ئۇيغۇر ياشلار شېئىرىيتى

 

خوتەندە قالغان تۆت ناخشا

مۇتەللىپ مەنسۇر ئوۋچى

(1)

 

پاتتىڭ ﺗﯩﺮﻩﻥ ﻗﻪﻟﺒﯩﻤﮕﻪ ﺋﻮﻗﺘﻪﻙ

ﭼﯜﺷﻠﯩﺮﯨﻤﺪﯨﻦ ﺳﺎﻗﯩﻤﺎﻗﺘﺎ ﻗﺎﻥ.

ﺑﯩﺮ ﻗﺎﺭﯨﺴﺎﻡ ﺩﯗﻧﻴﺎﺩﺍ ﻳﻮﻗﺘﻪﻙ

ﺑﯩﺮ ﻗﺎﺭﯨﺴﺎﻡ ﺋﺎﻟﺪﯨﻤﺪﺍ ﺗﯘﺭﻏﺎﻥ.

 

ﺋﺎﻗﺎﺭ ﺋﺎﺭﻣﺎﻥ..ﺋﺎﻗﺎﺭ ﻛﻪﻳﯩﭗ ﻛﯜﻱ

ﺷﺎﯞﻗﯘﻧﻠﯩﺮﻯ ﺳﯩﯖﻤﻪﻛﺘﻪ ﺳﺎﻳﻐﺎ.

ﺳﯚﻳﺴﻪﯓ ﺋﻪﮔﻪﺭ ﻗﯩﭗ-ﻳﺎﻟﯩﯖﺎﭺ ﺳﯚﻱ!

ﻗﺎﻧﻼﺭ ﻗﺎﻟﺴﯘﻥ ﺳﯚﻳﯜﺷﻜﻪﻥ ﺟﺎﻳﻐﺎ.

 

ﺗﯩﺘﺮﻩﻙ ﺋﯜﻧﯜﯓ ﻣﺎﯕﺎ ﺳﯩﻢ ﻗﺎﻣﭽﻪ

ﺳﯩﻠﯩﻜﻨﯩﻤﻪﻥ ﺗﻪﻛﻜﻪﻧﺪﻩ ﮬﻪﺭ ﺭﻩﺕ.

ﻛﯚﻛﺮﯨﻜﯩﯖﮕﻪ ﻳﯚﻟﻪﻧﮕﯜﻧﯜﻣﭽﻪ

ﻣﻪﻥ ﺭﻭﮬﯩﯖﻐﺎ ﻳﺎﺯﻣﺎﻗﺘﯩﻤﻪﻥ ﺧﻪﺕ.

 

ﺋﯩﺰﻯ ﻗﺎﻟﺪﻯ ﻟﻪﯞﻧﯩﯔ ...ﻛﯚﯕﯜﻟﻨﯩﯔ

ﻣﯩﺴﺮﺍﻻﺭﺩﺍ ﭼﺎﻗﻨﺎﺭ ﺋﺎﻱ ﻧﯘﺭﻯ.

ﭘﺎﭼﯩﻘﯩﯖﺪﺍ ﺋﯧﭽﯩﻠﻐﺎﻥ ﮔﯜﻟﻨﯩﯔ

ﻛﯚﺯ ﻳﯧﺸﯩﺪﯗﺭ ﺳﯩﻢ-ﺳﯩﻢ ﻳﺎﻣﻐﯘﺭﻯ.

 

ﮔﯜﻟﻠﻪﺭ..ﺋﺎﻳﺪﯨﯔ..ﻳﻪﻧﻪ ﻣﻪﺳﺖ ﺷﺎﻣﺎﻝ

ﻧﯩﻠﯘﭘﻪﺭﺩﻩﻙ ﻛﯚﺗﻪﺭﺩﻯ ﻛﯜﻧﻠﯜﻙ.

ﻳﯩﻐﻼ..ﻳﯩﻐﻼ، ﺷﺎﺩﯨﻤﺎﻥ ﺋﺎﻳﺎﻝ!

ﻣﻪﻥ ﻳﯩﻐﺎﯕﻨﻰ ﻳﺎﺯﯨﻤﻪﻥ ﺋﯜﻧﻠﯜﻙ.

 

ﺋﯜﻧﺘﯘﻟﻤﺎﺳﺘﺎ ﺧﻪﻳﯩﺮﻟﯩﻚ ﺗﯜﻧﻠﻪﺭ

ﻣﻪﻥ ﺳﺎﻳﻪﯕﻨﻰ ﭼﯩﻼﻱ ﺷﺎﺭﺍﭘﻘﺎ.

