ئەل سۆيگەن ئەلنى سۆيگەن ناخشىچى ئابدۇللا ئابدۇرېھىم
ئەل سۆيگەن ئەلنى سۆيگەن ناخشىچى ئابدۇللا ئابدۇرېھىم
ﺋﺎﺑﺪﯗﻟﻼ ﺋﺎﺑﺪﯗﺭﯦﮭﯩﻢ ﺋﯚﺯﯨﻨﯩﯔ ﭘﯩﻜﯩﺮﻯ ﭼﻮﯕﻘﯘﺭ ، ﮬﯩﺴﯩﻴﺎﺗﻘﺎ ﯞﻩ ﺗﻪﺳﯩﺮﻟﻪﻧﺪﯛﺭﯛﺵ ﻛﯜﭼﯩﮕﻪ ﺑﺎﻱ ﻟﯧﺮﯨﻚ ﻧﺎﺧﺸﯩﻠﯩﺮﻯ ﺋﺎﺭﻗﯩﻠصىق تاماشىبىنلارنىڭ ﻗﻪﻟﺒﯩﺪﯨﻦ ﭼﻮﯕﻘﯘﺭ ﺋﻮﺭﯗﻥ ﺋﺎﻟﻐﺎﻥ تالانىتلىق ﻧﺎﺧﺸﺎ ﭼﻮﻟﭙﯩﻨﯩﺪﯗﺭ .
ﺋﯘ 1969 – ﻳﯩﻠﻰ 10 – ﺋﺎﻳﻨﯩﯔ 1- ﻛﯜﻧﻰ ﻣﺎﺭﺍﻟﺒﯧﺸﻰ ﻧﺎﮬﯩﻴﯩﺴﯩﻨﯩﯔ ﺗﯘﻣﺸﯘﻕ ﻳﯧﺰﯨﺴﯩﺪﺍ ﺗﯘﻏﯘﻟﻐﺎﻥ . ﺋﺎﺑﺪﯗﻟﻼ ﺋﺎﺑﺪﯗﺭﯦﮭﯩﻤﻨﯩﯔ ﺑﺎﻟﯩﻠﯩﻖ ﮬﺎﻳﺎﺗﻰ ﻗﻪﺩﯨﻤﻰ ﺩﻭﻻﻥ ﻣﯘﻗﺎﻣﻠﯩﺮﻯ ﯞﻩ ﺩﻭﻻﻥ ﻣﻪﺷﯩﺮﻩﭘﻠﯩﺮﻯ ﻗﯘﭼﯩﻐﯩﺪﺍ ﺋﯚﺗﻜﻪﭼﻜﻪ ﺋﯘﻧﯩﯖﺪﺍ ﺋﺎﺷﯘ ﺳﻪﺑﻰ ﭼﺎﻏﻼﺭﺩﯨﻦ ﺑﺎﺷﻼﭘﻼ ﺳﻪﻧﺌﻪﺗﻜﻪ ﺑﻮﻟﻐﺎﻥ ﻛﯜﭼﻠﯜﻙ ﺋﯩﺸﺘﯩﻴﺎﻕ ﺷﻪﻛﯩﻠﻠﻪﻧﮕﻪﻥ .
