junggo islam dini jemiyitining muawin bashliqi, Qoshumche bash katipi go chëngjënni ziyaret

    shi shin

    junggo islam dini jemiyitining muawin bashliqi, Qoshumche bash katipi go chëngjën yëqinda ziyaritimni qobul qilghanda mundaq dëdi: hazir yaman niyettiki intayin az sandiki kishiler tinchliqni bayraq, Allahqa ëtiqad, Itaet qilishni shoar qilip, Islamni gheyriy musulman'gha öchmenlik qilish, Bashqa dindikilerni öltürüsh bilen birleshtürüp, Heq – naheqni bilmigen kishilerni bigunah ammining hayatigha ziyan yetküzüshke küshkürtüwatidu, Ular ëtiqadta qaymuqqan, Islam rohigha xilapliq qilghan.

    go chëngjën chüshendürüp mundaq dëdi: ‹‹musulman bolmighanlarni öltürgenler jennetke kiridu››, Dëgen bu sepsete islam dinidiki ‹‹heq yolgha qarshiliq körsetken düshmenlerge hujum qilishta qurban bolghan shëhitler udul jennetke kiridu››, Dëgen butoghra uqumdin ‹‹qarshiliq körsetken düshmenlerge hujum qilish››ni chiqiriwëtip, Hem ‹‹düshmen›› dëgen bu sözni ‹‹musulman bolmighanlar››gha özgertiwalghan, Netijide ‹‹düshmen›› bilen ‹‹musulman bolmighanlar››ni arilashturuwëlip, Qarshiliq körsetkenlerge hujum qilishni bigunahlarni öltürüshke özgertip, Islam dinidiki teshebbuslarni pütünley özgertip burmilap, Rehimsiz, Chëkidin ashqan qilmishlarni otturahal yol tutidighan, Sewrchan bolidighan heriketlerning ornigha dessetken.

    ‹‹emeliyette, Musulmanlarningmu nurghun musulman emes dosti, Qoshnisi, Hemkarliq shëriki bolidu, Ular düshmen emes. shunga biz bu esebiylik idiyesini islam dinigha yat deymiz, U islam teshebbusidiki islamning tinch, Keng qorsaq, Otturahal yol tutush dëgen rohiy mezmunini nezerdin saqit qilghan, Bu teshebbusta islam rohi mewjut emes, Shunga u peqet islam dini bayriqini kötürüwalghan bir xil nadanliq xalas››.

    go chëngjën mundaq dëdi: dini eqide, Nezeriye jehettin qarighanda, Islam dinida esebiylik idiyesi, Tërrorluq mezmunliri qetiy yoq. eksiche, Islam dini muqeddes eserliride esebiylik, Tërrorluqqa qarshi mezmunlar bar. islam dini bigunahlarni öltürüshke, Hetta özini öltürüwëlishkimu qarshi turidu. ‹‹quran kerim››de: bir ademni öltürse, Hemmini öltürgendek gunah bolidu, Bir ademni qutquzsa hemmisini qutquzghandek sawab bolidu, Dep qeyt qilin'ghan. ‹‹quran kerim››de yene mundaq dëyilgen: ‹‹siler özünglarni (bir – biringlarni) öltürüwalmanglar, Allah silerge heqiqeten mëhribandur, Chünki kimiki chektin ëship, Heqtin chetnep ketken bu ishlarni qilidiken, Uni dozaxqa kirgüzimen...››. ‹‹quran kerim›› diki yuqiriqi eqidilerdin shuni biliwalalaymizki, Islam dini tërrorchiliq emes, ‹‹musulman bolmighanlarni öltürgenler jennetke kiridu›› dëgen esebiylik, Tërrorluq idiyeliri bilen pütünley zit, Tërrorchilarning bigunahlarni öltürüp, Özini öltürüwëlish shekli bilen hujum qilishi islam dini eqidiliri, Qaidiliride yol qoyulmaydu.

    go chëngjën chüshendürüp mundaq dëdi: islam dini atalghusidiki ‹‹jihad››ning menisi ‹‹toghra yolda küresh qilish››tin ibaret. konkrët mezmuni ikki chong terepte ipadilinidu, Biri, Kichik jihad, Hujumgha uchrighanda, Düshmenlerge qarshiliq körsitidighan hujum; ikkinchisi, Chong jihad, Özining shexsiy xahishi bilen küresh qilish. shunga esebiy idiyedikiler ëyqan ‹‹jihad›› bashqa dindikiler bilen ghazat qilish, Jihad idiyesini kem dëgendimu töwendiki töt jehette burmilighan, Birinchi, Jihadning esliy menisi jeng qilish emes, ‹‹küresh qilish›› ikenliki sözlenmigen; ikkinchi, Chong jihad toghriliq we özining shexsiy xahishi bilen küresh qilish toghriliq sözlenmigen; üchinchi, Kichik jihadtiki ‹‹hujumgha qarshiliq körsitish›› dëgenni burmilap, Bashqilargha hujum qilip öltürüsh, Dep özgertken; tötinchi, ‹‹düshmenlerge qarshiliq körsitish››tiki ‹‹düshmen››ni ‹‹musulman bolmighanlar››gha özgertken.

    go chëngjën mundaq dëdi: ‹‹köpchilik islam dinining ezeldin allahgha ishinidighan din ikenlikini bilimiz. lëkin nurghun diniy eqide, Qaide we nurghun bilimni chüshen'gendila, Andin nëmining allahgha ishinish ikenlikini bileleymiz. peqet ëtiqadla bolup bilim bolmisa, Heq ëtiqad, Toghra herikette bolush teske chüshidu. mëningche heq ëtiqadtiki eng muhim dini qaidining biri islam dini tinchliqni tekitleydighan din, Tinichliqni qoghlishishtin ayrilip, Bashqilargha ghezeplinish, Rehimsizlik qilish islam emes, Belki jahalet. allahgha ishinish yaki ishenmeslik, Islam yolida heqiqiy mëngip, Jahaletni tashlighan yaki tashlimighanliqi, Yüzeki jehettin namaz oqughan yaki oqumighanliqqa qaralsimu, Lëkin chongqur qatlamdin ëlip ëytqanda, Tinchliqni söyidighan yaki söymeydighanliqi, Uruq, Qebile, Mezhepchilikni tashlighan – tashlimighanliqigha, Pütkül insaniyetning ittipaqliqi, Dostluqigha ehmiyet bergen – bermigenlikige qarilidu››.

    go chëngjën musulmanlarning islam bayriqini kötürüwëlip, Islam rohini burmilaydighan esebiylikke qarita, Gheyriy musulmanliqning mahiyitini heqiqiy tonup, Uningdin yiraq turushni ümid qildi. u: esebiylerche öltürüsh allahning mëhribanliqi, Süpitige yattur. allahning shepqiti we iradisige hörmet bildürüsh bolmisa, Jahalettin ayrilghili bolmaydu, Biz musulmanlar jezmen jahalettin yiraq turghan chëghimizdila, Islamgha heqiqiy kireleymiz, Dëdi. 