ﻛﺎﺭﯞﯨﺘﯩﻤﺪﺍ ﺋﺎﺧﺸﺎﻣﻘﻰ ﺋﯜﻧﻠﻪﺭ

ﺧﯘﺵ ﮬﯩﺪﯨﻨﻰ ﻗﻮﺷﺎﺭ ﺋﺎﺯﺍﭘﻘﺎ.

 

ﻟﻪﺭﺯﺍﻥ..ﻣﯘﯕﻠﯘﻕ ﻧﺎﺧﺸﯩﺪﯗﺭ ﮬﺎﻳﺎﺕ

ﺳﻪﻥ ﺭﻩﻗﻘﺎﺳﺴﻪﻥ..ﻣﻪﻥ ﺑﯩﺮ ﻧﺎﺧﺸﯩﯟﻩﻥ.

ﺗﻪﻗﺪﯨﺮ ﺩﯨﮕﻪﻥ ﺋﻪﻣﺎ ﻣﻮﺯﯨﻜﺎﻧﯩﺖ

ﻛﯜﻱ ﻛﯜﻳﻠﻪﻳﺪﯗ ﺷﯘ ﻗﻪﺩﻩﺭ ﻟﯧﯟﻩﻥ......

 

2006.10.18

(2)

ﭘﺎﺗﺘﯩﯔ ﺗﯩﺮﻩﻥ.....ﻗﻪﻟﺒﯩﻤﺪﻩ ﺑﯩﺮ ﺩﻩﺭﺕ

ﭼﯜﺷﺘﯩﻦ ﭼﯜﺷﻜﻪ ﺳﻮﺯﯗﻟﺪﻯ ﮬﯧﺠﺮﺍﻥ.

ﻣﺎﻧﺎ ﺋﻪﻣﺪﻯ ﻳﺎﺯﻣﺎﻗﺘﯩﻤﻪﻥ ﺧﻪﺕ

ﻣﯩﺴﺮﺍﻻﺭﺩﯨﻦ ﺳﺎﻗﯩﻤﺎﻗﺘﺎ ﻗﺎﻥ.

 

ﺋﺎﻗﻘﺎﻥ ﺗﯜﻧﻠﻪﺭ....ﺳﯩﻢ-ﺳﯩﻢ ﺋﺎﻱ ﻧﯘﺭﻯ

ﻗﻪﺭﯨﺰ ﻗﯩﻼﺭ ﺷﺎﺋﯩﺮﻧﻰ ﺑﯘ ﺗﻪﻥ.

ﺳﯧﻐﯩﻨﯩﺸﻨﯩﯔ ﺋﺎﭘﺌﺎﻕ ﮔﯜﻟﻠﯩﺮﻯ

ﻟﻪﯞﻟﯩﺮﯨﯖﮕﻪ ﺳﯚﻳﯩﺪﯗ ﻗﻪﺳﺘﻪﻥ.

 

ﺗﺎﺷﺘﯩﻦ ﺗﺎﺷﻘﺎ...ﻛﯚﯕﯜﻟﻠﻪﺭ ﻳﺎﺷﻘﺎ

ﻛﯚﺯﻟﯩﺮﯨﻤﻨﻰ ﻳﻪﭖ ﻛﻪﺗﺘﻰ ﻛﯚﺯﻟﻪﺭ.

ﺋﺎﻳﺎﻝ ﻳﻮﻗﺘﯘﺭ ﺳﯧﻨﯩﯖﺪﯨﻦ ﺑﺎﺷﻘﺎ،

ﺟﯩﺮﯨﯖﻼﻳﺪﯗ ﻛﺎﺭﯞﺍﺗﺘﺎ ﺳﯚﺯﻟﻪﺭ.

 

ﺋﯩﺰﯨﯔ ﻛﻪﻟﺪﻯ...ﺳﺎﻳﻪﯓ ﻛﯚﺭﯛﻧﻤﻪﺱ

ﺑﻮﺳﯘﻏﺎﻣﺪﺍ ﻳﺎﯞﺍﻳﻰ ﺋﯩﺴﺘﻪﻙ.

ﻣﻪﻥ ﻛﻪﻳﯩﭙﻤﻪﻥ،ﻛﻪﻳﯩﭗ ﻏﻪﺭﻕ ﻣﻪﺳﺖ

ﻗﻪﻱ ﻗﯩﻠﯩﺪﯗ ﮬﯧﺠﺮﺍﻧﻨﻰ ﻳﯜﺭﻩﻙ.

