بىر نەچچە ئايدىن بېرى، بىلوگ يېڭىلاشقا پەقەت ۋاقتىم يەتمىدى، شۇنداقتىمۇ، سوئالخانىدا، بەزىدە QQ  دا نۇرغۇن دوستلارنىڭ سوئالىغا جاۋاب بېرىپ كەلدىم. ھەمدە يېڭى تارقىتىلغان ئۇبۇنتۇ 11.10 نى ئىشلىتىشتە كۆپ سورالغان سوئاللارنى مۇشۇ تېمىغا بىراقلا يىغىنچاقلاپ قويۇشنى لايىق كۆردۈم.

يەنە بىر گەپ، بىلوگقا ئاز بولسىمۇ ياخشى نەرسىلەرنى يېزىپ، بىلوگنىڭ توختاپ قالماسلىقى ئۈچۈن تىرىشىۋاتقان ئۇبۇنتۇ ھەۋەسكارى ئەلتىكىنگە مىننەتدارلىقىمنى بىلدۈرۈۋېتىپ ئاندىن يازمىنى باشلاي.

•  ما ئۇبۇنتۇنىڭ تېرمىنال دېگەن يېرى نەگە كەتتى

ئۇبۇنتۇ 11.10 نىڭ تېرمىنال بىر يەرگە كەتمىدى، شۇ سىستېمىدا بار . ئۇبۇنتۇ 11.10 كە gnome 3.12 ئىشلىتىلگەن بولۇپ، gnome 3.0 دىن بۇرۇنقى نەشرىگە ئوخشايدىغان كلاسسىك ئۈستەل يۈزى بولمىغاچقا، تۇنجى قاچىلىغانلار تېرمىنالنى تاپالمايدىغان ئەھۋال مەۋجۇت. ئادەتتە ئۇبۇنتۇ ھەم ئۇبۇنتۇ ئاساسىغا قورۇلغان ھەرقانداق لىنۇكس مەشغۇلات سىستېمىسىدا ئۈستەل يۈزىگە كىرىپ ‘Ctrl+Alt+T’ ئۈچ كۇنۇپكىنى تەڭ باسساق تېرمىنال ئېچىلىدۇ. ياكى ئۇبۇنتۇ 11.10 دا Super كۇنۇپكىسىنى (يەنى Windows كۇنۇپكىسىنى ) بېسىپ، ‘Terminal’  دېگەن خەتنىڭ يېرىمىنى كىرگۈزۈپ بولغۇچە تېرمىنال كۆرۈنىدۇ.

تورغا ئۇلاپ تېرمىنالنى ئېچىۋالغاندىن كىيىن، تۆۋەندىكى بۇيرۇق بىلەن يۇمشاق دېتال تىزىملىكىنى، يۇمتاللارنى بىر يېڭىلىۋېتىپ، ئۇبۇنتۇنى ئاندىن ئىشلىتىمىز.

ئۇبۇنتۇنىڭ بۇ نەشرىدە بۇ باسقۇچنىمۇ ئاددىيلاشتۇرۇپتۇ، يەنى ئېكراننىڭ ئوڭ يۇقىرى تەرىپىدىكى كۇنۇپكىنى چېكىپ، Software Up to Date دېگەننى باسساقمۇ يۇقىرىدىكى بۇيرۇقنىڭ ئۈنۈمىگە ئېرىشەلەيمىز.

• MP3 نىمۇ قويالمايدىغان سىستېمىكەن ماۋۇ

MP3 نى دەھشەت قويىدۇ دەيمەن ما سىستېما. لىنۇكس مەشغۇلات سىستېمىلىرىنىڭ ھەممىسىگە دېگۈدەك (Debian نىڭ يېڭى نەشرىدىن باشقا)، ogg, ogv دىن باشقا ئۈن-سىن كود يەشكۈچلىرى سىستېما بىلەن بىرگە قاچىلانمىغان. ئەلۋەتتە سىزنىڭ تور شارائىتىڭىز ئۇبۇنتۇنى قاچىلاش جەريانىدا تورغا ئۇلاشقا ئىمكانىيەت بەرسە، قاچىلاش جەريانىدىلا، ناھايىتى كۆپ ئۈن-سىن كود يەشكۈچلىرىنى سىستېمىنى قاچىلىغاچ بىرگە قاچىلىيالايسىز. ھەم سىستېمىغا كىرىپلا mp3.mp4,mp5… avi,rmvb … دېگەندەكلەرنى بىۋاسىتە كۆرەلەيسىز.

ئەگەر سىستېمىنى قاچىلاپ بولغاندىن كىيىن بۇ كود يەشكۈچلىرىنى قاچىلاش توغرا كەلسە، تورغا ئۇلىغاندىن كىيىن، ئۈن-سىن ھۆججەتلىرىنى قويساقلا سىستېما ئاپتوماتىك تورىدىن ئىزدەپ قاچىلاپ بېرىدۇ. ياكى بىۋاسىتە تۆۋەندىكى بۇيرۇق ئارقىلىق كۆپ ئىشلىتىدىغان ئۈن-سىن كود يەشكۈچلىرىنى قاچىلىساقمۇ بولىدۇ.

