*ikki kishlik ilenggüch

    qirghiz qizliri yaxshi köridighan oyun paaliyetlirining biri. buningda ëgizliki üch mëtir këlidighan üch burjeklik tirekning otturisida üch tal arghamcha baghlinidu. bir qëtimda ikki adem arghamchigha chiqip otturidiki arghamchini dessep udulmu udul turidu hemde her birining bëli ikki yandiki birdin arghamchigha yölinip, Ikki qolini kërip arghamchini tutup uchushqa teyyarlinidu.

    *at üstide tengge ëlish

    qirghizlarning eneniwi at üsti tenheriketlirining biri. bu musabiqe kengri we tüz meydanda ötküzülidu, Meydanning otturisigha bir tüz siziq sizilip, Siziq üstige her 10 mëtir ariliqqa kengliki 15 santimëtir, Chongqurluqi 10 santimëtirliq qol patqudek üch orek kolinidu. bu oreklerge her xil tenggiler sëlip qoyulidu. musabiqige qatnashquchilar orektin 50 mëtirche yiraqliqtin at chapturup këlip, At üstidin ëngiship turup tenggini alidu, Ëliwalghuchilar mukapatlinidu.

    * üzük chishlesh

    qirghizlarning uzaq tarixqa ige qiziqarliq eneniwi oyunining biri. bu oyunda bir dane üzük tekshi yerge qoyulidu, Oyun'gha qatnashquchi ikki put ariliqini 80 santimëtir ëchip, Ikki qolini bëlige tirep yaki keynige qilip tik turidu, Andin ikki tizini egmey ëngiship yerge qoyulghan üzükni aghzi bilen chishlep ëlip esliy qiyapitige qaytidu.

    * böre-qotan oyuni

    qirghiz yash-ösmürlirining charwichiliq hayatidiki rëal turmushning mezmunigha teqlid qilip ijad qilin'ghan eneniwi oyun türlirining biri. bu oyunda bir top balilar yerge chember sizip «qotan» yasaydu we uning ichige tumaq, Chapanlirini qalaymighan tashlaydu (bu qoygha temsil qilin'ghan), «böre» bolghuchilar «qotan» gha hujum qilip, «qoy» din birerini ëlip qachalisa ghelbe qilidu.

    * aydingda yügürüsh musabiqisi

    ayding këchide ötküzülidu. buninggha peqet ayallarla qatnishidu. bu oyun üch xil türde ëlip bërilidu.