 

ﮔﯘﮔﯘﻡ ﺋﺎﺭﺍ ﻳﯧﺸﯩﻨﺪﯨﯔ ﺗﯩﺘﺮﻩﭖ

ﺳﻪﺭﺧﯘﺷﻠﯘﻗﺘﺎ ﺗﯘﺭﯨﻤﻪﻥ ﻗﺎﺭﺍﭖ.

ﻛﯚﻛﺮﯨﻜﯩﯖﺪﯨﻦ ﺋﺎﭘﺌﺎﻕ ﮬﻮﺭﺋﯚﺭﻟﻪﭖ

ﻟﯧﯟﯨﯔ ﺋﯜﺯﺭﻩ ﻗﺎﻳﻨﺎﻳﺪﯗ ﺷﺎﺭﺍﭖ.

 

ﺋﯘﺯﺩﯗﻡ.. ﻣﻪﺳﺘﻠﯩﻚ ﺗﯧﯖﯩﻤﺪﺍ ﺩﻭﻟﻘﯘﻥ

ﻗﯩﺮﻏﯩﻘﯩﯖﺪﺍ ﮔﯜﻟﻠﻪﺭ ﺳﺎﻳﯩﯟﻩﻥ.

ﺗﯧﻨﯩﻢ ﺷﯘ ﺗﺎﭖ ﭼﯧﭽﯩﻠﻐﺎﻥ ﻳﺎﻟﻘﯘﻥ

ﺑﯩﺮ ﺯﯨﺦ ﻛﺎﯞﺍﭖ ﭘﯩﮋﯨﻠﺪﺍﺭ ﺗﯩﺮﻩﻥ.

 

ﻟﻪﻳﻠﻪﺭ ﺋﺎﺳﻤﺎﻥ..ﻛﯚﯕﯜﻝ ﻛﯚﻛﯜﺷﺮﻩﯓ

ﻣﯩﺴﺮﺍﻻﺭﺩﯨﻦ ﺋﺎﻗﺎﺭ ﻛﻪﻳﯩﭗ ﺗﻪﻥ.

ﻛﯚﻛﺴﯜﯓ ﺋﯜﺯﺭﻩ ﺟﯘﻻﻟﯩﻐﺎﻥ ﻣﻪﯓ-

ﺋﯩﭽﺮﻩ ﺑﯩﺰﻧﻰ ﺋﯘﻧﺘﯘﺩﻯ ﺧﻮﺗﻪﻥ.....

2006.10.19

(3)

ﭘﺎﺗﺘﯩﯔ ﺗﯩﺮﻩﻥ...ﺳﺎﻏﯘﭺ ﻛﯜﺯ ﭘﻪﺳﻠﻰ

ﺗﯩﻨﯩﻘﯩﯖﻐﺎ ﺳﯩﯖﯩﺸﻜﻪﻥ ﻣﻪﮬﻪﻝ.

ﺑﺎﺭﻣﺎﻕ ﺋﯩﺪﯨﻢ ﻳﯧﻨﯩﯖﻐﺎ ﺋﻪﺳﻠﻰ

ﺗﻮﺧﺘﺎﭖ ﻗﺎﻟﺪﯨﻢ ﻛﺎﺭﯞﯨﺘﯩﯖﺪﺍ ﺩﻩﻝ.

 

ﺋﺎﻧﺎﺭ ﻗﺎﺭﻧﻰ ﻳﯧﺮﻟﯩﺪﻯ...ﻳﯘﻟﺘﯘﺯ

ﻗﯩﺰﻏﯘﭺ ﺋﯜﻧﺪﻩ ﭼﯧﭽﯩﻠﺪﻯ ﻳﻪﺭﮔﻪ.

ﺧﻮﺗﻪﻥ ﻳﺎﻟﻐﯘﺯ..ﺋﯩﻜﻜﯩﻤﯩﺰ ﻳﺎﻟﻐﯘﺯ

ﻧﯩﻤﻪ ﺩﻩﻳﺘﯩﯔ ﺋﻪﺳﻪﺑﻰ ﺋﻪﺭﮔﻪ؟..

 

ﺗﺎﺭﺕ ﻟﯧﯟﯨﯖﻨﻰ...ﻟﻪﯞﻟﻪﺭ ﻗﺎﻥ ﻳﯘﻗﻰ

ﻛﯚﻛﺴﯜﯓ ﺋﺎﺭﺍ ﭘﻪﺭﯞﺍﺯﺩﺍ ﺟﻪﺭﻩﻥ.