• كۆرسىتىش كارتىسىنىڭ قوزغاتقۇچىسىنى توردىن چۈشۈرۈپ قاچىلىسام قارا ئېكران بولۇپ قالدى

ئۇبۇنتۇ گۇرۇپپىسى ناھايىتى كۈچلۈك گۇرۇپپا، ئۇلار Nvidia قاتارلىق ئۇبۇنتۇدا قوزغاتقۇچ قاچىلاشقا تېگىشلىك بەزى قاتتىق دېتال قوزغاتقۇچلىرىنى ئۇبۇنتۇغا ئەڭ ماس كېلىدىغان قىلىپ ئەلالاشتۇرغان. شۇڭا قوزغاتقۇچ قاچىلىغانلار ئەڭ ياخشىسى سىستېما ئۆزىنىڭ كېرەكلىك قوزغاتقۇچلارنى تېپىپ بېرىدىغان قورال ”附件驱动/Additional Drivers“ نى ئىشلىتىڭلار.

• ئۇبۇنتۇنىڭ بۇ نەشرىدە خەت نۇسخىسىنى ئۆزگەرتكىلى بولمامدۇ نېمە؟

لىنۇكسدا بىر نەرسىنى ئۆزگەرتكىلى بولمامدۇ دېگەنگە ئىشەنمەيمەن. ئۇبۇنتۇ 11.10 دە سىستېما ئۇسلۇبى ئۆزگەرتىدىغان جايدا جايدا خەت نۇسخىسىنى تەڭشەيدىغان جاي تەمىنلەنمەپتۇ بىراق لىنكۇسدا دېتال قوراللاردىن تولا نېمە يوق. بۇنىڭ ئۈچۈن Advanced Settings بۇ قورالنى ئۇبۇنتۇ ئورگىنىمۇ تەۋسىيە قىلىپتۇ، خەت نۇسخىسىنى ئۆزگەرتىشتىن باشقا ئۇسلۇب قاچىلاش، Gnome-shell ئىشلىتىشتە كەم بولسا بولمايدىغان قورال.

• Unity ئارا يۈزىنى تەڭشەشتە ئىشلىتىلىدىغان ئوبدانراق قورال بارمىدۇ

ئۇبۇنتۇ Unity ئارايۈزىنى يەنى ئۇبۇنتۇ 11.04 دىن باشلاپ ئىشلىتىلگەن يېڭى كۆرۈنمە يۈزىنى تەڭشەش ئۈچۈن بىرقەدەر ياخشى قورال يەنىلا CCSM. قاچىلاش بۇيرۇقى:

بۇ ئارقىلىق Unity سول تەرەپ Lancher ئىستونىنىڭ سىن بەلگە چوڭلۇقنى، ھەرخىل ئۈنۈملىرىنى نۇرغۇن Unity تېزلەتمە كۇنۇپكىسىنى تەڭشىگىلى بولىدۇ.

ئەگەر 3D ئۈستەل يۈزىنى چىقارماقچى بولساق، General Options نى تاللايمىز. ھەم ئۈستەل يۈزىنى ۋېرتىكال 1، گورىزونتال 4 قىلىمىز.

ئاندىن كۇب ئۈنۈمىنى چىقىرىدىغان تاللاشلارنى تاللاپ قويساق بولىدۇ.

نىمىشقا بۇنداق قىلىدىغانلىقىمىزنى مەن ئۇبۇنتۇ 11.04 تە 3D ئۈستەل يۈزىنى چىقىرىش دېگەن يازمامدا تەپسىلىي تۇنۇشتۇرغان.

ئەگەر قانداق بىنورماللىق كۆرۈلسە، compizconfig نىڭ باقلىق سەپلىمەن ھۆججىتىنى ئۆچۈرمەتسەك بولىدۇ.

ئەگەر ھەرخىل ئۈنۈملەر بىلەن ئېتىشپ، ئۈستەل يۈزى بۇزۇلۇپ كەتسە تۆۋەندىكى بۇيرۇقنى Alt+F2 نى بېسىپ ئېچىلغان كۆزنەككە كىرگۈزۈپ يۈرگۈزۈپ

سول تەرەپ Langcher قورال ئىستونى بۇزۇلۇپ كەتسە تۆۋەندىكى بۇيرۇقنى Alt+F2 نى بېسىپ ئېچىلغان كۆزنەككە كىرگۈزۈپ يۈرگۈزۈپ ئوڭشىۋالساق بولىدۇ.

