amërika: töt yilliq tüzümdiki toluq kursta oquydighanlarning oqush ras'hoti xelq puli hësabida 550 ming yüendin 1 milyon 500 ming yüen'giche bolidu. amërikigha oqushqa chiqqanlarning asasliq chiqimi oqush heqqi, Yataq, Turmush ras'hoti we bashqa qoshumche ras'hotlarni öz ichige alidu. oqush heqqi jehette soda instituti, Qanun instituti, Tëbbiy institutining eng yuqiri bolup, Yiligha turmush ras'hoti we bashqa qoshumche ras'hotlar qoshulup 60 ming dollar etrapida bolidu.

    en'gliye: üch yilliq tüzümdiki toluq kursta oquydighanlarning oqush ras'hoti 510 ming yüendin 750 ming yüen'giche bolidu, Dangliq mekteplerning oqush heqqi adettiki mekteplerningkidin azraq yuqiri.

    kanada: töt yilliq tüzümdiki toluq kursta oquydighanlarning oqush ras'hoti 600ming yüendin 880 ming yüen'giche bolidu, Buning ichide her yilliq oqush puli 80ming yüendin 140ming yüen'giche bolup, Turmush ras'hotigha texminen 70 ming yüen këtidu.

    awstraliye: töt yilliq tüzümdiki toluq kursta oquydighanlarning oqush ras'hoti 600ming yüendin 840 ming yüen'giche bolidu. dangliq aliy mekteplerning oqush ras'hoti bir qeder yuqiri. awstraliye hökümiti istudëntlarning ishlep pul tëpishigha ruxset qilghachqa, Istudëntlar ishlep turmush qoshumche ras'hotini ghemlise bolidu.

    yaponiye: toluq kursta oqush üchün yiligha texminen 150 ming yüen xelq puli këtidu, Oqushqa kirgen 1– mewsumde oqush ras'hotidin bashqa yene tizimlitish heqqi, Oqushqa kirish fondi, Qoshumche ras'hot qatarliqlar tapshurulidighan bolghachqa, Birinchi yilining oqush ras'hoti këyinki üch yilgha qarighanda %30 etrapida yuqiri bolidu. turmush ras'hoti üchün yiligha 60–70ming yüen xelq puli serp qilinidu.

    aile iqtisadiy alahide yaxshi bolmighan oqughuchilargha nisbeten korëye, Rusiyede oqush eng muwapiq. bu döletlerning bir yilliq oqush we turmush ras'hoti 40–50 ming yüen; firansiyening hökümet qarimiqidiki aliy mekteplerning oqush puli kechürüm qilinipla qalmay yene bir qisim yardem puli bilen teminleydu, Ularning töt yilliq omumiy ras'hoti en'gliye, Amërika qatarliq döletlerning bir yilliq ras'hotigha teng këlidu; italiyening hökümet qarimiqidiki aliy mekteplirimu heqsiz bolup, Bir yilliq turmush ras'hotigha texminen 40 ming yüen këtidu; gollandiye hökümiti junggoluq oqughuchilarning oqush ras'hotini belgilik derijide kechürüm qilghan, Gollandiyening turmush ras'hoti bir qeder töwen, Otturiche yiligha 70 ming yüen këtidu.

    muhemmet qadir terjimisi

    