تاش قوراللار دەۋردىن بۇيان ئىنسانلارنىڭ چىرايى توختىماستىن ئۆزگەرمەكتە، ئۇنداقتا نەچچە 10 مىڭ يىلدىن كېيىن ئىنسانلارنىڭ چىرايى قانداق بولىدۇ؟
گېن قۇرۇلۇشىنىڭ تەرەققىي قىلىشىغا ئەگىشىپ ھەمدە ئىنسانلارنىڭ ئالەم بوشلۇقىغا يۆتكىلىشىگە ئەگىشىپ چىرايىمۇ بارغانسېرى ئۆزگەرمەكتە. 100 مىڭ يىللاردىن كېيىن ئىنسانلارنىڭ بېشى يوغىناپ كۆزى يۇمۇلاقلىشىپ كارتون ئادەملەرگە ئوخشاپ قېلىشى مۇمكىن.
ئەنگىلىيە «كۈندىلىك پوچتا گېزىتى» دە بىر قىسىم كىشىنى ھەيران قالدۇرىدىغان رەسىملەر ئېلان قىلىنىپ 100 مىڭ يىل كېيىنكى ئىنسانلار چىراي-تۇرقىنى ئەكىس ئەتتۈرۈپ بەرگەن. بۇ رەسىملەرنى سەنئەتكار نىكولاي رام سىزغان.
ھازىرقى زامان تىپىك ئەرلەر چىرايى ۋە تىپىك ئاياللار چىرايى
20 مىڭ يىلدىن كېيىن: كىشىلەرنىڭ كاللىسى تېخىمۇ چوڭىيىپ، پېشانىسىمۇ ئازراق چوڭىيىدىكەن. كۆز قارىچۇقى ئەراپىدىكى سېرىق سىزىقلار كەلگۈسىدىكى «ئالاقىلىشىش كۆزەينىكى» بولىدىكەن.
60 مىڭ يىلدىن كېيىن: كاللىسى تېخىمۇ چوڭىيىپ، كۆزىمۇ تەرەققىي قىلىدىكەن، تېرىسى بولسا تۇتۇق رەڭگە قاراپ يۈزلىنىدىكەن. پېشانە سۆڭىكى تېخىمۇ ئېنىق بولۇپ چىقىدىكەن. بۇ كىرپىكنىڭ ئاستىدىكى كۆلەڭگە رايونىنىڭ رەڭگىنىڭ قېنىقلىشىنى كەلتۈرۈپ چىقىرىدىكەن.
100 مىڭ يىلدىن كېيىن: ئادەمنىڭ يۈزى ھەقىقەتەن «ئالتۇن نىسبەت» تە بولىدىكەن، لېكىن كۆزى يوغىناپ سەل چەكتىن ئېشىپ كېتىدىكەن. كۆز پەردىسى يېشىل رەڭلىك نۇر قايتۇرىدىكەن. پېشانە سۆڭىكى يەنىمۇ ئىلگىرىلىگەن ھالدا ئالدىغا چىقىدىكەن. كۆزنىڭ تۇتۇق كۈلرەڭ بولغان بۆلىكىدە يېرىم ئاي شەكىللىك قورۇق پەيدا قىلىدىكەن.