بۇ نىڭ رولى يۇقىرىدا دېگەن compizconfig نىڭ باقلىق سەپلىمەن ھۆججىتىنى ئۆچۈررۈش بىلەن ئاساسەن ئوخشاش.
ھازىرچە چوڭ دائىرىدىكى مەسىلىلەردىن مۇشۇلار ئېسىمگە كەلدى. ئەگەر باشقا سوئاللار بولسا ئېلخەتتە، ياكى سوئالخانىدا كۆرۈشەيلى.

ئارىمىزدا wine ئارقىلىق QQ قاچىلاپ ئىشلىتىپ باققانلار بار ھەر قاچان. بىراق wine دىكى bug لار ھازىرغىچە تولۇق ھەل قىلىنمىغاچ، قانچىلىك كىشىلەرنىڭ مۇۋەپپەقىيەتلىك قاچىلاپ ئىشلەتكىنىگە مەن بىر نېمە دېيەلمەيمەن. جۈملىدىن ئۆزۈممۇ جىق ئېتىشىپ تالاي قېتىپ مەغلۇپ بولۇپ، قاچىلاپ ئىشلەتكەندىن كېيىنمۇ كىچىك چاتاقلىرى تولا چىقىپ، ھازىر ئېتىشماسلا بولدۇم.

توردىن ئاختۇرساڭلار ئۇبۇنتۇدا QQ ئىشلىتىش ئۇسۇللىرى يەنە نۇرغۇن QQ for Linux ،evaQQ ،EmpathyQQ ،pidginQQ … ئىشقىلىپ جىق. بىراق ئۇبۇنتۇدا ئەڭ ياخشىسى يەنىلا webQQ دەپ قارايمەن. نېمە دەيدىكىن دېمەڭلار، ئۇبۇنتۇنى ئۇزۇن ۋاقىت ئىشلەتسەڭلار سىلەرمۇ ھېس قىلىسىلەر. يېقىندا webQQ 3.0 چىقىپ سۈرەتلىك پاراڭلىشالايدىغان بولدۇق، خۇدايىم بۇيرۇسا بۇنىڭدىن كېيىن تېخىمۇ ياخشىلانغۇسى.

قېنى مەن تۆۋەندە ئۇبۇنتۇدا webQQ ئىشلىتىشنىڭ بىرقانچە ماھارەتلىرىنى تونۇشتۇرۇپ ئۆتەي. بۇلارنىڭ ھەممىسىنى ئۆزۈم سىناپ باققان ئۇسۇللار.

• 1-خىل ئۇسۇل (قانداق ئىسىم قۇيۇشنى بىلمىدىم، شۇڭا بىرىنچى ئىككىنچى دەپ ئېلىۋېرەي، ئۈنۈمىنىڭ قانداق ئىكەنلىكىنى يازمىنى تەپسىلىي كۆرسەڭلار بىلىسىلەر).

ئالدى بىلەن ئۇبۇنتۇغا google chrome جاھاننامىسىنى قاچىلايمىز. قانداق قاچىلاشنى سۆزلەپ ئولتۇرماي، google نىڭ چۈشۈرۈش بېتىدىن google chrome نىڭ deb ھۆججىتىنى چۈشۈرۈپ قاچىلىساڭلار ئەڭ ئاسان. ياكى ubuntu-tweak, ailurus قاتارلىق سىستېما ئەلالاشتۇرۇش قورالى بىلەن قاچىلىساڭلارمۇ بولىدۇ.
alltray قىستۇرمىسىنى قاچىلايمىز.

ئەمدى قوزغاتقۇچتىن بىرنى قۇرۇپ بۇيرۇق قىسمىغا تۆۋەندىكى كودنى قوشۇمسىز (ئىسىمنى خالىغانچە قويساق بولىدۇ).

"/usr/bin/alltray" -t 5 -s /opt/google/chrome/google-chrome --app="http://web.qq.com"

• قوزغاتقۇچ قوشۇش باسقۇچى تۆۋەندىكىچە:

ئەگەر ئۈستەل يۈزىگە قۇرماقچى بولساق مائۇسنىڭ ئوڭ كۇنۇپكىسىنى چېكىپ، Create Lancher نى باسىمىز. ھەمدە كۆرۈنگەن كۆزنەككە خالىغانچە ئىسىم قويۇپ (مەن QQ دەپ قويدۇم)، بۇيرۇق يازىدىغان جايغا، مەن يۇقىرىدا دېگەن كودنى كۆچۈرىمىز.
ئەلۋەتتە قوزغاتقۇچنى ئېكراننىڭ ئوڭ يۇقىرى تەرىپىدىكى Applications نىڭ ئىچىدىكى خالىغان تىزىملىك ئىچىگە قورساقمۇ بولىدۇ.

