تۇنجى نۆۋەتلىك بۆرتالا خەير-ساخاۋەت پۇتبول مۇسابىقىسى ئاياغلاشتى

uyghur

تۇنجى نۆۋەتلىك بۆرتالا خەير-ساخاۋەت پۇتبول مۇسابىقىسى ئاياغلاشتى
خەلق تورى ئۇيغۇرچە قانىلىنىڭ 11- ماي بېيجىڭدىن بەرگەن تېلېگراممىسى: 2016-يىل 6-ماي چۈشتىن كېيىن، تۇنجى نۆۋەتلىك «ئەرىگنال لوڭقىسى» خەير-ساخاۋەت پۇتبول مۇسابىقىسى بورتالا شەھىرىنىڭ خۇاجۇڭ پىداگوگىكا ئۇنىۋېرستېتى قارىمىقىدىكى 1-ئوتتۇرا مەكتەپ بورتالا شۆبە مەكتىپىنىڭ پۇتبول مەيدانىدا غەلىبىلىك ئاياغلاشتى. ئاتۇش ۋەكىللەر كوماندىسى چېمپيۇنلۇققا ئېرىشپ 50 مىڭ يۈەن بىلەن مۇكاپاتلاندى، قاراماي ۋە غۇلجا ۋەكىللەر كوماندىسى 2- ۋە 3-لىككە ئېرىشتى.

　　ئىگىلىنىشىچە، بۇ مۇسابىقىنى بورتالا ئوبلاستىدىكى ئىشتىن سىرتقى تەنتەربىيە مەكتىپى ئۇيۇشتۇرغان، شىنجاڭ ئەرىگنال تاراتقۇ چەكلىك شىركىتى ئۆتكۈزۈشنى ئۈستىگە ئالغان بولۇپ، 30-ئاپرېلدىن 6-مايغىچە ئۆتكۈزۈلگەن. ئاتۇش، چۆچەك، غۇلجا، قورغاس، قاراماي، شىخو، دۆربىلجىن، بۆرتالا، ئالاتاۋ پورتى، داخېيەنزى قاتارلىق جايلاردىن كەلگەن كوماندىلار قاتناشقان. بۇ قىتىملىق مۇسابىقە پەقەت پۇتبول مۇسابىقىسى بولۇپلا قالماستىن، يەنە بىر قىتىملىق خەير-ساخاۋەت پائالىيىتى بولۇپ، مۇسابىقە بېلەت كىرىمىنىڭ ھەممىسى بۆرتالا ئوبلاستىدىكى قىيىنچىلىقى بار ئائىلىلەر، ئوقۇغۇچىلار ۋە مۇھىت ئاسراش ئىشچىلىرىغا ئىئانە قىلىنىدۇ.

uyghur

uyghur

uyghur