‏ئايدىڭدا تەنھا مەي ئىچىش لى بەي

uyghur

   ‏ئايدىڭدا تەنھا مەي ئىچىش
              لى بەي

‏تۇرىمەن قولۇمدا قەدەھ ، مۇڭ بىلەن گۈلگە قاراپ .
ئۈلپىتىم يوق يالغۇزلۇقتا ئۆتمىدى گالدىن شاراپ .
ئايغا مەي تۇتتۇم شۇدەم قەدەھنى راسا لىقلاپ .
ئاي،
ياندا سايەم بولغاچ قالمىدىم يالغۇزسىراپ .
          &          &          &          &
ۋەلىكىن ئاي ئ‍ىچمىدى ، لىۋى مەيدىن بەك يىراق ،
قويمىدى سايەممۇ بىر رەت غېرىپ ھالىمنى سوراپ .
ئىككىسى ھەمراھ دېسەم چاغلىق ئىكەن
تاشلىدى ،
ئۆتكىدەك ئۆمرۈم باھارسىز يەنە ھالىم بەك خاراپ .
          &          &          &          &
ناخشا ئېيتسام مۇڭلىنىپ ئ‍اي ئ‍اسماندا شاتلىنار ،
سايەم چۈشەر ئ‍ۇسۇلغا ، قەلبىمدە كۆپ ئ‍ىزتىراپ .
ساق ۋاقىتتا سىردىشىپ يۈرگەن بىلەن دائىما ،
ئ‍ىچىپ كەيىپ توشقاندا  كېتەركەنمىز تەڭ تاراپ .
          &          &          &         &
بارچە دەرىتلەر ئ‍ىچىدە يامان ئ‍ىكەن يالغۇزلۇق ،
ئ‍اي ۋىسالى يەتمەككە تاپمىدىم ھىچ بىر جاۋاپ .
بەخىت ئۈچۈن ئ‍ەمدى مەن ئاسمانغا چىقسام بولغۇدەك ،
تەنھا يۈرۈپ چەككۈچە بۇنچە
كۆپ ھەسرەت-ئ‍ازاپ.