مېنى يىغلىغىلى قويۇڭلار!

پۈتۈن ئاۋازىمنى قويىۋېتىپ ، ۋارقىراپ يىغلىغۇم كېلىۋاتىدۇ . يۈرۈكۈمگە ئورناپ كەتكەن ئازاپ، قىسىلىش، بىچارىلىك، مەھكۇملۇق، جۈرئەتسىزلىك دېگەندەك ئەخلەتلەر چىقىپ كەتكۈچە ، راسا بىر يىغلىسام دەيمەن . ئەپسۇس، تولىمۇ ئەپسۇسكى ھازىر ئۇنداق يىغلېۋالىدىغانغا ، خالىيراق بىرەر جاينى تاپالمايۋاتىمەن .
ھەممە جاي ئادەملەر بىلەن تولۇپ كېتىپتۇ، شەھەر - يىزا ، تاغ - باغ ، ھەتتا چۆل - جەزېرە ، جاڭگاللاردىمۇ ، ئىشقىلىپ ئادەم يوق يەر يوقتەلا. مېنىڭ شۇنداق ئادەم يوق يەردە يىغلىۋالغۇم كېلىدۇ، چۈنكى ئادەملەر پىتنەخور كېلىدۇ. ھەممە ئادەم كۈلۈۋاتسا نىمەڭگە - نېمەڭ يەتمەي يىغلاۋاتىسەن . دەپ بىشىمغا قالپاق تەڭلەيدۇ . قانداق قىلىشىم كېرەك؟
خىلى كۈندىن بىرى ، مەن كىم ؟قانداق ئادەم ؟ دۇنياغا نىمە دەپ كەلدىم ؟ قانداق ياشىشىم كېرەك ئىدى ، قانداق ياشاۋاتىمەن؟ نىمە ئىش قىلىشىم كىرەك ؟  دېگەندەك سۇئاللارغا جاۋاپ ئىزدەپ ، يارىماسلىغىمغا ئۆكۈنىپ قاتتىق يىغلىغىم كېلىۋاتىدۇ .
      جاھاننى ئويۇن-تاماششاھ، كەيپى-ساپا قاپلاپ كەتتى . قايانغا قارىساڭ شۇ ھايۋاننىڭ ساڭرى ........ جىنسىيەت ئەركىلىكىمۇ ئۇچچىغا چىقاي دېدى، يوللاردا ماڭغىلى ، دەرىزەڭدىن تالاغا قاراپ ئولتۇرغىلى ، كېچىلىرى سەيلە قىلغاچ ، ساپ ھاۋايېگىلىمۇ بولمايدۇ . تىلىۋۇزۇرلارنىغۇ ئەسلا كۆرگىلى بولمايدۇ . ھەممە بۇزۇقچىلىقنىڭ ئىمكانى كەڭرى. ئوينايدىغانلار ، بۇزۇپ - چاچالايدىغانلار ئەجدادى ، نەسەبىنى ئۇنتۇپ ، مىللى ۋە دىننى ئىتىقادىنى تاشلاپ ، ياشايدىغانلارنىڭ ھوشقى ئالېچۇ ، ھارام نېمە؟ ھالال نېمە ئايرىماي، شەيتاننىڭ دېپىغا دېۋەڭلەرچە ئۇسۇل ئوينايدىغالار مەدىنىيەتلىك دېيىلدى .  پاك ئىسلامى ئېتقادى، مىللى غۇرۇرى، ھەقىقى ئىنسانىيلىق خىسلىتى بىلەن ياشاۋاتقانلار پۇچقاق بوپ قىلىۋاتىدۇ. شۇڭا ھۆركىرەپ يىغلىغۇم، غەزەپ بىلەن نەرە تارتقۇم كېلىۋاتىدۇ.
بىراق ئۇنداق قىلالمايۋاتىمەن ، چۈنكى ئاشۇنداقلارنىڭ نەزىرىدە مەندەك ئادەم  ساراڭ، كاللىسىدىن ئاداشقان، مەتو سانېلىپ قالدى. ئەگەر يىغاپلا سالسام ئۇلار مېنى تېخىمۇ ئوسال ئەھۋالغا چۈشۈرۈپ قويۇشى تۇرغان گەپ. مەن بۇ ھەر خىل قاتار چاي، تۇغۇلغا كۈن ئولتۇرۇشى، ئەر - ئاياللارنىڭ رەڭلىك ئولتۇرۇشى، ئۈلپەتلەر ئولتۇرۇشى ، خوشنىلارنىڭ غەيۋەت ئولتۇرۇشى دېگەدەك زامانىۋىي ، سەر خىل نومۇرلارغا ئارتىس بولۇپ قاتناشالمىدىم ھەم قاتناشقىممۇ يوق . چۈنكى، ئاشۇنداق سورۇنلارنىڭ رېژىسور مەندەك ئادەملەرنى شاللىۋەتتى . شۇڭا ئۇنداق قاتاردىن قالغانلىقىمغا سۆيۈنۈپ  ، قانغۇدەك ھوزۇر بىلەن بىر يىغلىغۇم كېلىۋاتىدۇ.
