كەلمىگەن باھارلارغا

alma

ئەگەر بۇ قۇياش نۇرى يۈزلىرىڭنى ئىللىتسا ، سەن باھاردىن باشقىنى ھېس قىلمايسەن ئۇ دەم ،ئەگەر لەرزان بىر شامال چىقسا ئۇدەم ، سەن نەمخۇش يامغۇر ھىدىدىن باشقىنى ھېس قىلمايسەن ، ئەگەر كۆكتىن تامچىسا بۇ خەيرلىك يامغۇر بۇدەم ، سەن ئۇندا قىشنىڭ خەير دىگىنىنى ھېس قىلىسەن ،     ئەي باھار ، مەھبۇب ھىدىنى بىرگە ئېلىپ كەل ،بۇ مەجنۇن قەلبلەرگە ، ئەي باھار ، رەھمەت يامغۇرى بىرگە ئېلىپ كەل بۇ قاغجىرغان روھلارغا، ئەي باھار، يېقىملىق تەبەسسۇم بىرگە ئېلىپ كەل بۇ ساڭا مۇشتاق بولغانلارغا   ،  ئەي باھار ، نىگارغا ئېيت ، سەندەك نازى بىلەن كەلسۇن ،يامغۇر يېغىسى بىلەن كەلسۇن ، ئاتەش ئاپتاپى بىلەن كەلسۇن ، شامال جۇدۇنى بىلەن كەلسۇن ،توپا تۇمانى بىلەن كەلسۇن ، مەن شۇ زىمىن مىسالى ھەر ھالىغا بىر ئىشىق بىلەن باقارمەن ،مەن شۇ لەگلەك مىسالى ھەر ھالىغا ئۇچارمەن ، مەن شۇ ئارچا مىسالى ھەر ھالىغا قۇچاق ئاچارمەن ،،،،،
   
مۈشۈك دىۋە -(كەلمىگەن باھارلارغا)