qeshqer uyghurliri

    qeshqer uyghurliri yumilaq bash (braxikifal), Ottura boy, Bughday önglük, Yüzi soqichaqraq(at yüz), Burni otturahal keng, Lëkin ëgiz (qush tumshuq burun bilen tüz burun arisida), Chachliri qara qungurreng, Qoy közlük, Saqal - burutliri qoyuq, Egim qashliq, Tërisi süzük we siliq bolup, Omumen chirayliq këlidu. ular chirayliq kiyinip salapetlik yürüshni yaxshi köridu, Taziliqqa we girimge alahide ehmiyet bëridu, Ölima we kasip kishilerge dost we amraq këlidu, Ilim - penni qedirleydu, Hemsöhbetni yaxshi köridu.

    qeshqer uyghurliri xeyr - saxawetlik, Mëhmandost, Dana hem mulayim sözlük bolup, Xushnawaz, Senetxumar këlidu. turmushta tirishchan hem emgekchan bolup, Soda - sëtiq we tijaretka mahir, Sayahet we seperge hewes qilidu. ehli kesip we hünerwenlerning tirishchanliqi, Qol hüner mahariti jehette bashqa sheherning ademlirige qarighanda üstün we ziyade turidu. shunga qeshqer qedimdin bashlap ottura asiyaning medeniyet we soda merkizi bolup kelgen .

    xoten uyghurliri

    xoten uyghurliri bestlik, Aqpishmaq, Hal tenlik bolup, Yumilaq bash (broxikifalliqi gewdilik), Ottura boy, Burni inchke, Lëkin ëgiz, Yüzi soqichaqraq (at yüz), Chaliriqara ykai qaramtul dolqumsiman, Saqal - burutliri qoyuq, Qara köz, Qash - kirpikliri toluq, Tebessum chiray këlidu. xoten uyghurliri bir sözlük, Bir qolluq, Bir niyetlik we ittipaq bolup, Mulayim we kemter ishchan këlidu. xoten uyghurliri öz ishigha nahayiti puxta, Dostluq eqidisi küchlük, Aghzi mehkem bolup, Sir saqliyalaydu. xoten uyghurliri kasip - hünerwen, Tebiet idriki pakiz, Zëhni ötkür bolup, Ötken ishlardin xatire qaldurushqa adetlen'gen.

    xoten uyghurliri addiy - sadda yashaydu, Heshemetchilikni yaqturmaydu. edebiyat - senet we tibabetchlikke alahide ëtibar bilen qaraydu, Ölima we alimlarni qedirleydu.

    xoten uyghurliri herqandaq hünerni öz kamaligha yetküzüp, Xëridarni razi qilidu. shunga bu jay ezeldin yipek yoli toqumichliqi we qashtëshi oymikarliqi bilen meshhur.

    atush uyghurliri

    tarixiy menbelerde körsitilishiche, Atush uyghurliri itnik jehettin qedimki uyghur qebililer ittipaqi ichidiki asasliq qebililerning biri bolghan yaghmilarning urugh - ewladliri dep qaraydu.

    bügünki atush uyghurlirining qiyapet teswiri qeshqer uyghurlirining qiyapet teswiri bilen asasen oxshap këtidu. yeni bash söngiki yumilaqraq, Chach we saqalliri qoyuq we qara, Burniinchike, Lëkin ëgizrek (qangshaliq), Bughday önglük, Qoy közlük, Ottura boy, Beden muskulliri ching, Yüzi soqichaqraq (at yüz), Köz qarchuqi ötküz, Egme qash,Qapiqining qëti kengrek këlidu.

    atush uyghurliri ishchan we pem - parasetlik bolup, Ilim - meripetni qedirleydu we hörmetleydu, Yëngiliqqa intilidu, Japa - musheqqettin zarlanmaydu, Belki öz eqil parasiti we küchige tayinip bexitlik turmush yaritish rohi üstün.

    atush uyghurliri öz ara öz ara inaq we ittipaq yashaydu, Qeyerde olturaqlishishidin qetiynezer, Özara izdiship bir - birige yardem bëridu we eqil körsitidu. yoqsullirigha xeyr - xahliq qilidu.

    tijaret we soda sëtiqqa kamilliqi, Sözde mulayim we chiwerliki, Öz ishigha puxtiliqi, Kemterliki we singishchanliqi, Aldin körerliki qatarliq alametler atush uyghurlirini xaraktërleydighan tüp alametlerdur.

    aqsu uyghurliri

    aqsu uyghurliri aqpishmaq, Emma sel - pel bughday önglük këlidu hemde bëshi yumilaq, Yüzi keng we göshlük, Chachliri qaramtul we dolqunsiman, Qoy közlük we arilashma közlük, Lëkin yuqiri qapiqining qëti chong, Saqal - burutliri otturahal, Burni adette kengrek we tüz, Pëshanisi keng bolidu.

    aqsu uyghurliri xaraktër jehettin toghra (tüz), Addiy - sadda, Yuwash, Mulayim, Kemter, Shükrichan xelqtur. dëhqanliri köp, Hünerwer kasipliri az, Soda tijaretke anche qiziqmaydu. hüner - kesip we tijaret bilen shughullinidighanlarning köpchilikini bashqa sheherlerdin kelgenler teshkil qilidu. dëqanliri aqköngül we mëhmandost bolup, Pulgha anche hërismen emes. ular senetxumar bolup, Er - ayal topliship meshrep oynashqa adetlen'gen.

    aqsu uyghurliri baghwenchilikke alahide ëtibar bëridu. shunga aqsu muhiti güzel, Bükbaraqsan sheher bolup, Ëlimiz boyiche uzun ömür köridighanlarning mutleq köpchiliki mana shu aqsu teweside yashaydighan uyghurlardur.

