aptonom rayonimiz köp milletlik rayon bolghachqa, Partiyening fangjën – siyasetlirini yetküzüsh we izchillashturush, Iqtisadiy we ijtimaiy tereqqiyatni ilgiri sürüsh, Pen – tëxnika, Medeniyet almashturush ishlirida axbarat terjimisi muhim rol oynaydu. axbarat terjimisining siyasiyliqi, Waqitchanliqi bir qeder küchlük, Chëtilish dairisi bir qeder keng bolghachqa, Terjimanlardin estayidilliqni, Terjimining waqtida, Toghra, Tëz bolushini, Terjimanlarning bilim dairisining keng bolushini telep qilidu. mëningche, Axbarat terjimiside töwendiki nuqtilargha alahide diqqet qilish kërek:

    birinchi, Qisqartilghan sözlerning terjimisige alahide diqqet qilish kërek. addiy hem ixcham bolush xenzu tilidiki sözlüklerning alahidilikliridin biri bolup, Xenzu tilidiki qisqartilghan sözlerni uyghurchigha terjime qilishta toghra bolush telep qilinidu. adette xenzu tilidiki qisqartilghan sözler shu söz bölikidiki bir yaki bir nechche xetni ëlish arqiliq yasilidu. mesilen: 普 – senshi ölkisi, 沪 – shang'hey shehiri, 豫 – xënen ölkisi, 津 – tyenjin shehiri, 党工农 (junggo dëhqan – ishchilar dëmokratik partiyesi)ning qisqartip ëlinishi bolup, Terjimanlar terjime qilishtin burun aldi bilen bu qisqartilghan sözlerning menisini obdan chüshiniwëlishi, Qisqartilghan sözlerning jümlidiki asasiy mezmunini mentiqliq pikir yürgüzgen asasta toghra terjime qilishi kërek.

    ikkinchi, In'glizche sözlerning tunji heripini ëlish arqiliq qisqartilghan sözlerning terjimisige alahide diqqet qilish kërek. yer shari iqtisadining bir gewdilishish qedimining tëzlishishi, Alaqe torining omumyüzlük qaplinishigha egiship, Axbarat wasitiliride in'glizche herptin paydilinip yasalghan bir qisim sözler barliqqa keldi. mesilen: ‹‹GDP›› (milliy ishlepchiqirish omumiy qimmiti), OPEC(nëfit ëksport qilghuchi döletler) qatarliqlar. bu sözler addiy, Qollinishqa eplik bolushtek alahidilikke ige bolsimu, Emma xelqning medeniyet sewiyeside perq bolghachqa, Qisqartilghan sözlerni hemme kishining chüshinip këtishi natayin. shunga, Oqurmenlerning chüshinishige ongay bolushi üchün, Qisqartilghan sözlerni toluq mezmuni boyiche terjime qilish kërek.

    üchinchi, Xenzuche familining terjimisige diqqet qilish kërek. xenzuche famile adette bir xetlik, Ikki xetlik we uningdin köp bolidu, Uning üstige bezi xenzuche xetlerning shekli oxshiship ketkechke, Ongayla xata oqup, Xata terjime qilidighan ehwallar körülüp qalidu. shunga, Terjimanlar famile terjimisige alahide diqqet qilishi kërek. shuning bilen bille, Terjimanlar yëngi söz – atalghularning terjimisigimu alahide diqqet qilishi kërek. hazir axbarat terjimiside yëngi söz – atalghular we kespiy atalghular barghansiri köpiyip, Terjime qilinidighan mezmunlar barghansëri yëngilinip bëriwatidu, Emma bu heqte paydilan'ghudek qoral kitab yoq dëyerlik. bundaq ehwalda terjimanlar lughet aqturush, Sorash, Tor qatarliq wasitilerdin paydilinip köp tereplime izdinip, Toghra, Chüshinishlik qilip terjime qilish üchün izdinishi kërek.

    tötinchi, Terjime jeryanida sözlerning yekke menisini toghra terjime qilish kërek. terjimanlar axbarat terjimiside yekke sözlerning esli tildiki lughet menisi bilen xelq arisidiki istëmal menisini, Tarixiy dewrlerdiki meniliri, Rayonlar ara istëmal menisi we shëwe menisini toluq chüshiniwëlishi kërek. shuning bilen bille, Chet el kishi isimliri we yer jay namlirini terjime qilishta estayidil bolup, Sözlerning mahiyetlik menisini chüshinip toghra ipadilishi kërek.

    (aptor: ‹‹ürümchi xelq qurultiyi›› zhurnili tehrir bölümidin)