل ،
ئىزلىدى چىن ئاختۇرۇپ، ھەر نازىنىنىنىڭ نازىدىن .
گاھ يۇلۇققاچ تەشنە لەبلەر ،ئۇچقىشىپ قاندى يۈرەك ،
ئىشتى مەي تەپ تارىتمىدى ،ھەتتا مەجازى قازىدىن .
مەيدە رۇخسارى جاناننىڭ مۇرشىدىن دەرۋىش ئىتەر ،
قىلدى گۈل قەلبىدە يارىنى . مۇھاببەت يازىدىن .
سۆيدى مۇرشىد قەترە مەيدىن جاننى ياشناتتى جانان ،
تەنتەنە قىلدى جاھان نەۋرۇزدا چالغان سازىدىن ..
بۇ غەزەلنىڭ ئاپتۇرى ئۈزەم مۇرشىدى .
2009-14-مارىت
تورداشلارغا چۈشۈنىكسىز تۇيۇلغان جايلىرى بولسا ئىنكاسيېزىپ سورىساڭلار مەن ئۈزەم يېشىپ ئىزاھات بىرىمەن ،
[ بۇ يازما murxidi تەرپىدىن2009-03-15 15:01دە قايتا ]