junggo uyghurche radiyo tori 17-sëntebir bëyjing xewiri:

    belish pishurush hünirining warisi bolghan 68 yashliq mes'hudem rehim muxbirgha tatarlarning ësil yëmekliki bolghan belishni pishurush usulini tonushturup, Men belish pishurushni anamdin ögen'gen, Anam momamdin ögen'gen iken, Biz tatarlar belish yëgende animizning hidini purighandek bolimiz dëdi.

    ëlimizdiki nopusi bir qeder az millet bolghan tatarlarning alte ming etrapida nopusi bar. tatarlar öyliride mëhman kütkende belish ësil yëmekliklerning biri qilinidu, Belish gösh qiymisi, Miwe, Murabba qatarliqlardin pishurulidu. mes'hudem rehim gösh qiymisi ëtishni tonushturup mundaq dëdi: biz qoy göshi, Berengge, Piyazni toghra arilashturimiz, Andin uninggha tuz, Qaramuch qoshup teyyarlaymiz. xëmir yughurghanda choqum qoy mëyi, Tuxum, Süt qoshimiz, Xëmir bolghandin këyin, Bir chong, Bir kichik qilip yayimiz, Chongigha teyyar bolghan gösh qiymisini salimiz, Andin kichik xëmir bilen himlap bir chong pöre sheklige keltürimiz. mes'hudem rehim adettiki pöre bilen oxshimaydighini këyinki pishurush usuli dëdi.

    mes'hudem rehim mundaq dëdi: pishurghanda, Aldi bilen pörining üstidin bir yumilaq töshük achimiz, Andin kësip bolghan xëmir bilen uni yapimiz. pishurush jeryanida, Bu töshükni toxtimay ëchip, Aldin teyyarlap qoyghan shorpini quyup turimiz. chünki belish bek qëlin bolghachqa, Qiyma bek quruq bolup qalsa, Asan pishmaydu. ikki saettin këyin, Mezzilik belish teyyar bolidu, Bu chaghda köp hallarda bir aile kishiliri bir yerde olturup, Bu mezzilik tamaqqa ëghiz tëgidu.

    ili qazaq aptonom oblasti tatar medeniyiti tetqiqat jemiyitining bashliqi hafiz sattar mundaq dëdi: ëlimizning milliy siyasiti bek yaxshi bolup, Tatarlarning bir qisim munewwer enenisini nahayiti yaxshi qoghdidi hem warisliq qildi. 19-esirning këyinki mezgilide, Nurghun tatarlar rus sodigerlerge egiship, Wolga deryasi boyidin eyni chaghdiki shinjangning muhim soda baziri bolghan qorghasqa köchüp këlip, Soda qilishqa bashlighan.

    hafiz sattarning tonushturushiche, Tatarlarda sawatsizlar yoq iken, Ziyaliylarning nisbiti bir qeder yuqiri iken. belishtin bashqa, Tatarlarning yene qol hünerwenchilik buyumliri, Xelq naxshiliri, Ussuli, Kiyim-këchekliri qatarliq 20 nechche xil türi bar bolup, Gheyriy maddiy medeniyet mirasliri türige iltimas qilish pilanlan'ghan.