• سىن بەلگە رەسىمىنى ئالماشتۇرۇش:

ئەگەر يېڭى سىن بەلگە ئالماشتۇرماقچى بولساق، بايا قورۇغان QQ غا مائۇسنىڭ ئوڭ كۇنۇپكىسىنى چېكىپ، رەسىمدىكى مەشغۇلات بويىچە، QQ رەسىمى بەلگىلەپ قويساق بولىدۇ. مەن يازمىنىڭ ئەڭ كەينىدە ئۆزۈم ئىشلەتكەن، QQ سىن بەلگىلىرىنى قوشۇپ قويدۇم.

ئەمدى ئېكران يۈزىدىكى QQ نى قوزغىتىپ ئىشلەتسەك بولىدۇ. قاراڭلار webQQ سىن بەلگىسى ئېكراننىڭ ئۈستىدىكى قورال ئىستونىدا كۆرۈندى. بۇنداق ئىشلەتسەك بىرگە تېخىمۇ قۇلايلىق.

• 2-خىل ئۇسۇل

Prism ئارقىلىق webQQ ئىشلىتىش.
قاچىلاش بۇيرۇقى:

قاچىلاش تاماملانغاندىن كىيىن ئېكراننىڭ سول يۇقىرى تەرىپىدىن Applications>>Internet>>prism نى تاللاپ قوزغىتىمىز. ھەم webQQ ئادرېسى، خالىغان ئىسىم قويىمىز. تەپسىلىي مەشغۇلات رەسىمدىكىدەك.

ئەگەر webQQ نىڭ كۆك رەڭلىك سىن بەلگىسى كۆرۈنمەي، webQQ.desktop دەپ كۆرۈنۈپ قالسا (قوزغاتقىلى بولمىسا)، ئۇنىڭغا مائۇسنىڭ ئوڭ كۇنۇپكىسىنى چېكىپ خاسلىقىغا كىرىپ، رەسىمدە كۆرسىتىلگەن ئورۇننى تاللاپ قويساقلا بولىدۇ (يەنى قوزغىتىش ھوقۇقى قوشىمىز).

ئەمدى ئېكران يۈزىدە كۆك رەڭلىك webQQ سىن بەلگىسى كۆرۈنگەندۇ. بۇنى 1-خىل ئۇسۇلدا سۆزلىگەن بويىچە، سىن بەلگىسىنى خالىغان QQ سىن بەلگىسىگە ئالماشتۇرۇۋالساق بولىدۇ.

قوشۇمچە:
Prism نىڭ قوللىنىشچانلىقى ناھايىتى يۇقىرى. مەسىلەن ئۇيغۇرچە تور لۇغەتلىرىنى Prism ئارقىلىق بەلگىلەپ ئىشلەتسەك بەكمۇ قۇلايلىق.

• 3-خىل ئۇسۇل

pyWebQQ ئىشلىتىش.
ئالدى بىلەن تۆۋەندىكى ئۇلىنىشتىنpyWebQQ-1.0.tgz نى چۈشۈرىمىز.
http://pwwang.com/wp-content/uploads/pyWebQQ/pyWebQQ-1.0.tgz
gtkmozembed نى قاچىلايمىز.

ئەمدى بايا چۈشۈرگەن pyWebQQ-1.0.tgz نى يېشىپ cd بۇيرۇقى بىلەن تېرمىنالدا pyWebQQ-1.0 ھۆججەت قىسقۇچىنىڭ مۇندەرىجىسىگە كىرىمىز. ھەم تەرتىپ بويىچە تۆۋەندىكى بۇيرۇقلارنى كىرگۈزىمىز.

./configure.py
make
sudo make install

بۇ ۋاقىتتا pyWebQQ-1.0 مۇندەرىجىسى ئاستىدا ۋە ئۈستەل يۈزىدە pyWebQQ سىن بەلگىسى پەيدا بولىدۇ. ئۇنىڭ سىن بەلگە رەسىمىنى ئۆزگەرتىۋالساق تېخىمۇ كۆركەم بولىدۇ، ھەمدە مۇشتنى قوزغىتىپ ئىشلەتسەكمۇ بولىدۇ. ئۇنى Applications>>Internet ئىچىگە ئەكىرىش ئۈچۈن تۆۋەندىكى مەشغۇلاتنى قىلىمىز.
cd بۇيرۇقى بىلەن تېرمىنالدا pyWebQQ-1.0 ھۆججەت قىسقۇچى ئاستىدىكى notify-python-0.1.1 مۇندەرىجىگە كىرىپ تۆۋەندىكى بۇيرۇقلارنى كىرگۈزىمىز.

./configure & make & sudo make install

سىستېمىنى قايتا قوزغىتىپ كىرسەك webQQ سىن بەلگىسى Applications>>Internet نىڭ ئىچىدە كۆرۈنىدۇ.

بۇنى قوزغاتساق webQQ سىن بەلگىسى ئېكراننىڭ ئوڭ يۇقىرى تەرىپىدە كۆرۈنىدۇ.