1987- ﻳﯩﻠﻰ 5 – ﺋﺎﻳﺪﺍ ﺷﯩﻨﺠﺎﯓ ﺳﻪﻧﺌﻪﺕ ﺋﯩﻨﯩﺴﺘﯩﺘﻮﺗﻰ ﺗﯩﻴﺎﺗﯩﺮ ﻓﺎكۇلتۇتىنىڭ ﺑﯩﺮ ﻗﯩﺴﯩﻢ ﺋﻮﻗﯘﺗﻘﯘﭼﯩﻠﯩﺮﻯ ﻣﺎﺭﺍﻟﺒﯧﺸﻰ ﻧﺎﮬﯩﻴﯩﺴﮕﻪ ﺋﻮﻗﯘﻏﯘﭼﻰ ﺋﺎﻟﻐﯩﻠﻰ ﺑﯧﺮﯨﭗ ، ﺋﺎﺑﺪﯗﻟﻼ ﺋﺎﺑﺪﯗﺭﯦﮭﯩﻤﺪﯨﻜﻰ ﻳﯘﺷﯘﺭﯗﻥ ﺳﻪﻧﺌﻪﺕ ﺗﺎﻻﻧﺘﯩﻨﻰ ﺑﺎﻳﻘﺎﻳﺪﯗ – ﺩﻩ ، ﺋﯘﻧﻰ ﺳﻪﻧﺌﻪﺕ ﺋﯩﻨﯩﺴﺘﯩﺘﻮﺗﯩﻐﺎ ﻗﯘﺑﯘﻝ ﻗﯩﻠﯩﺪﯗ . ﺷﯘ ﻳﯩﻠﻰ 9 – ﺋﺎﻳﺪﯨﻦ ئىتىبارەن ﺋﯘ ﮬﻪﻗﯩﻘﻰ ﺳﻪﻧﺌﻪﺕ ﮬﺎﻳﺎﺗﯩﻨﻰ ﺑﺎﺷﻠﯩﺪﻯ . ﺋﯘ ﺳﻪﻧﺌﻪﺕ ﺋﯩﻨﯩﺴﺘﯩﺘﻮﺗﯩﺪﯨﻜﻰ ﺋﻮﻗﯘﻏﯘﭼﯩﻠﯩﻖ ﮬﺎﻳﺎﺗﯩﺪﺍ ﺑﯩﺮ ﺗﻪﺭﻩﭘﺘﯩﻦ ﺳﻪﮬﻨﯩﺪﻩ ﺋﻮﺑﺮﺍﺯ ﻳﺎﺭﯨﺘﯩﺶ ﻣﺎﮬﺎﺭﻩﺗﻠﯩﺮﻯ ﯞﻩ ﺗﯩﻴﺎﺗﯩﺮ ﺑﯩﻠﯩﻤﻠﯩﺮﯨﻨﻰ ﺋﯚﮔﻪﻧﺴﻪ ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ناخشا سەنئىتىگە ﭼﻮﯕﻘﯘﺭ ﻣﯘﮬﻪﺑﺒﻪﺕ ﺑﺎﻏﻼﭖ ، ﺋﺎﯞﺍﺯ ﻣﻪﺷﯩﻘﯩﻨﻰ ﻛﯜﭼﻪﻳﺘﯩﭗ ، ﻧﺎﺧﺸﺎ ﺋﻮﺭﯗﻧﺪﺍﺵ ﺟﻪﮬﻪﺗﺘﻪ ﺋﯚﺯﮔﯩﭽﻪ ﺋﺎﮬﺎﯓ ، ﺋﯚﺯﮔﯩﭽﻪ ﺋﯘﺳﻠﯘﺏ ﺑﯩﻠﻪﻥ ﺑﻪﻟﮕﯩﻠﯩﻚ ﻣﺎﮬﺎﺭﻩﺕ يىتىلدۈردى.
ﺋﺎﺑﺪﯗﻟﻼ ﺋﺎﺑﺪﯗﺭﯦﮭﯩﻢ 1991- ﻳﯩﻠﻰ 7 – ﺋﺎﻳﺪﺍ ﺋﯘﻗﯘﺷﯩﻨﻰ ﺗﺎﻣﺎﻣﻼﭖ ﺷﯩﻨﺠﺎﯓ ﺋﻮﭘﯩﺮﺍ ﺋﯚﻣﯩﻜﯩﮕﻪ ﺗﻪﺧﺴﯩﻢ ﻗﯩﻠﯩﻨﺪﻯ ﮬﻪﻡ ﺋﯘﺯﺍﻕ ﺋﯚﺗﻤﻪﻱ ﺑﯘ ﺋﯚﻣﻪﻙ تەييارلىغان “ ﻏﯧﺮﯨﭗ – ﺳﻪﻧﻪﻡ “ ﺋﻮﭘﯩﺮﺍﺳﯩﺪﺍ ﻏﯧﺮﯨﭙﻨﯩﯔ ﺩﻭﺳﺘﻰ ئصلياسنىڭ ﺭﻭﻟﯩﻨﻰ ئېلصىشقا ﺗﺎﻟﻼﻧﺪﻯ . 1992 – ﻳﯩﻠﯩﻨﯩﯔ ﺋﻮﺗﺘﯘﺭﻟﯩﺮﯨﺪﺍ ﺑﯘ ﺋﻮﭘﯩﺮﺍ ﻗﺎﺯﺍﻗﯩﺴﺘﺎﻥ ، ﺋﯚﺯﺑﻪﻛﯩﺴﺘﺎﻥ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﺩﻩ ﺋﻮﻳﻨﺎﻟﻐﺎﻧﺪﺍ ﺋﺎﺑﺪﯗﻟﻼ ﺋﺎﺑﺪﯗﺭﯦﮭﯩﻢ ﺋﯚﺯ ﻣﺎﮬﺎﺭﯨﺘﯩﻨﻰ ﻛﯚﺭﺳﯩﺘﯩﭗ ﺗﺎﻣﺎشىبىنلارنىڭ ﻳﺎﺧﺸﻰ ﺑﺎﮬﺎﺳﯩﻐﺎ ئېرىشتى.
