ئەلىشىر نەۋائىنىڭ قىسقىچە تەرجىمىھالى

uyghur

ئەلىشىر نەۋائىنىڭ قىسقىچە تەرجىمىھالى
http://mp.weixin.qq.com/s?__biz=MzA4NzQ3ODQ1Mw==&mid=401076795&idx=2&sn=ac399d1d4fd9a6845bb89da5ed858bfd&scene=1&srcid=01209hrrbbTyBJ5OtwzxXkZo&from=groupmessage&isappinstalled=0#wechat_redirect
*
بۈيۈك شائىر نىزامىدىن ئەلىشىر نەۋائى مىلادىيە 1441-يىلى 2-ئاينىڭ 9-كۈنى (ھىجىرىيە 884-يىلى رامزان ئېيىنىڭ 17-كۈنى) ھىراتتا تۇغۇلغان. ئۇيغۇر تۈركلىرىدىن بولغان ئاتىسى غىياسىدىن كىچىك باھادىر خوراسان ھاكىمى ئەبۇلقاسىم بابۇرنىڭ خىزمىتىدە بولغان. ئانا تەرەپتىن بوۋىسى ئەبۇ سەيى جېسەكتە مىرزا ھۈسەيىن بايقارانىڭ بەگلەر بېگى ئىدى. ئاتا جەمەتى باشتىن تارتىپلا تېمۇرىيلەر سۇلالىسىنىڭ خىزمىتىدە بولۇپ كەلگەن.
ئەلىشىرنىڭ ئاتىسى 1447-يىلى شاھرۇھنىڭ ۋاپاتى بىلەن ئالتە ياشلىق ئەلىشىرنى ئېلىپ ئىراققا يولغا چىققان.
1452-يىلى سۇلتان ئەبۇلقاسىم بابۇر خۇراسان ھاكىمى بولغاندا ئاتا-بالا ئىككىيلەن خۇراسانغا قايتىپ كېلىدۇ.
1456-يىلى ئەلىشىر ئەبۇلقاسىم بابۇر بىلەن بىللە مەشھەدكە كېتىدۇ.
1472-يىلى ئەلىشىر «ئەمىر» (دىۋان بېگى)لىك ئۇنۋانىغا ئېرىشىدۇ.
1476-يىلى ئەلىشىر ئۆز دەۋرىنىڭ ئەڭ ئۇلۇغ ئەربابى ھېسابلانغان ئابدۇراھمان جامىنىڭ ئىرشادى ۋە نەقشىۋەندى تەرىقىتىگە كىرگەن.
1479-يىلى ھۈسەيىن بايقارا ئەلىشىرنى ھىراتقا نائىب قىلغان.
1483-يىلىدىن 1485-يىلىغىچە ئەلىشىر ئۆزىنىڭ «خەمسە»سىنى تاماملىغان.
1487-يىلى ئەلىشىر ئاستىراباتقا ۋالىي بولۇپ تەيىنلەنگەن. 
1488-يىلى ئەلىشىر ۋالىيلىق ئەمىلىدىن ئىستېپا سورىغان.
1489-يىلى ئەلىشىرنىڭ ئۇستازى ۋە يېقىن دوستى سەيد ھەسەن ئەردەشىر ۋاپات بولىدۇ.
1490-يىلى ئەلىشىر ئەمىرلىك مەنسىپىدىن ۋاز كېچىپ، ھۈسەيىن بايقارانىڭ يېقىن خادىمى بولۇش بىلەنلا قانائەت تاپىدۇ.
1492-يىلى ئەلىشىرنىڭ ئۇستازى ئابدۇراھمان جامى ۋاپات بولىدۇ.
1498-يىلى ئەلىشىر ئارام ئېلىش ئۈچۈن مەشھەدكە كېتىدۇ. كېيىن يەنە ھىراتقا قايتىپ كېلىدۇ.
1501-يىلى 1-ئاينىڭ 3-كۈنى ھىراتتا ۋاپات بولىدۇ ھەمدە ئۆزى ھايات ۋاقتىدا تەييارلاپ قويغان قۇدىسىيە جامەسىنىڭ يېنىدىكى قەبرىگە دەپنە قىلىنىدۇ

— قىسقارتىپ تەييارلىغۇچى: توخنىياز ئىسمائىل نىدائىي

ئەركمان

پېنسىيەگە چىقىپ خېلى يىللار ياشاپتۇ، ئەمما سەلتەنەت ئىشى بىلەن نۇرغۇن ۋاقتىنى زايا قىلىۋېتىپتۇ!

uyghurman

ھەھە،ئاۋۇ بايقارا رۇخسەت بەرمىسە ،ئىككەيلەن ساۋاقداش،ئەپسۇسكى قارا مىرزا قىتىغۇر ئەلىشىرنى كۆرەلمەس،ئئۇنڭ ئىقتىدارىدىن ھەسەت يانىدىغان كىشى،خان پادىشھلار ئاتاغلىقلاردىن ھەەر ئەيلەيدۇدە،شۇڭا ئاتا بالا سوقۇشقاندا ئەلىشىر ئارىغا كىرىپ سالاچى بولدى،ئەپسۇ.......