zungtung erdoan rehberlikidiki heqqaniyet we tereqqiyat partiyesi 4-noyabirdiki türkiye chong saylimida ghelibe qildi hem yëngi parlamëntta köp sanliq muqim orun'gha ërishti. bu ghelibe-heqqaniyet we tereqqiyat partiyesining yene bir qëtim öz aldigha hakimiyet yürgüzüsh pursitige ëriship, Erdoanning türkiyening siyasiy munbirini tëximu mehkem halda öz qoligha alghanliqidin dërek bëridu.

    erdoan hem waqitliq hökümet zunglisi dawut oghligha nisbeten ëytqanda, Asasiy qanun'gha tüzitish kirgüzüsh chong saylamdin këyinki birinchi chong ish bolup qaldi. türkiyening gërmaniyege oxshash zungliliq tüzümidin firansiye we amërikigha oxshash zungtungluq tüzümige özgirishi, Yeni zungtungni döletning simwoli qilmastin, Belki emeliy memuriy hoquqqa ige qilish-erdoanning asasiy qanun'gha tüzitish kirgüzüshidiki asasliq meqsiti boldi. emeliyette, Erdoan alliburunla türkiye jumhuriyitining dölet atisi, Yeni atatürk mustafa kamaldin këyin wezipe ötigen waqti eng uzun, Hoquqi eng chong türkiyening aliy rehbirige aylan'ghan, Uda zungliliq, Zungtungluq wezipisini ötesh waqti jemiy 12 yildin ëship ketken. eger asasiy qanun'gha tüzitish kirgüzüsh muweppeqiyetlik bolsa, Erdoan türkiye jumhuriyiti qurulghandin këyinki wezipe ötigen waqti eng uzun aliy rehber bolup qalidu.

    kurd ishchilar partiyesige zerbe bërish mesilisi-erdoanning hakimiyet yürgüzüshtiki 2-chong qaralmisi bolidu. nöwette, Kurdlar türkiye omumiy nopusining %20 ni igileydidighan bolup, Bu dölettiki 2-chong millet. yëqinqi bir nechche yilda, Türkiye hökümiti türkiye kurd ishchilar partiyesi qatarliq bölgünchi qoralliqlar bilen qoralliq tirkiship qaldi, Türkiyening bixeterlik weziyitide yamanlishish yüzlinishi peyda bolup, Tërrorluq hujumliri üzülmidi. buning üchün, Erdoan bir tereptin kurd ishchilar partiyesi qoralliqlirigha qattiq zerbe berse, Yene bir tereptin türkiye kurdliri ichidiki mötidil küchlerning könglini yasishi mumkin. bu qëtim erdoanning chong saylamda ghelibe qilishining yene bir sewebi shuki, Bu yil 6-ayda xelq dëmokratik partiyesini qollap awaz bergen nurghun kurd saylighuchilar bu qëtim meydanini özgertip heqqaniyet we tereqqiyat partiyesige awaz berdi. shunga, Erdoan dölet ichidiki kurd küchlirige könglini yasash bilen zerbe bërishni birleshtürüsh siyasitini qollinishi, Yeni kurd ishchilar partiyesi qoralliqlirini dawamliq tazilash bilen bir waqitta, Bixeterlik weziyitini muqimlashturush ünümige yëtish üchün, Yene mötidil kurdlargha bolghan siyasitini dawamliq tengshep, Tëximu köp mötidillerni türkiye hökümitige kirishke jelp qilishi mumkin.

    suriye mesilisi-erdoanning hakimiyet yürgüzüshtiki 3-chong qaralmisi bolidu. gerche türkiye ilgiri suriye zungtungi bashar esedning dawamliq hakimiyet yürgüzüshige qetiy qarshi turghan bolsimu, Lëkin bu xil qarshi turush weziyetning tereqqiyati hem waqitning ötüshige egiship özgerdi. erdoanning özimu ilgiri esed bilen bir mehel qoyuq arilashqan idi, On nechche yil burun bashar yëngila hakimiyet bëshigha chiqqanda, Ikkiylen yene bir-birini özlirining dölitige këlip aram ëlishqa teklip qilishqan idi, Lëkin këyin yene bir-birige tetür qariship qaldi. gerche türkiye esedning texttin chüshüsh mesiliside yenila ching turghan bolsimu, Lëkin türkiye, Rusiyening nëfit, Gaz turubisi mesilisidiki alahide payda-ziyan munasiwitini oylashqanda, Türkiyening esed hakimiyitini suriyening tinchliq musapisige qatnashturush-qatnashturmasliq mesilisidiki pozitsiyesi boshashqa bashlidi. bundin bashqa, Türkiye amërikining türkiye bazisidin paydilinip, Islam döliti esebiy teshkilatini bombardiman qilishigha ruxset qildi, Islam döliti teshkilatining türkiyediki tërrorluq paaliyetlirining bash jinayetchisi ikenlikini tonup yetkenlikidin, Türkiye tërrorluqqa qarshi turushta yenimu chong bir qedem tashlighan bolushi mumkin. shunga, Erdoanning islam döliti teshkilatigha zerbe bërish pozitsiyesi burunqidin bekrek qetiyleshti.

    ichki ensizlik, Tashqi parakendichilik, Iqtisadning töwenlishi sewebidin, Türkiye ottura sherqtiki bir qeder küchlük xelqara ornidin asasen mehrum qalghandek turidu. biraq, 20 dölet guruhi bashliqlar yighini mushu ayning otturilirida türkiyening antaliya shehiride ëchilidu, Erdoan bu qisqa istratëgiyelik pursettin paydilinip, Türkiyening rayon chong döliti we dunyawi tesirge ige döletlik obrazini namayan qilishqa, Tëximu muhimi bu pursettin paydilinip yawropa ittipaqi bilen shertliship, Musapirlar mesiliside yawropa ittipaqining tëximu zor derijide yol qoyushi we maliye bilen qollishini qolgha keltürüp, Türkiyening yawropa ittipaqigha kirish qedimini tëzlitishke yëngi kozir hazirlimaqchi boldi. xuddi rëytir agëntliqining obzorida ëytilghandek, Erdoanning bu qëtimqi ghelibisi del waqtida qolgha keltürüldi.