ﺋﺎﺑﺪﯗﻟﻼ ﺋﺎﺑﺪﯗﺭﯦﮭﯩﻢ ﮔﻪﺭﭼﻪ ﺗﯩﻴﺎﺗﯩﺮ ئاﺭﺗﯩﺴﻰ ﺑﻮﻟﺴﯩﻤﯘ ، ﻟﯧﻜﯩﻦ ﻳﻪﻧﻪ ﺋﯚﺯ ﻧﯚﯞﯨﺘﯩﺪﻩ ﺋﻪﻟﮕﻪ ﺗﻮﻧﯘﻟﻐﺎﻥ تالانىتلىق ﻧﺎﺧﺸﯩﭽﯩﺪﯗﺭ . ﺋﯘ ﺋﻮﺭﯗﻧﻠﯩﻐﺎﻥ “ ﺳﯩﺮﻟﯩﻖ تۇﻣﺎﻥ ، ﺋﯘﭼﯩﺮﺍﺷﻘﺎﻧﺪﺍ ، ﯞﺍﭘﺎﺩﺍﺭﯨﻢ ، ﻣﯘﺋﻪﻟﻠﯩﻢ ، ﻛﯩﭽﻪﻟﻤﻪﻳﻤﻪﻥ ، ﺋﺎﻳﺮﯨﻠﯩﺶ ، ﻛﯚﺯﯨﯖﻨﻰ ﻳﺎﺷﻠﯩﻤﺎ ، ﺗﯘﻧﺠﻰ ﺳﯚﻳﮕﯜ ، ﺳﯧﻐﯩﻨﯩﺶ ﻛﯜﻳﻠﯩﺮﻯ،ئانام بولسىدى،گۈلشەندىكى نىدا،تۇنجى مۇھەببەت ،شۇ چاغلار“ ﻗﺎﺗﺎﺭﻟﯩﻖ ﻧﺎﺧﺸﯩﻼﺭ ﺗﺎﻣﺎﺷﯩﺒﯩﻨﻼﺭ ﺋﺎﺭﺳﯩﺪﺍ ﺯﻭﺭ ﺗﻪﺳﯩﺮ ﻗﻮﺯﻏﺎﭖ ، ﺋﺎﺑﺪﯗﻟﻼﻧﯩﯔ ﺧﻪﻟﯩﻖ ﺋﯩﭽﯩﺪﯨﻜﻰ ﺷﯚﮬﺮﯨﺘﯩﻨﻰ ﻳﯘﻗﯘﺭﻯ ﻛﯚﺗﯜﺭﺩﻯ .