يۇقىرىدا سۆزلىگىنىمنىڭ ھەممىسىدە webQQ نىڭ بارلىق ئىقتىدارلىرىنى تولۇق ئىشلىتەلەيمىز.

ئۈچ خىل QQ سىن بەلگىسى، پايدىلىنارسىلەر.

ئەمەلىيەتتە ھەرگىز ئۇنداق ئەمەس. كومپيۇتېر تورىدىن ياكى مەخسۇس مەشغۇلات سىستېمىسى تونۇشتۇرۇلغان كىتابلاردىن ئىزدەيدىغان بولساق ئوندىن ئارتۇق مەشغۇلات سىستېمىسىنىڭ ئىسمىنى تاپالايمىز. بۇ يەردە تونۇشتۇرماقچى بولغان Ubuntu  مەشغۇلات سىستېمىسىمۇ مۇشۇلارنىڭ بېرى.

Ubuntu قانداق مەشغۇلات سىستېمىسى؟

كۆپچىلىك Linux نى ئاڭلاپ باققان بولۇشى مۇمكىن. Linux نى ئاددىي ھالدا ھەقسىز بولغان، ئەركىن تارقىتىلىدىغان Unix مەشغۇلات سىستېمىسى دەپ چۈشىنىشكە بولىدۇ. ھەمىشە تىلغا ئېلىنىدىغان Linux بولسا GNU/Linux. يەنى Linux يادروسى قوللىنىلغان GNU مەشغۇلات سىستېمىسى. Linux 1991-يىلى  Linus Torvalds تەرىپىدىن ئېچىلغان بولۇپ، يېقىنقى يىللاردىن بۇيان ناھايىتى تىز سۈرەتتە تەرەققىي قىلىۋاتىدۇ. Linux بولسا پەقەت مەشغۇلات سىستېمىسىنىڭ يادروسى. بىر مۇكەممەل مەشغۇلات سىستېمىسىدا يادرولا بولسا كۇپايە قىلمايدۇ. شۇڭا نۇرغۇن شەخس ۋە ئورگانلار GNU/Linux ئاساسىغا قورۇلغان Linux نۇسخىلىرىنى تارقىتىدۇ.

Ubuntu دەل يۇقىرىدا تىلغان ئېلىنغان  GNU/Linux مەشغۇلات سىستېمىسىنىڭ بىر خىلى. ئۇنىڭ ئىسمى جەنۇبى ئافرىقا زۇلۇ تىلى ياكى خاۋسا تىلىدىكى ”Ubuntu“ سۆزىدىن كەلگەن بولۇپ، مەنىسى ”ئادىمىيلىك“، ”باشقىلارنىڭ مەۋجۇتلۇقى دەل مىنىڭ مەۋجۇتلۇقۇم“. ئۇ  ئافرىقىلىقلارنىڭ ئەنئەنىۋى قىممەت قارىشى بولۇپ جۇڭگو جەمئىيىتىدىكى ”ئىنسانپەرۋەرلىك“ ئىدىيىسى بىلەن ئوخشىشىپ كېتىدۇ.

Ubuntu نىڭ ئىجادچىسى Mark Shuttleworth بولۇپ  ئۇنىڭ Canonical شىركىتى Ubuntu تەرەققىياتىدىكى بارلىق چىقىملارنى دېگۈدەك ئۆز ئۈستىگە ئېلىپ كەلمەكتە.

Ubuntu نىڭ قانداق ئالاھىدىلىكى بار؟

Ubuntu پۈتۈنلەي ھەقسىز بولۇپ، سىزنىڭ ھېچقانداق ئىشلىتىش ھەققى تاپشۇرۇشىڭىز ھاجەتسىز. ئۇ ھەر ئالتە ئايدا بىر قېتىم يېڭىلىنىدىغان بولغاچقا، ئەڭ يېڭى تېخنىكا، ئەڭ يېڭى دېتاللاردىن قىسقا ۋاقىت ئىچىدىلا خەۋەردار بولالايسىز. Ubuntu ئورگان بېتىدىن ئۇنىڭ ئەڭ يېڭى نۇسخىسىنى چۈشۈرۈپ ئىشلىتەلەيسىز. ئۇيغۇر ئۇبۇنتۇ بېكىتىدىن Ubuntu ھەققىدىكى ئۇيغۇرچە ئۇچۇرلارغا ئېرىشەلەيسىز.

Ubuntu ئۈستەل كومپيۇتېرى، خاتىرە كومپيۇتېر ۋە مۇلازىمېتىرلارغا ماس كېلىدۇ. مەيلى ئائىلىدە، ئىشخانىدا، ئۆگىنىشتە بولۇڭ Ubuntu دا ئىشلىتىشكە بولىدىغان قورال دېتاللار سىزنىڭ ھاجىتىڭىزدىن تولۇق چىقالايدۇ.