    turpan uyghurliri

    turpan qedimiy sheher bolup, Qedimki «idiqut» uyghurlirining merkizi hësablinidu. turpan uyghurliri qiyapet jehettin sarghuch önglük, Bash söngiki yumilaqqa mayil, Ëgiz boy, Gewdilik, Burni yapilaqraq hem qëlinraq burun töshükliri sel chongraq köndüleng shekilde, Yüzliri keng, Yüzining das söngiki körünerlik. qaramtul, Emma kichikrek (chëqir köz), Qapiqi göshlük, Chachliri tüz we qara, Saqal - burutliri shalang bolushtek alahidiliki bilen xaraktërlinidu.

    turpan uyghurliri rast qolluq, Rast sözlük, Tüz köngül, Hiyle - mikir we xiyaniti yoq, Eqide - ixlasliri sap, Sözliri qopallraq bolsimu, Köksi - qarni keng, Özara adawet saqlimaydighan, Artuqche tekellüpni xalimaydighan, Eqidisi küchlük xoshpëël xelqtur.

    turpanning hawasi issiq, Kilimati qurghaq, Süyi kem bolghachqa turpan uyghurliri kariz süyige tayinip dëhqanchiliq we baghwenchilik bilen hayat kechüridu.

    turpan uyghurliri emgekchan we batur xelq bolup, Qiynchiliqtin qorqmaydu. emma dëhqanchiliqtin bashqa hüner - kesipke anche kamil emes, Soda - tijaretkimu anche qiziqmaydu.

    korla uyghurliri

    korla uyghurlirining itnik terkibi bir qeder murekkep bolup, Lopnur uyghurliri yerlik irqi alahidilik jehettin wekillik xaraktërige ige. ular sarghuch önglük, Bëshi yumilaqraq, Boyi otturahal, Bestlik, Yüzining das söngiki chongraq, Burni tüz, Qëlinraq, Burun töshükliri sel chongraq, Yüzliri qisqa, Keng, Chachliri tüz we qoyuq, Köz qarichuqi qara, Qapiqi tar emma qëlinraq, Saqal - burutliri otturhal bolushtek alahidilik bilen xaraktërlinidu. korla shehiri we uninggha yëqin rayonlardiki uyghurlar qiyapet jehettin aqsu, Kuchar uyghurlirigha asasen oxshaydu.

    korla uyghurliri aqköngül, Rast sözlük, Mulayim, Köksi - qarni keng, Hiyle - mikirsiz, Izzet - ëkramliq bolup, Dëhqanchiliq bilen turmush kechüridu. lopnur etrapdikiler charwichiliq, Owchiliq, Bëliqchiliqni asas qilip kelgen bolup, Addiy - sadda yashashqa adetlen'gen, Hüner - kesip, Soda - tijaret bilen shughullanmighan.

    qomul uyghurliri

    qumul tarixtin buyan uyghurlarning qedimki ana yurtliridin biri.

    qomul uyghurliri emgekchan, Batur, Eqil - parasetlik, Aqköngül, Kemter, Xushpël, Siliq - sipaye, Öm - inaq, Mëhmandost, Oyun - chaqchaq, Naxsha - ussulgha hërismen bolushtek xaraktirige ige. shuning üchün bu rayon «biri buliqi, Biri xulqi yaxshi» dep teriplinidu.

    qumul uyghurliri qiyapet jehettin aq emma sel - pel bughday önglük, Ottura boyluqtin töwenrek, Burni adette kengrek we tüz, Yangaq söngiki keng, Chachliri sel tüz, Qongur, Anche qoyuq emes, Qoy közlük we arilashma közlük, Lëkin yuqiri qapiqining qëti chong, Köz oqliri sel - pel chëqir, Pëshanisi sel tarraq, Saqal - buruti shalang (kosa), Bëshi sel soqichaqraq (xrokifal) bolushtek alahidilikler bilen xaraktërlinidu.

    ili uyghurliri

    ili uyghurliri asasen tëriqchiliq we charwichiliq bilen shughullinidu. bu rayon shinjangning ashliq ambarliridin biri sanilidu.

    ili uyghurlri emgekchan, Eqil - parasetlik, Batur, Rohluq, Tëtik, Xush chaqchaq, Keng qorsaq, Sözmen, Yumurgha bay, Pakiz tebietlik, Ëlim - bërimgha mahir, Mëhmandost, Salam - saetlik, Yürüsh - turushi retlik we salapetlik, Naxsha - muzikigha hërismen, Medeniyet söyer bolushtek alahidilikler bilen xaraktërlinidu.

    tarixta ili uyghurlirining qoshna eller bilen bardi - keldi munasiwiti qoyuq bolghan. shu sewebtin ili uyghurliri medeniyet jehette bashqa rayonlargha qarighanda burunraq oyghan'ghan. bu rayon belgilik iqtisadiy ewzellikke ige bolghachqa türlük xelqler uchriship turidighan tipik bir rayon'gha aylan'ghan. esli yerlik ili uyghurlirining antropologiyilik tipi torkoidlar irqigha mensup bolup, U yawroidliq bilen mongghuloidliqning oxshimighan nisbettiki arilashmisidin shekillen'gen. jungghar xanliqi dewride jenubiy shinjangdin ili rayonigha köpligen uyghurlar köchüp barghan bolup, Ular tebiiyki qeshqer, Xoten uyghurlirining qiyapet xaraktërige ige.

    reweydulla hemdulla, Abdukërim rehman, Shërip xushtar tüzgen: << uyghurlarning örp - adetliri >> digen kitaptin