1994 – ﻳﯩﻠﺪﯨﻦ ﮬﺎﺯﯨﺮﻏﯩﭽﻪ “ ﺳﯩﺮﻟﯩﻖ تۇﻣﺎﻥ ، ﺳﯜﻛﯜﺗﺘﯩﻜﻰ ﺳﺎﺩﺍ ، ﭘﻪﺭﯞﺍﻧﻪﯓ ﺑﯘﻻﻱ “ ﻗﺎﺗﺎﺭﻟﯩﻖ ﺋﯜﻧﺌﺎﻟﻐﯘ ﻟﯩﻨﺘﯩﻠﯩﺮﻯ ، “ ﺷﯩﺮﯨﻦ ﭼﯜﺵ ، ﺗﯘﻧﺠﻰ ﺳﯚﻳﮕﯜ “ ﻗﺎﺗﺎﺭﻟﯩﻖ ﺑﯩﺮ ﻗﺎﻧﭽﻪ MTV ﺳﻰ ﻧﻪﺷﯩﺮ ﻗﯩﻠﯩﻨﺪﻯ . ﺋﯘﻧﯩﯖﺪﯨﻦ ﺑﺎﺷﻘﺎ ﺋﺎﺑﺪﯗﻟﻼ 1998 – ﻳﯩﻠﻰ 4 – ﺋﺎﻳﺪﺍ ﭘﺎﻛﯩﺴﺘﺎﻧﻐﺎ ﺋﻮﻳﯘﻥ ﻗﻮﻳﻐﯩﻠﻰ ﺑﯧﺮﯨﭗ ، ئېقىن ﺳﯘﺩﻩﻙ ﺳﯜﺯﯛﻙ ﮬﻪﻡ ﻣﯘﯕﻠﯘﻕ ﺋﺎﯞﺍﺯﻯ
ﺑﯩﻠﻪﻥ ﺷﯘ ﻳﻪﺭﺩﯨﻜﻰ ﺗﺎﻣﺎﺷﯩﺒﯩﻨﻼﺭﻧﯩﯔ ﺋﺎﻟﻘﯩﺸﯩﻐﺎ ﺳﺎﺯﺍﯞﻩﺭ ﺑﻮﻟﺪﻯ .
1998 – ﻳﯩﻠﻨﯩﯔ ﺋﻮﺗﺘﯘﺭﻟﯩﺮﯨﺪﺍ ﺧﺎﺭﺑﯩﻨﺪﺍ ﺋﯚﺗﻜﯜﺯﯛﻟﮕﻪﻥ
ﻣﻪﻣﻠﯩﻜﻪﺗﻠﯩﻚ ﻧﺎﺧﺸﺎ ﻣﯘﺳﺎﺑﯩﻘﯩﺴﯩﻐﺎ ﻗﺎﺗﻨﯩﺸﯩﭗ “ ﻣﯘﻧﻪﯞﯞﻩﺭ ﻧﺎﺧﺸﯩﭽﻰ “ ﻣﯘﻛﺎﭘﺎﺗﯩﻐﺎ ئېرىشتى . ﻳﻪﻧﻪ ﺷﯘ ﻳﯩﻠﻰ ﺷﯩﻨﺠﺎﯕﺪﺍ ﺋﯚﺗﻜﯜﺯﯛﻟﮕﻪﻥ “ ﻳﯧﯖﻰ ﺋﺎﺩﻩﻡ ، ﻳﯧﯖﻰ ﺋﻪﺳﯩﺮ ﻧﺎﺧﺸﺎ ﻣﯘﺳﺎﺑﯩﻘﯩﺴﻰ “ ﻏﺎ ﻗﺎﺗﻨﯩﺸﯩﭗ ، ﺋﺎﻣﻤﯩﺒﺎﺏ ﺋﯘﺳﻠﯘﺑﺪﺍ ﻧﺎﺧﺸﺎ ئېيتىش ﺑﯘﻳﯩﭽﻪ 3 – ﺩﻩﺭﯨﺠﯩﻠﯩﻚ ﻣﯘﻛﺎﭘﺎﺗﻘﺎ ﻧﺎﺋﯩﻞ ﺑﻮﻟﺪﻯ ﮬﻪﻣﺪﻩ 1 – ﺩﻩﺭﯨﺠﯩﻠﯩﻚ ﻧﺎﺧﺸﯩﭽﻰ ﺑﯘﻟﯘﭖ ﺑﺎﮬﺎﻻﻧﺪﻯ.