• ناھايىتى زور ئەركىن يۇمشاق دېتال ئامبىرى بار

Ubuntu ئىشلەتكەندە يۇمشاق دېتالدىن غەم قىلمىسىڭىزمۇ بولىدۇ. تېرمىنالدا بىر قۇر بۇيرۇق بىلەن ياكى Ubuntu يۇمشاق دېتال مەركىزىدىن ئۆزىڭىزگە لازىملىق بولغان ھەرقانداق دېتالنى قاچىلاپ ئىشلىتەلەيسىز. PPA  مەنبەسىدىن ئۇبۇنتۇ ئورگان مەنبەسىدىن تاپقىلى بولمايدىغان دېتاللارنى تاپىلايسىز. ئەڭ مۇھىمى بۇ دېتاللارنىڭ ھەممىسى ھەقسىز.

• ياردەم مەركىزى مەشغۇلاتىڭىزنى تېخىمۇ ئاسانلاشتۇرىدۇ

سىز Ubuntu دا مەشغۇلات قىلىش داۋامىدا قانداق قىيىنچىلىققا ئۇچۇرسىڭىز، ئۇنىڭ ياردەم مەركىزىدىن جاۋابقا ئېرىشەلەيسىز ياكى   https://help.ubuntu.com تورىغا كىرىپ، تور يۈزىدە ئۆزىڭىز ئۇچۇرغان مەسىلىلەرنى بىر تەرەپ قىلالايسىز.

• دۇنيادىكى ھەممە تىلنى دېگۈدەك قوللايدۇ

Ubuntu نىڭ نىشانى يەرشارىدىكى ھەممە مىللەتنىڭ ئۆز ئانا تىلىدا بۇ مەشغۇلات سىستېمىسىنى ئىشلىتىشىنى ئىلگىرى سۈرۈش بولۇپ، https://translations.launchpad.net  تورىغا كىرىپ، ئۆزىڭىز تەرجىمە خىزمىتىگە بىۋاسىتە قاتنىشالايسىز. ئەلۋەتتە بۇ يەردىن Ubuntu ئۇيغۇر تەرجىمە گۇرۇپپىسىغا قاتنىشىپ، Ubuntu نىڭ ئۇيغۇرچە تەرجىمىسىنىڭ تېزرەك تاماملىنىشى ئۈچۈن ھەسسە قوشۇش سىز ئۈچۈن شەرەپلىك ۋەزىپە. سىز Ubuntu غا ھەرقانداق يۇنىكودلۇق TTF خەت نۇسخىسىنى قاچىلاپ ئىشلەتسىڭىز بولىدۇ. سىستېمىنىڭ ھەرقانداق يېرىدە ھېچ قانداق خەت سىلىقلاش دېتالى ئىشلەتمەي تۇرۇپ ئۇيغۇرچىنى ناھايىتى نورمال كۆرسىتەلەيسىز.

• ئۈستەل يۈزى ناھايىتى دوستانە

Ubuntu ئىشلىتىشكە بولىدىغان ئۈستەل مۇھىتى كۆپ خىل بولۇپ، ئادەتتە Gnome  مۇھىتى كۆپ ئىشلىتىلىدۇ. بۇنىڭدىن باشقا ناھايىتى نەپىس لايىھىلەنگەن KDE ئۈستەل مۇھىتى، سەپلىمىسى تۆۋەنرەك كومپيۇتېر ئۈچۈن ئېچىلغان Xfce ئۈستەل مۇھىتى بار. ئۇنىڭدىن باشقا ئۈستەل يۈزىنى بىر نەچچە خىزمەت رايونىغا ئايرىغىلى بولىدىغان بولۇپ، ئىش ئۈنۈمىڭىزنى تېخىمۇ يۇقىرى كۆتۈرىدۇ. Compiz دېتالى ئارقىلىق نۇرغۇن ئويلاپ باقمىغان ئالاھىدە ئۈنۈملەرنى ئېچىپ،ئۈستەل  يۈزىنى تېخىمۇ گۈزەللەشتۈرۈش مەقسىتىگە يىتەلەيسىز.

• ناھايىتى تولۇق ئىشخانا يۈرۈشلۈك دېتالى سەپلەنگەن

Ubuntu نىڭ ئەڭ يېڭى 11.04 نۇسخىسىدىن باشلاپ سىستېمىغا LibreOffice سەپلەنگەن بولۇپ، LibreOffice يېزىق بىرتەرەپ قىلغۇچ، LibreOffice ئېلېكترونلۇق جەدۋەل، LibreOffice پروكسىيە،LibreOffice ماتېماتىكا، LibreOffic شەكىل سىزىش، LibreOffice ساندان قاتارلىق ئالتە بۆلەكنى ئۆز ئىچىگە ئالغان.

