ئۈرۈمچى كەچلىك گېزىتى خەۋىرى:

يېقىندا مۇتەخەسسىلەر دۆلىتىمىزدىكى %80 دىن ئارتۇق دىئابىت ئاغرىقىنىڭ ئوكۇل يىڭنىسىنى تەكرار ئىشلىتىدىغانلىقىنى، شۇڭا ئۇلاردا ياغ ئۆسمىسى پەيدا بولىدىغانلىقىنى بايقىدى. ئىچكى ئاجرالما مۇتەخەسىسلىرى مۇنداق دېدى: ئىقتىسادىي ئەھۋالى ناچار ئاغرىقلار ئۇكۇل يىڭنىسىنى تەكرار ئىشلىتىدۇ، ئۇنىڭ ئۈستىگە ياغ ئۆسۈپ قالغان يەرگە ئوكۇل ئۇرسا ئاغرىمايدۇ، شۇڭا ئۇلار قان قەنتىنى كونترول قىلىشقا تەسىر يېتىدىغانلىقىنى بىلىپ تۇرۇپ، يەنە ئوكۇل يىڭنىسىنى تەكرار ئىشلىتىدۇ.

مۇتەخەسسىسلەر يەنە مۇنداق دېدى: دىئابىت ئاغرىقلىرغا نىسبەتەن ئەڭ توغرا ئوكۇل ئۇرۇش ئۇسۇلى ئىنسۇلىننى تېرە ئاستىغا ئۇرۇش، ئەگەر توغرا ئۇرۇلمىسا، ئوكۇل مۇسكۇل قەۋىتىگە كىرىپ كېتىپ، ئىنسۇلىننىڭ رولىغا تەسىر يېتىدۇ.بۇنىڭدىن باشقا، ئىنسۇلىننى ئوخشاش بىر ئورۇنغا ئوكۇل قىلىۋېرىشكە بولمايدۇ، ئامال بار ئىنچىكە ھەم تۆت مىللىمېتىردىن بەش مىللىمېتىرغىچە بولغان يىڭنىنى ئىشلىتىش كېرەك.