1999 – ﻳﯩﻠﻰ ﺑﯧﻴﺠﯩﯔ ، ﺷﺎﯕﺨﻪﻱ ﻗﺎﺗﺎﺭﻟﯩﻖ ﺟﺎﻳﻼﺭﺩﺍ ﺋﯚﺗﻜﯜﺯﯛﻟﮕﻪﻥ “ ﺑﯩﺰﻧﯩﯔ ﺷﯩﻨﺠﺎﯓ ﻳﺎﺧﺸﻰ ﺟﺎﻱ “ ﻧﺎﻣﻠﯩﻖ ﭼﻮﯓ ﺗﯩﭙﺘﯩﻜﻰ ﺳﻪﻧﺌﻪﺕ ﻛﯩﭽﯩﻠﯩﻜﯩﺪﻩ “ ﻳﺎﺷﻠﯩﻖ ﻛﯜﻳﻰ “ ﺩﯨﮕﻪﻥ ﻧﺎﺧﺸﯩﻨﻰ ﺧﻪﻧﺰﯗﭼﻪ ﺋﻮﺭﯗﻧﻼﭖ ﺯﻭﺭ ﺋﺎﻟﻘﯩﺸﻘﺎ ئېرىشتى . 1999 – ﻳﯩﻠﻰ 9- ﺋﺎﻳﺪﺍ ﮔﯧﺮﻣﺎﻧﯩﻴﻪﺩﻩ ﺋﯚﺗﻜﯜﺯﯛﻟﮕﻪﻥ “ ﻳﯩﭙﻪﻙ ﻳﻮﻟﻰ دىراﻣﻤﺎ ﺑﺎﻳﺮﯨﻤﻰ “ ﺩﺍ ﺗﻪﻛﻠﯩﭙﻜﻪ ﺑﯩﻨﺎﺋﻪﻥ ﺋﯚﻣﻪﻙ ﺭﻩﮬﺒﻪﺭﻟﯩﺮﻯ ﺑﯩﻠﻪﻥ ﺋﻮﻳﯘﻥ ﻗﻮﻳﻐﯩﻠﻰ ﺑﺎﺭﻏﺎﻥ ﺋﺎﺑﺪﯗﻟﻼ ﻧﺎﺧﺸﯩﻠﯩﺮﯨﺪﯨﻜﻰ ﻣﯩﻠﻠﯩﻴﻠﯩﻚ ﮬﻪﻡ ﺋﺎﻣﻤﯩﺒﺎﺑﻠﯩﻖ ﺑﯩﻠﻪﻥ ﺷﯘ ﺋﻪﻝ ﺧﻪﻟﯩﻘﻠﯩﺮﯨﮕﻪ ﺋﯚﺯﯨﻨﻰ ﺗﻮﻧﯘﺗﺘﻰ . ﺋﯘﻧﯩﯔ ﻳﯧﻘﯩﻤﻠﯩﻖ ﺋﺎﯞﺍﺯﻯ ، ﻳﺎﺭﻗﯩﻦ ﺳﯩﻤﺎﺳﻰ ﮔﯧﺮﻣﺎﻧﯩﻴﻪ ﺳﻪﮬﻨﯩﻠﯩﺮﯨﺪﻩ ﭘﻪﻳﺪﺍ ﺑﻮﻟﺪﻯ .