ﻛﯧﻠﯩﭗ ﺗﻪﮔﺪﻯ ﺳﯚﻳﮕﯜﻧﯩﯔ ﺋﻮﻗﻰ

ﻟﯩﻜﯩﻦ ﺋﯘﺧﻼﭖ ﻳﺎﺗﯩﺴﻪﻥ ﻟﯧﯟﻩﻥ.

 

ﺋﯩﺰﻟﯩﻤﻪﺳﺴﻪﻥ...ﺋﯩﺰﻟﻪﺵ ﺑﯩﮭﺎﺟﻪﺕ

ﻣﺎﻧﺎ ﺳﯚﻳﮕﯜ..ﻣﺎﻧﺎ ﺑﯘ ﺗﯘﺭﻣﯘﺵ.

ﻳﯩﮕﯩﺮﻣﯩﺪﯨﻦ ﺋﯚﺗﺘﯜﯓ ..ﺑﯩﺘﺎﻗﻪﺕ

ﺳﯧﻨﯩﯔ ﺗﺎﻣﺎﻡ..ﻳﯩﻐﻼﺵ...ﺋﺎﮬ ﺋﯘﺭﯗﺵ..

 

ﮔﯜﻟﻠﻪﺭ ﺗﺎﻣﺎﻡ ﻗﺎﻧﺮﻩﯓ ﺋﯧﭽﯩﻠﻐﺎﻥ

ﻛﺎﺭﯞﯨﺘﯩﯖﺪﺍ ﭼﯜﺷﻠﻪﺭ ﻳﺎﻟﯩﯖﺎﭺ.

ﺋﻪﺗﯩﺮﮔﯜﻟﻨﯩﯔ ﮬﯩﺪﻯ ﭼﯧﭽﯩﻠﻐﺎﻥ

ﺋﯘﯞﯨﺴﯩﻐﺎ ﻛﯩﺮﻩﺭ ﻗﺎﺭﻟﯩﻐﺎﭺ....

 

ﺋﯘﻧﺘﯘ،ﺩﻩﺭﺳﻪﻥ..ﺋﯘﻧﺘﯘﻟﻤﺎﺱ ﻟﯩﻜﯩﻦ

ﺑﯩﺮ ﻛﯜﻧﻠﻪﺭﺩﻩ ﺧﻪﺗﺘﻪ،ﺗﯩﻠﻔﯘﻧﺪﺍ.

ﺳﻪﻥ ﺑﯩﺮ ﺋﯧﺘﯩﺰ..ﺳﻪﻥ ﻣﯘﻧﺒﻪﺕ ﺋﯧﻜﯩﻦ

ﮬﻮﺳﯘﻝ ﺑﯩﺮﻩﺭ ﯞﯗﺟﯘﺩﯗﯓ ﻗﺎﻧﺪﺍ.

 

ﻟﻪﺭﺯﺍﻥ ﺋﯜﻧﺪﻩ ﭼﺎﻳﻘﺎﻟﻐﺎﻥ ﺗﯜﻧﻠﻪﺭ

ﺳﻪﻥ-ﺳﻪﻥ ﻣﺎﯕﺎ، ﺑﯩﺮ ﻣﺎﯕﯩﻼ ﺗﻪﻥ.

ﻗﯘﻟﯩﻐﯘﻣﺪﺍ ﻗﺎﻻﺭ ﺷﯘ ﺋﯜﻧﻠﻪﺭ

ﻗﺎﻻﺭ ﻣﻪﯕﮕﯜ ﻳﯩﺮﺍﻗﺘﺎ ﺧﻮﺗﻪﻥ.....

2006.10.20

(4)

ﭘﺎﺗﺘﯩﯔ ﺗﯩﺮﻩﻥ...ﻛﯜﺯﺩﯨﻦ ﻗﺎﻳﺘﺘﯩﻢ

ﺋﻪﻳﻨﻪﻛﻠﻪﺭﮔﻪ ﺋﻪﮔﯩﺸﻪﺭ ﭼﯚﻟﻠﻪﺭ.

ﻛﯚﻛﺴﯜﻣﺪﯨﻜﻰ ﺋﻮﻗﻨﻰ ﺗﺎﺭﺗﺘﯩﻢ

ﺟﺎﺭﺍﮬﻪﺗﺘﯩﻦ ﺋﯧﭽﯩﻠﺪﻯ ﮔﯜﻟﻠﻪﺭ.

 

ﺋﺎﺳﻤﺎﻥ ﻏﯘﯞﺍ...ﻛﯚﯕﯜﻝ ﻗﯩﺰﯨﻞ ﺭﻩﯓ

ﺋﺎﭘﺘﯘﺑﯘﺳﻘﺎ ﺋﻪﮔﻪﺷﻤﻪﻛﺘﻪ ﺋﺎﻱ.

