böshük uyghurlarning bala bëqishta kem bolsa bolmaydighan alahide ijadiyiti. herbir uyghur ailiside birer böshük kem bolmaydu.

     böshük pütünley qolda yasilidu, Yasilishi addiy, Adette reng bërilmeydu. hazir gerche böshükler yenila yaghachtin yasalsimu emma hüner-senet jehettin intayin ehmiyet bërilip, Xuddiy bir senet boyumigha oxshash nepis yasilidighan boldi. böshükler adette ëgizliki 60 santimëtir, Uzunluqi bir mëtir, Kenglingi 40 santimëtir qilip yasilidu, Nepis bëzilidu. böshük gewdisi we putigha herxil güller chiqirilip, Herxil renglerde boyilidu.

 
     böshükler muqim bolghan yay shekillik yaghach üstige orunlashturulghanliqtin, Ikki terepke tewretkili bolidu. böshükke sëlip tewretse bowaqlarmu asan uxlaydu. böshüklerge anining bowiqigha bolghan mëhri singidu, Dep qarilidu, Uyghurlarda yene bezi yëngi sheyilerning tunji barliqqa kelgen we zorayghan jaylirini böshük dep ataydighan adetliri bar.

     uyghur ayallar yenggigendin këyin adette 5 kündin yette kün'giche bolghanda, Balini böshükke salidu, Yenggip 40 kün'giche adette sirtqa chiqmaydu hemde balinimu yat ademlerge körsetmeydu. bala tughulup 40-küni bolghanda, Balining böshük toyi dep atilidighan aile murasimi qilinip, Baligha bext tilinidu.

    jenubiy shinjang tereplerde, Böshük toyi bolghanda dost buraderlerni chaqirghandin bashqa yene 40 neper balini chaqirip, Balilargha mol tamaqlarni we kichik sowghat, Tort-pëchine, Kempütlerni bëridu. yene yashta chongraq, Hörmetke sazawer, Tëni saghlam, Perzentliri tel, Yoldishi saghlam ayallarni teklip qilip balini yuyundurup, Tirniqini ëlip, Böshüktiki bowaqqqa bext tileydu. kishiler bundaq ayallar yuyundursa, Balilar we bu ailige bext këlidu, Dep qaraydu.