ﺑﯘﻧﯩﯖﺪﯨﻦ ﺑﺎﺷﻘﺎ ﺋﺎﺑﺪﯗﻟﻼ ﺋﺎﺑﺪﯗﺭﯦﮭﯩﻢ ﺋﯩﻠﮕﯩﺮﻯ ﻛﯩﻴﯩﻦ ﺑﯘﻟﯘﭖ “ ﺷﺎﺩﯨﻤﺎﻥ دوسىتلار، ﺑﯘ ﻛﯩﺸﯩﻨﻰ ﺗﻮنۇﻣﺴﯩﺰ “ ﻗﺎﺗﺎﺭﻟﯩﻖ ﺗﯧﻠﯩﯟﯨﺰﯨﻴﻪ ﺗﯩﻴﺎﺗﯩﺮﻯ ، “ ﮔﯘﻧﺎﮬﺴﯩﺰ ﺟﯩﻨﺎﻳﻪﺗﻜﺎﺭ ، ﻛﯩﻴﯩﻨﻜﻰ ﺋﺎﺗﺎ “ ﻗﺎﺗﺎﺭﻟﯩﻖ ﺩﯨﺮﺍﻣﻤﯩﻼﺭﺩﺍ ﺋﺎﺳﺎﺳﻠﯩﻖ ﺭﻭﻟﻼﺭﻧﻰ ئېلىپ ، ﺋﯚﺯﯨﻨﯩﯔ ﭘﯧﺮﺳﯘﻧﺎﮊﻻﺭﻧﯩﯔ ﻧﺎﺯﯗﻙ ﺋﯩﭽﻜﻰ ﺩﯗﻧﻴﺎﺳﯩﻨﻰ ﻣﺎﮬﯩﺮﻟﯩﻖ ﺑﯩﻠﻪﻥ ﻳﯘﺭﯗﺗﯘﭖ ﺑﯧﺮﯨﺸﺘﻪﻙ ﺋﺎﻻﮬﯩﺪﯨﻠﯩﻜﯩﻨﻰ ﻧﺎﻣﺎﻳﻪﻥ ﻗﯩﻠﯩﺶ ﺑﯩﻠﻪﻥ ﺑﯩﺮﮔﻪ ﻳﻪﻧﻪ “ ﺋﯘﭼﯘﺭﯨﺸﯩﺶ ، ﺷﯩﻜﻪﺭ ﺷﻪﻧﺒﻪ ، ﭘﯘﻝ ، ﺋﯘﻧﺪﺍﻕ ﻗﺎﺯﺍﻧﻐﺎ ﻣﯘﻧﺪﺍﻕ ﭼﯚﻣﯘﭺ “ ﻗﺎﺗﺎﺭﻟﯩﻖ ئېپزوﺗﻼﺭﺩﺍ ﺋﻮﺧﺸﯩﻤﯩﻐﺎﻥ ﻳﯘﻣﯘﺭﻟﯘﻕ ﺧﺎﺭﻩﻛﺘﯩﺮﮔﻪ ﺋﯩﮕﻪ ﺋﻮﺑﺮﺍﺯﻻﺭﻧﻰ ﻧﺎﮬﺎﻳﯩﺘﻰ ﻣﯘﯞﺍﭘﯩﻘﯩﻴﻪﺗﻠﯩﻚ ﻳﺎﺭﯨﺘﯩﭗ ﺗﺎﻣﺎﺷﯩﺒﯩﻨﻼﺭﻧﯩﯔ ﻧﺎﮬﺎﻳﯩﺘﻰ ﻳﯘﻗﯘﺭﻯ ﺑﺎﮬﺎﺳﯩﻐﺎ ئېرﯨﺸﺘﻰ . ﺋﺎﺑﺪﯗﻟﻼ ﺋﺎﺑﺪﯗﺭﯦﮭﯩﻢ ﮬﻪﻗﯩﻘﻪﺗﻪﻧﻤﯘ ﺋﻪﻟﮕﻪ ﺗﻮﻧﯘﻟﻐﺎﻥ ﺋﺎﺗﺎﻗﻠﯩﻖ ﺳﻪﻧﺌﻪﺗﻜﺎﺭ ﺑﯘﻟﯘﭖ ، ﺑﯩﺮ ﻗﺎﻧﭽﻪ ﻳﯩﻠﺪﯨﻦ بۇﻳﺎﻥ ﻧﺎﺧﺸﺎ ئېيتىش ، ﺩﯨﺮﺍﻣﻤﺎ – ئېپزوتلاردﺍ ﺭﻭﻝ ئېلىش ﺑﯩﻠﻪﻥ ﭼﻪﻛﻠﯩﻨﯩﭗ ﻗﺎﻟﻤﺎﻱ ، ﻳﻪﻧﻪ ﻣﯘﺯﯨﻜﺎ ئصجاﺩﯨﻴﯩﺘﻰ ﺑﯩﻠﻪﻧﻤﯘ ﺷﻮﻏﯘﻟﻠﯩﻨﯩﭗ ، “ ﻗﻪﺑﺮﯨﮕﻪ ﺗﯚﻛﯜﻟﮕﻪﻥ ﻳﺎﺵ ، ﺋﺎﻱ ﮔﯘﯞﺍﮬ ، ﺋﯘﺭ ﺗﻮﻗﻤﺎﻕ ، ﻛﯜﻟﻜﯩﮕﻪ ﻳﯘﺷﯘﺭﯗﻧﻐﺎﻥ ﻳﯩﻐﺎ “ ﻗﺎﺗﺎﺭﻟﯩﻖ ﺗﯧﻠﯩﯟﯨﺰﯨﻴﻪ ﺗﯩﻴﺎﺗﯩﺮﻟﯩﺮﯨﻨﯩﯔ ﻣﯘﺯﯨﻜﯩﺴﯩﻨﻰ ﺋﯩﺸﻠﻪﭖ ﯞﻩ ﺑﯘ ﻓﯩﻠﯩﻤﻠﻪﺭﻧﯩﯔ ﻧﺎﺧﺸﯩﺴﯩﻨﻰ ﺋﻮﺭﯗﻧﻼﭖ ، ﺗﺎﻣﺎﺷﯩﺒﯩﻨﻼﺭ ﺋﺎﺭﺳﯩﺪﺍ ﺯﻭﺭ ﺗﻪﺳﯩﺮ ﻗﻮﺯﻏﯩﺪﻯ .ئۇ ھازىر ھەممىگە تۇنۇشلۇق بولغان سابا مۇزىكا ئانسامبىلىنى
ئابدۇللا مۇزىكا ئانسامبىلىغا ئۆزگەرتىپ 20 نەپەرگە يىقىن مۇنتېزىم مۇزىكىچى ماھىرلار توپلانغان مۇزىكا ئانسامبىلىنى قۇرۇپ ئۇيغۇر ناخشا-ئۇسسۇلچىلىقىنى تەرەققى قىلدۇرۇش ئۈچۈن تېنىمسىز ئېزدەنمەكتە.
ﺋﺎﺑﺪﯗﻟﻼ ﺋﺎﺑﺪﯗﺭﯦﮭﯩﻤﻨﯩﯖﻤﯘ ﺭﻭﻣﺎﻧﺘﯩﻚ ﮬﯩﺴﯩﻴﺎﺗﻘﺎ ﺑﺎﻱ ﺋﺎﺟﺎﻳﯩﭗ ﻣﯘﮬﻪﺑﺒﻪﺕ ﻛﻪﭼﯜﺭﻣﯩﺸﻠﯩﺮﻯ ﺑﻮﻟﻐﺎﻥ . ﺋﯘ ﺷﯩﻨﺠﺎﯓ ﺳﻪﻧﺌﻪﺕ ﺋﯩﻨﯩﺴﺘﯩﺘﻮﺗﯩﻐﺎ ﻗﻮﺑﯘﻝ ﻗﯩﻠﯩﻨﻐﺎﻧﺪﯨﻦ ﻛﯩﻴﯩﻦ ، ﻛﯜﺗﯜﻟﻤﯩﮕﻪﻧﺪﻩ ﮬﺎﺯﯨﺮﻗﻰ ﺋﺎﻳﺎﻟﻰ ﺋﺎﻣﯩﻨﻪ ﺋﯚﻣﻪﺭ ﺑﯩﻠﻪﻥ ﺋﯘﭼﯩﺮﺍﺷﺘﻰ . ﺋﯚﺯ – ﺋﺎﺭﺍ ﺳﺎﯞﺍﻗﺪﺍﺷﻠﯩﻖ ﺋﯘﻻﺭﻧﻰ ﺋﺎﺳﺘﺎ – ﺋﺎﺳﺘﺎ ﻳﯧﻘﯩﻨﻼﺷﺘﯘﺭﺩﻯ .