• خەت ئالاقە، مۇڭدىشىش قوراللىرى تولۇق

Ubuntu غا ئې.خەت ئالاقىسى ئۈچۈن سۈكۈت Evolution سەپلەنگەن بولۇپ، خەت ئالاقە ئىشلىرىڭىزغا تولىمۇ قۇلايلىق. ئۇنىڭدىن باشقا msn،skype،qq… قاتارلىق مۇڭداشقۇلارنى بىمالال ئىشلىتەلەيسىز. Ubuntu غا يەنە Gwibber ئىجتىمائىي ئالاقە ئابۇنتتى، ناھايىتى كۆپ مۇڭدىشىش دېتاللىرىنى قوللايدىغان Empathy قاتارلىقلارمۇ سەپلەگلىك بولۇپ، سىزنىڭ تۇرمۇشىڭىزنى تېخىمۇ رەڭدار قىلىدۇ.

• كىنو-فىلىم، مۇزىكا قويغۇچلار تېخىمۇ سەرخىل

Ubuntu نىڭ 11.04 نەشرىدىن باشلاپ سىستېمىغا Banshee مۇزىكا قويغۇچى ۋە Totem فىلىم قويغۇچى سەپلەنگەن. ئەگەر ئۇبۇنتۇنىڭ يۇمشاق دېتال مەركىزىدىن ئىزدەيدىغان بولسىڭىز، قويغۇچلارنىڭ جىقلىقىدىن قايسىسىنى تاللاشنى بىلمەي قالىسىز. جاھاننامە يۈزىدە توردىكى flash سىن ھۆججەتلىرىنى بىمالال كۆرەلەيسىز

• Ubuntu One مۇلازىمىتى

Ubuntu one بولسا Canonical شىركىتى يولغا قويغان تور مۇلازىمىتى بولۇپ، سىز بۇ مۇلازىمەتتىن پايدىلىنىپ 2G لىق ھەقسىز تور دىسكىسىغا ئېرىشەلەيسىز. ئەلۋەتتە ئازغىنە پۇل خەجلەپ بۇ بوشلۇقنى 50G غا كۆتۈرەلەيسىز. Ubuntu غا سەپلەگلىك Ubuntu One ئابونتتى ئارقىلىق، كومپيۇتېرىڭىزدىكى ھۆججەتلەرنى تور دىسكىڭىزغا چىقىرالايسىز، ھەمدە دوستلىرىڭىز بىلەن ھەمبەھىرلىنەلەيسىز.

• Ubuntu پروگراممىرلانىڭ جەننىتى

Ubuntu دېتاللارنىڭ زور كۆپ قىسمىنىڭ ئەسلىي كودى ھەقسىز تارقىتىلىدىغان بولغاچقا، ئەگەر كومپيۇتېر تىلىغا ئۇستا بولسىڭىز ئۆزىڭىز خالىغان دېتالنى ئۆزىڭىزنىڭ خاھىشى بويىچە ئۆزگەرتىپ ئىشلەتسىڭىز بولىدۇ. ئەگەر سىز كومپيۇتېر تىلىنىڭ يېڭى ئۆگەنگۈچىسى بولسىڭىز، بۇ مول ئوچۇق كود سىزنىڭ بۇنىڭدىن كېيىنكى ئۆگىنىشىڭىزگە زور قۇلايلىقلارنى ئېلىپ كېلىدۇ. Ubuntu دا ناھايىتى نۇرغۇن IDE لار بار بولۇپ C، C++، Java، Python، PHP… قاتارلىق ھازىر دۇنيادا قوللىنىلىۋاتقان كومپيۇتېر تىللىرىنىڭ ھەممىسىنى دېگۈدەك ئىشلىتەلەيسىز. دۇنياغا داڭلىق  gcc قورالى، vi/vim تەھرىرلىگۈچىسى مانا بۇ يەردە ئۆزىنىڭ رولىنى ئەڭ ياخشى جارى قىلدۇرىدۇ.

ر

Ubuntu دۇنيادىكى ئەڭ قارشى ئېلىشقا ئېرىشۋاتقان Linux مەشغۇلات سىستېمىسى، ئۇنىڭ يەنە نۇرغۇنلىغان ئارتۇقچىلىقنى ئىشلىتىش داۋامىدا ناھايتى تىزلا ھىس قىلىپ يىتىسىز.

