ئورۇقلاش بەدەندىكى ماينى ئازايتىشتۇر، ماينى ئازايتىشنىڭ ئاچقۇچلۇق ۋاقتى تاماقتىن كېيىنكى 30 مىنۇتتۇر. چۈنكى، ئىنچىكە ئۈچەي تاماقتىن كېيىنكى 30 مىنۇتتىن باشلاپ سۈمۈرۈشكە باشلايدۇ. ھالبۇكى، قان شېكىرىنىڭ ئۆرلەش ۋاقتى تەخمىنەن ئىنچىكە ئۈچەي سۈمۈرۈشنى باشلىغاندىن كېيىنكى 30 مىنۇتتىن باشلىنىدۇ. كۈندىلىك تۇرمۇشتا بەدەننى مەقسەتلىك ھالدا ھەرىكەتلەندۈرۈپ تۇرۇش كېرەك. بۇنىڭ ئۈچۈن:

    1. ھويلا-ئارام ياكى بالىكوننى رەتلەش.

    ئەگەر ھويلا-ئارامىڭىز بولسا، تاماقتىن كېيىن ئۇنى رەتلەش ناھايىتى ياخشى تاللاشتۇر. ئەگەر ھويلا-ئارامىڭىز بولمىسا، بىر گۈللۈك بالكون ياساپ، ئۇنى رەتلەشتىكى قۇلايلىقتىن پايدىلانسىڭىزمۇ بولىدۇ، بۇ ئارقىلىق بەدەندىكى ماينى ئازايتىش ئۈنۈمىگە ئېرىشەلەيسىز.

    2. ئۆي سۈپۈرۈش.

    ئۆي سۈپۈرۈش بولسا بىر تۈرلۈك ئىنتايىن يەڭگىل جىسمانىي ئەمگەك. شۇڭا، ئورۇقلاش نىيىتىڭىز بولسا، تاماقتىن كېيىن ئۆي سۈپۈرۈشنى ئادەت قىلىۋالسىڭىز بولىدۇ.

    3. يۇيۇنۇپ بولغاندىن كېيىن مۇنچىنى تازىلاش.

    كەچلىك تاماقنى يەپ بولغاندىن كېيىن 30 مىنۇت ئارام ئېلىۋېلىپ، ئوبدان بىر يۇيۇنۇڭ، ئەگەر بۇنىڭغا مۇنچا تازىلاشنى قوشسىڭىز، ئۈنۈمى تېخىمۇ ياخشى بولىدۇ.

4. يېمەك-ئىچمىكىڭىزنى ياخشىلاشنى ئاددىيدىن باشلاڭ. قەنتلىك ئىچىملىكنى ئاز ئىچىڭ. قەنتلىك ئىچىملىكنىڭ ئىسسىقلىق مىقدارى ئويلىغىنىڭىزدىن كۆپ ئارتۇق. 300 مىللىلىتىرلىق ئىچىملىكنىڭ ئىسسىقلىق مىقدارى 150 كالورىيە بولۇپ، يېرىم قاچا تاماقنىڭ ئىسسىقلىق مىقدارىدىن ئېشىپ كېتىدۇ.