• 2010-10-20

    مۇزىكىدا ئۇخلاش - [رىسالەت مەردان شېئىرلىرى]

     

    مۇزىكىدا ئۇخلاش


    رىسالەت مەردان

     

    چەكسىز بىر دۇنيادا ياشاۋاتىمەن دەپ ئويلايمەن

    چەكسىز بىر مۇھەببەتتە كۆكلەۋىتىپ

    كەلگىن جېنىم

    كۆزلىرىڭگە بىر چۆكەي

    مېنى ئىپ كەلگەن شاماللار

    ئېپ كىتەر مەندىن غۇسسسىنى

    كۆڭۈل ئازادىلىكى نىمانداق ياخشى

    گەرچە ياشاش بولسىمۇ جاپالىق

     

    كۆك ئاسماندەك تىنىق كۆڭلۈمدە

    كۆكلەپ تۇرار سۈزۈك مۇھەببەت

    كۆكەرمەكتە ھەتتا ئىچىمدە

    جىمىپ قالغان ئارمانلىرىممۇ

     

    چەكسىز قۇملۇق ئىچىدە

    چەكسىز بىر كۆيۈم بار

    چەكسىز سۆيۈم بار

    مەن مۇزىكا ئاڭلاۋىتىپ

    مۇھەببەتنى ھېس قىلغاندا

     

    قولۇمدىكى كۆپۈك خىياللار

    ئۇچار-ئۇچار، كىتەر يىراققا

    مەن ئۇلارنى ئۇزىتىپ قويدۇم.

    كۆزۈمنى يۇمۇپ

    مۇزىكىنىڭ ئەللەيلىشىدە


    收藏到:Del.icio.us