مېنى كىملەر ۋاپاسىز دەر، ۋاپاغا زەر تېگىشمەيمەن

uyghur

مېنى كىملەر ۋاپاسىز دەر، ۋاپاغا زەر تېگىشمەيمەن،
ساداقەت ساھىلى مەنزىل، شاھانە يەر تىگىشمەيمەن.
يەنە كىملەر يارامسىز دەر، بۇنى تەن ئالغىنىم خوپتۇر،
بىراق سۆيگۈم غۇبارسىز، چىن بۆلەك جەۋھەر تىگىشمەيمەن.
مۇھەببەت نە؟ ماڭا ھېس ئەتكۈزۈپ قەلبىمنى گۈللەتكەن
ۋاپادارغا، مەلىكە بولسىمۇ دىلبەر تىگىشمەيمەن.
مىھىر تۆككەن بۇلاقىمدىن يىراق شاھلىققا تاۋىم يوق،
يۈرەي ئاقساپ دىلىم خۇشكەن مىھىرسىز پەر تىگىشمەيمەن.
ھاياتنى قىسقا دەيمىز ۋەلىكىن كۆپتۇر ھەۋەس، ئارزۇ،
ھەۋەسلەر قانچە رەڭدار ئارمىنىم ئەختەر، تىگىشمەيمەن.
تومۇزدا سالقىنى ئالەم كىشىگە بىر ھوزۇر تەڭسىز،
نەسىيم روھ خۇشبۇيى شادىم، بۆلەك ئەنبەر تىگىشمەيمەن.
بەخت ئۇيغۇر تېكىن ئىستەك يولىنى ھەركىشى بىلمەس،
كى ئارمانىمغا ھېچقانداق زەر، ئەڭگۈشتەر تىگىشمەيمەن.

ئۇيغۇر تېكىن
2016- 9- دىكابىر جۈمە نىسپى شەنبە، تەۋەككۇل