‹‹etken chay teyyar boldi, Göshmu pishti, Mëhmanlar qëni këlinglar!›› dëdi 2013 – yili 25 – iyul burchin nahiyesi ëgiztöbe axkünggeyti yayliqidiki bestlik yigit raxat abduqadir bir yaqtin xëridarlarni chaqirip, Yene bir yaqtin mëhmanlarni kütkech.

    axkünggeyti burchin ayrodurumigha sekkiz kilomëtir këlidighan, ‹‹muhiti sap alem›› dep nam alghan qanasqa tutishidighan yol üstige jaylashqan.

    bu yerdiki yay shekillik üch qurulushni yëshilliq orap turidu. altay wilayetlik sayahet idarisining bashliqi shi fachyang tonushturup mundaq dëdi: ‹‹bu jay yëngidin quruluwatqan ‹‹qazaq milliy örp – adet medeniyet baghchisi›› bolup, Bu yerge jemiy 26 milyon yüen meblegh sëlindi. 2014 – yili qurulushni tamamlash pilanlandi. bu qurulushqa raxat meblegh saldi, Bu wilayitimizdiki sayahet türige shexsiy meblegh salghan eng chong tür››.

    buningdin 20 nechche yil ilgiri, Raxat shinjang uniwërsitëtini pütküzgendin këyin, Küytün shehiride oqutquchi bolup, 2004 – yili kësel sewebidin dem ëlishqa chiqip, Yurtigha qaytip këlip, Döletning sirtqa yüzlen'gen iqtisadning tereqqiyatini qollash siyasitining ilhami bilen, Altay chëgra ëghizining ewzellikidin paydilinip, Tashqi soda ishliri bilen shughullinip we sodisini barghansëri këngeytip, Shu yerdiki dangliq qazaq karxanichi bolup qaldi.

    yillardin buyan, Aptonom rayonimiz sayahetchilikni zor küch bilen tereqqiy qildurup, Altay wilayitini xelqaraliq ësil sayahet rayoni, Yeni ‹‹shinjangning mëhman qobulxanisi›› qilip qurup chiqishni otturigha qoydi; altay wilayiti özining yaxshi ëkologiyelik sharaiti we gumantarliq jehettiki ewzellikige tayinip, Yuqiri süpetlik ‹‹altay ming chaqirimliq sayahet karidori››ni omumyüzlük qurup chiqti.

    raxat yurtidiki chong özgirishlerdin ilhamlinip, Yurtidiki güzel yaylaq, Özgiche yaylaq medeniyiti, Qazaq millitining örp – adetliri, Sayahetchilikni tereqqiy qildurush istiqbalining cheksiz ikenlikini nezerde tutup, 2012 – yili sayahetchilikke meblegh sëlishni qarar qildi.

    raxat muxbirgha anche yiraq bolmighan yerdiki qurulushni körsitip turup mundaq dëdi: 500 mo yerdiki ‹‹qazaq milliy örp – adet medeniyet baghchisi›› menzire rayoni we turmush rayoni, Dep ikkige ayrilghan. bu yer altay tagh yayliqi, Süyi elwek, Qoy – kalilar sëmiz, Yaylaq menzirisi güzel, Qarliq tagh, Yapyëshil yaylaq, Yene balbalmu bar. qazaq milliy örp – aditini köridighan yaxshi jay. shunga, Omumiy layihe tebiet bilen birleshtürüsh asasida tüzüldi. qoyning yanpishigha oxshash tash yaylaq millet alahidilikini namayan qilip, Belge xaraktërlik qurulushqa aylinip, Kishining diqqitini alahide tartidu.

    ‹‹qazaq milliy örp – adet medeniyet baghchisi››da yung qirqish, Kigiz bësish, Gilem toqush, Inek sëghish, Pishlaq pishurush, Oghlaq tartish, At beygisi, Qiz quwar qatarliq qazaq milliy örp – adetliri namayan qilinidiken.

    yëshil menzirigah qurulushining ölchimi boyiche, Medeniyet baghchisining muhit asrash qurulushigha 2 milyon yüendin artuq meblegh sëliniptu. aptonom rayonning türlerni qollishi arqisida, Yene besh yultuzluq sayahet hajetxanisi we paskina sularni bir terep qilish kölchiki yasilidiken.

    ‹‹hökümetmu zor küch bilen qollidi. 2013 – yili 6 – ayda altay wilayitining 18 – nöwetlik aqinlar ëytishishining bashlinish murasimi mushu yerde ötküzüldi. qazaqistandin kelgen dangliq naxshichilarmu mushu yerde naxsha ëytti. qazaq milliy örp – adet medeniyiti medeniyet sayahiti arqiliq bazarlashti››, Dëdi burchin nahiyelik partkomning muawin shujisi dëng shixung toluqlap.

    ‹‹men axkünggeyti yayliqida tughulghan, Yurtum üchün birer ish qilip bermisem bolmaydu, Medeniyet baghchisida 150 adem ishlitishni pilanlidim. 2013 – yili toluq ottura, Ottura tëxnikomdin yuqiri oqush tarixigha ige 40 yashni tallap, Küytün sheherlik qollinishchan kespiy tëxnika mektipige terbiyeleshke ewettim, Nishanim memliket boyiche aldinqi qatardiki örp – adet, Medeniyet baghchisi qurup chiqish; meqsitim qazaq charwichilirining tughulghandin tartip ösüp yëtilish jeryanini namayan qilish arqiliq, Tëximu köp junggoluq we chet ellik sayahetchilerge altayning qazaq medeniyiti we yaylaq medeniyitini chüshendürüsh››, Dëdi raxat özige ishen'gen halda.

    baha: milliy örp – adet medeniyiti muhim sayahet bayliqi. ‹‹taghliri altun, Suliri kömüsh››, Dep nam alghan altay wilayiti milliy örp – adet toplan'ghan jay. yurtining yayliqidin paydilinip milliy örp – adet medeniyitini namayan qilip, Nam chiqirip, ‹‹altay ming chaqirimliq sayahet karidori›› qurulushigha tëximu hösin qoshush üchün, Raxat ‹‹qazaq milliy örp – adet medeniyet baghchisi››ni qurushqa köp ejir singdürgen.

    aptonom rayonimizdiki milletlerning örp – adet medeniyitini ilgiri shu milletning özila biletti, Hazir nami yiraq – yëqin'gha tarqaldi. hökümet zor küch bilen yëtekchilik qilghachqa, Raxattek chong ishlarni könglige pükken kishiler bolghachqa, Milliy örp – adet medeniyitini tarqitish we sayahet arqiliq iqtisadni janlandurushta qosh ünüm hasil qilindi, Elwette.