ئابدۇكېرىم نەسىردىن مۇئەللىمنى تىخىمۇ تەپسىلىي تونۇڭ

seidiye

تېمامغا خۇش كەپسىز.مەزمۇنغا قارىتا كۆز قاراشلىرىڭىزنى يىزىشنى ئۇنۇتمىغايسىز.!!كۆرۈۋاتقىنىڭىز يانفۇن نۇسقىسى،كومپىوتىردا زىيارەت قىلسىڭىز تىخىمۇ كۆپ ئىقتىدار ۋە مۇلازىمەتتىن بەھرىمان بولىسىز.

	جۇڭگۇ بۈگۈنكى زامان گۈزەل سەنئىتىنىڭ مۇھىم ۋەكىللىرىدىن بىرى، خەلقاراغا تۇنۇلغان ئاتاقلىق رەسسام ،ئۇيغۇر خەلقىنىڭ مۇنەۋۋەر پەرزەنتى تۈۋرىكى، سەنئەت ئاسمىنىدىكى پارلاق،يېگانە بىر يۇلتۇز ئابدۇكېرىم نەسىردىن،ئۇيغۇر،1947-يىلى 2-ئايدا ئۈرۈمچىدە مەرىپەتپەرۋەر ئائىلىدە دۇنياغا كەلگەن. 1960-يىلى يەكەن ناھىيەلىك 1-ئوتتۇرا مەكتەپنى ،1963-يىلى مەركىزىي مىللەتلەر ئىنىستوتى (ھازىرقى مەركىزى مىللەتلەر ئۇنۋىرسىتىتى)سەنئەت فاكولتىتىنىڭ  گۈزەل- سەنئەت كەسپى تېخنىكومىنى،1967-يىلى مەركىزىي مىللەتلەر ئىنىستوتى  (ھازىرقى مەركىزى مىللەتلەر ئۇنۋىرسىتىتى) گۈزەل- سەنئەت فاكولتىتىنىڭ تۇلۇق كۇرسىنى،1981-يىلى مەركىزىي گۈزەل- سەنئەت ئىنىستوتى ماي بوياق رەسىم فاكولتىتىنىڭ ئاسپارانتلار سىنىپىنى پۈتتۈرگەن. ئابدۇكېرىم نەسىردىن ئىلگىرى- ئاخىرى «ئىلى گېزىتى»(1970- 1972) ،ئىلى ئوبلاسلىق كۆرگەزمىخانا(1972-1978)،شىنجاڭ رەسساملار ئاكادىمىيەسى(1981-2005)،شىنجاڭ سەنئەت ئىنىستوتى گۈزەل- سەنئەت ئىنىستوتى(2005-يىلىدىن ھازىرغىچە)قاتارلىق ئورۇنلاردا گۈزەل سەنئەت مۇھەررىرى،كەسپى ئىجادىيەتچى،كەسپى رەسسام،ئاكادىمىيە باشلىقى،ئىنىستوت مۇدىرى بۇلۇپ خىزمەت قىلغان. ئابدۇكېرىم نەسىردىن دۆلەتلىك 1-دەرىجىلىك  رەسسام ،پىروفېسسور،مەركىزى گۈزەل-سەنئەت ئىنىستوتى ،شىئەن گۈزەل سەنئەت ئىنىستوتىنىڭ ماگىستىر ئاسپارانت يىتەكچىسى بۇلۇپ،جۇڭگۇ رەسساملار جەمئىيىتىنىڭ كېڭەش ئەزاسى ،جۇڭگۇ ماي بوياق رەسىم باھالاش كومتىتىنىڭ ھەيئىتى ،شىنجاڭ ماي بوياق رەسىم ئىلمىي جەمئىيىتىنىڭ رەئىسى قاتارلىق مۇھىم ئىجتىمائىي ۋەزىپىلەرنى ئۆتىگەن . ئابدۇكېرىم نەسىردىن تەبىئەتنى ،تۇرمۇشنى قىزغىن سۈيىدىغان ئىجتىھالىق رەسسام بۇلۇش سۈپىتى بىلەن پۈتۈن ھاياتىنى ئېلىمىزنىڭ جۈملىدىن مىللىتىمىزنىڭ گۈزەل سەنئەت ئىجادىيىتى ۋە گۈزەل سەنئەت مائارىپىغا بېغىشلىغان