ﺋﺎﺑﺪﯗﻟﻼ ﺋﯚﺯﯨﻨﯩﯔ ﮬﯩﺴﯩﻴﺎﺗﻘﺎ ﺑﺎﻱ ﻟﯧﺮﯨﻚ ﻧﺎﺧﺸﯩﻠﯩﺮﻯ ، ئېغىر ﺑﯧﺴﯩﻖ ﻣﯩﺠﻪﺯ – ﺧﺎﺭﻩﻛﺘﯩﺮﻯ ﮬﻪﻡ سەمىمىيلىكى ﺑﯩﻠﻪﻥ ﺋﺎﻣﯩﻨﻪﻧﯩﯔ ﭼﻮﯕﻘﯘﺭ ﺋﯩﺸﻪﻧﭽﯩﺴﻰ ﮬﻪﻡ ﮬﯚﺭﻣﯩﺘﯩﮕﻪ ئېرﯨﺸﺘﻰ . ﺋﺎﻣﯩﻨﻪﻣﯘ 1988 – ﻳﯩﻠﻰ “ ﺑﻮﻳﺘﺎﻗﻼﺭ ﺋﺎﺋﯩﻠﯩﺴﻰ “ ﻧﺎﻣﻠﯩﻖ ﮬﯩﻜﺎﻳﻪ ﻓﯩﻠﯩﻤﺪﻩ ﺗﯘﻧﺠﻰ ﻗﯧﺘﯩﻢ ﺭﻭﻝ ئېلصپ ﺋﺎﺑﺪﯗﻟﻼﻧﻰ ﮬﺎﻳﺎﺟﺎﻧﻐﺎ ﺳﺎﻟﺪﻯ . ﺷﯘﻧﯩﯔ ﺑﯩﻠﻪﻥ ﺑﯘ ﺋﯩﻜﻜﻰ ﺳﺎﯞﺍﻗﺪﺍﺵ 1988 – ﻳﯩﻠﻨﯩﯔ ﺋﺎﺧﯩﺮﻯ ﻣﯘﮬﻪﺑﺒﻪﺕ ﺑﺎﻏﻼﭖ ، ﻛﯩﻴﯩﻨﻜﻰ ﺳﺎﯞﺍﻗﺪﺍﺷﻠﯩﻖ ﮬﺎﻳﺎﺗﯩﻨﻰ ﺗﯧﺨﯩﻤﯘ ﮔﯜﺯﻩﻝ ﺋﺎﺭﺯﯗ ﺋﯩﺴﺘﻪﻛﻠﻪﺭ ﺋﯩﭽﯩﺪﻩ ﻣﻪﻧﯩﻠﯩﻚ ﺋﯚﺗﻜﯜﺯﺩﻯ . 1991 – ﻳﯩﻠﻰ 7 – ﺋﺎﻳﺪﺍ ﺋﻮﻗﯘﺷﻨﻰ ﺗﺎﻣﺎﻣﻼﭖ ﺑﯩﺮﻟﯩﻜﺘﻪ ﺷﯩﻨﺠﺎﯓ ﺋﻮﭘﯩﺮﺍ ﺋﯚﻣﯩﻜﯩﮕﻪ ﺗﻪﺧﺴﯩﻢ ﻗﯩﻠﯩﻨﺪﻯ ﮬﻪﻣﺪﻩ 1992 – ﻳﯩﻠﻰ 10 – ﺋﺎﻳﻨﯩﯔ 1- ﻛﯜﻧﻰ ﺑﻪﺧﯩﺘﻠﯩﻚ ﮬﺎﻟﺪﺍ ﻏﯘﻟﺠﯩﺪﺍ ﺗﻮﻱ ﻣﯘﺭﺍﺳﯩﻤﻰ ﺋﯚﺗﻜﯜﺯﺩﻯ . ﮬﺎﺯﯨﺮ ﺋﯘﻻﺭﻧﯩﯔ ﺷﺎﮬﻨﺎﺯ ﺋﯩﺴﯩﻤﻠﯩﻚ ﺑﯩﺮ ﻗﯩﺰﻯ ﺑﺎﺭ .
يازما ھوقۇقى: لوندون ئۇيغۇر ئانسامبىلى توربېكىتى
يازما ئادىرىسى: ئەل سۆيگەن ئەلنى سۆيگەن ناخشىچى ئابدۇللا ئابدۇرېھىم
