kichik chëghimizda apam chong tamaq shiresini qoyup, Tamaqqa chaqirghanda hemmimiz özimizning orunlirimizda olturattuq, Tamaq shiresining eng töri atamning idi, Atam tamaq shiresige kelmidimu bashqilirimizning këlip olturiwëlishigha bolmaytti, Atam kelmigüche tamaq tartilmaytti, Baldur kelgenler baldur yep, Këyin kelgenler sowup qalghan tamaq yeydighan ish yoq idi. këyin hemmimiz öylük-ochaqliq bolduq, Chong öyge yighilghan chëghimizda atam olturidighan shu orun'gha qarap közlirimge kelgen yashlarni chandurmay sürtiwëtimen. bu orun këyin newre-chewriler bilen pëtishmighanda bashqilar teripidin igilinip ketken bolsimu, Emma qelbimizde atamning orni yenila törde idi. ata-ana ailining merkiziy oqi, Balilar mushu oqni chörgilep pirqiraydiken. mëhrini ailige baghlaydiken, Atamning shu chaghlarda qandaq qaraydighanliqi manga namelum, Emma rehmetlik atam birer waq tamaqni sirtta yëmeytti, Bazarda tamaq yep qalidighan alahide ehwallarda bizge samsa, Göshgirdilerni ëlip këletti, Biz yene bille olturup yëyishettuq. shuninggha qarighanda ata dastixan'gha derqemde bolsa, Ailining mëhri chongqurlishidighan oxshaydu. hazir jan sanimiz az, Tamaq shirelirimiz bezide atining, Bezide anining orni bosh, Bezide bala tonglatqudiki tamaqlarni issitip yeydu, Balilarni mushuninggha köndürduq. bolupmu yash atilar sirtlarda köprek tamaq yeydu, Buningmu sewebi bar. emma, Hayatimizning menisidin ëlip ëytsaq, Bir ailining illiqliqini saqlash, Mëhir-muhebbetlik aile qurush yenila ailining bashliqi erge baghliqken. ayallar qatar chaydek paaliyetler bilen ayda birer-ikki qëtim sirtta bolup qalmisaq, Bashqa chaghlarda biz nede bolsaq balilar shu yerde pirqiraydu, Er tamaq waqtida bolmisa, Öyde tamaqningmu mezzisi bolmaydu, Ayalning qolining temimu qachidu, Ayal üchün ërining söyünüp turushidinmu artuq inam yoq. chünki ayallar söyüsh-söyülüsh üchünla tughulghan, Barliqimiz bilen ailimizni söyimiz. ejrimiz üchün söyülüshkimu heqliqmiz. ochaq bëshida bu hoquqimizni tëximu jari qilduralaymiz. shunga, Er yaki ayal bolsun, Tamaq waqtida tamaq shiresidiki ornimizni bosh qaldurmighinimiz yaxshi.