رەخمەت سىزگە!! سەئىدىيە گۈزەل سەنئەت تورى 支付宝: 308206035@qq.com ئېسىم: 吐尔孙江 سەئىدىيەدىكى ھەر قانداق تىجارەت ھىسابات مۇشۇ ئىسىم، نۇمۇر بىلەنلا بولىدۇ..باشقا ھەر قانداق ھىسابات ئىناۋەتسىز

seidiye

	ئابدۇكېرىم نەسىردىن ئۆزىنىڭ سەنئەت ھاياتىدا  «مەشرەپ»،«قۇمۇل مەشرىپى»،«دولان مەشرىپى»،«مۇڭ»،«كېرىيەلىكلەر»،«ئانا»،«شاتگۈل»،«تەڭرىتاغدىكى باھار»(تام رەسىم)،«مىللەتلەر ئىتتىپاقلىقى ياشىسۇن»(مەركەزدىن  شىنجاڭ ئۇيغۇر ئاپتونۇم رايۇنىمىزغا تەقدىم قىلىنغان ‹ئىتتىپاقلىق داڭقى›ناملىق چوڭ تىپتىكى قاپارتما ھەيكەل)،«تىنچلىق كەپتىرى»،«يۈسۈپ خاس ھاجىپ»،«ۋارىسلىق . ماسلىق : كۈسەن ئۇسۇلى ۋە دولان مەشرىپى»،«تەكلىماكاندىكى قۇم بوران . يېشىل يېمەكلىك – قېتىق»(ھاياتىنىڭ ئاخىرقى مەزگىللىرىدە سىزغان)قاتارلىق يۈزلىگەن نادىر گۈزەل سەنئەت ئەسەرلىرىنى ئىجاد قىلغان . «ئابدۇكېرىم » قاتارلىق توپلاملىرىنى نەشىر قىلدۇرغان . ئۆزى بىر قوللۇق پىلانلاپ تۈزگەن توپلام-كىتابلاردىن «جۇڭگۇ شىنجاڭ مەكىت دېھقانلىرى رەسىم توپلىمى»،«شىنجاڭنىڭ 100 داڭلىق سەنئەتكارى »(CD  پىلاستىنكا توپلىمى)،«شىنجاڭ رەسساملار ئاكاددىمىيەسى ئەسەرلىرى توپلىمى»،«ئۈمۈد يۇلتۇزى:شىنجاڭ ياش -–ئۆسمۈرلەر گۈزەل سەنئەت ئەسەرلىرى توپلىمى»،«3-نۆۋەتلىك جۇڭگۇ ماي بوياق رەسىم كۆرگەزمىسى- شىنجاڭ ئەسەرلىرى توپلىمى»قاتارلىقلار بار . «مىللىيلىقىمۇ ياكى خاسلىق؟»،«ئۇيغۇر ماي بوياق رەسىم ئۇسلۇبى يارىتىش ئۈستىدە ئىزدىنىش»،«ئىجادىيەتتە ھېس قىلغانلىرىم »،«بەدەن سەنئىتى مەنتىقىسى» قاتارلىق نۇرغۇن ئېسىل ماقالىلەرنى ئېلان قىلغان . ئۇ ئىلگىرى-ئاخىرى بۇلۇپ،فىرانسىيە ،ئىتالىيە،گىرمانىيە،ئامېركا قاتارلىق كۆپلىگەن دۆلەتلەتدە ئۆگىنىش ،تەتقىقات،تەجىربە ئالماشتۇرۇش پائالىيەتلىرىدە بولغان.ھازىرغىچە ئۈرۈمچى،بېيجىڭ،شىياڭگاڭ،ئالمۇتا،بېشكەك،بولونىيە،پارىژ قاتارلىق شەھەرلەردە شەخسى رەسىم كۆرگەزمىسىنى ئۆتكۈزگەن(نۇرغۇن قېتىملىق كوللىكتىپ كۆرگەزمىلەر بۇنىڭ سىرتىدا).«ۋارىسلىق . ماسلىق : كۈسەن ئۇسۇلى ۋە دولان مەشرىپى » قاتارلىق بىر تۈركۈم ئەسەرلىرى جۇڭگۇ گۈزەل سەنئەت سارىيى ،ئىتالىيە  بولونىيە سەنئەت ئىنىستوتى قاتارلىق داڭلىق گۈزەل سەنئەت سارىيى ۋە موزىيلاردا مەڭگۈلۈك ساقلاشقا ئېلىپ قېلىنغان .

