haytida jadugerlik we ilahiy sëhriy küch asas qilinidighan wudu (Voodoo) dini yerliktik ikki chong hökümet ëtiqad qilidighan dinlarning biri . haytida ishchi-xizmetchiler her yili wudu bayrimini tebriklesh üchün bir kün dem ëlishqa qoyup bërilidu .

    Voodoo — ‹‹jin-sheytan , Roh , Pir›› dëgen menini bildüridu . eslide bu sirliq din gherbiy afriqidiki gana qatarliq jaylarda tarqilip yürgen . 16-esirde , Hayti firansiyening mustemlikisige aylinip qalidu , Firansiyening aq tenlik mustemlikichiliri afriqidiki nurghun nëgir qulni haytigha sëtish bilen bir waqitta , Afriqida ‹‹moda›› bolghan iptidaiy dinnimu haytigha ëlip këlidu , Këyinche , Bu afriqidiki nëgir qullar rim katolik dinidiki nurghun murekkep murasimlarni yerliktiki din'gha arilashturup , Sirliq , Ghelite , Ademning qorqqusi këlidighan wudu dinini meydan'gha keltüridu.

    haytining yilliq tebriklesh murasimida nurghun wudu murtliri asasen yalingach halette sharqiratma astida yuyunidu . ular bundaq qilsa gunahliri yuyunup paklinidighanliqigha , Shundaqla këler yili ametlik , Saghlam boludighanliqigha ishinidu. nurghun haytiliqlar yene wudu dinidikilerning depne murasimigha qatnashmisa, Apetke duchar bolidighanliqimu qetiy ishinidu.

  haytidiki wudu dini yene yerlik xelqning turmushigha , Medeniyet örp-aditige chongqur tesir körsetken, Yerlik hökümetler chong murasimlarni ötküzgen waqitta katolik dini we wudu dinidikilerni chaqirtip tilek tiletküzidu.

    bu din: barliq mewjut sheyiler peqet bir xil tashqi qiyapet , Uning arqisida yene eng muhim rohiy küch heriket qilidu , Bu roh dunyasini ‹‹ligba (Ligba)›› isimlik ilah bashquridu , Buningdin bashqa, Ölüsh, Tughulush, Muhebbetlishish , Kündeshlik we öch ëlishni ayrim-ayrim ilahlar bashquridu, Jaduger, Pirixunlar bolsa adem bilen ilahni uchrashturghuchilar, Dep qaraydu .

    wudu dini murasimida kishining tënini eng shürkendüridighini ‹‹tirilgen murda ›› peyda qilishtur . anglashlargha qarighanda, Bir qiism pirixunlar tirik ademge epsun oqup uni öltürüp , Arqidin yene epsun oqup ularning rohini qayturup këlip , Ularni sëzimi yoq , Idiyesi qamal qilin'ghan , Emma ish qilalaydighan ‹‹tirik murda ››gha aylandurup qoyidiken, Bundaq ‹‹ tirilgen murda ›› lar igisining buyruqi boyiche ish qilidighan bolup, Menggü shundaq ishlitilidiken.

    1930-yili, Firansiyelik bir antropologist haytida tekshürüp tetqiq qiliwatqanda töt er kishini uchratqan . u ‹‹ular kanap taghardin tikilgen kona , Juldur kiyimlerni kiyiwaptu , Ularning ikki qoli maghdursiz , Jansiz halda ikki yanda sanggilap turatti , Yüz we qolida et yoq dëgüdek bolup, Tërisi tëre qeghezdek söngeklirige chaplishipla turatti ›› dëgen . këyinche u bularning ‹‹ tirilgen murda ›› lar ikenlikini bilgen .

    1982-yili, Amërikidiki bir gëzit bu heqte bir xewer basqan : nashis isimlik bir nëgir 1962-yili tuyuqsiz kësel bolup yëtip qalghan , Këyin u xire-shire halda özining depne qiliniwatqanliqini hës qilghan , Këyin yene ikki qoli baghlinip bir dëhqanchiliq meydanigha apirilip , Özi bilen teqdirdash 100 din artuq ademni körgen we ular bilen bille ishleshke mejburlan'ghan . bir küni bashqurghuchi uninggha dora yëgüzüshni untup qalghanda , U ësini tëpip, Qëchip ketken . öyige kelgende bolsa on nechche yildin buyan uni ölüp ketti, Dep yürgen yurtdashliri qattiq chöchüp këtishken.

   undaqta, Jadugerler qandaq qilip tirik ademni epsun bilen öltürüp , Yene uni epsun bilen tirildüridu hem uni tizginlep turidu ? bu heqte xarward uniwërsitëtining bir mutexessisi dangliq bir doklat yazidu we doklatida:‹‹epsun oquluwatqanda ölgüchi ‹choqum ölüp këtimen› dep oylap ziyade qorqup ketkechke, Rohiy jehette ëghir zerbige uchraydu, Qan aylinishliri toxtap, Asasliq ezalirigha oksigën yëtishmey iqtidarini yoqitidu, Belkim mushu sewebtin ölüp këtishi mumkin›› dëgen. ölükni tirildürüsh heqqide bezi kishiler:‹‹belkim ular heqiqiy ölmigen, Hoshidin ketken bolushi mumkin›› dep qarighan. emma, Bu ‹‹tirilgen murda››larning shu halette igisi teripidin qandaq tizginlinip turidighanliqi heqqide tëxi hëchkim birer ilmiy jawabqa ërishelmigen.

    wudu dinining nurghun qorqunuchluq murasimliri bar bolsimu, 2006-yili hayti hökümiti bu dinni hökümet dini dep belgiligen, Shuning bilen bu sirliq din axbarat wasitilirining muhim xewerler bëtige bësilghan.

c )H9GiX0NXh#L7Tdd^PKv08OH3*Ge

$o