بۇ يازما كومپيۇتېر تۇرمۇش ژورنىلىنىڭ 2011-يىللىق 2-سانىغا بېسىلغان. ئاپتۇرى مەن.

fibermarupok

snn-engn

kodein

ttk1opc

monkeymagico

lukeroberts

submicron

bigaction

nayiny

hadiriazi

art-by-scavenger

freyr

sizakor

undeathspawn

monkeymagico

techwizrd

lethal2

yacine29

ipapun

inmurrah

arthursmith

cisoxp

falcon7654

sworiginal

frezorer

rubasu

vladstudio

vladstudio

abh83

pablovangustav

abh83

vladstudio

arthursmith

gabovai

gashcr

• ئالدى بىلەن ئۇبۇنتۇنىڭ ئورگان بېتى ياكى مەن چۈشۈرۈش بېتىدە تەمىنلىگەن ئادرېستىن ئۇبۇنتۇنىڭ ISO ھۆججىتىنى چۈشۈۋالىمىز.
• چۈشۈرۈلگەن iso نى نۇر دىسكىغا ئويىمىز (بارماق دىسكىغا ئويسىمۇ بولىدۇ).
• كومپيۇتېرنىڭ BIOS نى بەلگىلەيمىز. يەنى ئۇنى CD_ROM دىن قوزغىلىدىغان قىلىپ تەڭشەيمىز. ئاندىن تەييارلىۋالغان CD نى سېلىپ كومپيۇتېرنى قايتا قوزغىتىمىز (ئەگەر بارماق دىسكىغا ئىشلەتكەن بولساق كومپيۇتېرنى USB دىن قوزغىلىدىغان قىلىپ كومپيۇتېرنى قايتا قوزغىتىمىز ).
• رەسىمىدىكى كۆزنەك كۆرۈنگەندىن كېيىن ئەڭ ئۈستىدىكىنى بېسىپ ئۇبۇنتۇنى قاچىلىمايمۇ ئىشلىتەلەيمىز. مەن بۇ يەردە ئاستىدىكى تاللاپ داۋاملىق قاچىلىدىم.

• بۇ يەردىن ئۆزىمىز تۇرۇۋاتقان ۋاقىت رايونىنى تاللايمىز.

• بۇ يەردىن ئۆزىمىزگە ماس كېلىدىغان كۇنۇپكا تاختىسىنى تاللايمىز. ئادەتتە ئىنگلىزچىنى تاللايمىز.

• بۇ قاچىلاشنىڭ ئەڭ مۇھىم نۇقتىسى بولغان قاتتىق دىسكىنى رايونغا ئايرىش بولۇپ، linux دا قاتتىق دىسكىنى ئەڭ ئاز دېگەندە ئىككىگە ئايرىشىمىز كېرەك. يەنى يىلتىز ”/“ بىلەن “sweap /“ . ئەگەر سىز كومپيۇتېرىڭىزدا پەقەت ئۇبۇنتۇنىلا ئىشلەتمەكچى بولساق سۈرەتتىكى تاللاشنىڭ ئۈستىدىكىنى، ئەگەر windows ۋە باشقا مەشغۇلات سىستېمىسى بىلەن بىرگە ئىشلەتمەكچى بولساق ئاستىدىكىنى تاللاپ قاچىلاشنى داۋاملاشتۇرىمىز. مەن بۇ يەردە پەقەت ئۇبۇنتۇنىلا ئىشلەتمەكچى شۇڭا ئۈستىدىكىنى تاللىدىم.

• رەسىمىدىكى تەرتىپ بويىچە مەشغۇلات قىلساقلا بولدى.

1. بۇ يەر دىن بىز ئايرىماقچى بولغان دىسكا شەكلىنى تاللايمىز.
2. دىسكا چوڭ _ كىچىكلىكىنى  بېكىتىمىز.
3. دىسكا ئورنىنى بېكىتىمىز.
4. ئۆزىمىز ئېھتىياجلىق بولغان دىسكا تۈرىنى تاللايمىز. ئادەتتە EXT4
5. بۇ يەردىن بىز ئايرىماقچى بولغان دىسكا رايونىنى قەيەرگە قوشماقچى ئىكەنلىكىمىزنى تاللايمىز.

• قاتتىق دىسكىنى رايونغا ئايرىش مۇۋەپپەقىيەتلىك بولغاندىن كىيىن “Forward”  بىلەن قاچىلاشنى داۋاملاشتۇرىمىز.

• بۇ يەردىن ئۆزىمىزگە ئىشلەتكۈچى ئىسمى ۋە مەخپىي نومۇر بېكىتىمىز.

• بۇ يەر بىزنى يۇقىرىدا قىلغان مەشغۇلاتىمىزنىڭ تەپسىلىي ئۇچۇرى بىلەن تەمىنلەيدۇ.

• سىستېما قاچىلىنىشقا باشلايدۇ .

• سىستېما قاچىلىنىپ بولغاندىن كېيىن ئېكراندا قايتا قوزغىتىش كۆزنىكى كۆرۈنىدۇ. قايتا قوزغاتساقلا قاچىلىنىش تامام بولىدۇ .

• مانا بۇ  ubuntu 10.04  نىڭ ئۈستەل يۈزى. قانداق ئاسانمىكەن. ئەگەر قاچىلاش جەريانىدا قانداق مەسىلىگە يولۇقساڭلار مۇشۇ يەرگە سۆز قالدۇرۇپ قۇيۇڭلار ، بىرلىكتە ھەل قىلىمىز.