seidiye

	ئابدۇكېرىم نەسىردىن يېتۈك رەسسام ،نۇپۇزلۇق گۈزەل سەنئەت مائارىپچىسى بۇلۇپلا قالماي،دىيارىمىز ،ھەتتا ئېلىمىز گۈزەل سەنئەت ساھەسىدىكى ئابرويلۇق گۈزەل سەنئەت تەشكىلاتچىسى ۋە پائالىيەتچىسىدۇر . ئۇ كۆپ يىللاردىن بۇيان،ئاپتونۇم رايۇنىمىزنىڭلا ئەمەس،ئېلىمىزنىڭ گۈزەل سەنئەت ساھەسىدىكى مۇھىم پائالىيەتلىرىنى تەشكىللەش ۋە يېتەكچىلىك قىلىش،ئىلمىي گۈزەل سەنئەت ساھەسىدىن ھالقىپ،پۈتكۈل مەدەنىيەت ساھەسىگە قەدەر مەنپەئەتلىك تەسىر كۆرسەتكەن. ئابدۇكېرىم نەسىردىننىڭ تەرجىمھالى ۋە ئەسەرلىرى «جۇڭگۇ گۈزەل سەنئەت ئېنسىكلوپىدىيەسى»،«20-ئەسىر جۇڭگۇ ماي بوياق رەسىملىرى توپلىمى»،«جۇڭگۇ ھازىرقى زامان ماي بوياق رەسىم سەنئىتى»،«دۇنيادىكى مەشھۇر شەخىسلەر قامۇسى» قاتارلىق نوپۇزلۇق كىتابلارغا كىرگۈزۈلگەن . ئابدۇكېرىم نەسىردىن 1990-يىللاردىن بۇيان «گوۋۇيۈەننىڭ ئالاھىدە تەمىناتىدىن بەھرىمەن بولىدىغان مۇتەخخەسىس» شەرىپىگە مۇيەسسەر بولغان بۇلۇپ ،يەنە 2005-يىلى ب د ت پەن- مائارىپ- مەدەنىيەت تەشكىلاتى مۇتەخەسىسلەر ئۆمىكىگە تەكلىپ قىلىنغان ھەمدە شۇ يىلى  ب د ت پەن- مائارىپ- مەدەنىيەت تەشكىلاتى تەرىپىدىن باھالانغان «دۇنيادىكى 100 مەشھۇر مۇتەخەسىس» كە بېرىلىدىغان تۇنجى تۈركۈمدىكى ئالاھىدە تۆھپە مۇكاپاتى- «ئالتۇن ئوردېن» مۇكاپاتىغا سازاۋەر بولغان. ئەسەرلىرى خەلقئارا ۋە دۆلەت ئىچىدە نۇرغۇن قېتىم «ئالاھىدە مۇكاپات»،«تام رەسىم كاتتا مۇكاپاتى»،«مىس مىدال مۇكاپاتى» ۋە ئاپتونۇم رايۇن بۇيىچە 1-،2- دەرىجىلىك رەسىم مۇكاپاتلىرىغا نائىل بولغان. ئابدۇكېرىم نەسىردىن ئېلىمىزنىڭ،جۈملىدىن دىيارىمىزنىڭ گۈزەل سەنئەت مائارىپىدىمۇ شانلىق ئىزلارنى قالدۇرغان بۇلۇپ،يۈزلىگەن قابىل ئىزباسار رەسساملارنى تەربىيلەپ يىتىشتۈرگەن . دىيارىمىزنىڭ بۈگۈنكى زامان گۈزەل سەنئەت ئىجادىيىتى ۋە مائارىپىدا تايانچ كۈچ بۇلۇپ خىزمەت قىلۋاتقانلارنىڭ كۆپ قىسىمى ئۇنىڭ بىۋاستە ۋە ۋاستىلىك تەربىيەلىگەن شاگىرتلىرى ھېساپلىنىدۇ. ئابدۇكېرىم يۇقىرىقىدەك تۆھپە-ئۇتۇقلىرى بىلەن ئۇيغۇر گۈزەل سەنئەت ساھەسىدىلا ئەمەس،جۇڭگۇ،ھەتتا دۇنيا گۈزەل سەنئەت ساھەسىدىمۇ مۇناسىپ ئورۇن تۇتىدىغان،يىقىلماس ئابىدە تىكلىگەن مەشھۇر رەسساملارنىڭ بىرى .

seidiye