ئۈرۈمچىدىكى كەسىپى ئورۇنلارغا خادىم قوبۇل قىلىش خىزمىتى 10 - سېنتەبىر باشلاندى

  ئۈرۈمچىدىكى كەسىپى ئورۇنلارغا ئاشكارە خادىم قوبۇل قىلىش خىزمىتى 10-سېنتەبىر سائەت 10:00 دا باشلانغان بولۇپ ، تىزىملاش خىزمىتى 17–سېنتەبىر سائەت 18:00 دە ئاياغلىشىدىكەن . 11–سېنتەبىر سائەت 10:00 دىن 18–سېنتەبىر سائەت 18:00 گىچە تىزىملاتقۇچىلار ھەق تۆلىسە بولىدىكەن . تىزىملىتىش ، ھەق تۆلەش مەشغۇلاتلىرى ئۈرۈمچى كادىرلار ئىمتىھان تورى ( www.xjwlmqrsks.com ) دا ئېلىپ بېرىلىدىكەن .
    مۇخبىرنىڭ ئادەم كۈچى بايلىقى ۋە ئىجتىمائىي كاپالەت ئىدارىسىدىن ئىگىلىشىچە ، نۆۋەتتە خادىم قوبۇل قىلىش نىزامى ۋە خىزمەت ئورنى تىزىملىكى ئېلان قىلىنغان بولۇپ ، خادىم قوبۇل قىلىدىغان ئىدارە-ئورۇنلارنىڭ ئىلتىماسىغا ئاساسەن ، ئۈرۈمچى خەلق رادىيو ئىستانسىسىنىڭ ئالتە ئىش ئورنى تەڭشىلىدىكەن ھەمدە ئۈرۈمچى شەھەرلىك ئىشچىلار مەدەنىيەت سارىيىغا ئىككى نەپەر ، ئۈرۈمچى شەھەرلىك 8–بالىلار باغچىسىغا توققۇز نەپەر خادىم قوبۇل قىلىش پىلانى يېڭىدىن كۆپەيتىلىدىكەن .
    مۇناسىۋەتلىك خادىملار مۇنۇلارنى ئەسكەرتتى : توردا ئىمتىھان ھەققىنى تاپشۇرۇشتا پەقەت سودا–سانائەت بانكىسىنىڭ توردا كەسىپ بېجىرىش مۇلازىمىتى قوللىنىلغاچقا ، ھەق تاپشۇرۇشى مۇۋەپپەقىيەتلىك بولمىغانلار دەل ۋاقتىدا تور پونكىت تېخنىك خادىملىرى بىلەن ئالاقىلاشسا بولىدىكەن .
    مەسلىھەت سوراش تېلېفونى: 0991 - 4638184