       ئامال قانچە مەن ھالال بىلەن ھارامنى ئايرىپ يەيدىغان ، ئايرىپ قارايدىغان بوپ قاپتىمەن . شۇڭا، بىر ئۇچۇم نوچىلار مېنى < ياشاشنى بىلمەيدۇ>ھاياتنىڭ پەيزىنى سۈرەلمەيدۇ<كونىچە قاراشتا > ئىدىيىسى ئازات بولمىغان <مۇتەئەسسىپ >  دەۋېلىشتى. شۇڭا، نوچىلار بىلەن سورۇن تالىشالمايدىغانلىقىمغا ، شۇنداق ھوزۇرلىنىپ يىغلىۋالغۇم كېلىۋاتىدۇ.
ئويلاپ قالدىم، پۇخرا بولۇپ ياشاي دىسەم ، قەدەمدە بىر بوزەك بولاۋاتقان ، خورلىنىۋاتقان ، ئىسيان قىلىپ بىر نىمە دەي دىسەم ، ئىككى پۇتۇمغا بىر خەينى تەڭلەۋاتقان ، ھېچ كىمگە يېلىنمەي ياشاي دىسەڭ ، ئىشلىرىڭ يۈرۈشمەي ، خەق سېنى  تايىنى يوق ئادەم بولدى جۇمۇ <قولىدىن ئىش كەلمەيدىغان >دەۋاتقان . مانا ئەمسە دەپ ، ئەمەل تۇتاي دېسەم، خەقلەرنىڭ نەزىرىدىكى ئاشۇ تەخسېكەشلىك ، خوشامەتچىلىك ، ئىككى يۈلىمىلىك قىلالايدىغان «تالانت» مەندە يوق .
چۈنكى ئاللاھ قېنىمدا نەزىرى ئۈستۈنلۈك، راستچىللىق ، ئىززىتىنى ساقلاش غۇرۇرىنى باشقىلارغا قارىغاندا ماڭا كۆپرەك بىرىپمىتىكى ، ئىشلىقىلىپ جان باقتىلىقنى دەپ ۋىجدان - ئىمانىنى يوقىتىپ، ئىرادىسىگە خىلاپ ئىشلارنى قىلىدىغان مىجەز - خاراكتېرنى ، خېلى ئىزدەپ باقساممۇ مەندە تېپىلماي قالدى .
كۆنگەن خۇي دەڭلا ، مەن شۇ بىرسى خاتا گەپ قىلسا خاتا گەپ قىلدىڭىز دەيدىغان ، يامان ئىش قىلغاننى كۆرسەم كايىپ كېتىدىغان ، ناھەقچىلىك، تەڭسىزلىك، رەزىللىكلەرگە قارشى تاياق يەپ كەتسەممۇ يانمايدىغان ئادەمكەنمەن . شۇڭا، بىر ئۇچۇم ماڭقۇرتلار مېنى < بىلەرمەن >،<چىپىلغاق > ، <ھاكاۋۇر> < كشى بىلەن چىقىشىشنى بىلمەيدى ، < پەيلى يامان > سىڭگەن نېنىنى يىمەيدىغان <ھاماقەت > دەپ ، مېنى كەمسىتىش بىلەن ئاۋارە . شۇڭا ، ئاشۇنچىلا ھاقارەتكە لايىق بولالىغانلىقىمدىن خۇشال بولۇپ ، تازا بىر قانغۇدەك يىغلىۋالغۇم كېلىۋاتىدۇ.
ھازىر ۋاپادارلىق، ئەقىدە، مېھرىبانلىق، راستچىلىق، چىن يۈرەكتىن چىققان مۇھەببەت - نەپرەت ، مۇشۇ جاھانغا دۈشمەن بولۇپ قېلىۋاتىدۇ. شۇڭا، ئۆزۈمدە تەبىئىي بار بولغان ئاشۇ خسلەتلەردىن سۈيۈنۈپ ،ئەڭ يېقىن ئادىمىمنى چىڭ قۇچاغلاپ تۇرۇپ ، تازا تاتلىق بىر يىغلىغۇم كېلىۋاتىدۇ.
بۇنداق دېسەم مېنى بۇ يىغلاڭغۇ ، جاھاندا ياشاشتىن بىزار بولغان ئوخشايدۇ دەپ ئويلاپ قالماڭلار .......!  مەن ياشايمەن ...! ئەمما باشقىلار كۈلگەنگە مەن كۈلەلمىگەندىن كېيىن مانا مۇشۇنداق ئاللاھ قا زوق شوخ بىلەن شۈكرى قىلغان ھالدا ، يىغلاپ ياشاپ باقايمىكىن دەيمەن . شۇڭا يىغلىسام مەن بىلەن كارىڭلار بولمىسۇن ..! شۇنداق، ئەزىز ئۇيغۇرۇم مېنى تاتلىققىنە يىغلاپ بىر ياشىغىلى قويۇڭلار ......!


مەنبە: ئىسلام مۇنبىرى.