دۆربىلجىن ناھىيەسىدىكى مىڭبۇلاق يايلىقىنىڭ گۈزەل مەنزىرىسى

alma

دۆربىلجىن ناھىيەسىدىكى مىڭبۇلاق يايلىقىنىڭ گۈزەل مەنزىرىسى
خەلق تورى ئۇيغۇرچە قانىلىنىڭ 23- ئىيۇن بېيجىڭدىن بەرگەن تېلېگراممىسى: 19-ئىيۇن، مۇخبىر تارباغاتاي ۋىلايىتى دۆربىلجىن ناھىيەسىدىكى مىڭبۇلاق يايلىقىغا باردى. بۇ يەردە ئوت-چۆپلەر بولۇق ئۆسكەن، ئەلا سۈپەتلىك تەبىئىي يايلاق بولۇپ، قوي-كالا پادىلىرى ئەركىن ئوتلاپ يۈرەتتى.

　　كۆپكۆك ئاسمان، ئاپئاق بۇلۇتلار زېمىندىكى چەكسىز كەتكەن گۈل-چېچەكلەر بىلەن بىرلىشىپ، ناھايىتى گۈزەل مەنزىرىنى شەكىللەندۈرگەنىدى. جىلغىلاردىن ئېقىپ چۈشكەن تاغ سۇلىرى كىچىك-كىچىك ئېقىنلارنى ھاسىل قىلىپ، ئوت-چۆپ ۋە گۈللەر ئارىسىدىن تۆۋەنگە قاراپ سىرغىماقتا ئىدى.

　　مىڭبۇلاق يايلىقى دۆربىلجىن ناھىيەسىنىڭ شەرقىدىكى ئورقاشار تېغى ئۈستىدە بولۇپ، ناھىيە بازىرى بىلەن بولغان ئارىلىقى 70 كىلومېتىر، دېڭىز يۈزىدىن ئوتتۇرىچە ئېگىزلىكى تەخمىنەن 2240 مېتىر كېلىدۇ، دۆربىلجىن ناھىيەسىدىكى دېڭىز يۈزىدىن ئەڭ ئېگىز يايلاق ھېسابلىنىدۇ.

　　بۇ، دۆربىلىجىن ناھىيەسىنىڭ يازلىق يايلىقى بولۇپلا قالماستىن، يەنە ئېمىل دەرياسىنىڭ سۇ مەنبەسى.

alma

alma

alma