ﻛﯚﻛﺴﯜﯕﺪﯨﻜﻰ ﺋﻪﺷﯘ ﻗﯩﺰﻏﯘﭺ ﻣﻪﯓ

ﻧﯘﺭ ﭼﺎﭼﻤﺎﻗﺘﺎ ﺗﯘﻳﻐﯘﻣﻐﺎ ﺗﯩﻨﻤﺎﻱ...

 

ﺗﻮﺧﺘﺎﭖ ﻗﺎﻟﺪﻯ ﺑﻮﺳﯘﻏﺎﻣﺪﺍ ﺗﯜﻥ

ﭼﯜﺷﻜﯩﻦ،ﺋﻪﻣﺪﻯ ﻗﻮﻧﻐﯩﻦ ﻳﻮﻟﯘﯞﭼﻰ.

ﻛﯚﻛﺴﯜﻡ ﭼﯘﭼﯘﻝ...ﺋﯚﺭﻟﻪﻳﺪﯗ ﺗﯜﺗﯜﻥ

ﺋﺎﻟﻘﯩﻨﯩﻤﺪﺍ ﺑﺎﺭﻣﯩﻘﯩﯔ ﺋﯘﭼﻰ.

 

ﺋﯩﺴﺘﻪﻛﻠﻪﺭﮔﻪ ﭼﯩﻠﯩﺪﯨﯔ ﺗﻪﻛﺮﺍﺭ

ﻣﺎﻛﺎﻥ ﺑﻮﻟﺪﻯ ﺳﯘ ﺑﯩﻠﻪﻥ ﺋﺎﺗﻪﺵ.

ﻗﺎﻳﺘﺎ-ﻗﺎﻳﺘﺎ ﻳﯩﻐﻼﻳﺪﯗ ﺑﺎﮬﺎﺭ

ﻛﯚﺯﻟﯩﺮﯨﯖﺪﻩ ﭼﻮﯕﻘﯘﺭ ﺑﯩﺮ ﺋﯜﻧﺪﻩﺵ...

 

ﮔﯜﻟﻠﻪﺭ ﻳﺎﻟﻐﺎﻥ ﺋﯧﭽﯩﻠﻐﺎﻥ ﺗﺎﯕﺪﺍ

ﺋﺎﺧﯩﺮﻗﻰ ﺭﻩﺕ ﺑﺎﻗﺎﺭﺳﻪﻥ ﻗﯩﻴﺎ.

ﺋﺎﻳﯩﻐﯩﯖﺪﯨﻦ ﺗﻮﺯﻏﯩﻐﺎﻥ ﭼﺎﯕﺪﺍ

ﺳﯜﻛﯜﺕ ﺑﯩﻠﻪﻥ ﻗﺎﻟﯩﺪﯗ ﺩﯗﻧﻴﺎ...

 

ﺋﯘﺧﻼ ،ﻛﯚﯕﯜﻝ...ﮬﺎﻳﺎﺗﯩﯔ ﺑﯩﺮ ﭼﯜﺵ

ﺑﯩﺮ ﻧﺎﺧﺸﯩﻨﯩﯔ ﻗﺎﻻﺭ ﺋﺎﮬﺎﯕﻰ.

ﺳﯚﻳﯜﺷﯩﺪﯗ ﺋﯚﺯ ﺋﺎﺭﺍ ﺋﯚﺗﻤﯜﺵ،

ﺗﻮﺯﻏﯘﭖ ﺋﯩﺴﺴﯩﻖ ﻟﻪﯞﻟﻪﺭﻧﯩﯔ ﭼﯧﯖﻰ.

 

ﻟﻪﻳﻠﻪﺭ ﮔﯜﻟﻠﻪﺭ...ﻳﻪﻧﻪ ﺷﯘ ﻧﺎﺧﺸﺎ

ﻟﻪﻳﻠﻪﺭ ﮔﻮﻳﺎ ﺗﯘﻳﻐﯘﻣﺪﺍ ﺑﯘ ﺗﻪﻥ..

ﻛﻪﻟﮕﯩﻦ ﺋﻪﻣﺪﻯ ﻧﺎﺧﺸﺎﻣﻨﻰ ﺗﯩﯖﺸﺎ

ﺋﻪﻱ ﻳﯩﺮﺍﻗﺘﺎ ﻗﺎﻟﻐﺎﻥ ﻳﺎﺭ ﺧﻮﺗﻪﻥ!..