qama telpek 9 – ay mezgilde tutulghan tülke yaki qunduz tërisini xam eshya qilip tikilidu. chünki bu waqitta tülke we qunduzning yëngidin ösüp chiqqan tükliri parqiraq haletke këlidu. mushu waqtida tutulghan tülke yaki qunduzning tëriside andin qama telpek tikishke bolidu.

    qama telpek nepis, Yarishimliq tikilidighan bolghachqa, Aldi bilen bay aililerning xotun – qizliri arisida omumlashqan. ular qama telpekni bayliqning, Yuqiri mertiwining, Abruyning simwoli süpitide kiygen. 20 – esirning 60 – yillirining bëshighiche uyghur toylirida yigit terep qizgha toyluq mal qatarida mexsus qama telpek alatti. qizlar etles könglek, Qama telpek kiyip jamaetning aldigha chiqatti. uningdin bashqa uyghur xotun – qizliri hëyt – ayem, Toy, Meshrep, Noruz qatarliq xushalliq künlerde qama telpek kiyishni adetke aylandurghan.

    hazir qama telpek istëmaldin qalghan yaki hazirqi dewr bash kiyimliri ichide modidin qalghanmu emes, Peqet bir mezgil kiyish untulup qalghan xalas. emeliyette qama telpek uyghur ayallirining eneniwi bash kiyimi bolup, Tolimu chirayliq, Yarishimliq bolghachqa, Ayallargha güzellik, Salapet bëghishlaydu.

    